ئەڤرۆ نيوز:‏

یاریێن گەرا چارێ یێن قوناغا دویێ یا کومان ژ قارەمانیا یانێن ئوروپا قارەمانێن خولان بریارە ئەڤ شەڤە و ‏شەڤەکا دی ھێنە کرن و سەر و سیمایێن یانێن دەربازبوی ژ گەرا بوری وەرە دیاربوینە، تایبەت یانێن مەزن و ‏ل یاریێن ڤێ گەرێ زێدەتر یانێن دێ دەربازبونا وان مسوگەر و نێزیکبیت دێ دیاربن وەکو بروسیا دورتموند، ‏بەرشەلونە، پورتو، ئەیاکس ئەمستردام و یوڤانتوس و ل ھەمبەر چەند یانێن مەزن یێ ھەڤرکیەکا مەزن دکەن ‏پێخەمەت دەربازبونێ مینا لێڤەرپول، ریال مەدرید، ئەنلەتیکو مەدرید و مانچستەر سێتی، لێ رەوشا وان ژ ‏چەند یانێن دی باشترە یێن ل ژێر گەڤا ب جە ھێلا قارەمانیێ ھەکە د یاریێن ڤێ گەرێ دا سەرکەفتن ‏تومارنەکرن.‏

دڤێ راپورتێ دا دێ باس یانێن ئەڤ شەڤە کەین یێن ھەلویستێ وان ئالوز و دەلیڤەیا دەربازبونێ ھەین.‏

دکوما دویێ دا نەدھاتە چاڤەرێکرن کو یانا توتنھام ب رەوشا نوکە بھێتە دیتن د قارەمانیا ئوروپا دا ل ڤی ‏وەرزی و ھەمو بوچون بو وێ چەندێ بون دێ ھەڤرکەکا سەرەکی یا بەرشەلونە بیت، لێ ھەتا نوکە و پشتی ‏بورینا سێ یاریان ب تنێ خالەک ب دەستڤە ئینایە و یاریا وێ یا ئەڤ شەڤە ل ھەمبەر ئایند ھەڤن یا ھولەندێ ‏دێ دووماھی دەلیڤەبیت کو بشێت پاراستنێ ل سەر ھیڤیێن مانا خوە بو ھەڤرکیا پلێتەکا دەربازبونێ بکەت و ‏وەکھەڤی و خوسارەتی رامانا دەرکەفتنا وێ ژ قارەمانیێ، ژبەرکو یانا ئەنتەر میلا پێدڤی ب دو خالان ھەیە ژ ‏سێ یاریێن مای پلێتا دەربازبونێ مسوگەر بکەت.‏

ھەر د ڤێ کومێ دا یانا ئەنتەر میلان یا ئیتالی دێ مێڤانداریا یانا بەرشەلونە یا ئسپانی کەت د بزاڤەکێ دا بو ‏تولڤەکرنێ ژ ئەنجامێ خوسارەتیا یاریا وری ب دو گولان بێ بەرامبەر ل یاریگەھا کامپ نوو و یانا ئیتالی ھەتا ‏رادەکێباش بەرھەڤی بو ڤێ یاریێ ھەنە و راھێنەرێ وێ دیارکریە ھەکە میسی پشکداریێ د ڤێ یاریێ دا نەکە ‏ئەو دێ ب ئارامی و باوەریەکا مەزن یاریێ کەن و شیاینە مفای ژ خەلەتیێن خوە یێن یاریا بوری وەربگرن، ‏تایبەت د نیڤا دویێ دا دەمێ یاریزانێن وی روبەرێ بەرفرەە بو یاریزانێن بەرشەلونە ھێلاین و ب ئازادانە ‏شیاین ھێلا بەرەڤانیا تیما وی دەربازبکەن و تورا گولا وان ب ھەژینن و ل ھەمبەر ڤێ چەندێ و پشکداریا ‏یاریزانێ ئەرژەنتینی لیونێل میسی راھێنەرێ یانا بەرشەلونە فالڤێردی دوپاتکریە ئەو یێ بەرھەڤ نینە قوربانیێ ‏ب یاریزانەکێ خوە وەکو میسی بدەت بو ڤێ یاریێ ژبەرکو ھەتا رادەکێ مەزن نێزیکی قوناغا دویێ بوینە و ئەو ‏چەکێ پێدڤی یێ ھەی بەرەڤانیێ ژ ئەنجامێ یاریا خوە یا بوری و سەرکێشیا کومێ بکەن.‏

د کوما سیێ دا ھەردو یانێن پاریس سان جێرمان یا فرەنسی و ناپولی یا ئیتالی ل ژێر گەفا دەرکەفتنێ نە ژ ‏قارەمانیێ و ئەڤ کومە ب ھێزترین کوم د قارەمانیێ دا دھێتە ھژمارتن ژبەر ھەبونا سێ یانا ل سەر ھەڤرکیا ب ‏ھێزا پلێتێن دەربازبونێ ئەوژی لێڤەرپول خودانا شەش خالان و ناپولی یا رێزا دویێ ب پێنج خالان و پاریس ‏سان جێرمان خودانا چار خالان ل رێزا سیێ و یانا فرەنی نەشیایە سەرکەفتنێ ل یاریێن بوری ل سەر لێڤەرپول ‏و ناپولی تومار بکەت کو ل گەل یانا ئێکی خوسارەت ببو و ل گەل یا دویێ وەکھەڤ ببو و ھەکە د یاریا ئەڤ ‏شەڤە دا ب سەرنەکەڤت ل سەر ناپولی ل وی دەمی جوداھی ل گەل لێڤەرپول دێ بیتە پێن خال ژبەرکو یانا ‏ئنگلیزی یا بەربژارە سەرکەفتنێ ل سەر یانا زڤیردا تومار بکەت و دیسان جوداھی ل گەل ناپولی ژی دێ بیتە ‏چار خال و قەرەویا ژ دەست دانا خالان ل ھەردو گەرێن دویڤدا دێ یا ب زەحمەت بیت و ھەلویستێ وێ دێ ‏گەلەک یێ لاوازبیت.‏

ھەروەسا د ڤێ کومێ دا رەوشا ناپولی باشتر ژ یانا پاریس سان جێرمان ژبەرکو خالەک زێدەتر یا ھەی، لێ ھەکە ‏خوسارەت بوو دێ پاشڤە زڤریتە رێزا سیێ و ل وی دەمی یانا فرەنسی دێ ب دو خالان ل پێشیا وێ بیت و ‏لێڤەرپول چار خالان باشتربیت و زێدەتر دێ یا نێزیکی چونا خولا یورپا لیگا بیت ژ قوناغا دویێ یا ڤێ ‏قارەمانیێ و یاریا ڤان ھەردو یانێن ئیتالی و فرەنسی ھەا رادەکێ مەزن دێ یا ئێکلاکەربیت.

ھەر ژ یاریێن ئەڤ ‏شەڤە و د کوما ئێکێ دا یاریەکا ب ھێز ل ناڤبەرا ھەردو یانێن ئەتلەتیکو مەدرید یا ئسپانی سەرکێشا کومێ ب ‏نەە خالان و بروسیا دورتموند یا ئەلمانی ب شەش خالان ھێتە کرن و یانا ئسپانی یا داخازکریە مفای ژ ئەردە و ‏جەماوەرێ خوە بینت و بەری ھاتنا یاریێن ھەردو گەرێن دووماھیێ پلێتا دەربازبونێ مسوگەر بکەت و ل ھەمبەر ‏ھەمان ھیڤی یانا ئەلمانی ژی یێن ھەین نێزیکی پلێتا دەربازبونێ بیت، لێ یا ب ساناھی نابیت سەرکێشیا کومێ ‏وەربگریت ھەکە سەرکەفتن ژی تومارکر ژبەرکو ئەنجامێ یاریا وان یا گەرا بوری سەرکەفتنا یانا ئەتلەتیکو ب ‏چار گولان بێ بەرامبەر بوو.‏

دیسان د ڤێ کومێ دا ھەلویسێ ھەردو یانێن کلوب بروج موناکو یێ ب ساناھی نینە ئەوێن خالەک ژ سێ ‏یاریێن بوری ھەین و یاریا خوە یا ڤێ گەرێ ل گەلێک کەن، لێ ھیڤیەکا بویک دێ بو وان ھێتە پێش ھەکە یانا ‏بروسیا دورتموند د یاریا خوە دا خوسارەتبیت.‏

د کوما چارێ دا یانا دەلیڤا مسوگەرکرنا پلێتا دەربازبونێ بو یانا پورتو یا پرتوگالی سەرکێشا کومەَ ب حەفت ‏خالان باشتر دەمێ مێڤانداریا یانا لوکوموتیف موسکو یا روسی خودانا رێزا دووماھیێ بێ خال دکەت دکەتو ل ‏ھەمبەر ھەردو یانێن دی یێن رێزا دویێ شالکە یا ئەلمانی ب پێنج خالان و گەلاتا سەرەای یا تورکی ب چار ‏خالان بو ھەڤرکیا پلێتا دویێ ا ھەی ھەکە ئێک ژ وان سەرکەفتن تومارکر، لێ دھێتە پێشبینیکرن دیاربونا پلێتا ‏دویێ یا ڤێ کومێ بو گەرێن دووماھیێ بمینت.‏