NO IORG
نووترين نووچه
Facebook

248

ئه‌ڤرۆ نيوز:

سترانبێژا سوری ئەسالە نەسری جەماوەرێ خوە حێبەتی کر ب ژناڤبرنا ئاھەنگا خوە ئەوا ژڤان بۆ ل ساحلێ باشووری بکەت، سەرەرای دروستکرنا ھەموو ئامادەکریێن ئاھەنگی و کرنا پرۆڤێن ژ لایێ ئەسالێ ڤە ل جھێ ئاھەنگێ.

ژێدەرەکێ رێکخستنا ئاھەنگێ دیار کر کو ئەسالە گەلەک تورە بۆ ژ کێم کرینا پلێتێن ئاھەنگا وێ کو نا بنە نێزیکی پێنج ھزار پلێت، ئەڤە ژی ژ بۆ ژێھاتیا وێ نەباشە د جیھانا ستران گۆتنێ دا، لەوما بریار دا ئاھەنگا خوە ب ھەلوەشینیت، سەرەرای ھەولدانێن رێکخەرێن ئاھەنگی کو ئەسالە ژ بریارا خوە لێڤە بیت، بەلێ ھەولدانێن وان د بێ مفا بوون.

سترانبێژا سوری ئەسالێ راگەھاندنا ھەلوەشاندنا ئاھەنگا خوە د پەیجێ خوە یێ فەرمی یێ فەیسبووکێ دا بەلاڤ کر، دیسان داخوازا لێبورینێ ژی ژ جەماوەرێ خوە کر و سوز دا وان د ماوێن بھێت دا ئاھەنگا خوە ساز بکەت.

77

ئەڤرۆ نیوز ، زنار تۆڤی:

ئه‌ڤرۆ دوشه‌مبێ 27 تەباخێ شاندەکێ بەغدا کو ژ چه‌ند لیستێن عیراقى پێکهاتیە گەهشتنە هه‌ولێرا پایته‌ختێ هه‌رێما کوردستانێ ب مه‌به‌ستا كۆمبوونێ ل گەل پارتی دیموکراتی کوردستان و ئێکەتی نیشتیمانى بۆ گۆتوبێژکرنێ ل سەر پێکئینانا حوکمه‌تا نوو یا عیراقێ.

ئەو شاندێ به‌غدا پێكهاتبوون ژ نوونه‌رێن لیستێن سائیرون کو‌ موقته‌دا سه‌در سه‌رۆكاتیا وێ دکەت، باسکێ حیكمه‌ ب سه‌رۆكاتیا عه‌مار حه‌كیم، لیستا نه‌سر ب سه‌رۆكاتیا حه‌یده‌ر عه‌بادى و لیستا وه‌ته‌نیه‌ کو‌ لیستەکا سوننی یانە‌.

بریاره‌ ئه‌و شاندە هه‌ر ئەڤرۆ ل ‌گه‌ل پارتی و ئێکەتیێ کوم ببن بۆ پرسا پێكئینانا حوکمه‌تا نوو یا عیراقێ.

ئه‌ڤرۆ نيوز:

كه‌مال كه‌ركووكى به‌رپرسێ جڤاتا سه‌ركرداتيا كه‌ركووك و گه‌رميان يا پارتى ديموكراتى كوردستان ل سه‌ر راگه‌هاند كو هه‌ڤپه‌يمان ژ به‌ر وێ بێ ده‌نگيا ل هه‌مبه‌ر خيانه‌تا 16ى ئوكتۆبه‌رێ ل سه‌ر باژێرێ كه‌ركووك د په‌شيمانن.

سه‌باره‌ت ره‌وشا كه‌ركووكى، كه‌مال كه‌ركووكى گۆتژى: “پشتى 16ى ئوكتۆبه‌رێ ئه‌و سيسته‌مێ ئه‌منى يێ كه‌ركووك هه‌يى، نه‌مايه‌، به‌رى وێ روودانێ ره‌وش هاتبوو كونترۆلكرن و پێشمه‌رگه‌ ژى ل ژ ده‌رڤه‌يى باژێرى بوو و كه‌ركووك د پاراست، به‌لێ نوكه‌ و پشتى خيانه‌تا 16ى ئوكتۆبه‌رێ ئه‌و هێلا به‌ره‌ڤانيێ نه‌ما و ئاسايشا باژێرى تێك چوو.

ده‌رباره‌يى ڤه‌گه‌ريانا هێزێن پێشمه‌رگه‌يى ژى بۆ كه‌ركووك گۆت: “مه‌ وه‌كو پارتى داخواز كريه‌ كو كێشه‌ ب دانوستاندنێ بهێنه‌ چاره‌كرن. ژ لايێ مه‌ ڤه‌ كه‌ركووك نوكه‌ يا داگيركريه‌. هێزه‌كا زۆر ژ باشوور و ناڤه‌راستا عيراقێ بريه‌ كه‌ركووك و بوويه‌ له‌شكرگه‌هه‌كا مه‌زن و زێده‌تر ژ چار فرقان تێدانه‌”.

هه‌روه‌سا گۆتژى: “ل كوردستانێ شانده‌كێ هه‌ڤپشكێ پارتى و ئێكه‌تى يێ هه‌يى و بزاڤێن زۆر دده‌ت كو ره‌وشا كه‌ركووك ب هێمنى بهێته‌ ئاسايكرن”.

142

ئه‌ڤرۆ نيوز:

پارێزگەھا ھەلەبجە و قەزا ئاکرێ ھولێن سینەمایێ تێدا نین و بەرپرسێن ھونەری ل ھەر دو دەڤەران ژی ئەگەرێ بۆ نەبوونا پشتەڤانیێ ڤەدگەرینن.
حەکیم مەلا سالح، رەوشەنبیرێ دیارێ پارێزگەھا ھەلەبچە بۆ ئەڤرۆ گۆت: سالا 1970 سینەما ل ھەلەبجە ھەبوو، نوکە نینە ئەڤە ژی بۆ کێمتر خەمیا بەرپرسێن پارێزگەھێ ڤەدگەریت، بینەرێ سینەمایێ تایبەت و ھەر ھەیە و گەلەک فلمێن باش ھەنە و پێدڤی یە ب شاشێن سینەمایێ بھێنە دیتن.

پەروێز نیازی، رێڤەبەرا گشتی یا رەوشەنبیری و ھونەری ل ھەلەبجە بۆ بەرپەرێ ھونەری یێ ئەڤرۆ گۆت: حوکمەتا عیراقێ بریاردایە پارەکێ باش بۆ پارێزگەھا ھەلبجە تەرخان بکەت و ھولەکا مەزن دێ ھێتە دروستکرن کو ھولەکا سینەمایێ ژی ل گەل دایە، دێ بزاڤێن ھونەری تێدا ھێنەکرن، ژ بەر روودانێن ب سەرێ وێ پارێزگەھێ دا ھاتینە مرۆڤ دشێت گەلەک فلمان تێدا دروست بکەت، پشتی ڤێ کارەساتێ ھونەرمەندێن ئیرانێ گەلەکا سەردانا ھەلەبچە کریە و فلم ل سەر ڤێ کارەساتێ دروست کرینە، مە پشکا سینەمایێ ھەیە و گرفتا مە نەبوونا ھولا سینەمایێ یە و سالا 1970 ھەلەبچە سینەما ھەبوو بینەرەکێ باش ھەبوو،

ھونەرمەند چنور ھەلەبجەی، بۆ بەرپەرێ ھونەری ئەڤرۆ دیارکر کو نەبوونا ھولا سینەمایێ نەبوویە بابەتەکێ سەرەکی و گەرم ل وێ پارێزگەھێ، ھەموو دزانن ب رێکا سینەمایێ دشێن بابەت و روداوێن کومەلگەھێ ڤەگوھێزین.

ھەڤدەم کاوە زوھێر، رێڤەبەرێ رەوشنبیری و ھونەری ل ئاکرێ بۆ بەرپەرێ ھونەری دیارکر کو سالێن بوری بزاڤ ھاتنەکرن ھولەکا ھونەری و تایبەت ب ھونەرێ سینەمایێ بھێتە دروستکرن، لێ ژ بەر قەیرانا دارایی و شەرێ داعش ئەڤ چەند ھاتە راوستاندن.

گۆتژی: چ بریار نینن سینەما ل ئاکرێ بھێتەڤەکرن ژ بەرکو دڤان قەیرانان دا گەلەک ب زەحمەتە حکومەت ڤان گاڤان بھاڤێت.

رێڤەبەرێ رەوشەنبیری ئاکرێ گۆت: دکەڤن دا ئاکرێ رۆلەکێ گرنگ یێ ھونەری ھەبوویە نەمازە دوارێ شانویێ و درامایێ دا کو چەندین ئەکتەرێن شانوویێ و درامایێ و سینەمایێ ل ئاکرێ ھەنە و ھەتا نوکە ژی دبەردەوامن کو گەلەک ژوان بەژداری چەندین فلم و درامایان بووینە و ئێکەم دراما تەلەفزیونێ لسەر ئاستێ بادینان ل ئاکرێ ھایتە بەرھەم ئینان بناڤێ (زیمدان ) کو ژنڤیسین و دەرھێنانا (رزگار رەشید ئاکرەیی ) بوویە و چەندین فلمێن سینەمایی ل ئاکرێ ھاینە بەرھەم.

87

ئه‌ڤرۆ نيوز:

كه‌نالێ نيوز فۆر جاكس يێ ئه‌مريكا به‌لاڤكر كو د بوويه‌ره‌كا ته‌قه‌كرنێ دا، ل ويلايه‌تا فلۆريدا يا وى وه‌لاتى چار كه‌س هاتنه‌ كوشتن و 11 كه‌س ژى بريندار بوون.

ئه‌ڤى كه‌نالى ئاشكه‌را ژى كريه‌ كو هێرش د ئێك ژ جهێن ياريێن ئه‌لكرۆنى دا هاتيه‌ ئه‌نجام دان.

رێڤه‌به‌رێ پۆليسێن جاكسۆنفيل كو بوويه‌ر تێدا هاتيه‌ روودان ب رێيا تويته‌رى راگه‌هاند كو بوويه‌ره‌كا ته‌قه‌كرنێ ل جاكسۆتفيل روودايه‌ و داخواز ژ وه‌لاتيان كر كو ژ جهێ بوويه‌رێ دوور بكه‌ڤن.

ئاماژه‌ دا وێ چه‌ندێ ژى كو كه‌سه‌كێ گۆمانلێكرى د هێرشێ دا هاتيه‌ كوشتن و نه‌هاتيه‌ خۆياكرن كو چو گۆمانلێكريێن دى هه‌نه‌ يان نه‌ و پۆليس ژى لێگه‌ريان و پشكنينێ دكه‌ن.

95

ئەڤرۆ نيوز:

حەمید حەسەینی بەرپرسێ ھەڤبەشێ ژوورێن بازرگانیێن ئیرانێ و عیراقێ دیارکر وەلاتێ وی ھزر ل زێدەکرنا رێژا ئاستێ ھاوەردەکرنێ کریە بۆ عیراقێ کو بگەھینتە 15 ملیار دۆلاران.

ناڤبری ئەو چەندە ژی دیارکر ھیڤی خوازین ل چەند ھەیڤەکێن بھێت لڤینا بازرگانیا ناڤبەرا ھەردو وەلاتان گەشەیەکا زێدەترا ئابووری بخوڤە ببینیت و ل دەستپێکا پرۆژێن ئاڤەدانکرنا عیراقێ ئیران بھایێ ملیارەک و 800 ملیۆن دۆلار پشکداریێ بکەت.

رێژا بازرگانیا ناڤبەرا ئیرانێ و عیراقێ سالانە دگەھتە 13 ملیار ددۆلار، ھەفتەیا رابوری ژوورێن بازرگانیا ھەڤبەشا ئیران و عیراق دیارکر ھنارتنا ئیرانێ بۆ عیراقێ ب ئاوایەکێ بەرچاڤ زێدەبوویە و گەھشتیە 8 ھەزار تەنان.

35

ئەڤرۆ نيوز:

فوئاد مەعسوم سەرۆک کۆمارێ عیراقێ راگەھاند وەلاتێ وی بریارێن سزایێن ئەمریکا ل سەر ئیرانێ بجە ناکەت و پێگیریێ ژی پێ ناکەت، سەرۆک وەزیرێ عیراقێ لەز ل راگەھاندنا پشتەڤانیا حوکمەتێ بۆ سزایێن ئەمریکا کریە.

سەرۆک کۆمارێ عیراقێ ئەو چەندە ژی دیارکر عیراق نەشێت پێگیریێ ب بریارێن سزایێن ئەمریکا بۆ سەر ئیرانێ بکەت، چونکو دێ کاریگەریێ ل سەر ناڤخویا عیراقێ کەت و سەرۆک وەزیرێ عیراقێ لەزکریە ل پشتەڤانیکرنێ ل بریارا ئەمریکا.

سەرۆک کۆمارێ عیراقێ گۆت ژی نە حەیدەر عەبادی و ھەر سەرۆک وەزیرەکێ دی بیت نەشێت پێگیریێ ب سزایێن ئەمریکا بکەت ئەڤە ژی پەیوەندیا ناڤبەرا ھەردو وەلاتان بەرەڤ ئالوزیێ بەت، گوتنا سەرۆک وەزیرێ عیراقێ بتنێ ئاخڤتن بوو نە بریار ل سەر سزایێن ئەمریکا بۆ سەر ئیرانێ ب داویانیا بجھکرن ناھێنەکرن.

ئەڤرۆ نيوز:

بەرپرسێ پەیوەندی و راگەھاندنێ ل وەزارەتا ئەوقاف و کارۆبارێن ئایینی یا حوکمەتا ھەرێما کوردستانێ بۆ رۆژناما ئەڤرۆ دیار کر کو کاروانێ ئێکێ یێ حەجیێن ھەرێما کوردستانێ سوبەھی رۆژا 28-8-2018ێ دێ ژ وەلاتێ سعودیێ گەھیتە ھەرێمێ.

مەریوان نەقشەبەندی، بەرپرسێ پەیوەندی و راگەھاندنێ ل وەزارەتا ئەوقاف و کارۆبارێن ئایینی یا حوکمەتا ھەرێما کوردستانێ ئاشکرا کر کو پێنج ھزار و 200 حەجیێن کوردستانێ ئەڤ سالە پشکداری د چوونا حەجێ دا کربوو دێ زڤرنە کوردستانێ ب چەندین قووناغان و گۆت: “کاروانێ ئێکێ یێ حەجیێن ھەرێما کوردستانێ سوبەھی رۆژا 28-8-2018ێ دێ ژ وەلاتێ سعودیێ گەھیتە ھەرێمێ”.

ناڤھاتی ئاماژە دا وێ چەندێ کو ئەڤ سالە ھژمارا حەجیێن کوردستانێ ژ سالێن بۆری زێدەتر بوویە و ل سالا بۆری نێزیکی چار ھزار و 500 حەجیان بوون و گۆت: “سوپاس بۆ خودێ حەجا ئەڤ سالە گەلەک ب سەرکەفتیانە ب دووماھی ھات و حەجیێن ھەرێمێ ب سەلامەتن و دێ گەھنە ناڤ کەسوکارێن خوە”.

244

ئەڤرۆ نيوز:

پەیڤدارێ کۆمەلگەھا حاجی عومران یا نێڤدەولەتی ئاشکرا کر کو ژ پێخەمەت پاراستنا ساخلەمیا وەلاتیان، ئینانا مێلاکا جەمەدگرتی یا مریشکێ بۆ ناڤ ھەرێما کوردستانێ ھاتە قەدەغەکرن.

سیروان حسێن، پەیڤدارێ کۆمەلگەھا حاجی عومران یا نێڤدەولەتی دیار کر کو ئاگەھداریا ھەموو بازرگان و خودان کۆمپانیێن سنوورێ دەرگەھێ کۆمپانیێن سنوورێ دەرگەھێ نێڤدەولەتی یێ کۆمەلگەھا حاجی عومران ھاتیەکرن کو ل سەر بڕیارا وەزارەتا چاندنێ و ژێدەرێن ئاڤێ، رێڤەبەریا گشتی یا سامانێن گیانەوەری و ڤێتێرنەری ئینانا مێلاکا جەمەدگرتی یا مریشکێ ژ ھەموو وەلاتێن دەرڤە بۆ ناڤ ھەرێما کوردستانێ ھاتە قەدەغەکرن و گۆت: “ئەڤ بڕیارە ژ پێخەمەت رێگرتنێ یە ژ بەلاڤبوونا نەخۆشیان د وەرزێ گەرمێ دا و بۆ پاراستنا ساخلەمیا وەلاتیان”.

96

ئەڤرۆ نیوز:
بریارە ئەڤرۆ رۆژ دوشەمبی بەردەوامی ب یاریێن مايين ژ خولێن ئوروپی بھێتە دان و ژگرنگترین یاریا ئەڤرۆ دێ ل خولا ئنگلیزی بیت.

خولا ئنگلیزی گەرا سیێ
١٠:٠٠ مانچستەر یونایتد VS توتنھام

خولا ئسپانیا گەرا دویێ
٩:١٥ لیڤانتی VS سیلتافیگو
١١:٠٠ ئەتلەتیکو بلباو VS ھویسکا

خولا ئیتالیا گەرا دویێ
٩:٣٠ روما VS ئەتلانتا

website security
WP Facebook Auto Publish Powered By : XYZScripts.com