ئه‌ڤرۆ نيوز:

میدیاکارا گەنج سیبەر دۆسکی، د دیدارەکێ دا بۆ ئەڤرۆ گۆت: ل سالا 2013 دەلیڤا کارکرنێ دوارێ راگەھاندنێ بۆ من چێ بوو، ل دەستپێکێ ئەز بوومە پەیامنێر ل کەنالێ جەماوەر، پشتی دەمەکە ئەز چوومە کەنالێ زاگرۆس و بوومە بێژەرا نوچەیێن سیاسی و نوکە ل کوردستان تیڤی بەردەوامیێ ب کارێ خوە ددەم، و دبیت دەلیڤا کارکرنێ ل گەلەک جھێن دی بۆ من ھات بیت، لێ ژ بەرکو ل کوردستان تیڤی ئەم وەک خێزانەکا مەزن پێکڤە کار دکەین لەورا ھەتا نوکە نەشیایمە وی کەنالی بھێلم، و دلخۆشم دەمێ دبینم کچێن سوران و بەھدینان ل دەزگەھەکی پێکڤە کاردکەن و ئەڤە رامانا وێ چەندێ یە راگەھاندنا کوردی یا پێشڤە دچیت.

ل دووماھیێ گۆت: ھەتا نوکە من خێزان پێک نە ئینایە و ھزرا من بتنێ ل سەر کارێ من یێ راگەھاندنێ یە، لێ د ھەمان دەم دا ھیڤیا ھەر کچەکێ یە ئەو کەسێ دبیتە ھەڤژینێ وێ کەسەک بیت ل دووف ئاست و ڤیان و ب دلێ وێ بیت، لەورا ھیڤیخوازم ئەو کەسێ دھێتە د ژیانا من دا ریًَزێ ل کارێ من بگریت چونکو مەزنترین چەکێ ھەر وەلاتەکێ نوکە دا راگەھاندنە، لەورا ئەز ژی وەک کچەکا کورد دخوازم ب رێیا ئەوی چەکی بەرەڤانیێ ژ ئاخا کوردستانێ بکەم.

ئەڤرۆ نیوز، نەوزاد ھلۆری:

ددەما کێمتر ژ ھەیڤەکێ دا وەلاتیەکێ سەنتەرێ ناحیا شێلادزێ 12 دوپشک دمالا خوە دا کوشتن، و دوو دوپشکان ژی ب ویڤەدایە.

حەربی چێی وەلاتیەکێ سەنتەرێ ناحیا شێلادزێ یە دایە دیارکرن کو دوپشک ل شێلادزێ زورن و مەترسی بو سەر ژیانا وان و زاروکان درۆستکریە و بۆ ئەڤرۆ نیوز گۆت: (ددەما کێمتر ژ ھەیڤەکا بوری دا من 12 دوپشک د مال دا کوشتن کو ئەو ژی دوپشکێن زەر و رەش بوون، ڤێ یەکێ مەترسی بو سەر ژیانا خێزان و زاروکێن من و خەلکێ شێلادزێ دروستکریە).

زێدەتر گۆت: (دوو ژ وان دوپشکان ب منڤەدایە و کارتێکرنەکا زور لسەر ساخلەمیا من کر، و سەرەدانا نوژداران کر ھەتاکو جارەکا دی ھاتیمە سەر رەوشا خوە، و ھەرەشەیا دوپشکا نەک تنێ لسەر خێزانا من ھەیە بەلکو لسەر ھەموو خەلکێ دەڤەرێ ھەیە و رۆژانە چەندین دوپشک ژلایێ جیران و کەس و کار و مالێن خەلکی دھێنە کوشتن).

ب گورەی ئاخفتنێن ناڤبری دوپشک زێدەتر ل وان مالا ھەیە ئەڤێن کو خانویێن وان سەر ئاخ و زێدەتر گۆت: (مە بو پاراستنا مالێن خوە دەرمانێن ژەھراویێن سێ ھەیڤی و چوار ھەیڤی ژی بکارئیناینە بەلێ ل گەل ڤێ یەکێ ژی ھەر ھەنە ، چونکی شێلادزێ دەڤەرەکا ھوینە و دووپشک ژی حەزدکەن ل جھێن ھوین دەرکەڤن ، و بەشەک ژ خەلکی نەشێن دەرمانان بکاربینن چونکی ھندەک مێشەڤان ل نێزیک مالان ھەنە و ناخوازن کو دەرمان ل دەردورێن مالێن وان بھێتە رەشاندن داکو مێش نەمرن).