ئه‌ڤرۆنيوز:

ئه‌ڤ شه‌ڤه‌ جاره‌كادى خوه‌نيشانده‌رين به‌سرا چوونه‌ سه‌ر جاده‌يان وده‌ست ب خوه‌نيشادانان كر وه‌كو ده‌ربرينا نه‌رازيبوونێ ژى ده‌ست ب داخستنا جاده‌يان كر.

ژئه‌گه‌رێ نه‌بوونا خومه‌تگزاريان وزێده‌ربوونا دياردا گه‌نده‌ليێ، ل ده‌ستپێكا هه‌يڤا ته‌مووزا بۆرى خوه‌نيشادانان ل به‌سرا ده‌ستپێكر وپاشى به‌رفه‌رهتر لێ هاتن وهه‌موو پاريزگه‌هێن شيعه‌ نشين ڤه‌گرتن، ئه‌ڤ شه‌ڤه‌ ژى خوه‌نيشانده‌ران ل چه‌ند ده‌ڤه‌رێن باژێرێ بهسرا وگه‌رمه‌ عه‌لى وجاده‌يا په‌روه‌رده‌ ده‌ستپێكر.

خوه‌نيشانده‌ران ل ده‌ستپێكێ داخوازا خزمه‌تگوزاريێن ئاڤێ وكاره‌بێ وپێدڤيێن نه‌خوه‌شخانه‌يان وچه‌ندين داخوازيێن دى هه‌بوون، ژبلى نه‌هێلانا گه‌نده‌ليێ وبه‌رتيلێوخرابيا بارێ ئه‌منى.

دبه‌رامبه‌ر دا، حوكمه‌تا كاربه‌رێكه‌را حه‌يده‌ر عه‌بادى ب هاريكاريا ميليشيێن حه‌شدا شه‌عبى ب گوله‌يان وئاڤا گه‌رم به‌رسڤا خوه‌نيشانده‌ران ددا وژئه‌گه‌ري وێ چه‌ندێ ب سه‌دان خوه‌نيشانده‌ر بوونه‌ قوربانى.

ئه‌ڤرۆنيوز:

ئه‌ڤ شه‌ڤه‌ حه‌يده‌ر عه‌بادى سه‌رۆك وه‌زيرێن عيراقێ بريار دا فالح فه‌ياز ژ پۆستێ سه‌رۆكاتيا ده‌سته‌يا ميليشياتێن حه‌شدا شه‌عبى لابده‌ت

ب فه‌رمانه‌كا حه‌يده‌ر عه‌بادى، سه‌رۆك وه‌زيرێن عيراقێ وفه‌رماندێ گشتيێ هێزێن چه‌كدار ل عيراقێ، فالح فه‌يسه‌ل فه‌هه‌د فه‌ياز ژ هه‌رسێ پۆستێن وى هاته‌ لاده‌ن ئه‌وژى پۆستێن شيره‌تكارێ ئاسايشا نيشتمانى وسه‌رۆكێ ده‌سته‌يا حه‌شدا شه‌عبى وده‌زگه‌هێ ئاسايشا نيشتمانى.

ئه‌ڤرۆنيوز:

سه‌رۆكێ ليستا فه‌تح، هادى عامرى، دچارچۆڤێ كۆمبوونه‌كێ دا ل گه‌ل برێت ماكگۆرك هنارتيێ تايبه‌ت يێ سه‌رۆكێ ئه‌مريكى بۆ هه‌ڤپه‌يمانيا نێڤده‌وله‌تيا دژى داعشێ راگه‌هاند، هه‌ر حوكمه‌ته‌كا ئه‌مريكا ل عيراقێ دروست بكه‌ت، دێ دده‌مێ دو هه‌يڤان دا هێته‌ هه‌لوه‌شاندن.

ئۆفيسا هادى عامرى دبه‌ياننامه‌كێ دا دياركر” سه‌رۆكێ ليستا فه‌تح هادى عامرى رۆژا پێنجشه‌مبى ل گه‌ل هنارتيێ سه‌رۆكێ ئه‌مريكى برێت ماكگۆرك كۆمبوو وعامرى هه‌ر ده‌ستێوه‌ردانه‌كا ئه‌مريكى دپێكئينانا حوكمه‌تا عيراقێ يا نوو دا ره‌تكر وب ماكگۆركى راگه‌هاند هه‌كه‌ ئه‌مريكا يا رژد بيت ل سه‌ر ده‌ستێوه‌ردانێ، هه‌ر حوكمه‌ته‌كا ژلايێ ئه‌مريكا ڤه‌ بهێته‌ پێكئينان، دده‌مێ دو هه‌يڤان دا دێ هه‌لوه‌شينين”.

ئه‌ڤرۆنيوز:

هه‌ڤپه‌يمانيا نێڤده‌وله‌تى ب سه‌رۆكاتيا ئه‌مريكا، ئه‌ڤرۆ پێنجشه‌مبى 30/8/2018 دانپێدان ب كوشتنا هزار و61 وه‌لاتيێن عيراقى د بودومانێن ئه‌سمانى دا هه‌ر ژ ده‌ستپێكا ئۆپه‌راسيۆنێن وێ ل سالا 2014 كر.

هه‌ڤپه‌يمانيا نێڤده‌وله‌تى دبه‌يانامه‌كێ دا دياركر كو دناڤبه‌را ته‌باخا 2014 وته‌مه‌زا 2018 هێزێن ئه‌سمانى يێن هه‌ڤپه‌يمانيێ 29 هزار و920 هێرشێن ئه‌سمانى ئه‌نجامداينه‌.

خوياكر ژى” دڤى ماوه‌ى دا وپشتبه‌ستن ب پێزانينێن ل به‌رده‌ست، هزار و61 وه‌لاتيێن سڤيل ب شێوه‌كێ نه‌ ئه‌نقه‌ست دوان هێرشان دا يێن هاتينه‌ كوشتن”.

ئه‌ڤرۆنيوز:

زێده‌تر ژ مليۆنه‌ك ودو سه‌د هزار بۆتلێن ئاڤا ڤه‌خوارنێ يا دلوپكرى ژلايێ ده‌زگه‌هێ بارزانى يێ خێرخوازى گه‌هشتنه‌ پارێزگه‌ها به‌سرا ژئه‌گه‌رێ پيسبوونا ئاڤا ڤه‌خوارنێ يا وى باژێرى كو بوويه‌ ئه‌گه‌رێ سه‌رهلدانا كێمبيا ئاڤا ڤه‌خوارنێ وژه‌هراوى بوونا ب هزاران وه‌لاتيێن وێ پاريزگه‌هێ.

پشتى ل رۆژا 29/8/2018 تيمه‌كا ده‌زگه‌هێ بارزانى يێ خێرخوازى ب مه‌ره‌ما دابينكرنا ئاڤا ڤه‌خوارنێ به‌ر ب به‌سرا ب رێكه‌فتى، ئه‌ڤرۆ پێنجشه‌مبى 30/8/2018 گه‌هشته‌ وێ پارێزگه‌هێ و100 هزار سێت ژ ئاڤا ڤه‌خوارنێ كو دبيته‌ مليۆنه‌ك ودو سه‌د هزار بۆتلێن ئاڤێ ل سه‌ر ئامنجيێن به‌سرا به‌لاڤكرن.

ل به‌سرا ئاڤا ڤه‌خوارنێ يا كێمبووى ژ ئه‌گه‌رێ وه‌رزێ گه‌رمێ وكێمبوونا ئاستێ رووباران ول هنده‌ك جهان ئاڤا ڤه‌خوارنێ يا پيس بووى وبوويه‌ ئه‌گه‌ر كو هژماره‌كا وه‌لاتيێن وێ پاريزگه‌هێ تووشى نه‌خوه‌شيان ببن.