ده‌رمانه‌ك ژيێ مرۆڤى بۆ 150 سالان زێده‌ دكه‌ت

04/09/2018 19:37

1211

خانه‌ و ئه‌ندامێن پيرێن لاشى دووباره‌ چالاك دكه‌ت

ئەڤرۆ نیوز:

تیمەکێ نوشدارێن زانکۆیا ساوس وێلز و ھارڤارد دبێژن کو دەرمانەکێ نوو دێ ئاشکەرا کەن کو دژی پیربوونێ کار دکەت و ژیێ مرۆڤی بۆ 150 سالان درێژ دکەت، ئەڤە ژی د رێیا دووبارە نووکرنا خانە و ئەندامان.

ڤەکۆلەرێن زانکۆیا نیو ساوس وێلز و ھارڤارد پرۆسەیەک پێش خستیە کو خوە دبینیت ل دووبارە پرۆگرامکرنا خانەیان ب ڤێ چەندێ ژی ھاریکاریا ئەندامان ددەن دووبارە خوە درۆست بکەن.

دێڤد سێکلایی، سەرپەرشتیارێ نوشدارێن ڤەکۆلینێ ل زانکۆیا نیو ساوس وێلز دبێژیت: “پرۆسە ھندە یا ھاریکارە د نووکرنا خانان دا کو دشێت کەسەکێ تووشی فالنجێ بوویی دووبارە ب لڤیت.

سێکلایی ھەروەسا دبێژیت: “ئێک ژ کارتێکرنێن لاوەکی یێن ئەرێنی یێن ڤی دەرمانی بۆ گەنجکرنا خانان ب کار دئێت ئەوە رێ ب پرچ وەریانا گرێدایی ژیێ مرۆڤی دگریت و زیندە چالاکیێن کەسانێن ناڤ سال چوویی زێدە دکەت”.

خوه‌نيشانده‌رين به‌سرا ئاگر به‌ردا ئاڤاهيێ پارێزگه‌هێ وقوربانى يێن هه‌ين

04/09/2018 19:33

ئه‌ڤرۆنيوز:

ژێده‌ره‌كێ رۆژنامه‌ڤانى ژ باژێرێ به‌سرا ب ئه‌ڤرۆ نيوز راگه‌هاند كو خوه‌نيشادانين ئه‌ڤرۆ يێن باژێرێ به‌سرا به‌ر ب ئالۆزبوونێ چوون وقوربانى دناڤ خوه‌نيشانده‌ران وهێزێن ئه‌منى دا يێن هه‌ين.

عه‌لى سارى، رۆژنامه‌ڤان ژ باژێرێ به‌سرا بۆ ئه‌ڤرۆنيوز گۆت” ژ ئه‌نجامێ ئالۆزيێن كه‌فتينه‌ دناڤ خوه‌نيشادانا ئه‌ڤرۆ دا، ده‌نگوباس هاتينه‌ به‌لاڤكرن كو دو خوه‌نيشانده‌ر يێن هاتينه‌ كوشتن، به‌لێ ب پشت راستى ڤه‌ دشێم دووپات بكه‌م كو خوه‌نيشانده‌ره‌ك يێ هاتيه‌ كوشتن وناڤێ وى مه‌كى ياسر ئه‌لكه‌عبى يه‌”.

سارى دياركر ژى” حه‌فت خوه‌نيشانده‌رێن دى ژى ب چه‌كێن هێزێن ئه‌منى هاتينه‌ برينداركرن و10 كه‌س ژ هێزێن ئه‌منى ژى برينداربوون كو ئێك ژ وان ئه‌فسه‌ره‌كێ پله‌ بلنده‌”.

خوياكر ژى” خوه‌نيشانده‌ران هژماره‌كا ترومبێلێن هێزێن ئه‌منى ژى سوتن وچه‌ندين كه‌ره‌ڤان وخاله‌كا چاڤدێريێ ل ديوانا پارێزگه‌ها به‌سرا”.

ئاشكرا كر ژى” دڤێ خۆله‌كێ دا‌ ئاگر گه‌هشته‌ قاتێ دويێ يێ ديوانا پاريزگه‌ها به‌سرا”.

ڤيديۆ: بكوژێ زه‌لامێ زاخۆ هاته‌ ده‌سته‌سه‌ركرن

04/09/2018 19:27

676

ئه‌ڤرۆ نيوز:

زاخؤ پشتی دوهی زەلامەکێ 42 سالی هاتیە کوشتن د ماوێ ۱۲دەمژمێران دا بکوژ هاتە گرتن.

هەروه‌سا هژمارەکا تومەتبارێن دی ژی ل سەر دزی و سەختەکاری و خراب بکارئینانا توڕێن جڤاکی هاتینە گرتن.

بانگه‌شا هه‌لبژارتنێن په‌رله‌مانێ كوردستانێ هاته‌ پاشخستن

04/09/2018 18:54

249

ئه‌ڤرۆ نيوز:

كۆمسيۆنا بلندا سه‌ربه‌خۆيا هه‌لبژارتن و راپرسيێ ل هه‌رێما كوردستانێ ژڤانێ ده‌سپێكرنا بانگه‌شا هه‌لبژارتنێن په‌رله‌مانێ كوردستانێ بۆ ماوێ شه‌ش رۆژان زێده‌ كر.

شێروان زرار، ئاخفتنكه‌رێ ب ناڤێ كۆمسيۆنا هه‌لبژارتنا د كۆنگره‌كێ رۆژنامه‌ڤانى دا راگه‌هاند كو پتريا ده‌نگێن ئه‌ندامێن جڤاتا كۆمسياران بڕيار دايه‌ ده‌سپێكرنا بانگه‌شا هه‌لبژارتنان بۆ رۆژا سێشه‌مبى 11ى ئيلۆنا 2018ێ بهێته‌ پاشخستن.

بڕيار بوو ئه‌ڤ شه‌ڤه‌ ده‌مژمێر 12:00ى شه‌ڤ كو دبيته‌ 5ى ئيلۆنا 2018ێ بانگه‌شا هه‌لبژارتنان بۆ هه‌لبژارتنێن په‌رله‌مانێ كوردستانێ ده‌سپێكرن.

تنێ ئێك ليستا كوردى چوويه‌ دناڤ هه‌ڤپه‌يمانيان دا

04/09/2018 17:47

556

ئه‌ڤرۆنيوز:

ل دووڤ دووماهى ئامارێن هژمارا په‌رله‌مانتارێن چووينه‌ دناڤ هه‌ردو هه‌ڤپه‌يمانيێن هه‌ڤركيێ دكه‌ن بۆ پێكئينانا مه‌زنترين هه‌ڤپه‌يمانى كو سه‌رۆك وه‌زيران ژ وێ بيت، ديار دبيت كو تنێ ئيك ليستا كوردى چوويه‌ دناڤ رێزێن ئێك ژ وێ هه‌ڤپه‌يمانيێ، ئه‌ندامه‌كێ ده‌وله‌تا قانوونێ ژى بۆ ئه‌ڤرۆنيوز دياردكه‌ت كو هژماره‌كا په‌رله‌مانتارێن ليستا عه‌بادى گه‌هشتينه‌ هه‌ڤپه‌يمانيا مالكى وعامرى.

ئاماره‌كا نوو ئه‌ڤرۆ سێشه‌مبى 4/9/2018 كو ژ په‌رله‌مانێ عيراقێ ده‌ركه‌فتى دياردبيت كو هه‌ڤپه‌يمانيا (چاكسازى وئاڤه‌دانى) يا عه‌بادى وسه‌درى وحه‌كيم وعه‌لاوى 142 په‌رله‌مانتار دناڤ هه‌ڤپه‌يمانيا خوه‌ دا كۆمكرينه‌ وهه‌ڤپه‌يمانيا ( ئاڤه‌دانى) ب سه‌رۆكاتيا مالكى وعامرى 117 په‌رله‌مانتار كۆمكرينه‌.

بۆ پێكئينانا مه‌زنترين هه‌ڤپه‌يمانى كو ب راگه‌هاندنا وێ ب شێوه‌كێ فه‌رمى ژلايێ سه‌رۆكاتيا په‌رله‌مانى ڤه‌، ئه‌و هه‌ڤپه‌يمانى دشێت سه‌رۆك وه‌زيران ديار بكه‌ت وبۆ پێكئينانا وێ هه‌ڤپه‌يمانيێ ژى پێدڤى ب 165 كورسيێن په‌رله‌مانى هه‌يه‌.

دناڤ وان هه‌ردو هه‌ڤپه‌يمانيان دا ديار دبيت كو تنێ ليسته‌كا كوردى بريارا خوه‌ دايه‌ وگه‌هشتيه‌ هه‌ڤپه‌يمانيا (چاكسازى وئاڤه‌دانى) ئه‌وژى ليستا نه‌وه‌ى نوويه‌ كو چار كورسى يێن هه‌ين، هه‌تا نوكه‌ ليستێن پارتى وئێكه‌تيێ وئێكگرتووى وهه‌ڤپه‌يمانى بۆ ديموكراسيێ ودادپه‌روه‌ريێ وكۆمه‌لێ بريار خوه‌ نه‌دايه‌ بۆ چوونا دناڤ هه‌ڤپه‌يمانيه‌كێ دا.

عه‌دنان ئه‌لمه‌ياحى، ئه‌ندامێ ليستا ده‌وله‌تا قانوونێ ب سه‌رۆكاتيا نورى مالكى بۆ ئه‌ڤرۆ نيوز گۆت” ئه‌و هژمارا عه‌بادى وهه‌ڤپه‌يمانێن وى پێشكێشكرى يا راست نينه‌ ونوكه‌ ژ ليستا عه‌بادى 42 ئه‌ندام نه‌ماينه‌، وپتر ژ 10ئه‌ندامێن وێ ليستێ يێن گه‌هشتينه‌ هه‌ڤپه‌يمانيا ( ئاڤه‌دانى) ب سه‌رۆكاتيا مالكى وعامرى”.

بانگه‌شا هه‌لبژارتنان دێ هێته‌ پاشخستن

04/09/2018 17:21

493

ئه‌ڤرۆنيوز:

سه‌رۆكێ فراكسيۆنا پارتى ديموكراتى كوردستانێ ل په‌رله‌مانێ كوردستانێ، ئومێد خوشناو، دياركر كو بانگه‌شا هه‌لژارتنان بۆ ده‌مێ چه‌ند رۆژان دێ هێته‌ پاشخستن.

ئومێد خوشناو، سه‌رۆكێ فراكسيۆنا پارتى ل په‌رله‌مانێ كوردستانێ گۆت” هه‌لبژارتن ل ژڤانێ خوه‌ دا دێ هينه‌ ئه‌نجامدان وناهێنه‌ پاشخستن وهه‌ر لايه‌نه‌كێ بزاڤا پاشخستنا هه‌لبژارتنان بده‌ت، پێدڤيه‌ جه‌ماوه‌ر قبوول نه‌كه‌ت ووى لايه‌نێ ترسنۆك سزا بده‌ت”.

ئومێدى زێده‌تر بۆ باسنيوز گۆت” هه‌لبژارتن ب چو شێوه‌كى ناهێنه‌ پاشخستن و100% دێ هێنه‌ ئه‌نجامدان، به‌لێ دبيت چه‌ند رۆژان بانگه‌شا هه‌لبژارتنان بهێته‌ پاشخستن”.

دهێته‌ زانين ئێكه‌تى نيشتمانى كوردستان وبزاڤا گۆران راگه‌هاندبوو كو ل گه‌ل ئه‌نجامدانا هه‌لبژارتنێن په‌رله‌مانێ كوردستانێ نينن وهه‌ڤپه‌يمانى بۆ ديموكراسيێ ودادپه‌روه‌ريێ ژى خوه‌ ژ هه‌لبژارتنان ڤه‌كێشايه‌.

برياره‌ هه‌لبژارتنێن په‌رله‌مانێ كوردستانێ ل 30 ڤێ هه‌يڤێ بهێنه‌ ئه‌نجامدان.

بهايێ په‌ترۆلێ زێده‌تر بلند بوو

04/09/2018 15:25

378

ئه‌ڤرۆنيوز:

بهايێ په‌ترۆلێ دبلندبوونێ دايه‌ وئه‌ڤرۆ سێشه‌مبى 4/9/2018 بهايێ ئێك به‌رميلا په‌ترۆلێ گه‌هشته‌ 79 دۆلاران كو بلندترين بهايێ په‌ترۆلێ يه‌ ددو هه‌يڤێن بۆرى دا.

ل هه‌فتيا بۆرى بهايێ به‌رميلا په‌ترۆلێ ل بازارێن جيهانى ژ 75دۆلار و50 سه‌نتان بۆ 77 دۆلار و66 سه‌نتان بلندببوو، ئه‌ڤرۆ ژى به‌رميلا په‌ترۆلێ ب 79 دۆلار و15 سه‌نتان هاته‌ فرۆتن وپێشبينى دهێته‌ كرن ل ڤێ هه‌فتيێ بهايێ ئێك به‌رميلێ بگه‌هيته‌ زێده‌تر ژ 80 دۆلاران.

ل دووڤ DAILYFX گرنگترين ئه‌گه‌رێن بلندبوونا بهايێ په‌ترۆلێ سزايێن ئه‌مريكى نه‌ ل سه‌ر ئيرانێ.

سێ ترومبێلێن بارهه‌لگر لێگدا

04/09/2018 15:14

275

ئه‌ڤرۆنيوز:

رێڤه‌به‌ريا هاتنوچوونا پارێزگه‌ها دهۆكێ راگه‌هاند، ئه‌ڤرۆ سێشه‌مبى 4/9/2018 سێ ترومبێلێن بارهه‌لگر ل نێزيك گوندێ بێبان لێگدا.

رێڤه‌به‌ريا هاتنوچوونێ د به‌رپه‌رێ خوه‌ دا ل سه‌ر تۆرا فه‌يسبووكى به‌لاڤكر” دناڤبه‌را جادا شێخان بۆ ناحيا ئه‌لقوش ل نێزيك گوندێ بێبان روودانه‌ك لێگدانێ دناڤبه‌را سێ ترومبێلێن بارهه‌لگر ژ جۆرێ ترێله‌ فلات روودا”.

دياركر ژى” ژ ئه‌نجامێ وێ روودانێ چار كه‌س برينداربوون وزيانێن مه‌زن گه‌هشتنه‌ هه‌رسێ ترومبێلان”.

ژڤانێ هه‌لبژارتنا سه‌رۆكێ نوو يێ په‌رله‌مانێ عيراقێ وجێگرێن وى هاته‌ دياركرن

04/09/2018 15:06

231

ئه‌ڤرۆنيوز:

دروونشتنا ئه‌ڤرۆ يا په‌رله‌مانێ عيراقێ يێ نوو دا، سه‌رۆكێ ده‌مكى يێ په‌رله‌مانى ژڤانێ هه‌لبژارتنا سه‌رۆكێ نوو يێ په‌رله‌مانێ وهه‌ردو جێگرێن وى دياركر.

محه‌مه‌د عه‌لى زينى، سه‌رۆكێ ده‌مكى يێ په‌رله‌مانى دكۆمبوونا ئه‌ڤرۆ يا په‌رله‌مانى دا كو تنێ 85 په‌رله‌مانتار تێدا به‌رهه‌ڤ بووين، دياركر رۆژا 15/9/2018 دێ سه‌رۆكێ په‌رله‌مانێ وهه‌ردو جێگرێن وى هێنه‌ هه‌لبژارتن.

پارتى وگۆران به‌حسێ ناڤه‌رۆكا كۆمبوونا خوه‌ يا ئه‌ڤرۆ دكه‌ن

04/09/2018 14:52

130

ئه‌ڤرۆنيوز:

پشتى كۆمبوونا دناڤبه‌را شاندێ پارتى وگۆران ل سلێمانيێ، په‌يڤدارێ پارتى راگه‌هاند، چو گرفتێن ته‌كنيكى نينن وئه‌م ل گه‌ل ئه‌نجامدانا هه‌لبژارتناينه‌ دده‌مێ خوه‌ يێ دياركرى دا.

پشتى كۆمبوونا هه‌ردو شاندان، شۆره‌ش حاجى په‌يڤدارێ گۆران ومه‌حموود محه‌مه‌د په‌يڤدارێ پارتى ل كۆنگره‌كێ رۆژنامه‌ڤانى يێ هه‌ڤپشك دا، ناڤه‌رۆكا كۆمبوونێ به‌رچاڤكر.

شۆره‌ش حاجى، په‌يڤدارێ گۆران گۆت” مه‌ تێبينى يێن ل سه‌ر تۆمارا ده‌نگده‌ران هه‌ين نابيت هه‌لبژارتن ب ڤى شێوه‌ى بهێنه‌ كرن”.

ناڤبرى دياركر بزاڤا گۆران ل سالا بۆرى ل گه‌ل درێژكرنا ژيێ په‌رله‌مانێ كوردستانێ نه‌بوون وهه‌موو ده‌مه‌كى ل گه‌ل وێ چه‌ندێ دانه‌ هه‌لبژارتن ل ده‌مێ خوه‌ دا بهێنه‌ ئه‌نجامدان.

ژلايێ خوه‌ڤه‌، مه‌حموود محه‌مه‌د، په‌يڤدارێ پارتى رژدبوونا پارتى ل سه‌ر ئه‌نجامدانا هه‌لبژارتنان دووپاتكر وراگه‌هاند” كارێن ته‌كنيكى يێن كۆمسيۆنێ يێن تمام بووين وهه‌موو پێرابوون يێن ب رێڤه‌چووين وچو گرفته‌كا ته‌كنيكى نينه‌ تاكو هه‌لبژارتن بهێنه‌ پاشخستن”.

رۆهنكر ژى” هه‌موو ئه‌گه‌ر دگۆنجاينه‌ بۆ ئه‌نجامدانا هه‌لبژارتنان دده‌مێ خوه‌ دا كو برياره‌ ل 30 ڤێ هه‌يڤێ بهێنه‌ ئه‌نجامدان”.

نيشاندان 1...1,000 2,000 1,5091,5101,511 2,510 3,510...3,681 زێده‌تر

لاپه‌ر 1,510 ژ 3,681