ئەڤرۆ نیوز:
راھێنەرێ یانا قوە جەویە یا عیراقی باسم قاسم ھاتە ھەلبژارتن ئێک ژ سێ باشترین راھێنەر ل سەر ئاستێ کیشوەرێ ئاسیا پشتی ناسناڤێ قارەمانیا ئێکەتیا ئاسیا دگەل یانا خوە دەستڤە ئینای ل ڤی وەرزی.
د ڤی دەربارەی دا ئێکەتیا تەپا پێ یا ئاسیا ب رێکا مالپەرێ خوە ناڤێ ھەرسێ باشترین راھێنەر ل سەر ئاستێ کیشوەری ئاشکرا کرن بۆ ئاھنگا خەلاتکرنا وان ئەوا بریارە ل ٢٩ ڤێ ھەیڤێ ل باژێرێ کوالالامپور یێ مالیزی بھێنە بەلاڤ کرن و تێدا ناڤێ راھێنەرێ بەرێ یێ یانا دھۆک و نوکە یێ یانا جەویە باسم قاسم ژی ھاتە دیارکرن وەک ئێک ژ باشترین راھێنەر ژبەرکو ل ڤی وەرزی ناسناڤێ قارەمانیا ئێکەتیا ئاسیا دەستخوە ڤە ئینابوو ئەوا بەری ماوەکی ل باژێرێ بەسرا یاریا دووماھیێ ھاتیە کرن.
ئەڤرۆ نیوز:
دووڤ بریارا جڤاتا وەزیران و ئاماژە ب فەرمانێن وەزارەتا ساخلەمیێ و سەندیکا دەرمانسازێن کوردستانێ، نابیت ب چو رەنگەکی دەرمان بو کلینیکان بھێنە فرۆتن.
د.نوژدار سەلاحەدین، سەرۆکێ لقێ دھۆک یێ سەندیکا دەرمانسازێن کوردستانێ بو ئەڤرۆ نیوز دیارکر کو بڕیار ھەر ژ نوکە کەتیە وارێ بجھئینانێ و گۆت: ب چو رەنگەکی نابیت دەرمان ل کلینێکێن کارمەندێن ساخلەمیێ بھێنە فرۆتن و بۆ ڤێ چەندێ ژی ب بڕیارا سەرۆکێ جڤاتا وەزیران ھەر دەرمانگەھەکا سەرپێچیێ بکەت ب ھەیڤەکێ دێ ھێتە داخستن و ب کوژمێ ملیون دیناران دێ ھێتە سزادان.
د.نوژدار دیارکر ژی ب تنێ دەرمانگەە دشێن پێدڤیێن تیمارکاریێ بفرۆشنە کلینیکان و گۆت: دەمێ دەرمانخانەژی ب وی کاری راببن دێ ھەمان سزا ل سەر ھێنە سەپاندن.
ئه‌ڤرۆ نیوز،هه‌ژار مه‌عروف:
ئێکه‌تیا ته‌پا پێ یا ئاسیا ناڤێ سێ یاریزانان ئاشکراکرن بۆ هه‌ڤرکیێ ل سه‌ر خه‌لاتێ باشترینێ ئاسیا ل سالا ٢٠١٨.
دناڤا ئه‌وان سێ یاریزانان دا ناڤێ یاریزانه‌کێ کورد ل گه‌ل دا بوو ئه‌وژی عه‌لی رزا بییرانوند گولچیێ هه‌لبژارتیێ ئیران و یانا پێرسپولیس یا ئیرانی کو ل د ڤی وه‌رزی دا شیا ئاسته‌کێ بلند ل گه‌ل هه‌لبژارتیێ ئیران د موندیالا ٢٠١٨ ل روسیا پێشکێش بکه‌ت هه‌ردیسان سه‌رکێشیا یانا خوه کر بوو ده‌ربازبوونا وێ بۆ دووماهیا قاره‌مانیا یانێن ئاسیا.
هه‌ردیسان ناڤێ هه‌ر ئێک ژ یاریزانانێ یابانی و یانا کاشبما ئه‌نترز یاما سوزوکی کو ڤی یاریزانی ل گه‌ل یانا خوه ناسناڤێ قاره‌مانیا یانێن ئاسیا یا ته‌پا پێ بۆ وه‌رزێ ئه‌ڤ ساله ب ده‌ستخوڤه بربوو، هه‌ردیسان یاریزانێ هه‌لبژارتیێ قه‌ته‌ر و یانا سه‌د یا قه‌ته‌ری ژی عه‌بدولکه‌ریم حه‌سه‌ن ژی به‌ربژاره کو بریاره ل ٢٨ ڤێ هه‌یڤێ ل باژێرێ مه‌سقه‌ت یێ عمانی ناڤۆ باشترینێ ئاسیا بهێته دیارکرن.
ئەڤرۆ نیۆز، ھۆشەنگ:
رۆستەم جیھانگیری ئەندامێ سەرکردایەتیا پارتی دیموکراتی کوردستان/ ئیران بۆ ئەڤرۆ نیۆز دیار کر کو د بەرنامێ پارتیا مە دا سیستەمێ فیدرالی بۆ ئیرانێ ھەیە کو تێدا مافێن گەلێ کورد ژی پاراستی بن و سێ رۆژان بەری نھا ژی ١٠ پارتێن ئۆپۆزسیۆنا ئیرانی کو ٤ ژ وان پارتێن کوردی نە داخۆیانیەکا ھەڤپشک ل دۆر پاشەرۆژا ئیرانێ بەلاڤ کرن و گۆت: (٤ پارتێن کوردی و ٦ پارتێن دی ژی کو نوونەراتیا نەتەوێن دی یێن ئیرانێ دکەن داخواز دکەن کو د سیستەمەکێ فیدرالی دا پرسا کوردی و پرسا نەتەوێن دی ل ئیرانێ بھێتە چارەکرن).
ئەندامێ سەرکردایەتیا پارتی دیموکراتی کوردستان/ ئیران ئەو یەک ژی دیار کر کو بەری نھا رێکخراوا موجاھدێن خەلک ژی پشتەڤانی ل مافێن گەلێ کورد د سیستەمەکێ فیدرالی دا کربوو و ئەم ھێڤیدارین ھەموو ئالیێن دی یێن ئۆپۆزسیۆنێ ژی پشتەڤانیێ ل مافێن رەوا یێن گەلێ کوردستانێ ل ئیرانێ بکەن.
ئەڤرۆ نیوز:
یاریزانێ عیراقی و یانا کولومبوس یا ئەمریکی جاستن میرام ژ ئەگەرێ ھنگافتنێ دێ ژ پێکھاتیێ ھەلبژارتیێ عیراقێ یێ تەپا پێ دوورکەڤیت ژ قارەمانیا کاسا ئاسیا و ب ڤێ چەندێ دربەک ب پلانا راھێنەرێ خوە کاتانێچ دا.
زێدەتر یاریزنێ ناڤبری ب رێکا تورا کومەلایەتی یا ئەنستگرامی دیارکر کو ئەو ژ ئەگەرێ ھنگافتنێ ئەو دێ نشتەگەریەکێ بۆ پێ خوە کەت و دێ بۆ ماوێ سێ ھەیڤان ژ یاریگەھان دوورکەڤیت و ب ڤێ چەندێ نەشێت پشکداریێ دگەل ھەلبژارتیێ عیراقێ د قارەمانیا کاسا ئاسیا دا بکەت ئەوا بریارە ل ھەیڤا کانونا دویێ یا سالا بھێت ل وەلاتێ ئیماراتێ بھێتە ئەنجامدان، نوکە راھێنەرێ ھەلبژارتیێ عیراقێ کاتانێچ نەچارە ل پێگوھۆرەکێ دی بگەریت ل خولا عیراقێ یا تەپا پێ دا بۆ قەرەبویا دوورکەفتنا جاستن میرامی.
ئه‌ڤرۆ نیوز:
یانا مانچێسته‌ر یوناید یا ئینگلیزی پێگوهورێ گولچیێ خوه یێ نوکه دی خیا یێ ئیسپانی ئاشکرا کر ئه‌وێ دێ هه‌ڤبه‌ستا وی ل دووماهیا ڤی وه‌رزی ب دووماهیی هێت.
روژناما زه‌سه‌ن دیارکریه یانا مان یوناید و دی خیا هه‌تا نوکه نه گه‌هشتی نه رێکه‌فتنێ ل سه‌ر نووکرنا هه‌ڤبه‌ستا وى و دبیت ب رێژه‌کا هه‌ره مه‌زن ناڤبرى پێکهاتیێ مان یوناید بجهـ بهێلت و هه‌ر ژبه‌ر ڤێ چه‌ندێ یانا ناڤبری هه‌ر زیکا لێگه‌ریانا پێگوهوره‌کی کریه .
وێ روژنامێ ئاشکرا کریه ژی ئیدارا مانچێسته‌ر یوناید جوردان بيكفورد گولچیێ ئیڤه‌رتون وه‌کو پێگوهوری دی خیا ده‌ست نیشانكریه هه‌که د نووکرنا هه‌ڤبه‌ستا دی خیایی دا ب سه‌رنه‌که‌ڤتن .
هه‌ژی گوتنێ یه بیکفورد يى ٢٤ سالى نوکه دهێته هژمارتن ئێک ژ باشترین گولچیێن ئینگلیزی و گولچیێ سه‌ره‌کی یێ هه‌لبژارتیێ ئنگلته‌را.
ئەڤرۆ نیوز:
ستێرا ئەرژەنتینی و یانا بەرشەلونە حەز دکەت یانا وی زوو ژ ڤی بارودوخێ ئەنجامێن خراب دوورکەڤیت تایبەت پشتی توشی خوسارەتیێ بوین ل سەر دەستێ یانا ریال بتیس ل حەفتیا بوری بۆ ڤێ مەرەمێ ژی خواست یانا وی ھەڤبەستا ڤان چار یاریزانا ئیمزا بکەت.
سایتێ کالچیو مێرکاتو ئاشکرا کر کو مێسی داخواز ژ دەستەیا راھێنەریا یانێ ب سەرپەرشتیا ڤالڤێردی کریە ھەڤبەستا ڤان ھەر چار یاریزانا ئیمزا بکەن پێخەمەت باشترکرنا ئاست و ئەنجامێن یانێ ل ماوێ بھێت تایبەت دەستڤەئینانا ناسناڤێ قارەمانیا ئوروپا قارەمانێن خولان ئەوا ژ سالا ٢٠١٥ وەرە ڤێ یانێ دەستخوە ڤە نە ئینایی.
ھەمان ژێدەر ئاشکرا کر کو مێسی داخوازا ئیمزاکرنا ھەڤبەستا ڤان ھەر چار یاریزانان کریە ئەو ژی.
١.جبریل سیدی بی: یاریزانێ لایێ چەپێ یێ فرەنسی و یانا موناکو یا فرەنسی و ژیێ ڤی یاریزانی ٢٦ سالە نوکە و ھەڤبەستا وی دێ ل ھاڤینا ٢٠٢٢ ب دووماھی ھێت.
٢. ماتیاس دی لیخت: یاریزانێ ھێلا بەرەڤانیا یانا ئەیاکس ئەمستردام یا ھولەندی یێ ١٩ سالی و ھەڤبەستا وی ل ھاڤینا ٢٠٢١ ب دووماھی دھێت گەل یانا ھولەندی.
٣. کریستوف بیاتیک: ھێرشبەرێ پولەندی یێ یانا جەنەوا یا ئیتالی یێ ٢٣ سالی و نوکە گۆلکارێ خولا ئیتالیا یە و ھەڤبەستا ڤی یاریزانی ل ٢٠٢٢ ب دووماھی دھێت.
٤. محەمەد سەلاح: ستێرا مسری و یانا لێڤەرپول یا ئنگلیزی ئەو ژی بویە جھێ گرنگیدانا یانا بەرشەلونە داکو چارەسەریا لایێن یانێ بکەت ل شوونا ئوسمان دیمبلێ و دبیت پێگوھۆرکانێ ناڤبەرا ڤان ھەردو یانا دا ل سەر ڤان ھەردو یاریزانان پەیدابیت ژبەرکو ھەڤبەستا ستێرا مسری ل ھاڤینا ٢٠٢٣ دێ ب دووماھی ھێت.
ئەڤرۆ نیۆز، ھۆشەنگ تاجر:
وەزیرێ دەرڤە یێ تورکیا مەولوود چاڤوش ئوگلۆ راگەھاند کو چاڤێ مە ل ئاخا سووریێ نینە و ئەم رێزێ ل سەروەریا ئاخا سووریێ دگرین، لێ ھەتا تیرۆرست ل سەر سنۆرێ مە گەفان ل مە بکەن و مەترسیێ بۆ ئاسایشا وەلاتێ مە دروست کەن دێ نەچار بین بەرگیریێ ل وەلاتێ خوە بکەین و گۆت: (مە چو ئاریشە ل گەل ئەمریکا و ئورۆپا نینن و مە گەلەک بەرژەوەندیێن ھەڤپشک ل گەل وان وەلاتان یا ھەی و ئەم نھا کار دکەین کو قۆناغەکا نوو د پەیوەندیێن مە و وەلاتێن رۆژئاڤا دا دەستپێ بکەت).
د ڤێ دەربارێ دا مستەفا ئۆزچەلیک سەرۆکێ پارتی ئازادی کوردستان ل باکور بۆ ئەڤرۆنیۆز دیار کر کو بەری نھا سەرۆک کۆمار و سەرۆک ئەرکانێ تورکیا دیار کربوون ھەتا ھەلبژارتنەکا ئازاد ل سووریێ نەھێتە کرن دێ ھێزێن وان ل سووریێ مینن، داخۆیانیا وەزیرێ دەرڤە ژی ھەر گرێدایی ھندێ یە و گۆت: (ل گۆر باوەریا من ھەتا تورکیا ل گەل ئەمریکا، روسیا و ئیرانێ ل دۆر سووریێ نەگەھیتە ھندەک رێککەفتنان دێ ھێزێن تورکیا ل سووریێ مینن و تورکیا وەسا ب ساناھی ھێزێن خوە ل سووریێ ڤەناکێشیت).
ئه‌ڤرۆ نيوز:
ستێرا تەپا پێ یا ئەرژەنتینی و گولکەرێ یانا بەرشەلونە راوەستیانا ھەڤرکیێن خولا ئسپانیا ب ئەگەرا یاریێن نێڤدەولەتی و نەبونا ناڤێ وی ل سەر داخوازیا وی دناڤا پێکھاتیێ ھەلبژارتیێ وەلاتێ وی دا ب دەلیڤە دیت ل گەل ھەڤژینا خوە ئەنتونێلا روکوزو و ھەرسێ زاروکێن خوە تیاگو، ماسیو و کیرو بچیتە دوبەی.
ئەکاوەنتێن لیونێل میسی و ھەڤژینا وی ل مالپەرێ ئەنیستگرام یێ کومەلایەتی ھژمارەکا لڤین و دەمێن وان یێ ژیانا وان ل گەل خێزانا ستێرا ئسپانی سیسک فابریگاسی و ھەڤژینا وی یا لوبنانی دانییلا سەمعان و زاروکێن وێ ھاتینە بەلاڤەکرن.
پەیوەندیێن میسی و فابرێگاسی ژ وی دەمێ یاریزان پێکڤی ل ناڤا رێزێن بەرشەلونە دەستپێکرینە و بەردەوامی پێ ھاتیە دان پشتی یێ دویێ ھاتیە ڤەگوھاستن بو چێلسی یا ئنگلیزی ژی و ھەر وەسا د ڤێ گەشتێ دا میسی چاڤ ب ھەڤالێ خوە یێ فرەنسی و ستێرا مانچستەر یونایتد یا ئنگلیزی بول بوگبای ژی کەفت ئەوێ توشی ھنگافتنێ بوی و بو بوراندنا بھێنڤەدانا خوە چویە دوبەی.
نيشاندان