ئەڤرۆ نیوز، تۆڤی:
ل گەل داکەفتنا بهایێ تومەنێ ئێرانی بەرامبەر دۆلارێ ئەمریکی و دینارێ عیراقی، سەرەدانا گەشتیارێن عیراقی بۆ ئیرانێ ل پێش سالێن بوری گەلەک زێدەبوویە، لدووڤ رێکخراوا گەشتیاری یا ئیرانی، د ماوێ بوریدا چوونا گەشتیارێن عیراقی بۆ ئیرانێ ب رێژا 90% زێدەبوویە.
میدیایێن ئیران دبێژن، ژ بلی گەشتوگوزارێ، بازرگانی و چارەسەریا نۆشداری، پشکەک ژ گەشتیارێن عیراقی لدووڤ هەڤژینیا دەمکی ب تایبەت سەرەدانا مەشهەد و قومێ دکەن.
لدووڤ راپۆرتێن رۆژنامەکا ئیرانی، ب تنێ ل مەشهەد د شەش هزار خانیان دا، ب شێوەکێ نەفەرمی خزمەتگوزاریێن سکسی بۆ گەشتیاران هاتینە دابینکرن، ل گەل هندێ وەزیرێ نافخۆ یێ ئیرانێ ڤێ چەندێ رەت دکەت کو عیراقی بۆ دەم بوراندنێ ل گەل ژنێن ئیرانی بچنە هەردو باژێران.
نيشاندان