ئەڤرۆ نیوز:

مرۆڤ بونه‌وەرەکێ جڤاکیە‌ و د هه‌موو قۆناغێن ژیانێدا پێدڤی ب هەبوونا هەڤالان هەیە ل گەل ئێک دا، په‌یوه‌ندیا هەڤالینیێ ئێكه‌ ژ جوانترین و گرنگترین په‌یوه‌ندیان و پێدڤیە پارێزگەری لێ بهێتە کرن‌.

ڤەکۆلینان ده‌رێخستیه كو په‌یوه‌ندیا هەڤالینیێ دناڤبەرا كچ و كوران دا زێدەتر دمینیت ب‌ به‌راورد ل گەل هەڤالینیا‌ دناڤبەرا دو كچان دا، هۆكارێ ڤێ چەندێ ژی ڤەدگەرینن‌ بۆ هندێ، کو حەسیدی د‌ سروشتێ ژناندا هه‌یه‌.

ڤەکۆلینان دیارکریە، هەکە هەڤالینی دناڤبەرا دو كچاندا بۆ ماوه‌کێ درێژ مابیت، ئه‌و هەردو كچه‌ د ئێک ئاستدا بووینە یان ژی گەلەک نێزیکی ئاستێ ئێک بووینە ژ روویێ جڤاکی و پلە‌ و كار و جوانیێ ڤە‌ و ئه‌ڤێ چەندێ ئەو پێکڤە هێلاینە‌، به‌رۆڤاژی هەڤالینیا راست دناڤبەرا كچ و كوران دا ل سه‌ر بنه‌مایێ لێک‌ نێزیك بوونێ و د‌ هه‌مان ئاستدا هەبوونا خوە نینە، به‌لكو ل ‌سه‌ر بنه‌مایێن راستگۆیێ، دلسۆزى، هاریکاریکرنا ئێکودۆ، پاراستنا نهێنیان، وه‌فا و پشتگیرى كرنا ئێکودۆیە‌.

ئەڤرۆ نیوز، تۆڤی:

گەلەک ژ کوران بێی ئاگەهیا وان ژ هندەک ژ وان تشتێن دکەنە بەرخۆ یان ژی دکەنە پێخۆ، ل دەف کچان گەلەک د بێزارکەرن و روویێ وان یێ ژ دەرڤە نەشرین دکەن، سەرنجراکێشیا وان کێم دکەت و ئەو کار ژی ئەڤەنە:

ئێک: پێلاڤا هاڤینێ
كیلین كوی شارەزایەکێ جوانكاریێ یه دبێژیت، كچ حەز ناکەن كوران ب پێلاڤا هاڤینی ببینن كو نینۆکێن پییێن وان تێدا دەردکەڤیت چونكی زەلام کور وەکو كچان گرنگیێ ب پاقژیا پیێن خوە نادەن و دەركەفتنا وان دبیته جهێ بێزاركرنێ و نەشرینیێ ل دەف وان.

دو: كابۆیێ تەنگ
ناتاشیا ئۆستی شارەزایا جوانكاریا جلکان جەخت ل هدێ دکەت، کو ل بەركرنا كابۆیێ تەنگ ژ لایێ كوڕان ڤە نەیێ جانە ل بەر چاڤێن كچاندا وەك وێ چەندێ یە و ئەو وەسا هەست پێ دكەن کو ئەوان کابۆیێ كەسەکێ دیتر کریە پێ خوە.

سێ : دەمێ کۆلاڤی دکەتە سەرێ خوە
زنیتا وتینتۆن نەخشەكێشا جلوبەرگان ل گۆڤارا ڤۆگیو دبێژیت، دەمێ کور ل وەرزێ هاڤینێ کولاڤی دکەنە سەرێ خوە، ئەڤ چەنده ل دەف كچان یا نە خواستیە و هەست ب هندێ دەكەن کو ئەڤ چەندە نەیا گونجایە ل گەل سەقایێ گەرمێدا.

چار: تیشێرتێن ب سەنی و مەنی
ئیمی مارتیتا راوێژكارا پەیوەندیێن بازرگانی یا تایبەت ب جلوبەرگان ڤە دبێژیت، ل بەركرنا تیشێرتێن ب سەنی و مەنی ژلایێ كوران ڤە دبیتە جهێ پێكەنینێ و یاریپێکرنا كچان و ب نەشرینی دهێنە بەرچاڤێن وان.

پێنج: شۆرتێ گەلەک كورت
كاسلین بارنز پسپۆرا جوانكاریێ جەختێ ل هندێ دکەت و دبێژیت، دەمێ کور شۆرتێ كورت دکەنە پێن خوە، ل هەمبەری كچاندا نە شرین دبن، لەوما دڤێت شورتێ کورت نەکەنە پێن خوە.

شەش: نەعال
ستیفنی لوی شارەزایێ وارێ ئەتەكیتێ دبێژیت، دەمێ زەلام نەعالێ دکەنە پێ خوە، دیمەنەکێ نەشرین نیشان ددەت، ئەڤە وەك هندێ یە دەمێ کو ئەو ل بەرلێڤا دەریایێ بن.

ئەڤرۆ نیوز، زنار تۆڤی:

بەردەوامبوونا هەڤژینییێ پێدڤی ب هەست و سۆز و حەز ژێکرنێ و راستگۆیا هەردو لایەنان ڤە هەیە، چ خانم بیت، یان ژی زەلام.

سەرەرای هندێ کو راستگۆیی د هەڤژینیێ دا ب گرنگترین و پێدڤیترین کار دهێتە دانان، بەلێ هەموو دەمان مرۆڤی هندەک نهێنیێن ژیانێ هەنە، کو چ جاران نابێتە کەسێ و ب تایبەتی هەموو دەمان خانم حەز دکەن ڤان کاران بکەن، لێ نابێژنە هەڤژینێن خوە.

پێدڤیاتی ب دەمی:
زانستی ئاشکراکریە، کو مەژیێ خانمان جۆداتر ژ یێ زەلامان کاردکەت، لەوما خانمان پێدڤی ب دەمێ زێدەترە، هەتا بشێن باوەریێ ب هەڤژینێن خوە بکەن و باوەریێ ب گۆتنێن وان بینن.

دەربرینا هەستی:
خانم شەرم دکەن کو داخوازێ ژ هەڤژینێن خوە بکەن و گرنگیێ پێبدەن و هەست و سۆز و حەز ژێکرنا خوە بۆ دەرببرن.

هەستکرن ب بێزاریێ:
پەیوەندیێن وان یێن دووبارە و بێهەستیا وان وە دکەت کو خانم بێزارببن و گازندا ژ بەختێ خوە بکەن.

پاراستنا تایبەتمەندیان:
خانم سەرەرای حەر ژێکرنا خوە بۆ هەڤژینێن خوە، بەلێ پێدڤی ب هندێ هەیە کو ل هندەک بارودۆخێن تایبەتدا ب تنێ بن و هەست ب ئازادیێ بکەن.