ئه‌ڤرۆنيوز:

ئه‌ڤ شه‌ڤه‌ فرۆكێن توركى ئه‌ند ده‌ڤه‌ر ل سنورێ هه‌ردو قه‌زايێن ئاكرێ وئامێديێ توپ بارانكرن.

فرۆكێن توركى ده‌ڤه‌را نه‌هلێ ل قه‌زا ئاكرێ وسنورێ ناحيا چه‌مانكێ ژى توپ بارانكر.

ژێده‌ره‌كێ ئاگه‌هدار ل وێ ده‌ڤه‌رێ ب ئه‌ڤرۆنيوز راگه‌هاند، چو زيانێن گيانى ژ ئه‌نجامێ وێ توپ بارانكرنێ نه‌بوون.

ئه‌ڤرۆنيوز:

هنده‌ك ده‌زگه‌هين راگه‌هاندنێ يێن عيراقى ئه‌ڤرۆ دوشه‌مبى 3/9/2018  ژزارده‌ڤێ ژێده‌ره‌كى ژ ليستا فه‌تح ، به‌لاڤكربوو كو ئێكگرتوو ئيسلامى كوردستان وبه‌ره‌يێ توركمانى په‌يوه‌ندى ب رێزێن هه‌ڤپه‌يمانيا مالكى وعامرى كريه‌، به‌لێ موسه‌نا ئه‌مين په‌رله‌مانتارێ ئێكگرتوو ل په‌رله‌مانێ عيراقێ ئه‌و ده‌نگوباسه‌ ره‌تكر.

موسه‌نا ئه‌مين ب ده‌زگه‌هێن راگه‌هاندنێ يێن ئێكگرتوو ئيسلامى گۆت” هه‌تا نوكه‌ مه‌ رێككه‌فتن ل گه‌ل چو لايه‌نه‌كى نه‌كريه‌ بۆ چوونێ دناڤ هه‌ڤپه‌يمانيه‌كێ دا و چو راستى بۆ وان ده‌نگوباسان نينه‌ كو فراكسيۆنا ئێكگرتوو ئيسلامى چوبيته‌ دناڤ هه‌ڤپه‌يمانيا مالكى دا”.

گۆت ژى” وه‌كو هه‌ر چار لايه‌نێن ئێكگرتوو- گۆران – هه‌ڤپه‌يمانى ژبۆ ديموكراسيێ ودادپه‌روه‌ريێ وكۆمه‌لا ئيسلامى ددانوستاندنان داينه‌ ودێ پێكڤه‌ بريارێ ده‌ين كا دێ پشكداريێ ل گه‌ل چ هه‌ڤپه‌يمانيه‌كێ كه‌ين”.

ئه‌ڤرۆنيوز:

 ل دووڤ وى ژڤانێ كۆمسيۆنا بلند يا هه‌لبژارتن وراپرسيێ ل هه‌رێما كوردستانێ دياركرى بۆ ده‌ستپێكرنا بانگه‌شا هه‌لبژارتان بۆ هه‌لبژارتنێن په‌رله‌مانێ كوردستانێ كو رۆژا چارشه‌مبى 5/9/2018 يه‌، لايه‌نێن سياسى ل هه‌رێمێ دشێن ل وێ رۆژێ ده‌ست ب هه‌وا هه‌لبژارتنان بكه‌ن.

ل دووڤ ئامارێن كۆمسيۆنا هه‌لبژارتنان وراپرسيێ، 31 قه‌وارێن سياسى دێ پشكداريێ دهه‌لبژارتنێن په‌رله‌مانێ كوردستانێ دا كه‌ن ب 709 به‌ربژاران وپێكهاتێن مه‌سيحى وئه‌رمه‌نى وتوركمانان 64 به‌ربژار يێن هه‌ين.

هه‌لبژارتنێن په‌رله‌مانێ كوردستانێ دێ ل 30 ڤێ هه‌يڤێ هێنه‌ ئه‌نجامدان.