ئەڤرۆ نیوز:
تیما تەپا پێ یا یانا ھەولێر بۆ بھێزخستنا پێکھاتێ تیما خوە بۆ خولا عیراقێ یا نایاب ھەڤبەستا ھێرشبەرەکی ئیمزا کر.
راگەھاندنا یانا ھەولێر د پەیامەکی دا دیارکر ئەو گەھشتنە رێککەفتنێ دگەل یاریزان ئەرکان عمار بۆ ماوێ وەرزەکی دگەل تیما تەپاپێ یا خولا عیراقێ ئەوا بریارە ل ھەیڤا چریا ئێکێ یا ئەڤ سالە دەست ب ھەڤرکیێن وێ بھێتە کرن.
بەری نوکە ڤی یاریزانی یاری بۆ یانێن مینا و تەلەبە و نەفت کریە و دلخوشیا خوە دەربری ھەمبەر ئیمزاکرنا ھەڤبەستا یانا ھەولێر بۆ وەرزێ نوو یێ خولا عیراقێ و ھیڤی خواست بشێت ئاستەکێ باش دگەل ڤێ یانێ پێشکێش بکەت.
ئەڤرۆ نیوز:
بریارە ئەڤ شەڤە یانا ریال مەدرید یاریا خوە یا گەرا دویێ ژ خولا ئسپانیا ھەمبەر یانا جیرونا یاریێ بکەت بۆ یاریا ئەڤرۆ راھێنەرێ یانا ریال مەدرید لیستا یاریزانێن خوە ئاشکرا کر و پێنج یاریزان ھاتینە دوورخستن.
یاریزانێن ھاتینە دوورخستن ئەو ژی یێ بەرازیلی ڤینسیوس و گۆلپارێز ئەندرێ لونین و یاریزانێ ھێلا بەرەڤانیێ خیسوس فایێخو، سێرجیو ریگیلون، فیدی ڤالڤێردی.
و یاریزانێن ھاتینە داخواز کرن بۆ ڤێ یاریێ ئەڤەنە:
گولپارێز: ناڤاس، کورتوا، کاسیا
بەرەڤان: راموس، ڤاران، ناچو، مارسێلو، ئودریوزولا
ھێلا ناڤین: تونی کروس، مودرێچ، یورنتی، کاسیمێرو، ئیسکو، ئەسینسیو، سیبایوس
ھێرشبەر: بنزیما، گاریس بێل، ڤاسکێز، مایورال
ئهڤرۆ نيوز:
حزبا دیموکراتی یا ئەمریکی ل فورمونت رێکخستنەک کر بۆ ئەنجام دا ھەلبژارتنان بۆ پوستێ حاکمێ ویلایەتا فورمونت، دڤێ بەریکانێ دا سنێلەکێ 14 سالی ب ناڤێ “ایسان سونبرن” قوتابیێ پولا ھەشتێ خوە بەرپژار کریە بۆ ڤی پوستی چونکۆ ژی دناڤ مەرجان دا نینە.
ئێک ژ مەرجێن دەستوری یێن بەربژارکرنێ دڤێت بەربژێر ب کێمی بۆ ماوێ چوار سالان ل ویلایەتێ ئاکنجی بیت و ئەڤ سنێلە ژی ل ڤێ ویلایەتێ ژ دایک بوویە.
ئەڤی سنێلەی ژی ل سەر فەیسبووک و تویتەری بۆ خوە ریکلام کریە و وێنێن خوە ب جادان ڤەکرینە و بەرنامێ وی یێ ھەلبژارتنان گەلەک وەکو بەرنامێ بیرنی ساندرزە، سیناتورێ ویلایەتێ و بەربژێرێ بەرێ یێ ھەلبژارتنێن دەسپێکی یێن دیموکراتیێ ل کوچکا سپی.
ھەلبژارتنا حاکمێ ویلایەتا فورمونت یا ئەمریکی بریارە ل 6 ھەیڤا 11 يا ئەڤ سالە بھێنەکرن .
فیل سکوت ئەو کەسێ ل سالا 2016 ھاتە ھەلبژارتن بۆ حاکمێ ویلایەتا فورمونت یا ئەمریکی کومێنتەک ل سەر وی سنێلەی دا و دیار کر کو ھەما بلا ب کێمی تە دەستووردانا شوفێریێ ھەبا و ژیێ تە 16 سال بان داکو بایە حاکمێ ویلایەتەکێ.
ئەڤرۆ نیوز، نيوار محهمهد سهليم:
بەرپرسێ راگەھاندنا رێڤەبەریا گشتی یا پەروەردێ ل پارێزگەھا دھۆکێ راگەھاند کو سوبەھی ئەزموونێن خولا دویێ یێن 9ێ بنەرەت و 12ێ ئامادەیی دێ دەستپێکەن.
ئەحمەد عەبدولا زوبێر، بەرپرسێ راگەھاندنا رێڤەبەریا گشتی یا پەروەردێ ل پارێزگەھا دھۆکێ، بۆ ئەڤرۆ نیوز گۆت: “سوبەھی رۆژا دوشەمبی ئەزموونێن نشتیمانی یێن خولا دویێ بۆ سالا خواندنێ 2017 – 2018 بۆ قووناغێن 9ێ بنەرەت و 12ێ ئامادەیی دەستپێکەن”.
ئاماژە ب وێ چەندێ ژی کر کو ب گۆرەیی خشتێ وەزارەتا پەروەردا حوکمەتا ھەرێما کوردستانێ، ژبلی رۆژا ئەینی ئەزموون دێ رۆژانە ھێنە ھێنە کرن و ل 5ی ئیلۆنا 2018ێ دێ ب دووماھی ھێن.
بەرپرسێ راگەھاندنا رێڤەبەریا گشتی یا پەروەردێ ل پارێزگەھا دھۆکێ دا زانین ژی کو 15 ھزار و 234 قوبابی ل سەر ئاستی بنەرەتی و 29 ھزار و 415 قوتابیێن 12ێ ئامادەیی کو ژ وان 17 ھزار و 470 قوتابی یێن زانستی نە و 11 ھزار و 945 قوتابی یێن وێژەیی نە و ئەڤ ھەموو قوتابیە ل سەر 569 بنگەھێن ئەزموونان ھاتینە بەلاڤکرن.
ئەحمەد عەبدولا زوبێر گۆتژی: “ئامادەکاریێن پێدڤی ھاتینە کرن ژبۆ ئەنجامدانا ڤان ئەزموونان وەکو ھۆلێن ئەزموونان و چاڤدێری و سەرپەرشتیکرنا ئەزموونان ژ لایێ سەرپەرشتیاران ڤە”.
ئەڤرۆ نيوز:
د. بێستون غەریب، تایبەتمەندێ جوانکاری و نشتەرگەریا دەڤ و ددانا دیارکر کو گەلەک ئەگەر ھەنە پدیێن ددانا خوین ژێ بھێت گەلەک کەس نەشێن ددانێن خوە بشۆن بەردەوام گازندا ژ وێ چەندێ دکەن کو خوین ژی دھێت، لڤێرە چەند ئەگەرەک ھەنە.
1- کێم شووشتنا ددانا و کێم خزمەتکرنا وان ژ پاقژ کرنێ.
2- رەقبوونا سەری فرچێن ددانا.
3- ژ بەر ھەبوونا میکروب و کلسی و رەنگا ل سەر ددانا دبیتە ئەگەرێ دروستبوونا ھەودانا.
4- بکارئینانا فرچێ ددانا ب رەنگەکێ دژوار ل سەر پدیێن ددانا.
5- کێمبوونا ڤیتامینا د لاشی دا وەکو ڤیتامین سی، کەیی، ئەیی.
6- بکار ئینانا ھندەک دەرمانا کو کارتێکرنێ ل پدیێن ددانا دکەن.
7- دووگیان بوونا ژنێ کو دبیتە ئەگەرێ گوھۆڕینا ھورمونا د لاشێ ژنێ دا.
8- خرابیا ھندەک ھەڤیرێن (مەعجون) ددانا.
چارەسەری:
1- سەرەدانا نوشدارەکی بۆ پاقژکرن و ژێبرنا کلس و رەنگ و ھەودانا.
2- شووشتنا ددانا رۆژانە دو سێ جاران ب رەنگەکێ زانستی.
3- بکارئینانا دەرزیێ ددانان بەری شووشتنا ددانا کو گرنگیا وێ کێمتر نینە ژ شووشتنا ددانا ژ بەر کو ئەو خارن و بەرمایکێن دمیننە د بەر ددانا دا ب فرچێ ددانا ژێڤە نابن ب تنێ ب دەرزی دھێنە دەر.
4- بکار ئینانا ئاڤەخوێ یان دەرمانێ تایبەت د ناڤ ددانان دا ب گورەیی رێنمایێن نوشداری.
5- گەلەک خوارنا فێقی ب تایبەتی ئەو فێقیێن کو ڤیتامین سی تێدا ھەبن.
6- بکار ئینانا وی جورێ ھەڤیرێ ددانا یێ کو ل گەل ددانا بگونجیت باشترە نوشدار جورێ ھەڤیری دیار بکەت.
7- نەکێشانا جگارا کو زیانەکا مەزن دگەھیننە پدیێن ددانا.
ئهڤرۆنيوز:
سهرۆكێ تيما راگههاندنا حهجيێن ههرێما كوردستانێ ل سعوديێ راگههاند، ل رۆژا 28-8-2018 كاروانێ ئێكێ يێ حهجيێن ههرێما كوردستانێ دێ زڤريت، ههكه فرۆكێن مه د مهزن بن، دهمێ زڤرينا ههموو كاروانان دێ كێمتر بيت.
نهبهز ئيسماعيل، سهرۆكێ تيما راگههاندنا حهجيێن كوردستانێ ل سعوديێ گۆت: “برياره ل رۆژا 28-8-2018 كاروانێ ئێكێ يێ حهجيێن كوردستانێ ژ وهلاتێ سعوديێ بگههيته فرۆكخانا نێڤدهولهتى يا ههولێرێ، پاشى زڤرينا حهجيان دێ يا بهردهوام بيت”.
گۆتژى: “ههكه فرۆكێن مه دمهزن بن، دهمێ زڤرينا ههموو كاروانێن حهجيان دێ كێمتر بيت”.
بۆ حهجا ئهڤ ساله، پێنج هزار و469 وهلاتيێن ههرێما كوردستانێ بۆ بجهئينانا فهريزا حهجێ سهرهدانا مهكه ومهدينه كريه، ژوان 600 ههتا 700 كهسان ب شێوێ بازرگانى يه.
ئهڤرۆ نيوز:
ل سنورێ ناحیا دینارتە ل قەزا ئاکرێ ئەڤ سالە جودا ل سالێن بۆری ھژمارەکا پرۆژەیان ھاتیە بجھکرن و سەرۆکێ باژێرڤانیێ گۆت: خواستەکا باش ل سەر دروستکرنا جھێن گوزاری ھەیە ل دەڤەرێ و رۆژانە چەندین کەس ب مەبەستا وەرگرتنا مولەتێ سەرەدانا مە دکەن.
فەواز میکایل سەرۆکێ باژێرڤانیا دینارتە ل قەزا ئاکرێ بۆ روژناما ئەڤرۆ گۆت: ئەڤ سالە سەرەرای بەردەوامیا قەیرانا دارایی ھژمارەکا پرۆژێن بچووک و ناڤخۆیی ل سنورێ گوند و گەرەکێن باژێرڤانیێ ھاتینە بجھکرن وەک کونکریت و قێکرنا جادێن نافخۆ ل دینارتە، ل گەل دروستکرنا ھژمارەکا بەنداڤێن ئاخێ بۆ کەرتێ چاندنێ و ئاژەلداریێ ل دەڤەرێ، بزاڤێن مە بەردەوامن ژ بۆ راکرنا ھەرسێ پرێن ئاسنی ل گەلیێ زەنتا کو جھێ وان ببیتە کونکریت، بەلێ ژ بەر قەیرانا دارایی و ھەتا نوکە نەشیاینە دەست پێ بکەین، ژ بەر کو چۆ بۆدجە نینن و چەندین جاران مەداخواز کریە ژ بۆ مەزاختنا کوژمەکی ھەتا وان پرا راکەین و ھەتا رادەکێ گەلی بەرفرەە بیت، ژ بەر کو گەلێی زەنتا بوویە جھەکێ گەشت و گوزاری و بەردەوام گەشتیار ل نافخو ناڤەراستا عیراقێ سەرەدانێ دکەن.
سەروکێ باژێر ڤانیا دینارتە ئاشکراکر: ژ بۆ جوانکرنا سیمایێ سەنتەرێ ناحیێ و پاراستنا کەسکاتیێ ھاتیە چاندن، بریارا قەدەغەکرنا تەرش و کەوالی ل ناڤ سەنتەرێ ناحیا ھاتیە دان و ھژمارەکا خودان ئاژەلا سۆزنامە ئیمزا کرینە، ھژمارەک ژی ب کوژمەکێ مادی ھاتینە سزادان، خودان تەرش و کەوال ب بھانەیا قەیرانا دارایی و دابینکرنا سپیاتی بۆ روژانە ب خودان دکەن، بەلێ د ھەمان دەم دا بەرەلا دکەن و دبینە سەدەم زیانێ بگەھینن کەسکاتیێ ناڤ سەنتەرێ ناحیێ.
فەواز گوت ژی: نوکە ئەم یێ کاردکەین و بزاڤا دکەین بۆ وێ چەندێ ھەموو گوندێن دەڤەرێ ببنە خودان باژێرڤانی و رۆژانە گلێش بھێتە راکرن یان حەفتیەکێ رۆژەکێ و ل جھەکێ تایبەت بھێتە دانان ژ بۆ پاقژ راگرتنا سیمایێ گوندی و پاراستنا ژینگەھێ.
ئهڤرۆ نيوز:
ب مەرەما ئەنجامدانا ھژمارەکا نشتەرگەریان، شاندەکێ نوشدارێن ئەمریکی ل دھۆکێ یە.
د. غازی زێباری، سەرۆکێ شاندێ ناڤبری د پرێس کونفرانسەکی دا دیارکر کو شاندێ ناڤبری ژ ھژمارەکا تایبەتمەندیان پێکھاتیە وەک نازوور، روودان و تەنگاڤیا، کۆما دەماران و نشتەرگەریێن جگەرێ و پهنکریاسی و پەنجەشێرێ و گۆت: “شاند دێ بۆ دەمێ حەفتیەکێ ل نەحۆشخانێن ئازادی و تەنگاڤیان نشتەرگەریان ئەنجام دەن”.
د.غازێ زێباری دیاڕکر ژی کو شاندێ وان ب پشتەڤانیا حوکمەتا ھەرێما کوردستانێ ب ھەڤکاریا ساخلەمیا دھۆکێ ھاتیە و گۆت ژی: “نشتەرگەریێن ب زەحمەت و دەگمەن دێ ھێنە ئەنجامدان”.
د. نزار عسمهت، رێڤەبەرێ گشتیێ ساحلەمیا پارێزگەھا دھۆکێ گۆت: “ئەم وەک پارێزگەھا دھۆکێ بەردەوام ھەڤکاریێ د گەل دکەین ئاسانکاریا بو دابین دکەین کو بشێن بێنە پاریزگەھا دھوکێ کارێن زانستی و چارەسەرماری ئەنجام بدەین دیسان ئەو نەخوشێن نوشدارێن مە نەشیاین چارەسەر بکەن ھاتینە ئامادەکرن دا بشین ببینن و بریارێ ل سەر بدەن کا دێ شێن چارەسەر کەن یان نە ھندەک پێداویستی و بۆ چارەسەرکرنا وان نەخوشا مە ئامادە کرینە و ھندەک وانا د گەل خوه ئیناینە دا بشێن وان نشتەرگەریا ئەنجام بدەن کو وان شیان ھەنە وان جورە نشتەرگەریا ئەنجام بدەن لێ ئەم نە د ئامادەینە وان جورە نشتەرگەریا بکەین وەک نشتەرگەریا چاندنا جگەرێ و یێن پەنجەشێری و یێن دەگمەن” .
لیستا دەستپێکێ یا نەخوشا ژ 40 نەخوشا پێک دھێت کو چەندین زارۆيا و پێشمەرگا ب خوه ڤە دگریت دیسا مەرج نینە ئەو کەسێن دھێنە دیتن ھەموو بێنە چارەسەرکرن دیسان نشتەرگەری یێن ھندەکا چار ههتا پێنج دەمژمێرا دێ ڤەکێشن .
ئهڤرۆ نيوز:
ل دھۆکێ چار باخچەیێن ئەھلی یێن زارۆیان ژ بەر نەبوونا ئاڤاھی دێ دەرگەھێن خوە گرن و زارۆیێن وان ھەموو باخچەیان، یان دی ل مالێن خوە رووننە خوار، یان ژی خوە ڤەگوھێزنە ھندەک باخچەیێن دیتر. رێڤەبەرەکا باخچەکێ ب رێیا رۆژناما ئەڤرۆ دیار دکەت، دوو رێڤەبەریێن دھۆکێ ئەگەرن چار باخچە ل دھۆکێ بھێنە داخستن.
ئاھو تەوفیق حەسەن، رێڤەبەرا ھەردوو باخچێن (روکەن 1 و روکەن 2) یێ زارۆیان بو ئەڤرۆ دیار کر، باخچێ (روکەن) یێ ئەھلی ژ دوو بەشان پێک دھێـت کو (روکەن 1 و روکەن 2) ئەڤە بۆ دەمێ چار سالانە مە ئاڤاھی نینە و ئاڤاھیێ مە یێ (کرێ) یە، لەورا ئەم ناچارین بۆ وەرزێ ئەڤ سالە چو زارۆیان وەرنەگرین و ئەڤ چەندە بوویە دیاردەیەکا مەزن تا وی ئاستی مە ل رێکەفتی 24/7/2018 مە دگەل جەنابێ وەزیرێ پەروەردێ کومبونەک کریە و وەزیری پشتەڤانیا مە کریە، لێ ھەتا نھا چو ب دەست مە ڤە نەھاتیە و ئاریشا مە یا ھەرە مەزن ئەو چەندە یە رێڤەبەریا وەبەرھێنانا دھوکێ دگەل مە یا ھاریکار نینە.
زێدەتر دبێژیت: نوکە مە ماف ھەیە پارچەکا ئەردی وەربگرین، چونکە ئەڤە بۆ دەمێ چار سالانە ئەم د ئاڤاھیەکێ کرێ دا و ب فەرمی ماف ب مە ھاتیە دان پارچا ئەردی وەربگرین، لێ رێڤەبەریا وەربەرھێنانا دھوکێ یا بەرھەڤ نینە پارچا ئەردی ب مە بدەت، بەرۆڤاژی کو ل دووڤ یاسایەکا ئەنجوومەنێ وەزیران ئەو چەندە ھاتیە، ھەر باخچەکێ بۆ دەمێ پێنج سالان د ئاڤاھیەکێ کرێ دا دڤێت پارچا ئەردی پێ بھێـە دان، لێ ئەو چەندە ب مە نەھاتیە دان و ھەردوو رێڤەبەرێن (وەبەرھێنان و باژێرڤانیا دھۆکێ) ب ئەڤێ چەندێ ئەگەرن.
رێڤەبەرا باخچێ روکەن بو ئەڤرۆ گۆت ژی: مە وەک باخچێ (روکەن) دوو بەش ھەنە و بۆ ھەر سالەکێ ئەم نێزیکی (60) ھزار دولار ددەینە (کرێ) یا ئاڤاھیێن خوە، لەورا ئەڤ رەوشە بۆ مە ب زەحمەت و ئالۆز بوویە، زێدەباری وێ چەندێ ژبلی باخچێ مە یێ روکەن، دوو باخچێن دی ژی وەک مە د نالن و ئەڤ سالە نەشێن زارۆیان وەربگرن، چونکو وان ژی ھەمان ئاریشا ھەی و ئاڤاھی نینە و ب ئەڤی رەنگی دێ ھژمارەکا مەزن یا زارۆیان ل مالێن خوە رووننە خار و نەشێن ل باخچێن مە بھێنە وەرگرتن.
گۆت ژی: وەزیرێ پەروەردێ گۆتیە مە ل دھۆکێ بۆ خوە راپۆرتەکێ دروست بکەن و دێ ھەول دەم ئەڤ ئاریشە بھێتە چارەکرن و وەزیری ژی دوپاتکریە ئەڤ چەندە بوویە بریار و چوویە ئەنجوومەنێ وەزیران، لێ ھەتا نەھێتە چارەکرن ئەم نەشێین چو زارۆیان وەربگرین.
رێڤەبەرا باخچێ روکەن ئەو چەندە نەڤەشارت: نێزیکی (19) فەرمانبەران من ل ھەردوو باخچێن خو یێن روکەن ھەنە و ئەڤ رێژەیە بۆ حکومەتێ گەلەکە ئەگەر ب میننە بێ کار و زێدەباری کو سالانە ھژمارەکا مەزن یا دایک و بابان زارۆیێن خوە ژ باخچێن حکوومی بۆ مە دەڤ مە گوھاستینە یێن تایبەت و باوەریا وان پتر ب مە دھێت، چونکە ب ھەموو رەنگەکێ باخچێن ئەھلی باشترن ژ یێن میری ھەتا کو سیستەمێ مە یێ خوارنێ ژ وان چێترە و رۆژانە مە دوو جاران خوارن دایە زارۆیان و بەرۆڤاژی ل حکومیان تنێ خوارنەک ھەیە ئەو ژی ھندەک پسکێت و تشتێ ب ساناھی یە نە وەک مە.
یاسین سەعید ئیسلام، رێڤەبەرێ باخچێ (چریسک) ل زاخۆ ل دور بابەتی بۆ ئەڤرۆ دا دیارکرن: ل سالا (2013) دەما دەستوری ب مە ھاتیە دان ئەم ڤان باخچێن تایبەت ڤەکەین ل دوی دەمی ئێک ژ رێنمایێن ئەنجوومەنێ وەزیران ئەو چەندە بوو پشتی بورینا چار سالان باخچەی ماف ھەیە ب بیتە خودانێ ئاڤاھیەکی، لێ پتر ژ پێنج سالانە ئەم ئاڤاھیان کرێ ددەین و ئەز وەک رێڤەبەرێ باخچێ چریسک سالانە (24) ھزار دۆلاران کرێیا ئاڤاھی ددەم.
ناڤبری گوت ژی: مە داخواز ژ رێڤەبەریا وەبەرھێنان و باژێرڤانیا دھۆکێ کریە ئاریشا مە بەرچاڤ وەربگریت، لێ ھەتا نھا چو ئەنجام ب دەستمە ڤە نەھاتینە و ب ڤێ چەندێ ئەم دێ نەچار بین دەرگەھێ باخچێ خوە بگرین و دێ پتر (150) زارۆیان ژلایێ باخچێ مە ڤە رووننە خوار و زیانەکا مەزن بەر جڤاکێ مە کەڤیت، لەورا دخوازین جەنابێ پارێزگارێ دھوکێ ل سەر ئەڤی بابەتی بھێتە دەنگ و ئاگەھی ژ رەوشا مە ھەبیت.
بەختیار ئەمین عەلی رێڤەبەرێ گشتیێ وەبەرھێنانا دھۆکێ بۆ ئەڤرۆ دیار کر: ژ بەر کو پرۆژێن باخچێن زارۆیان ئەو پرۆژە نە ئەوێن پێـدڤیا خەلکی پێ ھەی و براستی ئەم بەرامبەر ئەڤان پرۆژان د کەمتەر خەمین و گۆت: گەلەک کەس قەستا مە دکەن بۆ پێشکێشکرنا مامەلەیێن وەرگرتنا پارچا ئەردی و ئەم وەک رێڤەبەریا وەبەرھێنانا دھۆکێ ب ھەموو لایەکێ دھاریکارین بۆ ھەموو کەسان بێ جوداھی و مە مامەلێن ھەموو کەسان برێڤەبرنە و رادەستی باژێرڤانیا دھۆکێ کرینە و یا دیتر ل سەر ملێ باژێرڤانیێ د مینیت بۆ دانا پارچا ئەردی و مە کێمتەر خەمی بەرامبەر چو کەسێ ئەنجام نەدایە و مە پرۆژێن ھەموو کەسان برێڤەبرنە.
ژلایەکێ دیتر ڤە باژێرڤانیا دھۆکێ ل دور بابەتی ھاتە دەنگ و گۆت: بەری نھا ب رێڤەبەریا وەبەرھێنانێ چەند جە ھاتبوونە تەرخانکرن یان ھندەک گرێبەستێن دەم درێژ ھەبووینە، لێ ژبەر کو پرۆژێن زارۆیان گەلەک داخازی ل سەر ھەیە، لێ باژێرڤانیا دھۆکێ تەماشە دکەت خەلکی چەند پێدڤی پێ ھەیە و ل دووڤ پێدڤیێ ل ھەموو تاخان دەستوریێ و دانا ئەردی دەستپێدکەت.
ئیسماعیل موستەفا بەرپرسێ راگەھاندنا باژێرڤانیا دھوکێ ئەو چەندە نەڤەشارت: باخچێن زارۆیان پرۆژێن (بازرگانی نە) لەورا باژێرڤانی ھەموو دەمان بەرھەڤ نینە ئەردی بدەتە کەسێن بازرگان، چونکە ئەردێ دھوکێ بۆ گەلەک پرۆژێن دیتر و یێن دوور بازرگانیێ ھاتینە بەرھەڤکرن و نەڤەشارت: بۆ من یا سەیرە ئەو بازرگانێن نەشێن (کرێیا) ئاڤاھیێ خوە بدەت دێ چەوا شێت ئاڤاھیەکێ ئاڤاکەت ئەگەر پارچا ئەردی وەربگریت، لەورا ئەم وەک باژێرڤانی د بەر ھەڤین ب ھەموو رەنگەکێ دگەل خودانێن باخچێن تایبەت د ھاریکار بین، لێ ھەر ب وی رەنگی کو تاکێ کومەلێ یان کومەلگەھێ چەند پێدڤی ب باخچەی ھەیە ئەم دێ ل دووڤ وێ چەندێ د ھاریکار بین و ئەگەر تاخەکێ پێـدڤی پێ نەبیت ئەم د بەرھەڤ نینن ئەردی پێشکێش بکەین.
نيشاندان