ئه‌ڤرۆ نيوز:
سه‌رۆك كۆمارێ توركيا ره‌جه‌ب ته‌يب ئه‌ردوگان دێ ل سه‌ر قه‌يرانا ئيدلبێ ل گه‌ل سه‌رۆكێ رۆسيا فلاديمێر پۆتن كۆم بيت.
سه‌رۆكێ توركيا ره‌جه‌ب ته‌يب ئه‌ردوگان دێ ئه‌ڤرۆ ل باژێرێ سوچى يێ رۆسيا ل گه‌ل سه‌رۆكێ وى وه‌لاتى فلاديمێر پۆتن كۆم بيت و ب گۆره‌يى پێزانينان مژارا سه‌ره‌كى يا كۆمبوونێ ئۆپه‌راسيۆنا ئيدلبێ يه.
ژێده‌ر ئاماژه ب وێ چه‌ندێ دكه‌ن كو ئه‌ردوگان دێ داخواز ژ پۆتن كه‌ت كو ئۆپه‌راسيۆنا ئيدلب بهێته راوه‌ستاندن و ب رێيه‌كا ئاشتيانه و دبلۆماتيك بهێته چاره‌كرن.
ئه‌ڤرۆ نيوز:
خزمه‌تگوزاری یا ده‌ریایی یا ئسپانیا 60 كوچبه‌رێن نه‌یاسایی كو د ناڤا به‌له‌مه‌كه پلاستیكی دا بوون ژ خه‌نقینێ رزگار كرن.
به‌له‌ما وان كۆچبه‌رێن نه‌یاسایی ل ناڤا ئاڤا ده‌ریا یا سپی یا ناڤین به‌ر ب روویێ بن ئاڤبوونێ ببوو ده‌ما كو خزمه‌تگوزاری یا ده‌ریایی یا ئسپانیا گه‌هشتا وان و كارمه‌ندێن هه‌وارڤه‌چوونێ وان رزگار كرن.
رێڤينگێن وێ به‌له‌مێ ده‌ما كو دا بن ئاڤ ببن ده‌ستێ خوه بلند كرن و داخواز ژ خزمه‌تگوزاری یا ده‌ریایی یا ئسپانیایێ كرن كو وان رزگار بكه‌ن و هه‌تا ده‌ما گه‌هشتنا كه‌شتی یا هه‌وارڤه‌چوونێ به‌له‌م دخوه‌ست بن ئاڤ ببيت، به‌لێ كارمه‌ندێن هه‌وارڤه‌چوونێ گه‌هشتن وان و ته‌ڤایا وان ژ خه‌نقینێ رزگار كرن.
ئه‌ڤرۆ نيوز:
بەربژارەکا پارتی دیموکراتی کوردستان دیارکر، پارتی شانازیکرن ب خەبات و قوربانیدان و خزمەتا خوە ب درێژاھیا میژوویا خوە دا پێشکیشی خەلکێ کوردستانێ کری دێ پێشکداریێ د ھەلبژارتنێن خولا پینج یا پەرلەمانێ کوردستانێ دا کەت.
شێلان یوسف ناسر، بەربژارا ژمارا (( 16)) ل سەر لیستا (( 183)) پارتی دیموکراتی کوردستان بۆ رۆژناما ئەڤرۆ راگەھاند، ل رۆژا 30 ئەیلولێ سالا 2018ێ دێ ھەلبژارتنێن پەرلەمانێ کوردستانێ دێ ھێنە کرن، بۆ ھەلبژارتنێن بھێت ژی یا پەرلەمانێ کوردستانێ پارتی بەرنامەکێ راستەقینە داناینە دێ ب ریێا وی بەرنامێ خزمەتا ھەموو تاخ وچینین جڤاکی ل ھەرێما کوردستانێ کەت، ئەم دەنگدەرێن خوە پشت راست دکەن دێ خولا بھێت ژی دا ل پەرلەمانێ کوردستانێ بینە زێرەڤانین پاراستنا دەستکەڤتێن ھەرێما کوردستانێ وخزمەتکرنا خەلکێ خوە ل ھەموو جە و دەڤەران بێ جوداھیی.
بەربژار ژمارا ( 16) ل سەر لیستا پارتی ئەوژی دیارکر، بەرنامەک باش ھاتیە دانان بۆ پتر خزمەتکرنا خەلکێ کوردستانێ ھەکە ل دەنگدانی دەنگدەران باوەری ب مە دان ئەم سوزی دەن ل جھی باوەریا ھەموو دەنگدەرێن خوە بن ل پەرلەمانێ کوردستانێ کار بکەین، بۆ گەشەپێدانا کەساتیا کەسی کورد و بزاڤان بکەین بۆ دابینکرنا دەلیڤین کاری بۆ لاوان و ڤەکرنا دەرگەھیێن دامەزراندنی و ھەروەسا ژی بزاڤان دی کەن بۆ بۆ پتر پووتە دان ب پێشمەرگەھی قەرەمان وخێزانیێن سەربلندێن شەھید و ئەنفالکریان، چونکو ئەو ھەژی ژیانەکا خوشترن ھەر چ تشتەک بۆ وان بھێتە کرن کێمە بەرامبەر خزمەت وقوربانیدانا پێشمەرگەھی قەرەمان و خێزانیێن شەھید وئەنفالکریان.
شێلان یوسف ناسر ئاشکرا کر، پارتی دیموکراتی کوردستان ھەر ژ دامەزراندنا خوە ھەتا نوکە کار کریە بۆ دەستڤەئینانا ھەموو مافێن رەوایێن مللەتی کورد ئەم ژی دێ پەرلەمانێ کوردستانێ داکوکیی ل سەر ھەموو مافیێن مللەتی خوە کەن دێ کارکەین بۆ پتر باشکرنا ژین وژیارا وەلاتیان.
ئاماژە دا وی چەندێ ژی کو ل خولا پینجی یا پەرلەمانێ کوردستانێ دێ ھەموو شیانیێن خوە پاراستنێ ژ مافیێن ئافرەتان کەین دێ بزاڤان بۆ گەشەپێدانا رۆلی ئافرەتی دناڤ جڤاکێ دا کەین، بۆ ب دەستڤەئێنانا مافیێن دانعەمران و خۆدان پێدڤیێن تایبەت دناڤ جڤاکێ دا ب مەرەما باشترکرنا ژیارا وان دێ کارکەین باشتر پرۆسا پەروەردێ بھێتە کرن وباشتر پووتە ب ئاواران وپەنابەران بھێتە دان بتایبەتی ژی لیقەومایێن جینوسایدا شنگال.
ناڤبریێ ھەروەسا گۆت: پارتی دیموکراتی کوردستان گرنگیی داتە سەر پاراستنا دەستکەڤتێن ھەرێما کوردستانی وئاخا کوردستانی ھەر وەکو ل رێفراندۆما سەربەخۆیا کوردستانێ رێژا پتر 92% خەلکێ کوردستانێ دەنگ بۆ سەربەخۆیا کوردستانێ دەن خەلک مە ھێژا بەرەڤ ژیانەکا گەشتر چوون لێ گرۆپی 16 ئوکتوبەری ب پشتەڤانیا حەشدا شەعبی ھیرشی سەر ئاخا کوردستانێ کرن وپارتی بەرگیری ژ ئاخا کوردستانێ کر ل پردی و سحیلا داستانێن مەزن تۆمارکرن وپلانێن نە یاران ژناڤبرن وبەردەوام پارتی گرنگیی پاراستنا ھەموو دەستکەڤتین ھەرێما کوردستانێ ددەت.
ئەڤرۆ نیوز، نەوزاد ھلۆری:
گرۆپەکێ دەڤەرا بارزان کو پێکھاتبوون ژ کومەکا ھونەرمەند و کچ و کورێن دەڤەرێ ، رابوون ب چێکرنا نووترین سرود وەکو پشتەڤانی بو لیستا 183 یا پارتی دیموکراتی کوردستان بو پەرلەمانێ کوردستانێ.
ھوزانان شەوان یەحیا وەلاتژێری ئاوازدانەر و خودانێ پەیڤێن سرودێ بو ئەڤرۆ نیوز گۆت: (نێزیکێ حەفتیەکێ یە ئەم مژولێ تومارکرن و وێنەکرنا نووترین کلیپ و سرودین وەکو پشتەڤانی بو لیستا 183 یا پارتی دیموکراتی کوردستان بو پەرلەمانێ کوردستانێ).
زێدەتر گۆت: (ئەڤ سرۆدە ژ پەیڤ و ئاوازێن منن و ناڤێ سرۆدێ ژی لیستا مەیە، و ھەردوو ھونەرمەندان شێروان بازی و محەمەد بارزانی ب کارێ گوتنێ رابوینە ، و کومەکا کچ و کورێن کومەلگەھا وەلاتی ژێری ل دەڤەرا بارزان رابوینە ب کارێ نواندنێ، و سرۆد د ناڤ سرۆشتێ دەڤەرا بارزان ھاتیە وێنەکرن، و ئەندازیاری دەنگی ژلایێ ھونەرمەند زانا جەبەلی ھاتیەکرن).
ناڤبری د درێژاھیا ئاخفتنێن خودا دیارکر کو ھەلبەستا سرودێ لسەر سێ تەوەرێن سەرەکی ھاتیە دابەشکرن کو ئەو ژی لیستا مە و ئالامە و پارتا مەیە و زێدەتر گۆت: (سرود ب رەنگەکێ گشتی دەربرینێ ل خەباتا پارتی و بارزانی ، و پشتەڤانیا پارتی دکەت بو پەرلەمانێ کوردستانێ دکەت، و کاروبارێن وێ ب ھاریکاریا حەکیم ئیبراھیم وەلاتژێری ھاتیەکرن، و لیزا فەلەکەددین کاکەیی بەربژارا پارتی یا ھژمار 75 ب ئەرکێ مەزاختنا دارایی رابویە و سەتەلایتا کوردستان تیڤی و ھەلمەت عومەر ب کارێ دەرھێنەری رابوویە).
ئه‌ڤرۆنيوز:
په‌يڤدارێ پارتى ديموكراتى كوردستان راگه‌هاند، پۆستێ سه‌رۆك كۆمارا عيراقێ هه‌ژى پارتى يه وئێدى پێدانا وى پۆستى بۆ ئێكه‌تيێ به س بيت.
مه‌حمود محه‌مه‌د، په‌يڤدارێ پارتى بۆ كه‌نالێ كوردستان 24 گۆت” ئه‌م وه‌كو پارتى پۆستێ ڤێ خۆلێ يێ سه‌رۆكاتيا كۆمارا عيراقێ ب مافێ خوه دزانين”.
گۆت ژى” ئه‌م يێ دوێ باوه‌ريێ دا ل خۆلێن پێشتر كو پۆستێ سه‌رۆكاتيا كۆمارێ دده‌ستێ ئێكه‌تيێ دا بوو، نوكه ده‌مێ وێ چه‌ندێ يه ئه‌و پۆسته ب پارتى بهێته دان”.
دياركر” پێدڤيه پارتى به‌ربژاره‌كى بۆ وى پۆستى ده‌ستنيشان بكه‌ت”.
خوياكر ژى” ل سه‌ر پۆستێ سه‌رۆك كۆمارى مه چو رێككه‌فتن ل گه‌ل ئێكه‌تيێ نه‌كريه”.
ئه‌ڤرۆنيوز:
سه‌رۆكێ په‌رله‌مانێ عيراقێ راگه‌هاند، ئه‌م دژى سزايێن ئابوورى يێن ئه‌مريكانه ل سه‌ر ئيرانێ.
عه‌لى لاريجانى، سه‌رۆكێ په‌رله‌مانێ ئيرانێ دپه‌يوه‌نديه‌كا ته‌له‌فۆنى دا، پيرۆباهيا سه‌رۆكه‌فتنا هه‌لبژارتنا سه‌رۆكاتيا په‌رله‌مانى ل محه‌مه‌د حه‌لبوسى كر وهيڤى خواست عيراق بشێت پرۆسا سياسى ب هه‌لبژارتنا سه‌رۆك كۆمارى وسه‌رۆك وه‌زيران ب سه‌ركه‌فتيانه ب دووماهى بينيت.
محه‌مه‌د حه‌لبوسى دوێ په‌يوه‌نديێ دا ل گه‌ل لاريجانى گۆت”عيراق وگه‌لێ رێزێ ل پشته‌ڤانيا ئيرانێ بۆ عيراقێ دگرن ب تايبه‌تى ل شه‌رێ دژى تيرۆرستێن داعشێ”.
سه‌رۆكێ نوو يێ په‌رله‌مانێ عيراقێ ژبلى داخوازكرنا سه‌رۆكێ په‌رله‌مانێ ئيرانێ بۆ عيراقێ، هه‌ڤده‌م دووپاتكر كو ئه‌ندامێن په‌رله‌مانێ عيراقێ دژى سه‌پاندنا سزايێن ئابوورى يێن ئه‌مريكا نه ل سه‌ر ئيرانێ.
حه‌لبوسى گۆت ژى” سزايێن ئابوورى يێن ئه‌مريكى ل سه‌ر ئيرانێ د دادپه‌روه‌ر نينن وبه‌غدا پشته‌ڤانيێ ل گه‌لێ ئيرانێ دكه‌ت”.
ئه‌ڤرۆنيوز:
ئۆرسۆلا ڤۆن دێر لاین، وەزیرا بەرگریا ئەلمانیا ئه‌ڤرۆ ئێكشه‌مبى 16/9/2018 گەهشتە هەولێرێ پایتەختا هەرێما کوردستانێ.
ئارمانجا سه‌ره‌دانێ كۆمبوونه ل گه‌ل به‌رپرسێن بلند يێن حوكمه‌تا هه‌رێما كوردستانێ وسه‌ره‌دانا ئه‌فسه‌ران وراهينه‌رێن له‌شكرى يێن ئه‌لمانى ل هه‌رێما كوردستانێ كو ب مه‌ره‌ما به‌رهنگاريا داعشێ ل هه‌رێما كوردستانێ نه.
ئاژانسا رويته‌رز ل سه‌ر زارێ ڤۆن دێر لاین به‌لاڤكر” ئه‌لمانيا بۆ ده‌مه‌كێ درێژه هاريكاريا عيراقێ دكه‌ت بۆ وێ چه‌ندێ عيراق ل شه‌رێ دژى داعشێ ب سه‌ركه‌ڤيت وئه‌و رێكخراوا تيرۆرستى نه‌شێت جاره‌كادى خوه رێكبێخيت”.
وه‌زيرا به‌رگريا ئه‌لمانيا ئه‌ڤرۆ سه‌ره‌دانا به‌غدا ژى كربوو.
ڤۆن ده‌رلاين گوت” شه‌رێ داعشێ برينه‌كا دژوار ل سه‌ر لاشێ عێراق بجه هێل، ئه‌م يێن ل ڤێرێتاكو نه‌هێلين جاره‌كادى ئه‌و رێكخراوه ل سه‌ر پێ خوه راوه‌ستيت، ئه‌ڤه ده‌مه‌كێ درێژه ئه‌م ل ڤێرێ بۆ وێ چه‌ندێ هاريكاريا عيراقێ بكه‌ين”.
ئه‌ڤرۆ نیوز:
سه‌رۆك مه‌سعود بارزانی راگه‌هاند، ب چو ره‌نگه‌كی داگێڕانێ ل سه‌ر كوردستانی بوونا كه‌ركووكێ ناكه‌ین و نابیت داگیركاریا كه‌ركووكێ ببیته كه‌توار.
سه‌رۆك بارزانی ئه‌ڤرۆ ل گه‌ل كه‌سایه‌تی و ریه سپی و كادرێن سنوورێ جڤاتا سه‌ركرداتیا كه‌ركووك ـ گه‌رمیان یا پارتی كۆمبوو و د په‌یڤه‌كێ دا گۆت:(وه‌كو هه‌رده‌م ل وێ باوه‌ریێ ینه كه‌ركووك دڤێت نموونا پێكڤه‌ژیانا ئاشتیانه یا پێكهاتان بیت و پێدڤیه ره‌وشا كه‌ركووك و ده‌ڤه‌رێن كوردستانی یێن ده‌رڤه‌ی ئیدارا هه‌رێمێ ل دووڤ مادێ 140 دستووری بهێته چاره‌كرن).
ل دۆر ره‌وشا سیاسی یا كوردستان و عیراق و هه‌لبژارتنێن ئه‌یارا ئه‌ڤ ساله بۆ په‌رله‌مانێ عیراقێ، سه‌رۆك بارزانی ئاماژه ب وێ یه‌كێ كر كو نه‌حه‌زان وه‌سا هزر د كر كو پارتی د بن گڤاشتنێن جوراوجورێن ئابووری و سیاسی دایه و دێ شكه‌ستنێ ئینیت، لێ ب هیمه‌تا جه‌ماوه‌رێ گه‌لێ مه، پارتی شیا ده‌نگێن ئێكێ ل سه‌ر ئاستێ كوردستان و عیراقێ مسۆگه‌ر بكه‌ت و ببیته حزبا ئێكێ ل سه‌ر ئاستێ عیراقێ.
ل دۆر هه‌لبژارتنێن په‌رله‌مانێ كوردستانێ ژی سه‌رۆك بارزانی دوپات كر كو ب پشته‌ڤانیا گه‌لێ مه، پارتی دێ سه‌ركه‌فتنه‌كا مه‌زن ب ده‌ست ڤه ئینیت و حوكمه‌ته‌كا ب هێز دێ هێته دروستكرن كو بشێت چاكسازیێن شه‌نگسته‌یی بكه‌ت.
ئەڤرۆ نیۆز، قائید میرۆ
شارەزایەكێ ئەمنی ئاشكراكر، پێشبینی دهێتەكرن گروپا تیرۆرستیا داعش دەست ب سەر هژمارەك دەڤەرێن عيراقێ دا بگریت و پتریا داعشێن نوكە وه‌لاتيێن عيراقی نە.
ئازاد ئەبوبەكر،شارەزایێ ئەمنی و پەرلەمانتارێ بەرێ یێ عيراقێ بۆ (ئەڤرۆ نیۆز) دیاركر” هێشتا دووماهی ب گروپا تیرۆرستیا داعشێ ل عيراقی نه‌هاتيه و مەترسیەكا مەزن يا هه‌ى كو جارەكادی تیرۆرستێن داعشێ دەست ب سەر هژمارەك دەڤەرێن عێراقێ دا بگرن و ببنە دەڤەرێن تایبەت ب گروپا داعشێ ڤه، هەتا نوكە هندەك دەڤەر زێدەتر دبن دەستهەلاتا وان دانه”.
ڤی شارەزایێ ئەمنی ئاماژە كر” داعشێن نوكە ل عيراقێ چالاكیان دكەن، هەموو كەڤنە بەعسی و پاشمایێن رێكخراوا قاعیدەنە، چونكى ئەو دگەل سیستەمێ نوكە یێ حوكمی ل عيراقێ ناگونجن و هندی بشێن دێ بەرهنگاری حوكمەت و دەولەتا عيراقێ بن”.
ئازاد ئەبوبەكر گۆت ژی” هێزێن عێراقێ نەشێن بەرسینگێ داعشێ بگرن و گومان يا هه‌ى هندەك ژ ئەندامێن هێزێن ئەمنی دەست ژی دگەل داعشێ هەبیت، چونكى خویایە داعش ليا ژناڤ هناڤێن دەڤەرا سونی دەركەفتی”.
ئه‌ڤرۆنيوز:
رۆژناما (شه‌رقولئه‌وسه‌ت) يا له‌ندنى به‌لاڤكر به‌ربژارێ پۆستێ سه‌رۆكاتيا وه‌زيران عادل عه‌بدولمه‌هدى چه‌ندين خال ل ده‌ف هه‌نه كو لايه‌نێن سياسى ل عيراقێ پالدده‌ن وى بۆ وى پۆستى ب هه‌لبژێرن، ئاماژه دا ژى كو ئه‌و نێزيكترين كه‌سه بۆ وه‌رگرتنا پۆستێ سه‌رۆك وه‌زيرين عيراقێ يێ داهاتى,
رۆژناما ناڤبرى ژزارده‌ڤێ ژێده‌ره‌كێ سياسى به‌لاڤكر” په‌يوه‌نديێن عادل عه‌بدولمه‌هدى ل گه‌ل هه‌موو لايه‌نين ناڤخوه‌يا عيراقێ وهه‌تا لايه‌نێن هه‌رێمايه‌تى ونێڤده‌وله‌تى ژى دباشن وچه‌ندين خال يێن ل ده‌ف وى هه‌ين كو لايه‌نێن سياسى پالدده‌ن وى ب هه‌لبژێرن”.
وى ژێده‌رى زێده‌تر بۆ رۆژناما ناڤبرى گۆت” نوكه عادل عه‌بدولمه‌هدى نێزيكترين كه‌سه بۆ وه‌رگرتنا پۆستێ سه‌رۆكاتيا وه‌زيران وهه‌لبژارتنا وى كه‌سايه‌تى بۆ وى پۆستى، دێ پرسا هژمارتنا خالێن تايبه‌ت بۆ پۆستێن سيادى ل سه‌ر ليستێن سياسى كێمتر كه‌ت، چونكى عه‌بدولمه‌هدى يێ ژده‌رڤه‌ى په‌رله‌مانى وليستێن سياسى يێن نوكه ودهێته هژمارتن ل سه‌ر ره‌وتێ سياسه‌تمه‌دارێن سه‌ربخوه، پشتى ل سالا 2016 خوه ژ جڤاتا ئيسلامى يا بلند ڤه‌كێشاى ونه‌گه‌هشتيه ره‌وتێ حيكمه ژى”.
دياركر ژى ” ليستا فه‌تح چو رێگرى نينه ل به‌رده‌م وه‌رگرتنا عادل عه‌بدولمه‌هدى بۆ پۆستێ سه‌رۆكاتيا وه‌زيران، دبيت ژى ليستا فه‌تح ب خوه ناڤێ وى پێشكێشكر بيت”.
دهێته زانين عادل عه‌بدولمه‌هدى ئێك ژ سه‌ركردێن به‌رێ يێن جڤاتا ئيسلامى يا بلند، چه‌ندين پۆست پشتى 2003 وه‌رگرتينه، ل سالا 2010 پۆستێ جێگرێ سه‌رۆك كۆمارا عيراقێ وه‌گرتبوو وپاشى ده‌ست ژكارێ خوه كێشا، ول سالا 2014 پۆستێ وه‌زيرێ په‌ترۆلێ وه‌رگرتبوو وده‌ست ژ وى كارى ژى كێشا.
هه‌روه‌سا دهێته هژمارتن سياسه‌تمه‌دارێ ئێكانه كو دو جاران ده‌ست ژ پۆستێن حكومى يێن بلند كێشاى.
نيشاندان