ئه‌ڤرۆ نیوز:

په‌یڤدارێ وه‌زاره‌تا ئه‌وقاف و كاروبارێن ئاینى یا حوكمه‌تا هه‌رێما كوردستانێ دیاركر كو دوو روژ ڤێ هه‌یڤێ دا بنه‌ بێهنڤه‌دانێن فه‌رمى ل هه‌موو دام و ده‌زگه‌هێن حوكمه‌تا هه‌رێما كوردستانێ.

نه‌به‌ز ئیسماعیل په‌یڤدارێ وه‌زاره‌تا ئه‌وقاف و كاروبارێن ئاینى یا حوكمه‌تا هه‌رێما كوردستانێ دیاركر ، رۆژا ئێكێ موحه‌ره‌مێ كو دبیته‌ 11/9 ب هه‌لكه‌فتا سه‌ر سالا كوچى و روژا 10ێ مه‌حه‌ره‌مێ كو دبیته‌ 20/9 ب هه‌لكه‌فتا روژا عاشورایێ ب گوره‌ى بێهنڤه‌دانێن سالنامه‌یێ ، دێ بیته‌ بێهنڤه‌دانا فه‌رمى ل هه‌موو دام و ده‌زگه‌هێن حومه‌تا هه‌رێما كوردستانێ.

ئه‌ڤرۆ نیوز ، نه‌وزاد هلۆرى:

كومسیوونا بلندا یا سه‌ربخوه‌ى یا هه‌لبژارتن و راپرسێ یا هه‌رێما كوردستانێ ناڤێن كارمه‌ندێن سه‌ر سندوقان بو هه‌لبژارتنێن په‌رله‌مانێ كوردستانێ به‌لاڤكرن.

كومسیوونێ ناڤێن كارمه‌ندێن هه‌ر چوار پارێزگه‌هێن هه‌رێما كوردستانێ (هه‌ولێر ، سلێمانى ، دهۆك و هه‌له‌بچه‌) به‌لاڤكرن ، و ل سنوورێ پارێزگه‌ها دهۆك 12 هزار و 634 كه‌س هاتینه‌ وه‌رگرتن ، و وه‌لاتى دشێن ب رێیا لینكێ ل خوارێ ناڤێن خوه‌ بزانن.

ناڤێن پارێزگەها دهۆک

ئه‌ڤرۆ نيوز:

به‌رپرسێ ده‌زگه‌هێ هه‌لبژارتنێن ئێكگرتوو ئيسلامى كوردستان راگه‌هاند كو ئه‌وان وه‌كو ئێكگرتوو هه‌ر ژ ده‌سپێكێ وه‌سان هزر كريه‌ كو هه‌لبژارتن ب خوه‌ هاتينه‌ پاشخستن و پێدڤى ناكه‌ت جاره‌كا دى بهێنه‌ پاشخستن.

قاسم گه‌لالى، به‌رپرسێ ده‌زگه‌هێ هه‌لبژارتنێن ئێكگرتوو ئيسلامى كوردستان، بۆ مالپه‌رێ پارتيا خوه‌ راگه‌هاند كو ئێكگرتوو ئيسلامى كوردستان هه‌موو ئاماده‌كاريێن خوه‌ بۆ هه‌لبژارتنان كرينه‌ و چو پرۆژه‌ك و ده‌سپێشخه‌ريه‌ك ژى نابيت بۆ پاشخستنا هه‌لبژارتنان.

ئاماژه‌ ب وێ چه‌ندێ ژى كر كو ئه‌و وه‌سان هزر دكه‌ن كو پێگوهۆڕێ هه‌لبژارتنان هه‌ر هه‌لبژارتنن و يا ئه‌سل ئه‌وه‌ كو د ده‌مێ خوه‌ دا هه‌لبژارتن بهێنه‌ كرن.

به‌رپرسێ ده‌زگه‌هێ هه‌لبژارتنێن ئێكگرتوو گۆتژى: “هه‌ر ژ ده‌سپێكێ ب بۆچوونا مه‌ وه‌سان بوو كو هه‌لبژارتن ب خوه‌ يێن هاتينه‌ پاشخستن و پێدڤى ناكه‌ت جاره‌كا دى بهێنه‌ پاشخستن”.

ئه‌ڤرۆ نيوز:

بڕيارده‌رێ كۆمسيۆنا بلندا سه‌ربه‌خۆيا هه‌لبژارتن و راپرسيێ ل هه‌رێما كوردستانێ راگه‌هاند كو ئه‌ڤرۆ دێ ناڤێن فه‌رمانبه‌رێن گرێبه‌ست بۆ هه‌لبژارتنان راگه‌هينن كو زێده‌تر ژ 42 هزار فه‌رمانبه‌رانن.

ئيسماعيل خۆرمالى، د تۆڕا جڤاكى يا فه‌يسبۆكى دا به‌لاڤكريه‌ كو ئه‌ڤرۆ دێ ناڤێ زێده‌تر ژ 42 هزار كه‌سان راگه‌هينن، كو ناڤێ وان ده‌رچوويه‌ وه‌كو فه‌رمانبه‌رێن گرێبه‌ست بۆ رۆژا ده‌نگدانا هه‌لبژارتنێن په‌رله‌مانێ كوردستانێ.

ئاماژه‌ ب وێ چه‌ندێ ژى كر كو ناڤێ زێده‌تر ژ 10 هزار كه‌سێن يه‌ده‌ك ژى دێ راگه‌هينن كو هه‌موو ب ره‌نگه‌كێ هه‌ره‌مه‌كى و ب پشككێشان د پرۆسه‌كا شه‌فاف دا هاتينه‌ ئه‌نجام دان.