NO IORG
نووترين نووچه
Facebook

192

ئه‌ڤرۆ نیوز،هه‌ژار:

پشتی راهێنه‌رێ ئه‌رژه‌نتينی سۆلاری ژلایێ ئیدارا ریال مه‌درید وه‌کو راهێنه‌رێ به‌روه‌خت هاتیه‌ ده‌ستنیشانکرن و پشتی بورینا چار یاریان راهێنه‌رێ ناڤبری شیا باشترین ده‌ستپێک د مێژویا یانێ دا توماربکه‌ت کو ل درێژاهیا ١١٦ سالێن بوری چ راهێنه‌ر نه‌شیابوون توماربکه‌ن .

سولاری ل گه‌ل یانا ریال مه‌درید ل چار یاریێن ده‌ستپێکێ شیا چار سەرکەفتنان ل دیڤ ئێک توماربکه‌ت د خولا ئیسپانیا و جاما شاهی و چامپیۆنزلیگا ئورۆپی دا کو ١٥ گول تومارکرینه‌ و بتنێ دو گول سه‌ر هاتینه‌ تومارکرن کو د بیته‌ باشترین ده‌ستپێکه‌ک بۆ راهێنه‌ره‌کێ نوو ل گه‌ل یانا ریال مه‌درید د مێژویا یانێ دا.

1707

ئه‌ڤرۆنيوز:

مالپه‌ره‌كێ عيراقى ئه‌ڤرۆ سێشه‌مبى 13/11/2018 به‌لاڤكر كو شاندێ وه‌زاره‌تا دارايى ل هه‌رێما كوردستانێ كو ل رۆژا دوشه‌مبى سه‌ره‌دانا به‌غدا كريه، ل گه‌ل به‌رپرسێن عيراقى ل دۆر شايستێن داريى يێن هه‌رێما كوردستانێ دبودجا عيراقێ دا گه‌هشتينه‌ رێككه‌فتنێ.

مالپه‌رێ (نيونيوز) ژ زارده‌ڤێ ژێده‌ركێ كوردى به‌لاڤكر” رێككه‌فتنه‌كا ده‌ستپێكى دناڤبه‌را هه‌ردو وه‌زاره‌تێن دارايى يێن هه‌رێما كوردستانێ وعيراقێ هاتيه‌ كرن كو تێدا به‌غدا ل سه‌ر هنارتنا گۆژمێ ته‌رخانكرى يێ مووچێ مووچه‌خۆرێن هه‌رێما كوردستانێ يا به‌رده‌وام بيت”.

وى ژێده‌رى دياركر ژى كو به‌غدا سۆز دايه‌ كو مووچێ كه‌سوكارێن شه‌هيد وئه‌نفالكريان وزيندانيێن سياسى خه‌رج بكه‌ت.

184

ئەڤرۆ نیوز ، زنار تۆڤی:

ئیمانوێل ماکرۆن سه‌رۆكێ فره‌نسا دێ دو ملیۆن یۆرۆیان ژبۆ دوباره‌ ئاڤاكرنا شنگالێ ته‌رخان كه‌ت و هه‌روه‌سا دێ مافێ ئاكنجیبوونێ ل فره‌نسا ده‌ته‌ 100 كچێن ژ ده‌ست داعشێ رزگاربووین.

كۆچكا ئیلیزێ یا سه‌رۆكاتیا فره‌نسا، د به‌یانه‌كێ دا راگه‌هاندیە، کو ئیمانوێل ماكرۆن، سه‌رۆكێ فره‌نسا د كۆربه‌ندا پاریس یا ئاشتیێ دا، دو ملیۆن یۆرۆ ژبۆ سندۆقا دووباره‌ ئاڤاكرنا شنگالێ ته‌رخانكرن، ئه‌و پرۆژه‌ یێ كو نادیه‌ موراد، رزگاربوویا ده‌ستێ داعشێ و خودانا خه‌لاتێ نۆبلێ ده‌ستپێكری.

د وێ به‌یانێ ژی دا هاتیه‌: فره‌نسا دێ پشته‌ڤانیا كێم یا نه‌ته‌وێن رۆژهه‌لاتا ناڤین كه‌ت و دێ مافێ په‌نابه‌ریێ د سالا 2019 دا دەتە 100 كچێن ئێزدی یێن ژ ده‌ست داعشێ رزگاربووین.

هەروەسا دیارکریە ژی، فرەنسا دێ پشته‌ڤانیا سندۆقێن وه‌ك ڤی شێوه‌ی ژبۆ ئاڤاكرنا نه‌خۆشخانا و قوتابخانا‌ و ده‌ستەیێن ساخله‌میێ كه‌ت ژبۆ دووباره‌ ڤه‌گه‌ریانا كوردێن ئێزدی بۆ سەر دەڤەرێن وان.

297

ئەڤرۆ نیۆز، رێوار مزیری:‏

رێڤەبەرێ بازارکرنێ ل دەستەیا گەشتوگۆزارا ھەرێما کوردستانێ و سەرپەرشتی ھەلبژارتنا ‏شاھجۆانێ بۆ ئەڤرۆ نیۆز دیار کر کو ھەتا نوکە 80 کچان ناڤێن خوە بۆ پشکداریێ د ‏بەریکانا ھەلبژارتنا شاھجوانا ھەرێما کوردستانێ دا بۆ سالا 2018ێ تۆمارکرینە.‏

سیروان تەوفیق، رێڤەبەرێ بازارکرنێ ل دەستەیا گەشتوگۆزارا ھەرێما کوردستانێ و ‏سەرپەرشتی ھەلبژارتنا شاھجۆانێ ئاشکرا کر کو ھەر کچەکا حەز ھەبیت پشکداریێ د ‏بەریکانا ھەلبژارتنا شاھجوانا ھەرێما کوردستانێ دا بکەت دڤێت ژیێ وێ ژ 18 سالان کێمتر ‏نەبیت و ژ 30 سالان زێدەتر نەبیت و درێژاھیا وێ ژ 165 سەنتیمەتران کێمتر نەبیت، ‏ھەروەسا دڤێت خوەجھا ھەرێما کوردستانێ بیت و باوەرناما ئامادەیی و بلندتر ھەبیت و ‏ئاستەکێ باش یێ رەوشەنبیری ژی ھەبیت و گۆت: “ھەتا نوکە 80 کچان ناڤێن خوە بۆ ‏پشکداریێ د بەریکانا ھەلبژارتنا شاھجوانا ھەرێمێ دا تۆمارکرینە و ھەتا رۆژا ‏‏1-12-2018ێ تۆمارکرنا ناڤان ب رێیا وێب سایتێ مس كوردستان یا بەردەوام بیت و دووڤ ‏دا دێ دیدارا ھەلسەنگاندنێ ل گەل وان کچان ژ لایێ لیژنەکا بسپۆر ڤە کو ژ ئەندامێن ‏کورد و بیانی پێکدھێت ھێتە ئەنجامدان و ل رۆژا 20-12-2018ێ دێ شاھجۆن ل ‏پارێزگەھا ھەولێرێ ھێتە ھەلبژارتن”.‏

ناڤھاتی ئاماژە دا وێ چەندێ کو حوکمەتێ چو پارە بۆ بەریکانا ھەلبژارتنا شاھجوانا ‏ھەرێما کوردستانێ نەمەزاختینە، بەلکو ئەڤ بەریکانە دێ ب سپۆنسەریا کەرتێ تایبەت ڤە ‏ھێتە ئەنجامدان.‏

بۆ تۆماركرنا ناڤێن خوه‌ ڤێره‌ كليك بكه‌ن:

1348

ئه‌ڤرۆ نيوز:

كۆميتا ناڤه‌ندى يا حزبا شيوعى يا كوردستان راگه‌هاندنه‌ك ل دۆر كۆمبوونا حزبا خوه‌ به‌لاڤكر و راگه‌هاند كو ل په‌رله‌مانێ كوردستانێ بۆ چار سالێن دى ئه‌و دێ رۆلێ ئۆپۆزسيۆنێ بينن.

رۆژا دوشه‌مبى 12ى چريا ئێكێ 2018 كۆميتا ناڤه‌ندى يا حزبا شيوعى يا كوردستانێ كۆمبوونا ئاسايى يا خوه‌ ل دۆر چار سالێن داهاتى يێن په‌رله‌مانى و پشكداريكرن يان نه‌كرن ل حوكمه‌تا داهاتى يا كوردستانێ دا ئه‌نجام دا.

حزبا شيوعى ده‌رباره‌يى مه‌رج و گوهۆڕينێن سياسى ل ئاستێ ناڤخۆ و هه‌رێمايه‌تى و نێڤده‌وله‌تى و هه‌لسه‌نگاندنا پرۆسا هه‌لبژارتنا په‌رله‌مانێ كوردستانێ، چه‌ند بڕيار ده‌ركرن و د ئێك ژ وان بڕياران هاتينه‌: “بۆ چار سالێن داهاتى كۆميتا ناڤه‌ندى بڕيار دايه‌ پشكدارى كابينا نوو يا حوكمه‌تێ نه‌كه‌ن و ده‌نگى نه‌ده‌نێ، ئه‌ڤه‌ ژى ژ ئه‌گه‌رێ جوداهيا بۆچوونێن مه‌ ل دژى په‌يره‌وكرنا سياسه‌تى نيوليبراليزمى يا سه‌رمايه‌دارى و هێزێن سه‌ركه‌فتى”.

ليستا ئازادى كو نوونه‌راتيا حزبا شيوعى يا كوردستان د هه‌لبژارتنێن 30ى ئيلۆنا 2018ێ يا خۆلا پێنجێ يا په‌رله‌مانێ كوردستانێ دا دكر، ئێك كورسى ب ده‌ست ڤه‌ ئينايه‌.

72

ئه‌ڤرۆ نيوز:

رێڤه‌به‌ريا كۆمه‌لگه‌ها ده‌رگه‌هێ سنورى يێ نێڤده‌وله‌تى يێ ئيبراهيم خه‌ليل، د راگه‌هاندنه‌كێ دا، ئاشكه‌را كر كو ل چريا ئێكێ يا 2018ێ پتر ژ 160 هزار رێڤينگان ل كۆمه‌لگه‌ها ده‌رگه‌هێ سنورى يێن نێڤده‌وله‌تى ل ئيراهيم خه‌ليل هاتنوچوون كريه‌.

د وێ راگه‌هاندنێ ئاشكه‌را ژى كر كو ل دووڤ راپۆرتا نڤيسينگه‌ها ئاكنجيبوون و پاسپۆرتا ل ئيبراهيم خه‌ليل 160 هزار و 161 رێڤينگان ل ده‌رگه‌هێ ئيبراهيم خه‌ليل هاتنوچوون كريه‌. ل دووڤ راپۆرتا نڤيسينگه‌ها ناڤبرى كو ديار بوويه‌ 85 هزار و 827 رێڤينگ هاتينه‌ ناڤ هه‌رێما كوردستانێ و ژ وان ژى 45 هزار و 352 كه‌س هه‌لگرێن پاسپۆرتێن عيراقى بووينه‌ و 37 هزار و 997 كه‌س هه‌لگرێن پاسۆرتێن توركينه‌ و دو هزار و 478 كه‌س ژى هه‌لگرێن پاسپۆرتێن بيانى نه‌.

هه‌ر ب گۆره‌يى ڤێ راپۆرتێ 74 هزار و 334 كه‌س ب رێيا ده‌رگه‌هێ ئيبراهيم خه‌ليل چووينه‌ وه‌لاتێ توركيا ژ وان ژى 34 هزار و 660 كه‌س هه‌لگرێن پاسپۆرتێن عيراقى نه‌ و 37 هزار و 207 كه‌س هه‌لگرێن پاسپۆرتێن توركى نه‌ و دو هزار و 467 كه‌س ژى هه‌لگرێن پاسپۆرتێن بيانى نه‌.

117

ئه‌ڤرۆ نيوز، ژيمان سه‌عيد:

ب مه‌ره‌ما ئه‌نجامدانا پشكنينێن فشارا خوينێ و شه‌كرێ بۆ گرتى و فه‌رمانبه‌ران، رێڤەبەریا کاروبارێن خوە پاراستنێ ل ساخلەمیا پارێزگەھا دھوکێ ‎سەرەدانا چاکسازیا مەزن یا ‏دھوکێ کر.‏

دڤێ ھەوێ دا پشکنینێن نەخوشیا شەکرێ و فشارا خوینێ بو کارمەند و گرتی چاکسازیێ ھاتیە کرن.‏

دکتور بلند بەیار تایبەتمەندێ نەخوشیێن شەکرێ و بەرپرسێ پشکا ئێشێن نەڤەگر ل رێڤەبەریا ‏کاروبارێن خوپاراستنێ دا دیارکرن، کو نەخوشیا شەکرێ و فشارا خوینێ چ نیشان بو نینن دھێتە ناڤ کرن ‏کوژەکێ بێدەنگ.لەوما پێتڤییە بەردەوام پشکنین بھێنەکرن.‏

گرتیەکی چاکسازیێ ژی ب ناڤێ ف. خوشحالیا خوە ل دور ئەڤێ ھەوێ دا دیارکرن کو بەردەوام ‏سەرەدانا وان دکەن ژ بو چارەسەریا نەخوشیێن وان.‏

بھار محمد ێالح تایبەتمەندا نەخوشێن دەروونی و بەرپرسا ساخلەمیا دەروونی ل رێڤەبەریا کاروبارێن ‏خوپاراستنێ دیارکر کو نەخوشیا دەروونی ئێک ژ نەخوشیێن دووم درێژە لەوما مە ب فەر دیت بو ‏کارمەند و گرتیێن ئەڤێ چاکسازیێ بەحس ل ساخلەمیا دەروونی بکەین.‏

ل گوری ئامارێن ھاتینە تومارکرن ل جیھانێ 425 ملیون کەس ھەلگرێن نەخوشیا شەکرێ نە و ‏پێنچ ملیون کەس پێ دمرن.‏

114

ئەڤرۆ نیوز ، زنار تۆڤی:

ئەڤرۆ سێشەمبی 13.11.2018 فرۆکێن تورکی دەڤەرا بەرواری بالا بۆمبە بارانکر.

وەلاتیەکێ وێ دەڤەێ ب ناڤێ سەدیق عەلی بۆ ئەڤرۆ نیوز دیارکر: کو ئەڤرۆ ل دەمژمێر 11:30 بەری نیڤرۆ، ب بەهانەیا هەبوونا گەریلایێن پەکەکێ ل ڤێ دەڤەرێ فرۆکێن ئێف 16 یێن سۆپایێ تورکی چیایێ زنارا کێستە یێ کو دکەڤیتە باکورێ گوندی کێستە ل دەڤەرا بەرواری بالا بۆمبە بارانکر و د ئەڤ سالەدا ئەڤه چەندین جارە ئەو جهە ژ لایێ فرۆکه و تۆپخانا سۆپایێ تورکیاڤە دهێته بۆمبە بارانکرن.

814

ئه‌ڤرۆ نيوز:

گۆمان تێدا ھەر ژنەک حەز دکەت دەمێ سپێدێ ژ خەو رادبیت پیستەکێ جوان و گەش ھەبیت، لەورا ھەرزوو ‏میکیاژەکێ تەنک ددانن، لێ بەری ژن مایکاژی دانیت پێدڤیە ڤان گاڤان بجە بینیت دا بێ مایکاژ ھەر یا جوان و ‏گەش بیت:‏

دەمێ ژ خەو رادبی گاڤا ئێکێ پیستێ خوە پاقژ بکە، لێ ب وان کەرستێن گونجای بۆ پیستێ تە، ھەروەسا ئاڤا سار ‏بکاربینە دا زڤرینا خوینێ چالاك بیت.‏

پشتی پاقژکرنێ دێمێ خوە بۆ دەمێ 5 دەقیقان ب بەفرێ ڤەمالە، ژ بەر کو ئەو باشترین رێیە کو پیستێ تە ھەر ‏جوان بمینیت و شانێن پیستێ نووژەن دکەت.‏

پشتی ھینگێ ئاڤا گولان بکاربینە و ب پارچەیەکا پامبی دیمێ خوە ب ئاڤا گولان ڤەمالە ھەتا پێڤە ھشک دبیت، ‏ئەو یەک دێ بیتە ئەگەر دێمێ تە بۆ دەمەکێ درێژتر یێ گەش بیت.‏

پاشی کریمەکێ تایبەت د دێمێ خوە بدە، لێ ئەو کریم د گەل پیستێ تە یێ گونجای بیت، ئەو یەک ژی باشترین ‏رێیە بۆ پاراستنا پیستی ژ ھشکبوونێ و چڕبوونێ.‏

823

گەلەک ڤەکۆلین دوپات دکەن کو ئەڤینیێ و ھەبوونا پەیوەندیان مفایێن خوە ھەنە، زانایەکا جڤاکی ژی ئاشکرا ‏دکەت، زگۆردیێ ژی مفایێن ساخلەمی ھەنە، گۆتنێن وێ ژی ژ سەربۆرا وێ دھێن کو بەردەوامی دایە ژیانێ ‏زگۆردیێ تا شێست سالیێ بێی ھەڤژینی.‏

بیا دی پۆلۆ (64) سال ژ زانکۆیا کالیفۆرنیا دیار دکەت، یا ھەتا ڤێ قۆناغا عەمری شوو نەکری و بێ ھەڤژین، ‏پرتووکەک ب ناڤێ ‏Singled Out: How Singles Are Stereotyped, Stigmatized, ‎and Ignored, and Still Live Happily Ever After‏ نڤیسیە و تێدا ژیانا زگۆردیێ ب 5 خالان ‏دیار کریە:‏

پتر راھێنانێن وەرزشی: ڤەکۆلینان ئاشکرا کریە کو کەسێن ھەژڤینی کری کێمتر راھێنانێن وەرزشی دکەن، ئەو ‏ژی ژبەر وێ دەمێ زێدە یێ زگۆردان ھەی کو پتر پویتەی ب سەروسیمایێ خوە بدەن.‏

نڤستنەکا باشتر:‏
ڤەکۆلینەکا سالا 2000 دیار کریە کو کەسێن زگۆرد رۆژانە 7 سەعەتان پتر دنڤن، لێ کەسێن ب ھەڤژین و ‏خودان پەیوەندی و یێن بەردای کێمتر ژ وی دەمی دنڤن، ئاشکرا ژی دکەن کو زێ>ەباری دەمێ زێدەتر یێ ‏نڤستنێ، کوالێیتا خەوا وان ژی باشترە ژ خودان ھەڤژینان.‏

سەنگەکێ کێمتر:‏
شێوازێ نڤستنێ و راھێنانێن وەرزشی ب شێوەیەکێ باش ھاریکارن کو مرۆڤ بزانیت ژیانا زگۆردان پتر یا ‏ساخلەمە، ڤەکۆلینان ئاشکرا کریە کو ئەو ژنێن ھاتینە بەردان و ژ ھەڤژینێن خوە دوور کەفتین، پتر راھێنانێن ‏وەرزشی کریە و سەنگا خوە کێمتر لێکریە، ھندەک ڤەکۆلینان ژی پەیوەندیا ھەڤژینیێ ب قەلەویێ ڤە ئاشکرا ‏کریە.‏

پەیوەندیێن ب ھێزتر و کێمتر ررۆمانسیەت:‏
گەلەک ڤەۆکلین ھەنە ئاشکرا دکەن، زگۆرد باشتر پەیوەندیێن خوە د گەل ھەڤال و ھەڤسوو و دایک و بابێن ‏خوە دپارێزن.‏

دێ مولکێ خوە بی:‏
ھەکە بمینیە زگۆرد دێ بیە مولکێ خوە ب خوە و دێ شێی کۆنترۆلێ ل سەر ھەموو کارێن خوە کەی، دێ تە ‏بازنەیەکێ باش یێ پەیوەندیان دروست کەی.‏

نيشاندان1...1,0002,0001,4731,4741,4752,4703,4704,470...4,617زێده‌تر لاپه‌ر 1,474 ژ 4,617
مالپه‌رێ فه‌رمى یێ رۆژناما ئه‌ڤرۆ یه‌ .
ئاگــــــه‌هــــــداری نـــــوویـــــــاتیـــــــان ببــــه‌ .
په‌یوه‌ندی : rojnameyaevro@gmail.com
website security
© Copyright 2021 - Rojnameya Evro - Powered by Kurdo Plus
75 queries in 0.599 seconds.
WP Facebook Auto Publish Powered By : XYZScripts.com