ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دا خویاکرن: کو سوبەهی پشکنینا چاڤان بۆ وەلاتیان دێ یا بێ بەرامبەر بیت.
ناڤهاتی زێدەتر گۆت: سوبەهی سێشەمبی 25.9.2018 و ب ھەلکەفتا بورینا سالەکێ ل سەر ئەنجامدانا ریفراندۆما سەربەخۆیا هەرێما کوردستانێ لیژنا پشکنینا چاڤان ل دۆمیز بۆ ھەموو وەلاتیان دێ یا بێ بەرامبەر بیت و ئەڤ بریارە ھاتیە دان ژ ئالیێ رێڤەبەریا رێڤەبەریێن لێژنێن پشکنینا پزیشکی ل پارێزگەها دھۆکێ و وەکو رێزگرتنەک بۆ ڤێ رۆژا پیرۆز.
ئه‌ڤرۆ نيوز، نيوار محه‌مه‌د سه‌ليم:
سه‌رۆكێ جڤاتا پارێزگه‌ها دهۆكێ راگه‌هاند كو ژ ئه‌ڤرۆ جڤاتێن پارێزگه‌هان كه‌فتنه د ڤالاتيا قانوونى دا و نه‌شێن چو بڕياران ده‌ربكه‌ن و دا زانين كو دێ چاڤه‌رێ په‌رله‌مانى يان جڤاتا وه‌زيران كه‌ن، بڕياره‌كێ ل دۆر چاره‌نڤيسێ جڤاتا ده‌ربكه‌ن.
فه‌هيم عه‌بدولا حه‌مۆ، سه‌رۆكێ جڤاتا پارێزگه‌ها دهۆكێ بۆ ئه‌ڤرۆ نيوز گۆت: “وه‌كو يا پێشبينى كرى، ئه‌ڤرۆ جڤاتێن پارێزگه‌هان كه‌فتنه د ڤالاتيا قانوونى دا”.
زێده‌تر گۆت: “يا دروست ئه‌و بوو كو هه‌لبژارتنێن جڤاتێن پارێزگه‌هان ژى ل گه‌ل په‌رله‌مانێ كوردستانێ هاتبانه كرن دا كو ژ ڤێ ئاريشێ ب دووماهى هاتبان”.
سه‌رۆكێ جڤاتا پارێزگه‌ها دهۆكێ ئاشكه‌را ژى كر هه‌كه شيان ل گه‌ل هه‌لبژارتنێن جڤاتێن پارێزگه‌هان ل عيراقێ ئه‌نجام بده‌ن دێ تشته‌كێ باش بيت، به‌لێ هه‌كه نه دبيت بچنه بهارا سالا بهێت و گۆت: “يا دروست ئه‌و بوو ل گه‌ل هه‌لبژارتنێن په‌رله‌مانێ كوردستانێ هاتبانه كرن چونكو ب راستى ژى خه‌لك ب ڤان هه‌لبژارتنان ڤه وه‌ستيان”.
ب گۆره‌يى قانوونێ چار سال و سێ هه‌يڤ ب سه‌ر ماوێ قانوونى يێ جڤاتێن پارێزگه‌هان ڤه بۆرين و ئێدى كه‌فتنه ڤالاتيا قانوونى و هه‌ر وه‌كو فه‌هيم عه‌بدولا حه‌مۆ دايه دياركرن ئێدى جڤاتێن پارێزگه‌هان نه‌شێن چو بڕياران ده‌ربكه‌ن.
خۆيا ژى كر كو ئه‌و پێشبينى دكه‌ت پشتى هه‌لبژارتنان بڕياره‌ك بۆ درێژكرنا ماوێ جڤاتێن پارێزگه‌هان بهێته ده‌ركرن ژ به‌ر كو نها هه‌موو لايه‌ن مژوولى هه‌لبژارتنانه.
ئه‌ڤرو سپێدێ 24-9-2018 ب چاڤدێریا فه‌رهاد ئه‌مین ئه‌تروشی پارێزگه‌رێ دهوكێ وب ئاماده‌بونا ژماره‌كا رێڤه‌به‌رێن فه‌رمانگه‌هێن میری ئاڤاهیێ نوو یێ رێڤه‌به‌ریا نه‌خشه‌دانانا ئاڤه‌دانی ل پارێزگه‌ها دهوكێ هاته ڤه‌كرن .
پاش گه‌ریانه‌ك ل ناڤ ئاڤاهی كر وژنێزیك هایداری ره‌وشا ئاڤاهی بوو.
پاش ل هولا رێڤه‌به‌ریێ ، سه‌رپه‌رشتێ ئه‌لكترونیكرنا نه‌خشه‌یان ب تێر وته‌سه‌لی پلان ونه‌خشه‌یێن ئاڤاهی وجهێن گشتی یێن باژێرێ دهوكێ یێن هاتینه ئه‌لكتورنیكرن بو به‌رهه‌ڤبویا به‌رچاڤكرن.
پارێزگه‌رێ دهوكێ سوپاسیا حكومه‌تا هه‌رێمێ و وه‌زاره‌تا دارایی كر كو پشته‌ڤانیا دارایی ته‌رخانكریه بو تومامكرنا ئاڤاهیێ ناڤبری و ته‌كه‌زكر كو دناڤا ئاڤاهیێ نوو دا فه‌رمانگه‌ها نه‌خشه دانانا ئاڤه‌دانی دێ شێت باشتر وبله‌زتر خزمه‌تا وه‌لاتیێن پارێزگه‌هێ كه‌ت وده‌ست خوشی ل هه‌موو لایه‌كی كر یێن بوینه هاریكار بو بجهكرنا پروژه‌ی.
هه‌ژی گوتنێ یه روبه‌رێ گشتی یێ پروژه‌ی 4500مترێن دووجاركینه وروبه‌رێ ئاڤاهی بخو (1200) مترێن دووجاركیه ژسێ نهوما پێك دهێت و25ژور وهول وجهێن خزمه‌تكاری بخوڤه دگریت پروژه بكوژمێ دووملیار وچارسه‌د وچل وحه‌فت ملیون دینارا ل سه‌ر بودجا حكومه‌تا كوردستانێ هاتیه بجهكرن.
ئه‌ڤرۆ نيوز:
سه‌ردار عه‌بدولا، به‌ربژارێ سه‌ربه‌خۆ يێ سه‌رۆكاتيا كۆمارا عيراقێ د كۆنگره‌كێ رۆژنامه‌ڤانى دا راگه‌هاند، پۆستێ سه‌رۆك كۆمار پۆسته‌كێ گرنگه و دشيان دايه هه‌ڤسه‌نگى د ناڤبه‌را پێكهاته و لايه‌نان دا بهێته راگرتن.
سه‌ردار عه‌بدولا گۆتژى: “داخوازێ ژ لايه‌نان دكه‌م ل سه‌ر به‌ربژاره‌كى بۆ پۆستێ سه‌رۆك كۆمارێ عيراقێ رێك بكه‌ڤن”.
ئاماژه ب وێ چه‌ندێ ژى كر كو ده‌ستپێشخه‌ريه‌ك هه‌يه بۆ چاره‌كرنا پرسا به‌ربژاركرنا كه‌سه‌كى بۆ پۆستێ سه‌رۆك كۆماريا عيراقێ و پێشكێشى لايه‌نێن كوردستانى كه‌ت.
ئەڤرۆ نیوز:
وەزارەتا ژ دەرڤە یا ئەمریکا ئەڤرۆ رۆژا دوشەمبی بەلاڤکر کو مایک پۆمپۆ، وەزیرێ ژ دەرڤە یێ ئەمریکا و نێچیرڤان بارزانی، سەرۆک وەزیرێن ھەرێما کوردستانێ، دوھی رۆژا ئێکشەمبی پەیوەندیەکا تلەفۆنی ئەنجام دا.
ھێزەر ناوێرت، ئاخفتنکەرێ بناڤێ وەزارەتا ژ دەرڤە یا ئەمریکا د راگەھاندنەکێ دا راگەھاند، مایک پۆمیپۆ، وەزیرێ ژ دەرڤە یێ ئەمریکا و نێچیرڤان بارزانی، سەرۆکێ حوکمەتا ھەرێما کوردستانێ دانوستاندن ل دۆر ب ھێزکرنا ھاریکاریا ئاسایشێ و ئابووری د ناڤبەرا حوکمەتا ھەرێمێ و حوکمەتا عیراقێ دا کریە.
ناوێرت دبێژیت: “پۆمپیۆ بارزانی و ھەموو سەرکردێن عیراقێ ھانداینە کو بەردەوام بن ل سەر بەر ب پێشڤەچوونا پێکئینانا حوکمەتا نوو یا عیراقێ، ب گۆرەیی ئەوی ماوەیێ دستوورێ عیراقێ دیارکری”.
ئه‌ڤرۆ نيوز:
نێچيرڤان بارزانى، سه‌رۆكێ حوكمه‌تا هه‌رێما كوردستانێ ئيمزا ل سه‌ر ده‌ست ب كاربوونا ئازاد ته‌وفيق وه‌كو پارێزگارێ نوو يێ هه‌له‌بچه كر.
پارێزگارێ نوو يێ هه‌له‌بچه ل سه‌ر پشكا ئێكه‌تيێ ئاشكه‌را كر كو پشتى ده‌ست ب كاربوونا وى وه‌كو پارێزگارێ هه‌له‌بچه دێ بزاڤێ كه‌ن كاره‌كێ باش ب گه‌ل حوكمه‌تا عيراقێ بكه‌ن دا كو هنده‌ك ژ فه‌رمانگه‌هێن ميرى يێن فيدرال ل وێ پارێزگه‌هێ ب دانن.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 24ى ئيلۆنا 2018ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:3
| 100 دولارێ ئه‌مريكى | 120.800 دينار |
| 100 يۆرۆيێ ئه‌ورۆپى | 140.100 دينار |
| 100 ليرێ توركى | 19.500 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 24ى ئيلۆنا 2018ێ بهايێ زێر و زيڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 گرام زێرێ (ع) 18 | 36000 |
| 1 گرام زێرێ (ع) 21 | 42500 |
| 1 گرام زێرێ (ع) 22 | 44500 |
| 1 گرام زيڤ | 3000 |
ئه‌ڤرۆ نيوز:
پشكا دويێ يا زێده‌كرنا باجێ ل سه‌ر چه‌ند كه‌لوپه‌لێن چينى ژ لايێ ئه‌مريكا ڤه كه‌فته وارێ بجهئينانێ و ژ ئه‌گه‌رێ وێ چه‌ندێ شه‌رێ ئابوورى يێ وان دو وه‌لاتێن ب هێزێن جيهانێ چوو قووناغه‌كا نوو.
وه‌لاتێن ئێكگرتى يێ، ئه‌مريكا ب بهايێ 200 مليار دۆلاران باج بۆ چه‌ند به‌رهه‌مێن هاورده‌كرى يێن چينى زێده‌كر ب به‌هانه‌يا وێ چه‌ندێ كو دا مامه‌له وه‌كهه‌ڤ بيت ل گه‌ل چينێ.
ب گۆره‌يى نووچه‌كێ بى بى سى چينێ ژى ب بهايێ 60 مليار دۆلاران باج بۆ سه‌ر چه‌ند كه‌لوپه‌لێن ئه‌مريكى زێده كريه و دبێژيت: “ئه‌مريكا مه‌زنترين شه‌رێ ئابوورى د مێژوويێ ل دژى چينێ راگه‌هاند”.
نيشاندان