ئه‌ڤرۆ نيوز:

د. ماری جین منکن ماموستایا نوشداریا ژنان و زاروبوونێ ل زانکویا بیل شیرەتان دکەت کو:

1- ب کارێ نوشداران نەرابە: چوونا دەرمانخانێ بۆ کرینا دەرمانان بێی راچێتا نوژداری ژ مەترسیترین تشتانە کو ژن پێ راببیت، ئەوژی ژبەر ھندێ کو دبیت دەستنیشانکرنا نەخۆشیا خو نەزانیت، ھەتا ئەگەر بەری دەمی ژی ئەو تووشی نەخوشیێ ببیت. بۆ نموونە ئەگەر ھات و ژن تووشی نەخوشیەکا سێکسی بوو و چوو دەرمان ژ دەرمانخانێ کرین، دبیت ئەو نەخوشی یا بەکتری یا سڤک بیت و پێدڤی ب دەرمانان نەبیت و ژ ئەگەرێ ب کارئینانا خەلەت یا دەرمانان ببیتە نەخوشیەکا ب مەترسی.

2- دوبارە چاڤخشاندنێ ل بکارئینانا دەرمانان بکە: دەمێ تو دەرمانان ب کاردئینی پێدڤیە بزانی کو ئەو د باشن بو نەخوشیا تە یان نە و گەلەک کەس ھەنە زێدە دەرمانان ب کاردئینن و نزانن کا زیانا وان چەندە، بو نموونە شارەزا دبێژن حەبێن نەزاروکبوونێ ب رێژا 35-50% ژنان ژ تووشبونێ ب پەنجەشێرا ھێلدانکان دپارێزن، بەلێ ھەتا نوکە یا ب زەحمەتە نیشانێن وێ دەستنیشان بکەین.

3- پشتی کریارا سێکسی دەستئاڤا خوە خوش بکە: چوونا دەستئاڤێ پشتی کریارا سێکسی ژ تشتێن باشە و گەلەک ژمە چ پێزانین ل سەر نینن، ئەوژی ژبەرکو دەستئاڤ کوئەندامێ سێکسی یێ ژنێ پاقژ دکەت و ژ بەکتریایان دپارێزیت و ناھێلیت ھەودان بگریت، ھەروەسان ڤەخوارنا کوپەکێ شەربەتا دڕیان ناھیًلیت
میکروب بمیننە ب دیوارێ میزلدانکێ ڤە.

ئەڤرۆ نيوز:

دەمێ تو پێدڤیێن تایبەت ب قوتابخانێ بو زارۆی دھەلبژێری، پێدڤیە ھندەک کارۆبارا بەرچاڤ وەربگری داکو نەبنە مەترسی ل سەر ساخلەمیا وی.

ھەر دایکەک حەزدکەت زارۆیێ وێ یێ ب سلامەت بیت و چو مەترسی ل سەر نەبن ل دەمێ ل قوتابخانێ، بەلێ ھزر ناکەت کو ھندەک ژ پێدڤیێن زارۆ ب کاردئینیت جھێ ترسێنە ل سەر ساخلەمیا وی، لەورا یا گرنگە دەمێ پێدڤیێن قوتابخانێ دکریت ھندەک سالوخەتان ل بەرچاڤ وەربگریت، ل ڤێرێ دێ نیشانێ ب ھندەک ژوان پێدڤیان و مەترسیا وان دەین.

1- چانتا پشتێ: شیرەتا ل هه‌وە دکەین ئەو چانتێن پێکھاتی ژ کەرستێ ( فینیل یان پولی فینیل کلورید یان پلاستیکی و چانتێن د تەیسن نەکرن، ل گەل ڤێ چەندێ چانتێن بشێوازێ پیتا (V) نەکرن، چونکو پتریا جارا پێکھاتینە ژ (رساسی و فینیلی) کو گەلەک جارا دبنە ئەگەر زارۆ تووشی ھەستداریا سینگی، نەخوشیا شەکرێ، قەلەوی) یێ ببیت، لەورا دەمێ چانتێ د کری، باشترە ھاتبیتە چێکرن ژ پامبی یان نایلونی و پولیستەری.

2- ئامانێن پلاستیکی یێن خوارنێ: گەلەک جورێن ئامانێن خوارنێ یێن پلاستیکی دھێنە چێکرن ژ (فینیلی) ئەو کەرستێن کیمیاوی پلاستیکی نەرم دکەن و پاشی دشێن ھەموو شێوازان ژێ دروست بکەن، ئانکو ب ساناھی دکەڤن بو ب کارئینانێ، ئەو کەرستە دبنە ئەگەرێ تووشبوونێ ب نەخۆشیا( رەبویێ، نەخۆشیا شەکرێ، کێمکرنا ژیراتیا زارۆی، ئاریشێن وەرارێ دکوئەندامێ میزەرۆیێ دا و ل پاشەرۆژێ کارتێکرنێ ل زارۆبوونێ ژی دکەن) ئەو دشێن بچنە دناڤ لاشێ زارۆی دا ب رێیا وێ خوارنا دناڤ وان ئامانادا دھێتە ھەلگرتن، لەورا باشترە ئامانێن پلاستیکی بھێنە کرین.

3- بتل( شووشەیێن) ئاڤێ: ھێشتا ھندەک کومپانی رساسی ب کاردئینن بو چێکرنا شووشەیێن ئاڤێ، سەرەرای کو زیانێن وێ دزانن ژی، ئەو جور دبنە ئەگەرێ ئاریشەیان دوەرارا زارۆی دا، کێمخوینیێ، و دیسا کارتێکرنێ ل ساخلەمیا دلی و موودەمارێن خوینێ دکەن، چونکو ژ ھندەک کەرستێن کیمیاوی دھێنە چێکرن و دچنە دناڤ ئاڤێ دا و دەمێ گەلەک دھێنە ب کاردئینان وەکو گیرەھەیێ دگرن و دبنە ئەگەرێ گەلەک ئاریشەیێن ساخلەمیێ، چونکو ئەو بو جارەکێ بتنێ ھاتینە دروستکرن و نابیت بەردەوام بھێنە ب کارئینان و ھەموو کەرستێن پلاستیکی ژی دوەسانە، لەورا ئەم شیرەتان ل وە دکەین کو شووشەیێن ئاڤێ یێن ساخلەم بکرن.

4- زنجیرێن مەعدەنی د دەفتەران دا: دەمێ کو زنجیرێن مەعدەنی دھێنە چێکرن بو پێکڤەگرێدانا کاغەزان ژ فینیلی، گەلەک مەترسیە ل سەر زارۆی چونکو دەستێن خوە دکەنێ و پاش دکەنە ددەڤێ خوەدا، لەورا باشترە ئەو دەفتە بھێنە کرین یێن زنجیرێ، وان ژ کەستێن ئێمن دھێنە چێکرن وەکو داری و پلاستیکی.

5- کاغەز و دەفتەر: باشترە ئەو کاغەز بھێنە ب کارئینان یێن کو دھێنە چێکرن بێی ب کارئینانا غازا کلوری ئەوێ دھێتە ب کارئینان بو سپیکرنا کاغەزان، سپییاتی تشتەکێ نورمال نینە و ل پشت خوە گەلەک مەترسیا دڤەشێریت و دبیتە ئەگەرێ پیسکرنا ھەوای ئەوێ زارۆ و کەسێن دەوروبەرێن وی دھلکێشن، لەورا ئەو بەرھەمێن کاغەزا یێن ل سەر نڤیسای PCF ئەو ھاتینە چارەسەرکرن بێی ب کارئینانا کلوری، ئانکو ژ کەرستێن باشتر ھاتینە دروستکرن و سپییاتیا وان نە ژ کلوری یە، بەلێ ئەوێن ل سەر نڤیسای TCF ئەوژی ئێکجاری دڤالانە ژ کلوری، بەلێ نەھاتینە دروستکرن ژوان کەرستێن دوبارە دھێنە ب کارئینان بو وەربادانێ.

6- رەنگێن پێنوسا: ھندەک رەنگێن پێنوسا ژ کەرستێ (ئەسبستوس) دھێنە دروستکرن، کەرستەیەکە چەندین مەترسی ل سەر ساخلەمیێ ھەنە، دبیت کارتێکرنێ ل مێلاکێن سۆر بکەت و ببیتە ئەگەرێ پەنجەشێرێ ژی، ئەڤ کەرستە ژلایێ رێکخراوێن نێڤدەولی ھاتیە قەدەغەکرن، بەلێ ل ھندەک وەلاتێن عەرەبی ھێشتا دھێتە ب کارئینان، چونکو گەلەک یێ ئەرزانە، دەمێ تو دکری پێدڤیە لەزقەکا AP پێڤە بیت کو ژ پەیمانگەھا تەکنیک و کەرستێن داھێنانێ ACMI دەرکەفتیە و ئاماژە ب وێ چەندێ ددەت کو ئەو کەرستێن دھێنە ب کارئینان د ژەھراوی نینن، ھەکە تە ئەو نەدیت ل “children’s product certificate” ئەوژی ئاماژێ ب وێ چەندێ ددەت کو ئەو بەرھەم یێ ب سلامەتە.

7- پێنڤیسێن دەستنیشانکرنێ: ھندەک کومپانی کەرستێن ب ترس و یێن دبنە ئەگەرێ پەنجەشێرێ ب کاردئینن بو دروستکرنا پێنڤیسێن دەستنیشانکرنێ کو د ھەمان دەم دا دبنە ئەگەرێ تەنگەزاریێن گولچیسکان و جگەرێ، ھەروەسا ئەو پانزینا دناڤ وان پێنڤیسان دا ھەی دشیاندایە ببیتە ئەگەرێ ئاریشێن ھەناسێ و وەستیان و سەرئێشانێ.

8- پێدڤیێن شێوەکاری و رەنگکرنێ: ھەر کەرستەکێ رەنگ کرنێ ل سەر نڤیسی بیت CL ژێ ھشیاربە، چونکو کەرستێن ب زیان یێن دناڤدا، باشترە ئەوان کەرستا ب کاربینی یێن AP ل سەر نڤیسی ئانکو کەرستەکێ پالپشتە، CP ئانکو باوەرناما ئێمناھیێ ل گەل دایە و HL ئانکو بەرھەمەکێ ساخلەمە، بەلێ ھەتا ئەوژی ل سەر نڤیسی بن، رامان ژێ ئەو نینە کو چو کەرستێن کیمیاوی دناڤدا نینن و پێدڤیە زارۆ ب ھشیاری ب کاربینن.