ئه‌ڤرۆ نيوز:

بێگه‌رد ته‌له‌بانى، ئه‌نداما سه‌ركرداتيا ئێكه‌تى نشتيمانى كوردستان راگه‌هاند كو مافێن حزبا وانه‌ داخوازا هه‌ر پۆسته‌كى د حوكمه‌تێ دا بكه‌ن و د خولا بهێت يا په‌رله‌مانێ كوردستانێ دا.

ئەڤرۆ نيوز:

ئەندامێ فڕاکسیونا پارتی دیموکراتی کوردستان ل پەرلەمانێ کوردستانێ ‏راگەھاند، پێدڤیە رێز ل بۆچوونا دەنگدەرێن کوردستانێ بھێتە گرتن، پارتی ‏دیموکراتی کوردستان دێ رێزێ ل دەنکدەرێن خوە گریت، ھەڤپەیمانیکرن ل گەل ھەر ‏لایەنەکێ و پارتی خەتا سۆر ل سەر چ لایەنەکێ نینە، ھەروەسا دیارکر،ھەتا نوکە ‏ژی ل گەل چ لایەنەکێ رێککەفتن نەھاتینەکرن،ھەردەما ب فەرمی پەرلەمانتارێن ‏خولا نوو یا پەرلەمانێ کوردستانێ سوندا قانونی خوار دێ پارتی وەک ھێزا ‏سەرکەفتێ دێ ھێتە راسپاردن بو پێکئینانا حوکمەتا نوو، وی دەمی دێ دانوستاندن ‏ل گەل لایەنێن سیاسی ھێنە کرن ، کارناما حوکمەتێ ل گەل لایەنێن دانوستاندن ل ‏گەل دھێتە کرن ژی دێ ھێتە نیشاندان .‏

ئومێد خوشناو سەرۆکێ فراکسیونا پارتی دیموکراتی کوردستان ل پەرلەمانێ ‏کوردستانێ یێ خۆلا بەرێ بۆ روژناما ئەڤرۆ گوت: ھەر لایەنەکێ رازیبوو ھاتە ناڤ ‏ھەڤپەیمانیێ بۆ پێکئینانا حوکمەتێ ل گەل ڤێ ھەموویێ دا پارتی یا ل گەل وێ ‏چەندێ کو دڤێت حوکمەتا نوو یا کوردستانێ ل سەر بنەمایێ سیستەمێ ھەلبژارتنان ‏بھێتە دامەزراندن و ھەر لایەکێ پشکدار ل دوڤ رێژا کورسیێن خوە پشکداری د ‏حوکمەتێ دا ھەبیت، پشتی پەسەندکرنا ئەنجامێن ھەلبژارتنان ژلایێ دادگەھێ ڤە ‏دێ سەردان ناڤبەرا لایەنێن سیاسیدا بۆ پێکئینانا حوکمەتا نوو یا کوردسانێ ‏دەستپێکەن.‏

خوشناوی گۆت: ب مەبەستا دامەرزاندنا حوکمەتا نوو یا کوردستانێ پارتی دێ ‏شاندەکێ دروستکەت بۆ سەردانا لایەنێن سیاسی، پشتی ئەنجام ھاتینە ‏پەسەندکرن ژلایێ دادگەھی َڤە دێ سوندا قانونی ژی ھێت خواندن، پارتی بەرنامێ ‏خوە ھەیە و سەرکەفتیا ھەلبژارتنا یە ھەر کەس دێ بریارێدەت کا دێ پشکداربن ل ‏حوکمەتێ یان و نە و پارتی مەرج و خەتا سور بۆ چ لایەنەکێ و ل سەر چ لایەنەکێ ‏نینە.‏

ئه‌ڤرۆ نيوز:

چاڤدێرێن سیاسی دبێژن، ژ بەر کو ھەلبژارتنێن 30 ئەیلولا ئەڤ سالە، پارتی دیموکراتی ‏کوردستان دەنگێن پڕیانی و رەھا ئیناینە، ئەو دشێت بڕیارێ بدەت حوکمەتا نوو یا کوردستانێ ‏بۆ چار سالێن بھێتە یا بنکەفرەوان بیت یان ژی حوکمەتا پڕانیێ بیت.‏

چاڤدێرێ سیاسی دلشاد عەبدولرەحمان دھەڤدیتنەکێ دا بۆ رۆژناما ئەڤرۆ راگەھاند، ‏ھەلبژارتێن ڤێ جارێ یێن پەرلەمانێ کوردستانێ، پارتی دیموکراتی کوردستان ب رەنگ و ‏دەنگێ کابینەیا نەھێ یا حوکمەتا ھەرێما کوردستانێ دھێتە نیاسین، ئانکو ھەکە حوکمەت یا ‏پڕانی بیت یان ژی یا بنکەفروان بیت رەنگ و دەنگێن پارتی دێ ل سەر وێ حەکمەتێ زاڵبن.‏

ب باوەریا دلشاد عەبدلرەحمانی، بەرچاڤکرنا تایبەتمەندیا پارتی د حوکەمتێ دا دێ ھەبیت، و ‏پێدڤیە ئێکەتی نشتیمانی کوردستان ژی پشکداری پێکئینانا حوکمەتێ بیت، ئانکو چەمکێ ‏پڕانیێ ھەکە مەبەست ژێ پارتی و حزبێن دیتر بن ژ بلی ئێکەتیێ ئەو ھەلبژارتنەکا دورھێلی ‏نینە، ل بەرامبەری ژی پێگەھێ ئێکەتیێ دڤێت ل ژێر کارتێکرنا ژمارا کورسیێن وی دحوکمەتێ ‏دا بیت.‏

چاڤدێرێ سیاسی یێ ناڤبری ھەروەسا گۆت: ژ بلی ئێکەتیێ ئالیێن دیتر ژی وەک بزاڤا ‏نەوەی نوی و ئێکگرتوو بتنێ ھەر دو حزبان وەک ئۆپۆزسیۆن خوە دیار کرینە، ئەوێن دیتر ‏دبیت پشکداریێ د حوکمەتێ دا بکەن، دڤێ دیتنێ دا ئەگەرێ حوکمەتا بنکەفرەوان پتر ھەیە ‏ژ حوکمەتا پڕانیێ.‏

دلشاد عەبدلرەحمان ھەروەسا خوەیاکر، بۆ ھندێ ئەزموونا کابینەیا ھەشتێ دووبارە نەبیت ڤە، ‏کو ھندەک حزبان پێیەک دناڤا حوکمەتێ دا بوو، ویێ دیتر دناڤا ئۆپۆزسیۆنێ دا بوون، پێشنیاز ‏دکەم کو فڕاکسیۆنەکا ھەڤپشک بۆ ھەموو حزبێن پشکداریێ دحوکمەتێ دا دکەن بھێتە ‏پێکئینان، داکو رێ ل ھەمبەری سەرزێدەکرنێن سیاسی بھێنە گرتن.‏

دلشاد عەبدلرحمان گۆت: پێشبینی دکەم کابینا نەھێ کابینەکا سەقامگیر بیت، و چ کێشە ‏دناڤا پەرلەمانی نابن و ھەر پرۆژە قانوونەکا ل پەرلەمانی بیت دێ بیتە قانوون.‏

چاڤدێری سیاسی ھەروەسا ئاشکر کر، پشتی ئەزموونا 27 سالان یا حوکمڕانیێ باوەریا خەلکێ ‏کوردستانێ ل گەل ھێزێن سیاسی گەلەک لاواز بوویە، پشکداری نەکرنا خەلکی د ‏ھەلبژاترنان دا زەنگلەکا مەترسیدارە بۆ ھەموو حزبێن دەستھەلاتێ کو خەلک ژ رەنگێ ‏حوکمڕانیا ھەوە نەیارازیە. ‏