ئەڤرۆ نیوز:
پشتی یاریێن خولێن ئوروپی بۆ ماوێ حەفتیەکێ ھاتینە راوستاندن پێخەمەت چەندین یاریێن ھەڤالینی یا ناڤدار ب حەفتیا فیفایێ دێ چەندین یاری ئەڤرۆ ھێنە کرن و سوبەھی ژی دێ بەردەوامی پێ ھێتەدان.
٥:٠٠ کازاخستان VS جورجیا
٧:٠٠ ئەرمینیا VS لیشتنشتاین
٩:٤٥ ئەلمنیا VS فرەنسا
٩:٤٥ چیک VS ئوکراینا
٩:٤٥ وێلز VS ئێرلەندا
٩:٤٥ سلوڤینیا VS بلگاریا
٩:٤٥ نەرویژ VS قبرس
٩:٤٥ لاتفیا VS ئەندورا
٩:٤٥ جەبەل تارق VS مقدونیا
ئەڤرۆ نیوز:
یاریزانێ بەرێ یێ یانا مانچستەر یونایتد رایان گیگز رەخنە ل ئێکەتیا تەپاپێ یا ئوروپا گرتن ژبەر ھەلبژارتنا گۆلا ستێرا پرتوگالی کرستیانو رونالدوی وەک باشترین گۆل ل سەر ئاستێ ئوروپا ئەوا ل وەرزێ بوری ل سەر یانا یوڤانتوس تومار کری.
زێدەتر گیگز دیارکریە کو گۆلا وەلاتیێ وی یێ وێلزی و یانا ریال مەدرید گاریس بێل ل دوماھیا قارەمانیا ئوروپا قارەمانێن خولان ھەمبەر یانا لێڤەرپول جوانترین گۆل بویە و ژ ھەژی خەلاتکرنێ دمێژوویا تەپا پێ دا نەکو یا رونالدوی.
ئەڤرۆ نیوز:
یاریزانێ یانا پاریس سان جێرمان کیلیان مبامپی بۆ ماوێ ب توندی ھاتە سزادان ژلایێ لژنا سزایێن ب سەر ئێکەتیا تەپاپێ یا فرەنسا ڤە پشتی یاریا بوری دا ب کارتا سور ژ یاریێ ھاتیە دەرخستن دگەل یانا نیم ئولومپیک ژ گەرا چارێ.
ئێکەتیا تەپاپێ یا فرەنسا د راگەھاندنەکێ دا بریارا راگرتنا مبامپی بۆ ماوێ سێ حەفتیان دەرخست ب ڤێ چەندێ د سێ یاریێن بھێت یێن خولا فرەنسا ھەمبەر یانێن سانت ئیتیان، رێن ، ریمس پشکداریێ ناکەت.
جڤاتا سه‌ركرداتیا ئێكه‌تی نیشتمانی كوردستانێ ئه‌ڤرۆ كۆمبوو و پشتی كۆمبوونێ راگه‌هاندنه‌ك به‌لاڤكر و تێدا هاتیه” ل گه‌ل وێ چه‌ندێ ینه هه‌لبژارتن د ده‌مێ خوه دا بهێنه ئه‌نجامدان، لێ هه‌كه ئالی ل په‌رله‌مانی ب فه‌رمی بزاڤا پاشخستنێ بكه‌ن، ل وی ده‌می ئێكه‌تی ژی دێ په‌سه‌ند كه‌ت”.
هه‌روه‌سا د راگه‌هاندنا جڤاتا سه‌ركرداتیا ئێكه‌تی دا هاتیه” بڕیار و سیاسه‌تا دیمۆكراسی ئه‌وه هه‌لبژارتن د ده‌مێ خوه دا و دوور ژ گۆمان و دلگرانیان بهێنه ئه‌نجامدان، بۆ ئه‌نجامدانا وان ژی هه‌موو به‌رهه‌ڤی یێن هاتینه كرن”.
ل دۆر په‌یوه‌ندیێن پارتی و ئێكه‌تیێ د راگه‌هاندنێ دا هاتیه” په‌یوه‌ندێن هه‌ڤسه‌نگێن ئێكه‌تی و پارتی و پرۆژێ هه‌ڤپشكێ د ناڤبه‌را وان دا یێ گرنگه، گه‌له‌كا گرنگه بزاڤ بهێته كرن پێشڤه ببه‌ن بۆ وێ چه‌ندێ ئالیێن كوردستانی پشكدار ببن و پرۆژه ژی بهێته ده‌وله‌مه‌ند كرن”.
ئه‌ڤرۆنیوز، حه‌مۆ محه‌مه‌د:
به‌رپرسێ هۆبا راگه‌هاندنێ ل ئۆفیسا گشتی یا دهۆكێ یا كۆمیسۆنا هه‌لبژارتن و راپرسیێ یا هه‌رێما كوردستانێ بۆ ئه‌ڤرۆنیوز دیار كر، پتری 718 هزار كه‌سان مافێ ده‌نگدانێ ل پارێزگه‌ها دهۆكێ یێ هه‌ی.
جیهاد حه‌مید، به‌رپرسێ هۆبا راگه‌هاندنێ ل ئۆفیسا گشتی یا دهۆكێ یا كۆمیسۆنا هه‌لبژارتن و راپرسیێ یا هه‌رێما كوردستانێ خویا ژی كر، ل سه‌رانسه‌ری پارێزگه‌ها دهۆكێ پتری 718 هزار كه‌سان مافێ ده‌نگدانێ بۆ هه‌لبژارتنێن په‌رله‌مانێ كوردستانێ یێ هه‌ی و گۆت: “ژ وان ده‌نگده‌ران ژی 676 ده‌نگده‌رێن گشتی نه و پتری 42 هزار ژی ده‌نگده‌رێن تایبه‌تی نه”.
وه‌كو دیار بڕیاره 309/2018 هه‌لبژارتنێن په‌رله‌مانێ كوردستانێ بهێنه ئه‌نجامدان و كۆمیسۆن ژی دیار دكه‌ت كو وان به‌رهه‌ڤی بۆ ئه‌نجامدانا ڤێ پرۆسێ كرینه.
ئه‌ڤرۆنيوز:
په‌رله‌مانتارێ عيراقى ژ پارێزگه‌ها به‌سرا عامر ئه‌لفايز، ئه‌ڤرۆ چارشه‌مبى ئاشكراكر كو حه‌يده‌ر عه‌بادى سه‌رۆك وه‌زيرێن عيراقێ فه‌رمانا ته‌رخانكرنا گۆژمێ 500 مليار ديناران بۆ باشتركرنا ره‌وشا خزمه‌تگوزاريان ل پارێزگه‌ها به‌سرا، ده‌ركريه.
وى په‌رله‌مانتارى دداخۆيانيه‌كێ دا بۆ مالپه‌رێ (المعلومه) گۆت” دكۆمبوونا عه‌بادى دا ل گه‌ل هژماره‌كا په‌رله‌مانتارێن پارێزگه‌ها به‌سرا وحوكمه‌تا به‌سرا يا خوه‌جهى بريارا ته‌رخانرنا وى گۆژمێ پاره‌ى دايه”.
ئه‌ڤرۆنيوز:
ژێده‌ره‌كێ رۆژنامه‌ڤانى ل به‌سرا بۆ ئه‌ڤرۆنيوز راگه‌هاند، خوه‌نيشانده‌ران ده‌رگه‌هه‌كێ به‌نده‌رێ ئه‌م قه‌سر ل پارێزگه‌ها به‌سرا يێ كونترۆل كرى.
عه‌لى سارى، رۆژنامه‌ڤان ژ به‌سرا بۆ ئه‌ڤرۆنيوز گۆت” ئه‌ڤرۆ ئێڤارى ب سه‌دان خوه‌نيشانده‌ران ده‌رگه‌هێ باكوور يێ به‌نده‌رێ ئه‌م قه‌سر ل به‌سرا كونترۆلكر”
گۆت ژى” خوه‌نيشانده‌رێن به‌سرا دبێژن دێ به‌رده‌وام بن دخوه‌نيشاندانێن خوه‌دا تاكو حوكمه‌ت هه‌موو داخوازيێن وان بجهبينيت”.
ئه‌ڤرۆنيوز:
به‌رپرسێ ده‌زگه‌هێ هه‌لبژارتن يێ پارتى ديموكراتى كوردستان راگه‌هاند، هه‌لبژارتن ل ده‌مێ خوه دا دێ هينه ئه‌نجامدان وپاشخستنا بانگه‌شێ په‌يوه‌ندى ب وێ چه‌ندێ هه‌بوو تاكو ئه‌و لايه‌نێن نه‌رازى، خوه رێك بخن وپشكدار ببن.
كۆمسيۆنا بلند يا هه‌لبژارتنان وراپرسيێ ل هه‌رێما كوردستانێ بريار دابوو بانگه‌شا هه‌لبژارتنان ل 5/9/2018 ده‌ست پێبكه‌ت، به‌لێ بۆ ده‌مێ حه‌فتيه‌كێ هاته پاشخستن.
خسرۆ گۆران، به‌رپرسێ ده‌زگه‌هێ هه‌لبژارتن يێ پارتى بۆ مالپه‌رێ فه‌رمى يێ پارتى ديموكراتى كوردستان گۆت” ل سه‌ر داخوازيا هنده‌ك لايه‌نێن سياسى بوو كو بانگه‌شه بۆ چه‌ند رۆژان بهێته پاشخستن تاكو به‌رهه‌ڤيێن خوه بۆ بانگه‌شێ بكه‌ن”.
رۆهنكر ژى” پشتى ڤه‌كۆلينێ ژلايێ كۆمسيۆنێ ڤه، ب پتريا ده‌نگان بانگه‌شه بۆ ده‌مێ حه‌فت رۆژان هاته پاشخستن”.
خسرۆ گۆران، بزاڤا وان لايه‌نێن دخوازن ب پرۆژه‌كى ژيێ په‌رله‌مانى درێژ بكه‌ن وب وێ چه‌ندێ هه‌لبژارتن بهێنه پاشخستن، ب شكه‌ستن دزانيت وئاماژێ ب وێ چه‌ندێ دكه‌ت كو ل دووڤ وێ ده‌ستهه‌لاتا حوكمه‌تا هه‌رێمێ هه‌ى، دشێت هه‌لبژارتنان پاش بێخيت، ده‌م ژى يێ كێمه تاكو لايه‌ن پرۆژه‌كێ وه‌سا ئاراسته‌ى په‌رله‌مانى بكه‌ن، پشكه‌ك ژ لايه‌نێن سياسى ل گه‌ل وێ چه‌ندێ دانه هه‌لبژارتن نه‌هێنه ئه‌نجامدان، ئه‌ڤه‌ژى كارێ وان نينه، پارتى ژى نه‌شێت بريارا ئه‌نجامدانا هه‌لبژارتنان، يان نه ئه‌نجامدانان وان بده‌ت.
دياركر ژى” ده‌مێ بانگه‌شا هه‌لبژارتنان ده‌ست پێ دكه‌ت، چو ده‌ليڤه بۆ پاشخستنا هه‌لبژارتنان نامينيت، ژبه‌ر كو ئه‌م هه‌موو دێ كه‌ڤينه ململانيێيا هه‌لبژارتنان”.
ئه‌ڤرۆنيوز:
رۆژنامه‌كا ئيسپانى به‌لاڤكر كو ياريكه‌ره‌كێ يانا به‌رشه‌لونا تووشى هنگاڤتنێ بوويه.
رۆژناما (سپۆرت) يا ئيسپانى كو ل به‌رشه‌لونا ده‌ردكه‌ڤيت به‌لاڤكر” ياريكه‌رێ هه‌لبژارتيێ شيلى ويانا به‌رشه‌لونا (ئارتورۆ فيدال) ل ده‌مێ ئه‌نجامدانا راهێنانان ل گه‌ل هه‌لبژارتيێ شيلى كو خوه به‌رهه‌ڤ دكه‌ت بۆ ئه‌نجامدانا دو ياريێن هه‌ڤالينى ل گه‌ل هه‌ردو هه‌لبژارتيێن كوريا باشوور وچاپۆنى، هه‌ست ب ئازاران ل چۆكێ خوه كر”.
دياركر” ژئه‌نجامێ وێ چه‌ندێ فيدالى به‌رده‌وامى ب راهێنان نه‌كر ونوكه ب سه‌رپه‌رشتيا بسپۆره‌كێ چاره‌سه‌ريا سروشتى راهێنانێن تايبه‌ت دكه‌ت وبرياره هنده‌ك پشكنينێن نوشدار بكه‌ت بۆ زانينا راده‌يا هنگافتنێ”.
ئه‌ڤرۆنيوز:
چه‌كدارێن داعشێ ئه‌ڤرۆ چارشه‌مبى 5/9/2018 هێرش كره ده‌ڤه‌ره‌كا ب سه‌ر پارێزگه‌ها كه‌ربه‌لا ڤه.
ژێده‌ره‌كى ئه‌منى بۆ مالپه‌رێ بغداد اليوم گۆت” هيزێن ئه‌منى ل ده‌ڤه‌را رزازه كو دكه‌ڤيته دناڤبه‌را هه‌ردو پارێزگه‌هين كه‌ربه‌لا وئه‌نبار هێرشه‌كا داعشێ شكاند.
دياركر” دئه‌نجامێ شه‌ره‌كى دا كو فرۆكێن شه‌ركه‌ر يێن عيراقى پشكدارى تێداكرى چه‌ندين چه‌كدارێن داعشێ هاتنه كوشتن ويێن ماين ژى بۆ دۆلێن وێ ده‌ڤه‌ري ره‌ڤين”.
نيشاندان