ئەڤرۆ نيوز: ‏

بسپۆرێ قانوونی حامد نازم خورشید بۆ رۆژناما ئەڤرۆ راگەھاند، وەکی مە گوھلێ دبیت و ‏دزانین رۆژانە ب تایبەتی پشتی ئەنجامدانا ریفراندۆما قانوونی ژ ئالیێ وەلاتیێن ھەرێما ‏کوردستانێ ڤە، و پشتی 16 ئۆکتۆبەرێ، بەرپرسێن حوکمی و حزبی ل حوکمەتا بەغدا، بەحسێ ‏بجھئینانا دستووری ژ ئالیێ ھەرێما کوردستانێ ڤە دکەن، و براستی کریار بەروڤاژی وان گۆتنا ‏ئەو دستوور ل بەغدا ھاتیە پێشێلکرن.‏

حامد نازم خورشید گۆت: ل بەندێ مادێ (4) یێ دستوورێ عیراقێ ھاتیە ( زمانێ فەرمیێ ‏دەولەتا عیراقێ زمانێ عەرەبی و کوردیە، بەلێ پشتی 13 سالان ھەتا نوکە ژی زمانێ کوردی ل ‏سەر ناسنامە و رەگەزنامێن عیراقێ نەھاتینە نڤیسین، ل قوتابخانێن دەرڤەیی ھەرێما ‏کوردستانێ کوردی ناھێتە خواندن، ئەڤە ژی پێشێلکرنا دستووری یە، ھەروەسا ل بەندێ (9) ‏یێ دستووری برگا (1) ھاتیە، ھێزێن چەکدار و ھێزێن پاراستن و ئاسایشێ ژ ھەموو ھێز و ‏پێکاھتێن عیراقێ و نەتەوان و ل دووڤ رێژەکا یەکسانی دڤێت بھێتە پێکئینان ، ئەگەر ل دووڤ ‏قانوونێ بیت دڤێت رێژا کوردان دناڤا ھێز و لەشکرێ عیراقێ ( 17%) بیت، بەلێ وەکو یا دیار ‏ھەتا نوکە نەگەھشتیە (5%) ژی، پشکا عەرەبێن سوونە ژ لەشکرێ عیراقێ (23%) بیت، ‏بەلێ ئەو ژی نەگەھشتیە (8%) بەھرا وانانا، یێن دیتر ھەموو شیعە مەزھەبن. ‏

مامۆستایێ بسپۆر ھەروەسا گۆت: زێدەباری وێ چەندێ ددستووری دا ھاتیە، نابیت ھێزا ‏لەشکری بۆ مەرەمێن سیاسی و ناڤخوەیی بھێنە بکارئینان، بەلێ عیراقێ ئەو دستوور ‏پێشلێکریە و ل 16 و 20 ئۆکتۆبەرێ سالا 2017 ئەو ھێز دژی کوردان و پێشمەرگێ ھەرێما ‏کوردستانێ ھاتە بکارئینان و داگیرکرنا کەرکووک و شەرێ پردێ و سحێلا یێ رووھن و ‏ئاشکرایە. ‏

حامد نازم دووپاتکر، سەرەرای وێ چەندێ خالا ھەرە گرنگ دناڤا دستوورێ عیراقێ بەندێ ‏مادێ (140) کو تێدا ھایتە، پێدڤیە ل سەر حوکمەتا عیراقێ ھەموو ئەو عەرەبێن ل دەڤەرێن ‏ل جھێن وانا ھاتینە ڤەگوھاستن بۆ دەڤەرێن کوردی، بزڤنە جھێن خوەیێن بەرێ، پاشی دڤێت ‏سەرژمێریاریەک بھێتە ئەنجامدان و پاشی ریفراندۆم بھێتە ئەنجامدان، ل پارێزگەھا ‏کەرکووک و ھەمی دەڤەرێن ناکوکی ل سەر ھەی کو ب داخوازیا وەلاتیێن رەسەن ل وان دەڤەران ‏ئەو کێشە بھێنە چارەکرن، ل گۆڕ داخوازیا وەلاتیان کا وانا دڤێت ڤەگەرن سەر ھەرێما ‏کوردستانێ یان ژی ل گەل عیراقێ بمینن. ‏

ئه‌ڤرۆ نيوز:

بریارە رۆژێن بھێت ناڤێن پشکەک ژ وەزارەت و وەزیرێن بۆ ‏ھاتینە دیارکرن ھێتە ئەشکرەکرن و پەرلەمانتارەکێ پارتیژی ‏لپەرلەمانێ عێراقێ دبێژیت، نوزانین دێ کابینا عادل ‏عەبدولمەھدی دەنگێ پێدڤی بدەستڤە ئینیت یانژی نە لناڤا ‏پەرلەمانی و ھێشتا چو پشتگیریێن پەرلەمانی نینە.‏

تنێ چەند رۆژەکێن کێم ل ھەمبەر عادل عەبدولمەھدی ‏بەربژێرێ راسپاردی بۆ پۆستێ سەرۆک وەزیرێن عێراقێ ‏ماینە بۆ راگەیاندنا کابینا نوویا حوکمەتێ دیار تەیب ‏پەرلەمانتارێ پارتی لپەرلەمانێ عێراقێ بۆ رۆژناما ئەڤرۆ ‏گۆت” ھەتا 2ی ھەیڤا داھاتی ژلایێ قانوونی ڤە دەلیڤە ‏ل بەردەم عادل عەبدولمەھدی ھەیە بۆ ئاڤاکرنا کابینا نوویا ‏حوکمەتێ، ھەتا نوکە بۆ ھەر پۆستەکی داخوازا پێنج ‏بەربژێران کریە ھەگەر چو ژوان بدلێ وی نەبوون ئەڤە ماف ‏ھەیە داخوازا بەربژێرێن دیتر بکەت بۆ تژیکرنا پۆستێن ‏حوکمەتێ، لەوڕا نوکە پڕۆسا پەسەندکرنا بەربژێرێن لایەنێن ‏سیاسی دەستپێکریە و ھەر لایەنەکێ وەزارەتەک بەرکەڤیت و ‏بەربژێرێ ئەڤی لایەنی نەھێتە پەسەندکرن دکاریت ‏بەربژێرێن دی پێشکەش بکەت، مەرەم ل وەرگرتنا بەر بژێران ‏بۆ پۆستێن حوکمەتێن ب رێیا سیڤیان ژلایێ دکتۆر عادل ‏عەبدولمەھدی ڤە بۆ ئەڤێ چەندێ ڤەدگەڕیت کو ھندەک ‏کۆتلەیێن پەرلەمانی ئاشکراکریە وانا وەزیر نەڤێن د ناڤا ‏حوکمەتا نوویا عێراقێ دا مینا کۆتلەیا موقتەدا سەدر، لەورا ‏عادل عەبدولمەھدی دخوازیت ل شوونا وان کەسێن بێ لایەن ‏دانیت، ئەڤێن ھەموو بەھرا لایەنێن سیاسی یێن سەرکەفتینە ‏د ھەلبژارتنێن 12ی ئایارێ یێن پەرلەمانێ عێراقێ، ھەر ‏لایەنەکی چەند وەزارەتەک دێ بەرکەڤن، مەرج نینە ‏سیستەمێ وەرگرتنا وەزیران بشێوەیێ سیڤی سەربگریت. ‏

ھەر لدۆر دانا کەسێن بێلایەن د حوکمەتا عێراقێ دا دیار ‏تەیب گۆت” دانانا کەسێن بێلایەن بۆ ناڤا حوکمەتا نوویا ‏عێراقێ شاشیەکە تێتەکرن، چونکە لایەنێن سیاسی بەرنامە و ‏پلانێن خوە ھەنە بۆ چوار سالێن داھاتی، ب تایبەتی ددەمێ ‏بانگەشەیا ھەلبژارتنان چەندین سۆز داینە وەلاتی و ‏دەنگدەرێن عێراقی، لەوڕا ژی خەلکی دەنگ ب ئەڤان لایەنێن ‏سیاسی دایە، دەمێ ئەف لایەنێن سیاسی نەچنە ناڤا حوکمەتێ ‏و کەسێن بێلایەن بچن، ئەڤە نەشێن بەرنامێ حزبێن سیاسی ‏بجە بینن، ھێشتا عادل عەبدولمەھدی بخوە چو پشتەڤانیەکا ‏پەرلەمانی نینە و دیارنینە ددەمێ کۆمبوونا پەرلەمانی دێ ‏کابینا نافبری دەنگێن پێدڤی بدەستڤە ئینیت یانژی نە، ‏بدیتنامن کەسێن بێلایەن و پشتەڤانیا پەرلەمانی نەبیت ‏نەشێن سەربکەڤن دکارێ خوە دا.‏

ئه‌ڤرۆنيوز:

سه‌رۆك وه‌زيرێن راسپاردى يێ عيراقێ عادل عه‌بدولمه‌هدى راگه‌هاند، هژمارا مه‌زن يا راوێژكار ورێڤه‌به‌ران ل جڤاتا وه‌زيرێن عيراقێ بودجا وه‌لاتى دوه‌ستينيت.

عادل عه‌بدولمه‌هدى راگه‌هاند،هژمارا مه‌زن يا رێڤه‌به‌ران وراوێژكاران بودجا وه‌لاتى دوه‌ستينيت ول داهاتى دا دێ پێداچوونێ ب په‌يكه‌رێ تايبه‌ت يێ جڤاتا وه‌زيران كه‌ين.