ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دا خویاکرن: د روودانەکا ترافیکێ دا کەسەکێ گیانێ خوە ژ دەستدا.
ناڤهاتی زێدەتر گۆت: ل شەڤا بوری 2018/9/15 ل دەمژمێر (11:50) خولەک ل سەر جادا ئیبراهیم خەلیل و ل گوندێ باکرمان ترۆمبێلەکا رینۆ رەف یا تورکی یا رەنگ سپی خوە ل پایسکلەکێ دا و شوفێرێ وێ پایسکلێ گیانێ خو ژ دەست دا و هەروەسا زیانێن مادی ژی ب وێ ترومبێلێ کەفتن ژی،
ئه‌ڤرۆنيوز:
دچارچۆڤێ كۆمبوونه‌كێ ل گه‌ل كادرێن ده‌زگه‌هێ ره‌وشه‌نبيرى وراگه‌هاندنێ وده‌زگه‌هين راگه‌هاندنا پارتى، سه‌رۆك مه‌سعود بارزانى داخواز ژ كادرێن پارتى كر ب زمانه‌كێ بلند بانگه‌شه خوه بكه‌ن وخوه ژ ته‌شهيرێ وسۆزێن مه‌زن يێن بێ كريار دوور بكه‌ن.
مالپه‌رێ “مه‌سعود بارزانى” دده‌نگوباسه‌كى دا به‌لاڤكر كو ل رۆژا شه‌مبيێ 15/9/2018 سه‌رۆك بارزانى ل گه‌ل كادرێن هه‌موو ئۆرگانێن سه‌ر ب ده‌زگه‌هێ ره‌وشه‌نبيرى وراگه‌هاندنێ يێ پارتى ديموكراتى كوردستان كۆمبوو.
ئاماژه ب وێ چه‌ندێ ژى دايه كو سه‌رۆك بارزانى رۆناهى خسته سه‌ر بريارا گه‌لێ كوردستانێ ل ريفراندۆمێ وهه‌روه‌سا روودانێن پشتى ريفراندۆمێ وپێشێلكاريێن دستوورى يێن حوكمه‌تا عيراقێ ل دژى گه‌لێ كوردستانێ شرۆڤه‌كرن.
هه‌روه‌سا ل سه‌ر ره‌وشا سياسى يا كوردستانێ وعيراقێ ئاماژه ب وێ ئێكێ كر كو پارتى ديموكراتى كوردستان سه‌ره‌راى هه‌بوونا فشارێن جۆراوجۆر يێن ئابوورى وسياسى شيا ده‌نگێن ئێكێ ل سه‌ر ئاستێ كوردستاني وعيراقێ دا مسۆگه‌ر بكه‌ت.
سه‌رۆك بارزانى دياركر ژى كو وه‌لاتيێن عيراقێ ئه‌و سه‌روچاڤ وكه‌سايه‌تيانه سزادان يێن كريارێن نه‌دستوورى دژى خه‌لكێ كوردستانێ ئه‌نجامداين.
ل دووڤ وى مالپه‌رى، سه‌رۆك بارزانى ئاماژه ب دانوستاندنێن نوكه دناڤبه‌را لايه‌نان بۆ پێكئينانا حوكمه‌تا عيراقى كر وراگه‌هاند” مه سێ بنه‌ما يێن داناين وپێداگيريێ دكه‌ين كو نابيت حوكمێ تاكره‌وى هه‌بيت وبۆ رێگرتنێ ل وێ چه‌ندێ ژى، پێدڤيه حوكمه‌ت ل سه‌ر بنه‌مايێ هه‌ڤپشكيا راسته‌قينه وته‌وافوقێ وهه‌ڤسه‌نگيێ دناڤبه‌را پێكهاتان دا بهێته دروستكرن ول گه‌ل لايه‌نێن عيراقى دا ددانوستاندنێن جدى داين كو پێدڤيه جڤاته‌كا بلند يا سياسه‌ت وپلانێن ستراتيژى بهێته دامه‌زراندن تاكو بريارين گرنگ ژلايێ پێكهاتێن عيراقێ پێكڤه ژ وێ جڤاتێ بهێنه ده‌ركرن وكورد تێدا پشكداربن بۆ وێ چه‌ندێ ئێدى تاكره‌وى دحوكمرانيێ وپێشێلكارى ددستوورى دا روو نه‌ده‌ت وچو كه‌سه‌ك ولايه‌نه‌ك نه‌شێت ئه‌و تاوانێن ده‌رهه‌قى گه‌لێ مه هاتينه ئه‌نجامدان، دووباره بكه‌ت”.
ل دۆر هه‌لبژارتنێن كوردستانێ ژى، سه‌رۆك بارزانى راگه‌هاند كو پارتى ديموكراتى كوردستان ب شانازى ڤه دێ چيته دناڤ هه‌لبژارتنان دا وداخواز ژ كادرێن پارتى كر كو خوه بۆ هه‌لبژارتنێن په‌رله‌مانێ كوردستانێ به‌رهه‌ڤ بكه‌ن وپێدڤيه ب زمانه‌كێ بلند بانگه‌شا خوه بكه‌ن وخوه ژ ته‌شهيرێ وسۆزێن بێ كريار دوور بكه‌ن و به‌حسێ ده‌ستكه‌فتێن پارتى بكه‌ن وده‌ستێ خوه بێخنه سه‌ر كێماسيان ژى ودووپاتكر ژى ب پشته‌ڤانيا گه‌لێ مه، پارتى دێ سه‌ركه‌فتنا مه‌زن ب ده‌ستڤه‌ئينيت وحوكمه‌ته‌كا ب هێز دێ هێته پێكئينان كو بشێت چاكسازيا بنه‌ره‌تى بكه‌ت.
ئه‌ڤرۆنيوز:
ئێكه‌تيا ته‌پا پێ يا عيراقێ لێبۆرينه‌كا فه‌رمى خواست بۆ نه پشكداريا هه‌لبژارتيێ عيراقێ د قاره‌مانيا چارقۆلى يا هه‌لبژارتيێن به‌رازيل وئه‌رجه‌نتين وسعوديه كو برياره ل هه‌يڤا داهاتى ل سعوديێ بهيته ئه‌نجامدان.
مالپه‌رێ كوره يێ وه‌رزشى به‌لاڤكر” عه‌بدولخالق مه‌سعود سه‌رۆكێ ئيكه‌تيا عيراقى يا ته‌پا پێ دداخۆيانيه‌كێ دا لێبۆرينا خواست ژ پشكداريێ دوێ قاره‌مانيێ دا ژبه‌ركو هه‌لبژارتيێ عيراقێ دو ياريێن هه‌ڤالينى ل گه‌ل هه‌ردو هه‌لبژارتيێن عومان ولوبناني يێن هه‌ين د هه‌مان ژڤانێ وێ قاره‌مانيێ دا”.
ئەڤرۆ نیوز:
یانا ریال مەدرید ژ دەرڤەی یاریگەھا خوە وەکھەڤ دەرکەفت د یاریا خوە یا ڤێ گەرێ دا ھەمبەر یانا ئەتلەتیکو بلباو ژ خولا ئسپانیا یا تەپاپێ.
د ڤێ یاریێ دا ل نیڤا ئێکێ ھەر ژ دەسپێکا یاریێ ریال مەدرید شیا کونترولا یاریێ بکەت لێ بەروڤاژی روویدانان د ھێرشەکا ھەڤدژ دا ئەتلەتیکو بلباو شیا گۆلا پێشکەفتنێ ب رێکا یاریزانێ خوە مونیان ل خولەکا ٣٢ توماربکەت و نیڤا ئێکێ ب ڤی ئەنجامی و پێشکەفتنا ئەتلەتیکو بلباو ب دوماھی ھات.
د نیڤا دویێ دا ریال مەدرید دوبارە باشتر ھاتە دیتن و راھێنەرێ وێ چەندین گوھورین کرن پێخەمەت راستڤەکرنا ئەنجامێ یاریێ و ئەڤ چەندە ب دەستڤەھات دەمێ یاریزانێ پێگوھور ئیسکو ل خولەکا ٦٣ شیای گۆلا وەکھەڤیێ بۆ ریال مەدرید توماربکەت ب ڤی ئەنجامی وەکھەڤی یاری ب دوماھی ھات و ریال مەدرید ئێکەم دو خال ژ دەرڤەی یاریگەھا خوە ژ دەستدان.
ئه‌ڤرۆ نيوز:
به‌رى ماوه‌كى ل سه‌ر رێيا سێمێلێ سێ ترۆمبێلان لێكدا و د ئه‌نجام دا كه‌سه‌كى گيانێ خوه ژ ده‌ست دا و ره‌وشا هنده‌كێن دژى يا باش نينه.
ديار مه‌عصوم ئێك ژ وان كه‌سايه يێن روودان ب چاڤێن خوه ديتى، بۆ ئه‌ڤرۆ نيوز گۆت: “ده‌مژمێر 9:00ى شه‌ڤ ل سه‌ر رێيا سێمێلێ چار ترۆمبێلان لێكدا و د ئه‌نجام دا كه‌سه‌كى گيانێ خوه ژ ده‌ست دا و هنده‌كێن دژى بريندار بوون كو ره‌وشا هنده‌ك ژ وان يا خراب بوو”.
زێده‌تر گۆت: “هه‌ر چار ترۆمبێلێن لێكدايى پێكهاتبوون ژ ترۆمبێله‌كا كيا دو ته‌ن كو خودانێ وێ خه‌لكێ مسيريكێ بوو و گيانێ خوه ژ ده‌ست دا و پيكه‌مه‌كا تويوتا و ترێله‌ك و ته‌كسيه‌ك بوون”.
ئه‌ڤرۆنيوز:
باليۆزخانا ئه‌مريكا ل به‌غدا ل سه‌ر ده‌نگوباسێ كۆمبوونا دناڤبه‌را برێت ماكگۆرك هنارتيێ تايبه‌تێ سه‌رۆكێ ئه‌مريكى بۆ هه‌ڤپه‌يمانيا شه‌رێ دژى داعشێ وقاسم سلێمانى فه‌رماندێ فه‌يله‌قا قودس يا سه‌ر ب له‌شكرێ پاسداران يێ ئيرانى، رۆهنكرنه‌كێ به‌لاڤ دكه‌ت.
رۆژناما (الجريده) يا كوه‌يتى، ئه‌ڤرۆ شه‌مبيێ 15/9/2018 ل سه‌ر زارێ چه‌ند ژێده‌رێن ئاگه‌هدار دناڤ له‌شكرێ پاسداران يێ ئيرانى دا، به‌لاڤكربوو كو ل رۆژا سێشه‌مبيا بۆرى قاسم سلێمانى وبرێت ماكگۆرك كۆمبوونه‌كا نهينى ئه‌نجامدايه وتێدا ل سه‌ر چاره‌سه‌ركرنا كێشا پێكئينانا حوكمه‌تا عيراقێ وراگرتنا زێده‌بوونا ناكۆكيێن دناڤبه‌را وان دا رێككه‌فتينه.
شارلز كوول، په‌يڤدارێ باليۆزخانا ئه‌مريكى ل به‌غدا، درۆهنكرنه‌كێ دا ل سه‌ر تۆرا جڤاكى يا تويته‌رى، سه‌باره‌ت وى ده‌نگوباسى به‌لاڤكر” ئه‌و ده‌نگوباسه يێ دووره ژ راستيێ وكۆمبوونا ب وى شێوه‌ى نه‌هاتيه ئه‌نجامدان”.
ئەڤرۆ نیۆز، قائید میرۆ:
پەرلەمانتارەکێ پارتی ل بەغدا ئاشکراکر، رێکەفتنا ناڤبەرا پارتی و لایەنێن سونی ھاتە پێشێلکرن و بۆ ئەگەرێ سەرنەکەفتنا بەربژێرێ پارتی بۆ پۆستێ جێگرێ سەرۆکێ پەرلەمانێ عێراقێ.
محەمەد ئەمین مزیری، پەرلەمانتارێ پارتی ل پەرلەمانێ عێراقێ بۆ ئەڤرۆ نیۆز دیارکر” ئەڤرۆ ئەم گەل لایەنێن سونی گەھشتبووینە رێکەفتنێ، کو ئەم دەنگ بدەینە بەربژێرێ وان محەمە حەلبووسی بەربژێری سونی بۆ پۆستێ سەرۆکێ پەرلەمانی و ھەمبەردا ئەو دەنگی بدەنە بەربژێرێ پارتی دکتۆر بەشیر خەلیل بۆ پۆستێ جێگرێ سەرۆکێ پەرلەمانی.
مزیری گۆت: “مخابن پشتی مە دەنگ دايی بۆ بەربژێرێ سونی و سەرکەتی، دەمێ سێ بەربژێرێن کورد ھاتینە بەردەنگدانێ لایەنێ سونی وەک پێدڤی دەنگ نەدا بەربژێرێ پارتی و ئەڤەژی بۆ ئەگەر دکتۆر بەشیر خەلیل نەشیا رێژا قانوونیا دەنگان ب دەستڤە بینیت، خۆلا دویێ یا دەنگدانێ دێ سبەی ئێک شەمبیێ ھێتە رێڤەبرن.
ژ لایێ خۆڤەژی ژێدەرەکی لپەرلەمانێ عێراقێ بۆ ئەڤرۆ نیۆز خویاکر” لایەنێ سونی خیانەتکر و سۆزا خوە بجە نە ئینا بۆ دەنگدانێ ب بەربژێرێ پارتی دکتۆر بەشیر خەلیل.
ئه‌ڤرۆ نیوز، نه‌وزاد هلۆرى:
ب سه‌رپه‌رشتیا تیمه‌كا زانكۆیا كامبریدج یا بریتانى، نووترین هه‌ستیكێ مرۆڤێ نیاندرتال ل شكه‌فتا شانه‌ده‌ر یا سه‌ر ب ده‌ڤه‌را بارزان هاته دیتن.
ب گۆرەی پێزانينێن کو تیما کامبریدج یا بریتانی بەلاڤکری ، سێ ساله تیمه‌كا تایبه‌ت یا زانكۆیا ناڤبری مژوولێ ڤه‌كۆلینایه ل سه‌ر هه‌ستیكێن مرۆڤێن نیاندرتال ل شكه‌فتا شانه‌ده‌ر و د نوکە دا نووترین هه‌ستیكێ مرۆڤێ نیاندرتال ژلایێ تیما بریتانى ڤه هاته دیتن و ڤه‌كۆلین ل سه‌ر دهێنه‌كرن و ب گۆره‌ى پشكنینێن ده‌ستپێكى هه‌ستیك بۆ 75 هزار سالان به‌رى نوكه دزڤریت و ل سه‌ر شێوازێ مرۆڤه‌كێ درۆسته و چو كێماسى نینن.
د ڤەکۆلینا وان دا هاتیە ژی کو دیتنه‌ڤا ڤى هه‌ستیكى ده‌سته‌فته‌كێ مه‌زنه و تیم دێ ل سه‌ر ڤه‌كۆلینێن خوه به‌رده‌وام بیت.
شکەفتا شانەدەر دکەڤیتە گوندێ شکەفتێ ل نێزیک ناحیا گورەتۆ و رووبارێ زێ مەزن ، ب ئێک ژ جهێن شوونواری دهێتە هژمارتن و خەلکەکێ زۆر سەره‌دانا وێ دکەت و ژلایێ رێکخراوا دوستينى يا کوردستان – بریتانیا چەند خزمەتگوزاری بۆ هاتینە دروستکرن.
ئه‌ڤرۆنيوز:
سه‌رۆكێ ده‌مكى يێ په‌رله‌مانێ عيراقێ، روونشتنا په‌رله‌مانێ عيراقێ بۆ سوباهى ئێكشه‌مبى 16/9/2018 پاشخست كو تيدا دێ دووباره هه‌لبژارتنێن جێگرێ دويێ يێ سه‌رۆكێ په‌رله‌مانێ عيراقێ هێنه ئه‌نجامدان.
ئه‌ڤرۆ شه‌مبيێ 15/9/2018 پشتى سه‌رۆكێ په‌رله‌مانى وجێگرێ وى يێ ئێكێ هاتينه هه‌لبژارتن، د گه‌را ئێكێ يا هه‌لبژارتنێن جێگرێ دويێ يێ سه‌رۆكێ په‌رله‌مانێ چو كه‌س ژ سێ به‌ربژارێن وى پۆستى ده‌نگێن پێدڤى بۆ سه‌ركه‌فتنێ نه‌ئينان كو ئه‌وژى 166 ده‌نگن،
په‌رله‌مانتارێ پارتى ديموكراتى كوردستان ( به‌شير حه‌داد كو به‌ربژارێ پارتى وئێكه‌تيێ پێكڤه‌يه بۆ وى پۆستى 152 ده‌ست ب ده‌ستڤه‌ئينان ئانكو كێمتر ژ 14 ده‌نگان بۆ گه‌هشتنا رێژا پێدڤى يا ده‌نگان.
ئەڤرۆ نیوز:
پێکھاتیێ فەرمی یێ یانا ریال مەدرید ھاتە ئاشکرا کرن بۆ یاریا خوە یا بریارە پشتی دەمەکێ کێم بھێتە کرن ژ خولا ئسپانیا کو دێ ب پلانا ٤-٣-٣ یاریا خوە ئەنجام دەت ژ گەرا پێنجێ.
گولپارێز: تیبو کورتوا
ھێلا بەرەڤانیێ: دانی کارڤاخال، سێرجیو راموس، رافائێل ڤاران، مارسێلو
ھێلا ناڤین: دانی سیبایوس، تونی کروس، لوکا مودرێچ
ھێلا ھێرشبەریێ: مارکو ئەسێنسیو، کەریم بنزیما، گاریس بێل
نيشاندان