ئه‌ڤرۆنيوز:
وه‌زاره‌تا به‌رگريا رووسى راگه‌هاند، ئه‌و فرۆكا له‌شكرى كو دوهى ل سووريێ دسيسته‌مێ رادارێ دا نه‌ماى، ژئه‌گه‌رێ هێرشا ئه‌سمانى يا ئيسرائيلى، ژلايێ رژێما به‌شار ئه‌سه‌د هاته ئێخستن.
ئيگۆر كۆناشينكۆف، په‌يڤدارێ وه‌زاره‌تا به‌رگريا رووسى دداخۆيانيه‌كێ دا بۆ رۆژنامه‌ڤانان ل موسكۆ گۆت” ئه‌و فرۆكا له‌شكرى ژجۆرێ il-20 بوو كو 15 سه‌رباز تێدابوون ودوهى ل سه‌ر ده‌ريا ناڤه‌راست ل سيسته‌مێ رادارێ دا نه‌مابوو وژلايێ سيسته‌مێ به‌رگريێ ئه‌سمانى S-200ی يێ له‌شكرێ سوورى هاتبوو ئێخستن”.
ئيگۆرى دياركر فرۆكا له‌شكرى يا رووسى ژ ئه‌گه‌رێ هێرشا ئه‌سمانى يا ئيسرائيلى ل سه‌ر سووريێ هاته ئيخستن وراگه‌هاند” ژ ئه‌گه‌رێ كارێ نه‌به‌رپرسيارانه 15 سه‌ربازێن رووسى گيانێ خوه ژده‌ستدا وئه‌و ره‌وشه ب چو شێوه‌كى ل گه‌ل روحا هه‌ڤپشك دناڤبه‌را رووسيا وئيسرائيل دا ئێك ناگريت”.
رۆهنكر ژى فرۆكێن ئێف-١٦ يێن ئيسرائيلى ئه‌و فرۆكا رووسى وه‌كو درعه‌ك بۆ خوه بكارئينايه كو ل ده‌مێ پێدڤى بۆ دووركه‌فتنا فرۆكا رووسى ل ده‌ڤه‌رێ ژبه‌ركو سووريا دره‌نگ سه‌باره‌ت وێ هێرشێ ئاگه‌هداركرين.
نيشاندان
