ئهڤرۆنيوز:
رێڤهبهريا گشتى يا كهشناسيێ وبيڤهلهرزان ل ههرێما كوردستانێ پلا گهرمێ ل پارێزگها دهۆكێ يا ئهڤرۆ وسهباهى بهلاڤكر.
رێڤهبهريا ناڤبرى ئاماژه دا كو پلا گهرمێ ئهڤرۆ سێشهمبى 4/9/2018 ل پارێزگهها دهۆكێ 38 پلهيه.
دياركر ژى كو پێشبينى دهێته كرن پلا گهرمێ يا سوباهى چارشهمبى 5/9/2918 ل پاريزگهها دهۆكێ دێ 39 پله بيت.
ئهڤرۆ نيوز:
رێڤهبهريا چاڤدێريا بازرگانى راگههاند كو ئهڤرۆ رێكهفتى 4ى ئيلۆنا 2018ێ بهايێ دراڤى ل بازارێن پارێزگهها دهۆكێ ب ڤى رهنگێ ل خوارێ يه:
| 1 دولارێ ئهمريكى | 1210 دينار |
| 1 يۆرۆيێ ئهورۆپى | 1400 دينار |
| 1 ليرێ توركى | 185 دينار |
بۆ وهرگرتنا نووترين پێزانينان ل سهر رهوشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب رهنگهكێ بهردهوام سهرهدانا مالپهرێ ئهڤرۆ نيوز www.evronews.net بكه.
ئەڤرۆ نیوز:
کۆمبوونا جڤاتا نوونەرێن عیراقێ دەسپێکر پشتی کو دوھی کۆمبوون بۆ ئەڤرۆ رۆژا سێشەمبی ھاتیە پاشخستن.
دوھی کۆمبوونا ئێکێ یا خولا چارێ یا جڤاتا نوونەرێن عیراقێ دەسپێکر و ھەر ئێک ژ سەرۆک کۆمار و سەرۆک وەزیرێن عیراقێ گۆتار خواندن.
پاشان کۆمبوون بۆ ماوێ دەمژمێرەکێ ھاتە پاشختن ژ ئەگەرێ وێ چەندێ کو مەزنترین فراکسیۆن پێک نەھات، پاشان کۆمبوون ڤەکری بۆ ئەڤرۆ ھاتە ھەلگرتن.
د روونشتنا ئەڤرۆ دا بڕیارە سەرۆکێ جڤاتا نوونەران و جێگرێن وی بھێنە ھەلبژارتن.
ب گۆرەیی ژێدەرێن دەنگوباسان لیستا مالکی و عامری مەزنترین فراکسیۆن پێک ئینایە و مالکی بۆ پۆستێ سەرۆک وەزیران و عامری ژی بۆ جێگرێ سەرۆک کۆماری ھاتینە دەستنیشانکرن.
ئهڤرۆ نيوز:
فهتح و دهولهتا قانوونێ نورى مالكى بۆ سهرۆك وهزيرێن عيراقێ و هادى عامرى بۆ جێگرێ سهرۆك كۆمارى دياركرن.
پێشتر مالكى و عامرى راگههاندبوو كو ئهوان وهكو ليستا دهولهتا قانوونێ و فهتح ههڤپهيمانى كريه و گههشتينه رێكهفتنێ و مهزنترين ههڤپهيمانى دروستكريه ل بن ناڤێ “ههڤپهيمانيا بناء” كو ژ 145 نوونهران پێك دهێت.
ئهڤرۆ نيوز:
د چارچۆڤێ سهرهدانێن پارتى دا بۆ لايهنێن سياسى ل ههرێما كوردستانێ ئهڤرۆ ب سهرپهرشتيا نێچيرڤان بارزانى جێگرێ سهرۆكێ پارتى ديموكراتى كوردستان سهرهدانا باژێرێ سلێمانيێ كر و ل گهل بزاڤا گۆڕان ل بارهگايێ وێ يێ سهرهكى ل گردێ زهرگهته كۆمبوو و ژ لايێ عومهرێ سهيد عهلى، رێكخهرێ گشتى يێ بزاڤا گۆڕان كۆمبوو.
پێشتر ئەندامەکێ جڤاتا نشتیمانی یا گۆڕان راگەھاند بوو کو ئەڤرۆ کۆمبوونا تەڤگەرا گۆڕان ل گەل پارتی دیمۆکراتی کوردستان ل سلێمانیێ دێ ھێتە ئەنجامدان.
کاروان ھاشم، ئەندامێ جڤاتا نشتیمانی یا گۆڕان راگەھاند کو ئەو ل گەل شاندێ پارتی ل سەر ھەردو پرسێن پێکئینانا حوکمەتا داھاتی یا عیراقێ و دانوستاندنان ل دۆر ھەلبژارتنێن پەرلەمانێ کوردستانێ کەن.
ئەندامێ جڤاتا نشتیمانی، دوپات کر کو وان وەکو گۆڕان بڕیار دایە پشکداریێ د ھەلبژارتنێن پەرلەمانێ کوردستانێ دا بکەن و گۆت: مە گرەنتیا وێ چەندێ دڤێت کو ھەلبژارتن دێ ب رەنگەکێ پاقژ و دوور ژ سەختەکاریێ ھێنە کرن).
ئەڤرۆ نيوز:
پەیڤدارێ وەزارەتا خواندنا بلند و ڤەکۆلینێن زانستی یا حوکمەتا ھەریما کوردستانێ بۆ رۆژناما ئەڤرۆ دیار کر، ئەڤرۆ ل دەمژمێر ھەشتی سپێدێ سیستەمێ وەرگرتنا قوتابیان ل زانکۆ و پەیمانگەھان ب رێیا زانکۆلاین، بۆ قوتابیێن پۆلا 12 ئامادەیی یێن خۆلا ئێکێ و دویێ دێ کەڤتە کاری و دبێژیت: دەرچوویێن پۆلا 12 ب رێیا وێبسایتی دشێن داخواز یێن خوە پێشکێش بکەن. سیستەمین (زانکۆلاین، راستەوخو، بەکریدیت، پارالێل و ئێڤاران) بۆ وەرگرتنێ ل زانکۆ و پەیمانگەھان پێشکێش بکەن.
عەباس ئەکرەم، پەیڤدارێ وەزارەتا خواندنا بلند و ڤەکۆلینێن زانستی یا حوکمەتا ھەرێما کوردستانێ ئاشکرا ژی کر، پشتی ناڤێ (بکارئینەر و پەیڤا تێپەر) ژ لایێ وەزارەتا وانڤە ئاراستەی ریڤەبەریێن گشتی یێن پەروەردێن پاریزگەھێن (دھۆک، ھەولێر، سلێمانیێ و ھەلەبجە) و ئیدارێن (گەرمیان و راپەرین) ھاتینەکرن، داکو ب رێیا قوتابخانێن ئامادەیی ل سەر دەرچووێن 12 ئامادەیی بھینە بەلاڤکرن.
عەباسی خویا ژی کر، ئەڤرۆ 4-9-2018، ل دەمژمێر ھەشتی سپێدێ مالپەڕێ (www.regayzanko.com) دەرچوویێن پۆلا 12 ئامادەیی دشێن فۆرمێن وەرگرتنێ ل زانکۆ و پەیمانگەھان پڕ بکەن و پێشکێش بکەن و گۆت: “دەرچوویێن 12 ئامادەیی دەلیڤە ھەتا دەمژمێر 12 شەڤا 14-9-2018 یا ھەی بۆ وەرگرتنا فۆرمێ ل زانکۆ و پەیمانگەھێن کوردستانێ و پێدڤیە ب کارئینانا ھەمان وی ناڤێ بکارئینەر و پەیڤا تێپەر (یوزەر نەیم و پاسوورد) کو پێشتر ژ قوتابخانێن خوە وەگرتین، دشێن فۆرما وەرگرتنێ داگرن”.
گۆتژی: “دەرچوویێن 12 ئامادەیی ب رێیا ھەمان وێبسایت دشێن داخوازیێن خوە ب سیستەمێن (زانکۆلاین، راستەوخوە، کرێدێت، پارالێل و ئێڤاران) بۆ وەرگرتنێ ل زانکۆیان پێشکێش بکەن”.
ئەڤرۆ نيوز:
بەرپرسەکێ وەزارەتا ئاڤەدانکرن و ئاکنجیکرنێ دیار کر کو ئێک ژ وان پرۆژێن گرنگێن نوکە حوکمەتا ھەرێما کوردستانێ کار تێدا دکەت، رێیا پارێزگەھا دھۆکێ بۆ دەڤەرا سحێلایە و بڕیارە ئەڤ سالە تمام بیت.
ئەندازیار سامی قادر، رێڤەبەرێ پرۆژان ل وەزارەتا ئاڤەدانکرن و ئاکنجیکرنێ یا حوکمەتا ھەرێما کوردستانێ دیار کر کو دەست ب چێکرنا ھژمارەکا پرۆژێن رێ و بانان ھاتیەکرن و کارکرن تێدا یا بەردەوامە، حوکمەتا ھەرێما کوردستانێ ل گەل کۆمپانیێن ناڤخۆ و بیانی د بزاڤان دایە کار د ھژمارەکا پرۆژێن دی ژی دا بھێتەکرن، ب تایبەت ئەو پرۆژێن بەری نوکە چەند قووناغ ژێ ھاتینە بجە ئینان و ژ بەر قەیرانا دارایی ھاتینە راگرتن.
ناڤھاتی ئاماژە دا وێ چەندێ کو نوکە ئێک ژ وان پرۆژێن کار بۆ تمامکرنا وی دھێتەکرن، پرۆژێ رێیا گرشین بۆ دەڤەرا سحێلایە کو ب درێژاھیا 22 کیلۆمەتران دێ ھێتە چێکرن و بۆ مالپەرێ فەرمی یێ پارتی دیموکراتی کوردستان گۆت: “نوکە 35% کار د ڤی پرۆژەیی دا ب دووماھی ھاتیە و کارکرن د ڤی پرۆژەیی دا دێ یا بەردەوام بیت ھەتا ب دووماھی دھێت”.
رێڤەبەرێ پرۆژان ل وەزارەتا ئاڤەدانکرن و ئاکنجیکرنێ یا حوکمەتا ھەرێما کوردستانێ خویا کر کو رێیا گرشین – سحێلا پارێزگەھا دھۆکێ ب دەڤەرا سحێلا ڤە گرێدەت کو ئەڤ رێیە ل گۆندێ گرشینێ یێ ل سەر رێیا سەرەکیا زاخۆ بەر ب دەڤەرێن سحێلا بۆ ناحیا زومار و رەبیعە دچیت و گۆت: “تمامبوونا ڤی پرۆژەیی دێ گەلەک مفایی گەھینیتە دەڤەرێ”.
ئهڤرۆ نيوز:
رێڤەبەرێ گشتیێ رەگەزناما ھەرێما کوردستانێ پیلانەکا بەغدا دژی رەگەزناما ھەرێما کوردستانێ ئاشکرا کر و دبێژیت، دێ رێڤەبەرایا گشتیا رەگەزنامێ ل ھەرێما کوردستانێ مینیت، بەلێ دێ بیتە پشکەک دگەل رێڤەبەریا گشتیا بەغدا و گۆت: “نوکە ھەر کەسەکێ بیانی بخوازیت ببیتە خودانێَ رەگەزناما عیراقێ پشتی بجە ئینانا مەرجێن قانوونی مە دەستھەلات ھەنە رەگەزنامێ ژ بەغدا وەرگرین”.
لیوا ھێرش ئەحمەد، رێڤەبەرێ گشتیێ رەگەزناما ھەرێما کوردستانێ بۆ رۆژناما ئەڤرۆ دیار کر کو ئەڤ پێزانینێن ل دۆر ھەلوەشاندنا رێڤەبەریا گشتیا رەگەزناما ھەرێما کوردستانێ دھێنە بەلاڤکرن چو راستی بۆ نینە، بەلێ ناڤەشێرن دێ دگەل بەغدا ھێتە تێکەلکرن و گۆت: “ئەم دێ جھگر بین ل کوردستانێ ب تنێ دەمێ نڤیسارەکێ دکەین بۆ بەغدا دێ مە ھەمان دەستھەلاتێن بەرێ ھەبن، بەلێ ئەڤە پرسەکا سیاسیە و بزاف یێ دھێنەکرن ھەرێما کوردستانێ و بەغدا بگەھنە رێکەفتنێ ل دۆر ئەڤان ئاریشێن نوکە مە دگەل بەغدا ھەین”.
ناڤھاتی ئاماژە دا وێ چەندێ کو ل گورەی قانوونێ دەستھەلاتێن پێدانا رەگەزنامێ ددەستھەلاتا حوکمەتا بەغدانە و سەربخوە ئەو نەشێن رەگەزنامێ بدەنە کەسەکی، بەلێ نوکە ل گورەی قانوونێ ھەر وەلاتیەکێ بیانی بھێتە ھەرێما کوردستانێ ب رێکێن فەرمی و پشتی داخوازا مانێ بکەت و بۆ دەمێ پێنج سالان چ ئاریشێن ئەمنی و تاوانان ئەنجام نەدابن دێ بیتە خودانێَ رەگەزناما عیراقی و ئاریشە نابن.
ئەڤرۆ نيوز:
وەزارەتا ساخلەمیا عیراقێ بۆ جارا سێیێ وەزارەتا ساخلەمیا ھەرێما کوردستانێ ل دۆر جۆرێن دەرمانێن سەختە ئاگەھدارکریە، داخوازکریە رێگریێ ل سەختەکرنا وان دەرمانان بکەن.
وەزارەتا ساخلەمیا عیراقێ د ئاگەھداریەکێ دا بەلاڤکریە کو حەبێن (metformin 500mg + 2/500mg climepiride) ب ھژمارا باجا (ACFRO16) سەختەنە و نەخۆش چو مفای ژێ ناوەرگرن.
بەری نوکە د ھەیڤا حوزەیران و تەباخا ئەڤ سالە دا وەزارەتا ساخلەمیا عیراقێ ب دو نڤیسارێن فەرمی ئاگەھداریا وەزارەتا ساخلەمیا ھەرێما کوردستانێ کربوو کو دو جۆرێن دەرمانان ژ ئالیێ کۆماپانیێن (sanofi) و ( novo nordisk) ھاتینە بەرھەمئینان د سەختەنە و نابیت ل ھەرێما کوردستانێ بھێنە ب کارئینان.
ژ ئالیێ خوە ڤە رێڤەبەریا کۆنترۆلا جۆری ل وەزارەتا ساخلەمیا ھەرێما کوردستانێ د راگەھاندنەکێ دا دیار کر کو تیمێن چاڤدێریا بازاری ب ھووری چاڤدێریا بازارێن ھەرێمێ دکەن و ژ ئەگەرێ ھەبوونا ھەر دەرمانەکێ سەختە رێکارێن پێدڤی دگرنەبەر، ھەروەسا ھەر وەلاتیەک یان ستافێ ساخلەمیێ دەرمانێن سەختە ببینیت دشێت رێڤەبەریا کۆنترۆلا جۆری ئاگەھدار بکەت.
نيشاندان