ئه‌ڤرۆنيوز:
به‌رى ده‌مه‌كێ كێم هونه‌رمه‌ند ورۆژنامه‌ڤانێ ناڤدارێ دهۆكێ (محه‌مه‌د عه‌لى ئه‌ترووشى) وه‌غه‌ركر.
هونه‌رمه‌ند ورۆژنامه‌ڤان محه‌مه‌د عه‌لى ئه‌ترووشى وه‌غه‌ركر
نووترين نووچه
- سەرۆك بارزانی ل گەل شاندەكێ هەڤپشكێ سێ پارتێن باكوورێ كوردستانێ پرۆسەیا ئاشتیێ ل توركیا گەنگەشە كر
- سەرۆك بارزانی و ئەیاد سامەرائی دوپاتی ل پێگیریبوونێ ب بنەمایێن هەڤپشكیێ كر
- پارتی دیموكراتی كوردستان پیرۆزباهیێ ل پارتا داد و گەشەپێدانێ یا توركی دكەت
- لژنەیا پەترۆل و غازێ: هەموو بەرهەڤیێن هنارتنا پەترۆلا هەرێما كوردستانێ یێن تمام بووین
- ب سەركەڤتنا پرۆسەیا ئاشتیێ ل توركیا دێ ب سەدان گوندێن مە دوبارە هێنە ڤەژاندن
- قاسم شەشۆ: ئەو كەسێن چووینە بەغدا داخوازێن كەسۆكی هەبوون و تنێ نوونەرایەتییا چەند كەسان دكەن
- كەسایەتییەكێ ئێزدی: چو جاران ئێزدیان جهێ خوە د ناڤا لەشكەرێ ئیراقێ دا نەدیتییە
- سەرۆك بارزانی و فالح فەیاز رەوشا سیاسی و ئەمنی یا ئیراقێ و دەڤەرێ گەنگەشە كر
- چاڤدێرەكێ سیاسی: سەرۆك بارزانی بڕیاردەرێ چارەسەرییا پرسا كوردی یە ل دەڤەرێ
- وەزارەتا دەرڤەیا ئیراقێ: پەیاما عەبدوللا ئۆجەلانی بۆ ئیراقێ و هەرێما كوردستانێ یا گرنگە
سه‌ره‌كى Facebook
سيسته‌مى زانكۆلاين دێ كه‌ڤيته كارى
ئه‌ڤرۆنيوز:
وه‌زاره‌تا خواندنا بلند وڤه‌كۆلينێن زانستى ل هه‌ريما كوردستانێ راگه‌هاند، ل چه‌ند رۆژێن داهاتى سيسته‌مێن وه‌رگرتنا قوتابيان ل زانكۆيان دێ كه‌ڤيته كارى، هه‌ڤده‌م په‌يڤدارێ وێ وه‌زاره‌تێ دبێژيت ده‌رچوويێن پۆلا 12 ب رێيا هه‌مان وێبسايتى دشێن داخواز يێن خوه ب سيسته‌مين (زانكۆلاين، راسته‌وخو، به‌كريديت، پارالێل وئێڤاران) بۆ وه‌رگرتنێ ل زانكۆيان پێشكێش بكه‌ن.
عه‌باس ئه‌كره‌م، په‌يڤدارێ وه‌زاره‌تا خواندنا بلند گۆت” پشتى ناڤێ بكارئينه‌ر، په‌يڤا تێپه‌ر) ژلايێ وه‌زاره‌تا مه ئاراسته‌ى ريڤه‌به‌ريێن گشتى يێن په‌روه‌ردێن پاريزگه‌هێن هه‌رێمێ دهێته كرن، بۆ وێ چه‌ندێ ب رێيا قوتابخانێن ئاماده‌يى ل سه‌ر ده‌رچووێن 12 ئاماده‌يى بهينه به‌لاڤكرن، كاركرن ژى ب سيسته‌مێن وه‌رگرتنێ به‌رده‌وامى هه‌بوو”.
دياركر” ل رۆژا سێشه‌مبيا بهێت 4/9/2018 ل ده‌مژمێر 8 سپێدێ وێبسايتێ ده‌رچوويێن خۆلا ئێكێ ودويێ يا 12 ئاماديى دێ هێته كاراكرن، ب وێ چه‌ندێ دێ ده‌رچوويێن 12 ئاماده‌يى شێن فۆرمێن وه‌رگرتنێ ل زانكۆ وپه‌يمانگه‌هان داگرن وپێشكێش بكه‌ن”.
گۆت ژى” ده‌رچوويێن 12 ئاماده‌يى ب رێيا هه‌مان وێبسايت دشێن داخوازيێن خوه ب سيسته‌مێن( زانكۆلاين، راسته‌وخوه، به‌كريديت، پارالێل وئێڤاران) بۆ وه‌رگرتنێ ل زانكۆيان پێشكێش بكه‌ن”.
رۆهنكر ژى” ده‌رچوويێن 12 ئاماده‌يى ده‌ليڤه يا هه‌ى هه‌تا ده‌مژمێر 12 شه‌ڤا 14/9/2018 بۆ داگرتنا فۆرما وه‌رگرتنێ ل زانكۆيێن كوردستانێ وپێدڤيه ب كارئينانا هه‌مان وى ناڤێ بكارئێنه‌ر وپه‌يڤا تێپه‌ر (يو‌زه‌ر نه‌يم وپاسوورد) كو پێشتر ژ قوتابخانێن خوه وه‌گرتين، دشێن فۆرما وه‌رگرتنێ داگرن”.
شاندێ پارتى وئێكه‌تى ل گه‌ل نوجێفى كۆمبوو
ئه‌ڤرۆنيوز:
شاندێ هه‌ڤپشكێ پارتى وئێكه‌تى ئه‌ڤرۆ ئێكشه‌مبى 2/9/2018 سه‌ره‌دانا نڤيسينگه‌ها ئوسامه نوجێفى كر ول دۆر پرسا پێكئينانا حوكمه‌تا نوو يا عيراقێ دانوستاندن كرن.
شاندێ هه‌ڤپشك يێ پارتى وئێكه‌تيێ پێكهاتبوون ژ فازل ميرانى و جه‌عفه‌ر ئێمينكى وفوئاد حسێن وبه‌نگين رێكانى ومه‌لا به‌ختيار وسه‌عدى پيره وفرياد ره‌واندوزى وخالد شوانى.
برياره پشتى ده‌مه‌كێ كێم شاندێ پارتى وئێكه‌تى ل گه‌ل هادى عامرى كۆمبيت.
شاندێ هه‌ڤپشكێ پارتى وئێكه‌تى دكۆمبوونين خوه دا ل به‌غدا پرۆژه‌كێ سه‌باره‌ت داخوازيێن كوردان دێ پێشكێشى لايه‌نێن عيراقى كه‌ت.
280 کەس ل سه‌ر ميلاكێ وه‌زاره‌ته‌كا هه‌رێما كوردستانێ هاتنه دامه‌زراندن
ئه‌ڤرۆنيوز:
حوكمه‌تا هه‌رێما كوردستانێ فه‌رمانا دامه‌زراندنا 280 كه‌سان ل سه‌ر وه‌زاره‌ته‌كا هه‌رێمێ ده‌ركر.
ئه‌ڤرۆ ئێكشه‌مبى 2/9/2018، وه‌زيرێ ساخله‌ميێ ل هه‌رێما كوردستانێ ل به‌رپه‌رێ خوه ل سه‌ر تۆرا جڤاكى يا فه‌يسبووكى ده‌قێ فه‌رمانا دامه‌زراندنا 280 كه‌سان به‌لاڤكر.
رێكه‌وت حه‌مه ڕه‌شید، وه‌زیرێ ساخله‌ميێ ده‌قێ فه‌رمانا دامه‌زراندنا 280 كه‌سانی ب ناڤه‌نيشانێن جودا جودا وپۆستێن (نوشدار، ئيدارى، ته‌كنيكى وخزمه‌تگوزارى) بخوه‌ڤه‌گرت.
نێچيرڤان بارزانى سه‌رۆك وه‌زيرێن هه‌رێما كوردستانێ ئه‌ڤرۆ 2/9/2018 ئيمزا ل سه‌ر فه‌رمانا دامزراندنا وان 280 كه‌سان كريه.
گه‌نجه‌ك ژكیستێ خوه جادان په‌رجان دكه‌ت
ئه‌ڤرۆ نیوز، نه‌وزاد هلۆرى:
گه‌نجه‌كێ سه‌نته‌رێ ناحیا سیده‌كان یا سه‌ر ب قه‌زا سوران ڤه رابویه ب په‌رجاكرنا هه‌موو جوتسایدا سیده‌كان لسه‌ر كیسێ خوه، و دده‌ن دیاركرن كو پێدڤى یه وه‌لاتى ژى مینا حوكمه‌تێ گرنگیێ ب پاراستنا ژینگه و سه‌ر و سیمایێ باژێرێن خوه بده‌ن.
عه‌بدولواحد برادوستى، ئه‌و گه‌نجه بۆ ئه‌ڤرۆ نیوز گۆت: (ل ناڤه‌ندا ناحیا سیده‌كان و باژێرێ وێ هژماره‌كا زور یا ئاژه‌لان دهێته دیتن و بویه سه‌ده‌م كو داروبارێن لسه‌ر جادده و جهێن گشتى بهێنه خوارن و شكاندن و ژینگه‌ها بهێته تێكدان، ژبه‌رڤێ من ب فه‌ردیت كو ئه‌ز لسه‌ر ئه‌ركێ خوه ده‌ردورێن هه‌موو جاددا جوتسایدێ سیده‌كان په‌رجان بكه‌م)
زێده‌تر گۆت: (ب نێزیكێ چار هزار دولاران پرانیا جوتسایدا سیده‌كان هاته چێكرن و ئه‌گه‌ر شیان هه‌بن دێ هه‌مویێ ته‌مام بكه‌م، و چێكرن و خزمه‌تكرنا سیده‌كان ئه‌ركێ مه هه‌مووایه)
راپۆرته‌كا جڤاتا ئاسايشا نێڤده‌وله‌تى:داعش دێ زڤريته عيراقێ
ئه‌ڤرۆنيوز:
دراپۆرته‌كێ دا كو هاتيه ئاراسته‌كرن بۆ جڤاتا ئاسايشا نێڤده‌وله‌تى، ب توندى هوشدارى ژ زڤرينا داعشێ بۆ عرياقێ وداگيركرنا ده‌ڤه‌ران هاتيه دان، ئه‌ڤ چه‌نده ژى ژئه‌گه‌رێ هشكبوونا باشوورێ عيراقێ وزێده‌بوونا كێشان، له‌وما داخواز ژ جڤاكێ نێڤده‌وله‌تى هاتيه كرن ب له‌ز هه‌ماهه‌نگيێ ل گه‌ل عيراقێ به‌ت وئه‌و كاره‌ساتێن ل باشوورێ عيراقێ روودابن، بهێنه چاره‌سه‌ركرن.
رۆژناما (شه‌رولئه‌وسه‌ت) يا له‌نده‌نى به‌لاڤكر” راپۆرت ب شێوێ ڤه‌كۆلينه‌كێ بوو كو هاتيه پێشكێشكرن بۆ جڤاتا ئاسايشا نێڤده‌وله‌تى وتێدا ب هوورى مه‌ترسيێن زڤرينا داعشێ بۆ ده‌ڤه‌ران به‌حس كريه، ژ ئه‌گه‌رێ تێكچوونا ژينگه‌ها باشوورێ عيراقێ ونه‌مانا ئاڤێ وبلندبوونا پلا گه‌رمێ وبێكاريێ وهه‌ژاريێ ونه‌بوونا خۆراكى وژيانێ بۆ خه‌لكێ ده‌ڤه‌رێ، ئه‌ڤ ئه‌گه‌رێ ب هۆكارێن سه‌ره‌كى دهێنه دانان تاكو داعش مفاى ژ وى خه‌لكێ بێكار وبێزار وه‌ربگريت ودوباره خوه رێك بێخيت وب هيزه‌كا مه‌زن بزڤريته ده‌ه‌ڤه‌رێن عيراقێ”
ئاماژه دا ژى” شكه‌ستنا به‌غدا دچاره‌سه‌ركرنا ژينگه‌هێ وكێشا كێمبوونا ئاڤێ، مه‌ترسيان رۆژانه به‌ر ب زێده‌بوونێ دبه‌ن وئه‌ڤ كاره‌ساتانه ژينگه‌هه‌كا گونجاى بۆ تيرۆرستان دروستكريه تاكو خه‌لكى بۆ ناڤ رێزێن خوه بكێشن”.
ئه‌و ڤه‌كۆلين ل هه‌يڤا ته‌مووزا بۆرى ب شێوه‌كێ تايبه‌ت وبێ به‌لاڤكرن هاتيه ئاراسته‌كرن بۆ جڤاتا ئاسايشا نێڤده‌وله‌تى ودپشكه‌كا دى يا وێ دا هاتيه كو كێمبوونا ئاڤێ ئێك ژ گه‌فێن مه‌ترسيدارن ل سه‌ر عيراقێ چونكى هه‌ر ژ لسالا 1931 هه‌تا نوكه ئاستێ ئاڤێ ل عيراقێ هند كێك نه‌بوويه.
سه‌رۆك بارزانی:ره‌وشا ل سه‌ر كه‌ركووكێ سه‌پاندى ب چو شێوه‌كى قه‌بوول ناكه‌ين
ئه‌ڤرۆنيوز:
سه‌رۆك مه‌سعود بارزانى ئه‌ڤرۆ ئێكشه‌مبى 2/9/2018 ل گه‌ل نوونه‌رێ تايبه‌ت يێ سكرتێرێ گشتيێ رێكخراوا نه‌ته‌وێن ئێكگرتى ل عيراقێ كۆمبوو ودووماهى پێشڤه‌چوونێن ره‌وشا عيراقێ ب گشتى وپرسا پێكئينانا حوكمه‌تا داهاتى يا عيراقێ به‌حسكرن.
مالپه‌رێ فه‌رميێ سه‌رۆك بارزانى به‌لاڤكر” ل ديدارا سه‌رۆك بارزانى ويان كۆبيش ره‌وشا سياسى يا عيراقێ وده‌ڤه‌رێ وبزاڤێن پێكئينانا حوكمه‌تێ وسازكرنا روونشتنا ئێكێ يا خۆلا نوو يا جڤاتا نوونه‌ران هاته به‌حسكر.
نوونه‌رێ تايبه‌تێ سكرتێرێ نه‌ته‌وێن ئێكگرتى ل عيراقێ رۆلێ هه‌رێما كوردستانێ ب گشتى وسه‌رۆك بارزانى دپرۆسا سياسى يا عيراقێ دا ب گرنگ دا زانين ونيگه‌رانيا نه‌ته‌وێن ئێكگرتى ل سه‌ر پرۆسا سياسى يا عيراقێ پشتى هه‌لبژارتنان بۆ سه‌رۆك بارزانى رۆهنكر وداخوازا هه‌ڤپشكيا راسته‌قينه بۆ هه‌موو پێكهاتێن عيراقێ كر دحوكمرانيا وه‌لاتى دا.
ل دۆر كه‌ركووكێ وده‌ڤه‌رين كوردستانى يێن داگيركرى، سه‌رۆك بارزانى ئاماژه دا، ئاساييكرنا ره‌وشا كه‌ركووكێ وده‌ڤه‌رين دى ژروويێ بجهئينانا دستوورى ب رێككه‌فتنه‌كا دو لايه‌نه ئه‌ركێ ئێكێ يێ لايه‌نێن كوردستانى يه، ئه‌و ره‌وشا نوكه ل كه‌ركووكێ هه‌ى ب زۆريا چه‌كى وداگيركاريێ يا دروست بووى وب چو شێوه‌كێ چاڤ پووشى لێ ناهێته كرن وناهێته قه‌بوولكرن، له‌وما پێدڤيه ئه‌و ره‌وشه نه‌مينيت.
سيريێ داخوازا نوشداره‌كێ تايبه‌تمه‌ند دكه‌ت
ئه‌ڤرۆ نیوز ، نه‌وزاد هلۆرى:
ب مه‌ره‌ما داخوازكرنا نوشداره‌كێ بۆ نه‌خوشخانا كومه‌لگه‌ها سیریێ ، ئه‌ڤرۆ ئێكشه‌مبى 2/9/2018 زێده‌ترى 30 كه‌سایه‌تى و ريهسپیێن كومه‌لگه‌ها سیریێ و گوندێ سیریێ و كه‌مپێ و ده‌ردورێن وان قه‌ستا رێڤه‌به‌ریا ناحیا شێلادزێ و نه‌خوشخانا سیریێ و لقێ 18ێ پارتى كر داكو نوشداره‌ك بو بهێته دابینكرن و نه‌رازیبوونا خه‌لكێ ده‌ڤه‌رى َگه‌هانده وان.
كه‌مال ره‌شید سیریى” ئێك ژ وان كه‌سێن نه‌رازیبوون ئه‌نجامداى و سه‌ره‌دانا لقێ 18ێ پارتى كرى بۆ ئه‌ڤرۆ نیوز گۆت: (ئه‌ڤرۆ ب مه‌ره‌ما گه‌هاندنا داخوازیێن خه‌لكێ كومه‌لگه‌ها سیریێ و گوندێن كه‌مپێ و سیریێ مه وه‌كو موختار و كه‌سایه‌تى و رێدین سپیێن ده‌ڤه‌رێ كو نێزیكێ 30 كه‌سان بوینه قه‌ستا لقێ 18ێ پارتى كر داكو ژ نێزیك ل گه‌ل به‌رپرس و جهێن شوله‌ژێ ب ئاخڤین و ب زوترین ده‌م نوشداره‌كێ تایبه‌تمه‌ند بۆ نه‌خوشخانا سیریێ بهێته دابینكرن ژ به‌ركو ئه‌ڤه چه‌ند ساله‌كه كومه‌لگه‌ها سیریێ چو نوژدار نینن هه‌تا خوه ئه‌نبولانسا نه‌خوشخانا سیریێ بو شێلادزێ هاتیه ڤه‌گوهاستن).
زێده‌تر گۆت: (به‌رى كو بچینه لقێ مه سه‌ره‌دانا ناحیا شێلادزێ و قایمقامیا ئامێدیێ و رێڤه‌به‌ریا نه‌خوشخانا شێلادزێ و ئامێدیێ ژى كریه و ده‌نگێ خه‌لكى گه‌هاندنیێ به‌لێ چوو دیار نینه، و مه دڤیا هه‌تاكو نوشداره‌كێ تایبه‌تمه‌ند بو نه‌خوشخانا كومه‌لگه‌ها سیریێ بهێته دابینكرن ، ڤان هه‌یامان ب به‌روه‌خت ژى بیت نوشداره‌كێ تایبه‌تمه‌ند فرێبكه‌ن خوه ئه‌گه‌ر هه‌ر حه‌فتیه‌كێ نوژداره‌ك ژى بهێت ژ به‌ركو خه‌لكه‌كێ زور ل سیریێ هه‌یه و هژماره‌كا زور یا نه‌خوشخان هه‌نه)
ناڤبرى دیاركر ژى كو هنده‌ك نه‌خوش ل سیریێ هه‌بوون نه‌خوشیێن دومدرێژهه‌بوون و لایه‌نێن شوله‌ژێ ده‌فته‌ركێن وان ژى ڤه‌گوهاستینه سیریێ و زێده‌تر گۆتن (نه‌خوشێن كومه‌لگه‌ها سییریێ و ده‌روبه‌را ب ته‌مامى پشتگوهڤه هاڤێتینه ، و ئه‌م داخوازێ ل لایه‌نێن شوله‌ژێ دكه‌ین كو دهه‌وارا خه‌لكى بهێن ئه‌گه‌ر دێ كارتێكرنێن زور لسه‌ر هێنه‌كرن)
دهێته زانین كومه‌لگه‌ها سیریێ نێزیكێ 15 هزار ئاكنجى تێدا هه‌نه ، وه‌كو وه‌لاتى دده‌ن دیاركرن كو هه‌تا نوكه نوشدارێ تایبه‌تمه‌ند نینه.
نێچیرڤان بارزانی:پارتی ئێك ده‌نگى وئێك هه‌لويستيا كوردان ب پێدڤى دزانيت
ئه‌ڤرۆنيوز:
شانده‌كێ بلند يێ پارتى ديموكراتى كوردستان ب سه‌رۆكاتيا نێچيرڤان بارزانى جێگرێ سه‌رۆكێ پارتى ئه‌ڤرۆ ئێكشه‌مبى 2/9/2018 سه‌ره‌دانا باره‌گايێ هه‌ڤپه‌يمانى بۆ ديموكراسيێ ودادپه‌روه‌ريێ كر ول گه‌ل شانده‌كێ هه‌ڤپه‌يمانيێ كۆمبوو.
دكۆمبوونێ دا پرسا هه‌لبژارتنێن په‌رله‌مانێ كوردستانێ وپێكئينانا حوكمه‌تا نوو يا عيراقێ هاته به‌حسكرن
پشتى كۆمبوونێ ، نێچيرڤان بارزانى جێگرێ سه‌رۆكێ پارتى وبه‌رهه‌م سالح سه‌رۆكێ هه‌ڤه‌يمانيێ كۆنگره‌كێ رۆژنامه‌ڤانى سازكر وتێدا به‌حسێ پرۆسا هه‌لبژارتنێن په‌رله‌مانێ كوردستانێ وپێكئينانا حوكمه‌تا نوو يا عيراقێ كر.
نێچيرڤان بارزانى دوى كۆنگرێ رۆژنامه‌ڤانى دا راگه‌هاند” پارتى دووپاتيێ ل ئه‌نجامدانا هه‌لبژارتنان ل ژڤانێ خوه دا دكه‌ت وبۆ پشكداريێ دپرۆسا سياسى يا عيراقێ دا ئێك ده‌نگى وئێك هه‌لويستيا كوردان يا پێدڤيه”.
ژلايێ خوه‌ڤه به‌رهه‌م سالح سه‌رۆكێ هه‌ڤپه‌يمانى بۆ ديموكراسيێ ودادپه‌روه‌ريێ گۆت” كورد پێدڤى ب ئێك هه‌لويستيێ وئێك رێزيێ يه ل به‌غدا”.
ئەڤ کریارە دبیتە ئەگەرێ نەزۆکیێ ل دەف زەلامان
ئەڤرۆ نیوز :
چەندین هۆکارێن جۆدا هەنە دبنە ئەگەرێ نەزۆکیێ ل دەف زەلامان و ئەگەرێ چێکرنا زارۆیان لاواز دکەت، ژ بلی هۆکارێن بایولۆجی چەندین کردار هەنە کو رۆژانە ئەنجام ددەین و ئەگەرێ توشبوونێ ب نەزۆکیێ زێدە دکەت.
ڤەکۆلینەکا نوو سەلماندیە، کو سیستەمێ گەرمکرنا کوشنێ ناف ترۆمبێلێ ئێکە ژ وان هۆکارێن دبنە ئەگەرێ نەزۆکیێ د زەلامان دا.
هەر گەندە ئەڤ سیستەمە د سەقایەکێ ساردا مفایێ خوە هەیە، بەلێ هەکە ب شێوەکێ بەردەوام بهێتە ب کارئینان دێ زیانێ گەهینیتە سپێرمێ زەلامان.
لدووڤ چەند بسپۆرێن زانکۆیا گیسن یا ئەلمانی بلندبوونا پلا گەرمێ یا ئەندامێ نێرینە کار دکەتە سەر جۆر و ژمارا سپێرمان ،هەروەسا ڤەکۆلەران سەلماندیە، هەکە رۆژانە ئەندامێ نێرینە بۆ ماوێ سێ دەمژمێران یان زێدەتر بەر ب گەرمێ بکەڤیت ئەگەرێ پیتاندنا هێکان و زارۆکبوونێ دێ پاشکەڤیت.
نيشاندان
WP Facebook Auto Publish Powered By : XYZScripts.com