ئه‌ڤرۆنيوز:
به‌رى ده‌مه‌كێ كێم ياريا ئێكێ ژ قاره‌مانيا چارقۆلى ل سعوديێ دناڤبه‌را هه‌لبژارتيێ ئه‌رجه‌نتين وهه‌لبژارتيێ عيراقێ ب دووماهى هات ب سه‌ركه‌فتنا ئه‌رجه‌نتين ب ئه‌نجامێ 4-0.
گۆلێن هه‌لبژارتيێ ئه‌رجه‌نتين ل خۆله‌كێن 18 و53 و82 و 90 ژلايێ ياريكه‌ران مارتينێز وروبێرتۆ بيرێرا وجيرمان بيزێلا وفرانكۆ سيرفى هاتن تۆماركرن.
برياره سوباهى هه‌ردو هه‌لبژارتيێن به‌رازيل وسعوديێ ياريێ دويێ ژ ڤێ قاره‌مانيێ ئه‌نجام بده‌ن.
ئەڤرۆ نیوز :
دەمەکێ کێم بەری نوکە دناڤا سەنتەرێ قەرا ئامێدیێ ژنەک هاتە کوشتن ، و پەیوەندی ب روودانا کوشتنا گەنجەکێ ل ناڤا سەنتەرێ دهوک هەیە ، پولیسان ژی دایە دیارکڕن کو تاوانباری خوە رادەستکریە.
هێمن سلێمان بەرپرسێ راگەهاندنا رێڤەبەریا گشتی ی پۆلیسێن پارێزگەها دهوک بۆ ئەڤرۆ نیوز گۆت: (دەمەکێ کێم بەری نوکە دناڤا سەنتەرێ قەرا ئامێدیێ ژنەک هاتە کوشتن و ب گورەی زانیاریان پەیوەندی ب روودانا کوشتنا گەنجەکێ ل ناڤا سەنتەرێ دهوک هەیە).
زێدەتر گۆت: (پشتی کوشتنا وێ ژنێ ، تاوانباری خوە رادەستێ پولیسان کریە).
ئەڤرۆ نیوز ، مەحمود نهێلی
فرۆکێن لەشکەری یێن تورکیا دەمژمێر هەشت و نیڤێ ئەڤ شەڤە 11\10\2018 ب دژواری چیایێ هنداڤا گوهەرز توپ بارانکرن و ترس و دوودلی ئێخستە دلێ ئاکنجیێن گوندی.
رەڤەند گوهەرزی وەک ئێک ژ ئاکنجیێن گوندی بۆ ئەڤرۆ نیوز دیار کر، کو ئەڤە ئێکەم جارە ئەڤ توپ بارانە هند یا نیزیکی گوندی و گۆت : دڤێ بوردومانێ دا چ زیانێن گیانی نەبون لێ زیان گەهشتینە رەزو باغێن هاولاتیان.
ئاشکراکر، کو ئەڤ بوردومانە هند یا نێزیکی گۆندی بو خانیێن هاولاتیان هژیانە و پتر ژ 10 دەقیقەیان کەڤرو بەرێن چیایی دهاتنە خوارێ و دەنگێن مەزن دهاتنە گولێ بوو و پتر ژ نیڤ دەمژمێرێ یا بەردەوام بوو.
ئه‌ڤرۆ نیوز، نه‌وزاد هلۆرى:
وه‌لاتیێن گوندێ جونان ل سنوورێ قه‌زا ئاكرێ رابووینه ب چێكرنا بلوكێن ئاخێ یان (لوبنێن ئاخێ) داكو بۆ درۆستكرنا خانیان بكاربینن.
وان وه‌لاتیان دیاركر كو بلوكێن ئاخێ د وه‌رزێ زڤستانێ دا دگه‌رمن و ل وه‌رزێ هاڤینێ ژى دهينن و ساخله‌مترن و دساناهى ترن بۆ چێكرنا خانیان و مه‌زاختن ژى كێمه و ئه‌و دشێن رۆژانه هه‌تا 500 بلوكان درۆست بكه‌ن و چێكرنا بلوكان ژى ژ سه‌رده‌مێ باب و باپیران ل گوندێن وان هاتینه بكارئینان.
ئەڤرۆ نیۆز، قائید میرۆ
مالپەڕی ئەڤرۆ نیۆز دوڤچوونا روویدانا قوربانیێن پارێزگەھا دھۆکێ دکەت یێن دناڤا دەریایێ ئیجەدا خەندقی و گورەی زانیاریێن ھاتینە کۆمکرن ٣٤ کەس خەندقینە کو زۆربەیا وان خەلکێ دھۆکێ و زاخۆنە.
ئاری جەلال، جێگرێ سەرۆکێ فیدڕاسیۆنا پەنابەران ل ھەرێما کوردستانێ ھویردەکاریێن بن ئاڤ کەفتنا بەلەمەکا پەنابەران ل دەریایێ ئیجەدا ئاشکراکر و بۆ ئەڤرۆ نیۆز دیارکر” روویدان پێر شەڤێ چێبوویە و ٣٥ پەنابەر ل یەختەکێ سواربووینە ھەتا ل دەریایێ ئیجەدا دەربازی ئەورۆپا ببن، بەلێ مخابن بەلەم بن ئاڤێ کەفتیە و د ئەنجامدا ل سەرجەمێ ٣٥ پەنابەران تنێ ئێک پەنابەر رزگاربوویە کو خەلکێ قەزا زاخۆ یا پارێزگەھا دھۆکێ یە.
جێگرێ سەرۆکێ فیدڕاسیۆنا پەنابەران گۆت ژی” ل گۆره‌ى زانیاریێن گەھشتینە بەردەستێ مە زۆربەیا قوربانیان خەلکێ باژێڕێ دھۆکێ و قەزا زاخۆ نە و ھەتا نوکە چواردە تەرم ھاتینە رزگارکرن و تیمێن ھەوارھەوارتنێ بەردەوامن لسەر بزاڤێن خوە بۆ ڤەدیتنا تەرمێن مایی.
ل دۆر پرسیارەکا ئەڤرۆنیۆز ھەر ٣٥ پەنابەر خەلکێ دھۆکێ نە ئاری جەلال دبێژیت” مە نوونەرەک ھنارتیە جھێ روویدانێ و مژۆلی ڤەکۆلینێ یە، بەلێ گورەی زانیاریێن گەھشتین زۆربەیا وان خەلکێ پارێزگەھا دھۆکێ نە و ھەگەر یێن بیانی ژی تێدابن ئەڤە ھژمارەکا کێمترە. دگەل گەھشتنا ناڤێن قوربانیان ل مالپەڕێ ئەڤرۆ نیۆز دێ ھێنە بەلافکرن.
ئه‌ڤرۆ نیوز، نه‌وزاد هلۆرى:
وه‌زاره‌تا په‌روه‌ردێ یا حوكمه‌تا هه‌رێما كوردستانێ د نووترین بریاردا راگه‌هاندیه كو كریا فروشگه‌هێن ناڤا قوتابخانان ب رێژا 15%ێ هاتیه زێده‌كرن و ئه‌ڤ یه‌ك ژى بوویه ئه‌گه‌ر كو پشكه‌ك ژ وان خودان فرۆشگه‌هان دلگران ببن.
ب گۆره‌ى نڤیساره‌كا رێڤه‌به‌ريا په‌روه‌ردا پارێزگه‌ها دهۆكێ / رۆژئاڤا كو ئاراسته‌ی هه‌موو قوتابخانان هاتیه كرن دیار دبیت كو ب گۆره‌ى نڤیسارا رێڤه‌به‌ریا گشتى یا په‌روه‌ردا پارێزگه‌ها دهۆك یا هژمار (13045) و ب مه‌ره‌ما رێنمايكرنا كرێكرنا فرۆشگه‌هێن ناڤا قوتابخانان د شیاندایه فرۆشیارێن سالا بۆرى یا فرۆشگه‌هێن قوتابخانان هه‌مان فرۆشگه‌هێ وه‌ربگرن ب مه‌رجێ رێڤه‌به‌ریا قوتابخانێ په‌سه‌نده‌كێ بده‌تێ و گۆژمێ گرێبه‌ستێ ژى ب رێژا 15% بهێته بلندكرن.
حكمه‌ت ئه‌حمه‌د، ئێكه ژ خودان فروشگه‌هێن ناڤا قوتابخانان بۆ ئه‌ڤرۆ نیوز گۆت: (من نێزیكێ 10 قوتابخانان ل سه‌نته‌رێ باژێرێ دهۆكێ و ده‌وروبه‌ران ب كرێ گرتینه و چه‌ند ساله ڤه‌دكه‌م، و هه‌ر چه‌ند پێشتر ژى وه‌كو پێدڤى ئه‌م دمفادار نه‌بووين، چونكى كریا گرانه و بازارێ لاوازه ، به‌لێ ئه‌ڤ بریارا نوكه هاتى بارێ مه زوۆر گرانكر و دێ بیته ئه‌گه‌ر كو ب رێژا 75% ئه‌م كارێ خوه بهێلین و به‌رده‌وامیێ نه‌ده‌ینێ).
زێده‌تر گۆت: (ئه‌ڤ بریاره بریاره‌كا ناڤخوه‌يى یا پارێزگه‌ها دهۆكێ يه و باوه‌رناكه‌م ل چو پارێزگه‌هێن دى بهێته بجهكرن، به‌لێ ل پارێزگه‌ها دهۆكێ هاتیه بجهكرن و قوتابخانه دڤێت پێگیربن، و پێدڤیه رێڤه‌به‌ریا په‌روه‌رده‌ێ پێداچۆنێ تێدا بكه‌ت).
ئه‌ڤرۆ نيوز:
ل ژێر دوریشمێ ((به‌رده‌وام دێ دهزرا مه دا مینی))ئه‌ڤرو سپێدێ 11-10-2018ل هولا كونفرانسان ب ئاماده‌بونا فه‌رهاد ئه‌مین ئه‌تروشی پارێزگه‌رێ دهوكێ وچه‌ند به‌رپرسێن حزبی وحكومی وهونه‌رمه‌ند وهونه‌ردوستان ورونامه‌ڤان ومالباتا هونه‌رمه‌ندێ وه‌غه‌ركری محمدعلیئه‌تروشیچلروژیاهونه‌رمه‌ندێ ناڤبری هاته‌ساخكرن.
درێ ورسمێن ئاهه‌نگا ماته‌مینی دا لبه‌راهیێ پێشانگه‌ها فوتوگرافی ل دور كارێن هونه‌رمه‌ندی هاته نمایشكرن .
پاش پارێزگه‌رێ دهوكێ په‌یڤه‌ك خاند تێدا بناڤێ خو وكارگێریا پارێزگه‌ها دهوكێ سه‌ره‌خوشی گه‌هاندنه مالباتا خودێ ژی رازی وده‌ست خوشی ل وان هه‌موو لایه‌ن وكه‌س ودوست وهه‌ڤالان كر یێن ئه‌ڤ ئاهه‌نگا ماته‌مینی سازكری.
پارێزگه‌رێ دهوكێ په‌سنا رولێ هونه‌رمه‌ند وروژنامه‌ڤان محمد علی ئه‌تروشی كر وگوت: ره‌حمه‌تی كه‌سه‌ك ب هێز وخودان شیان بو و گه‌له‌ك خزمه‌ت وخه‌بات دبوارێن روژنامه‌ڤانی وهونه‌ری وره‌وشه‌نبیری دا كریه وشوین ده‌ستێن وی دگه‌له‌ك بوراندا یا دیار وبه‌رچاڤه.
ل دوایێ ژخودایێ مه‌زن خواست كو سه‌برو وهه‌دارێ بده‌ته بنه‌مالا وی وجهێ ره‌حمه‌تی بكه‌ته به‌هه‌شتا به‌رین.
پاش په‌یڤێن لقێ ئێك پارتی وسه‌ندیكا هونه‌رمه‌ندان ورێڤه‌به‌ریا گشتی یا ره‌وشه‌نبیری وزانكویا پولی ته‌كنیكی دهوك وبنه‌مالا ره‌حمه‌تی هاتنه خاندن هه‌مویان په‌سنا رولێ ره‌حمه‌تی كر كو گه‌لك خزمه‌ت دبوارێن جودا جودا كریه.
پاش پارچه ڤیدیویه‌ك ل دور كار وبه‌رهه‌مێن هونه‌رمه‌ندی وفلمه‌كێ دیكیومه‌نتی ل دور ژیانا ره‌حمه‌تی ووپارچه موزیكه‌ك وچه‌ند بروسكێن ماته‌مینی وسه‌رخوشیێ هاتنه به‌رچاڤكرن وخاندن و49شه‌مالك هاتنه هلكرن وگول هاتنه دانان .
ل دوماهیا مه‌راسیما كتێبه‌ك ل ژێر ناڤێ ((جڤاتا موختارا)) كو دوو تكستێن شانویێ نه ژلایێ ره‌حمه‌تیڤه هاتبونه نڤێسین ل سه‌ر پشكدارێن ئاهه‌نگێ هاته به‌لافكرن.
ئه‌ڤرۆنيوز:
ئه‌ندامه‌كێ په‌رله‌مانێ كوردستانێ ژ پارتى ديموكراتى كوردستان راگه‌هاند، دكابينا نوو يا حوكمه‌تا هه‌رێما كوردستانێ دا هه‌ر لايه‌نه‌كێ سياسى ل دووڤ سه‌نگا خوه پۆستان دێ وه‌رگريت.
نازم هه‌ركى، ئه‌ندامه‌كێ په‌رله‌مانێ كوردستانێ ژ پارتى ديموكراتى كوردستان گۆت” دكابينا نوو يا حوكمه‌تا هه‌رێمێ دا هه‌ر لايه‌نه‌ك ب گۆره‌ى كورسيێن خوه يێن په‌رله‌مانى دێ به‌هر دحوكمه‌تێ دا هه‌بيت ول دووڤ ده‌نگێن ئێكه‌تيێ، پۆستێ جێگرێ سه‌رۆك وه‌زيرێن هه‌رێما كوردستانێ ب چو شێوه‌كى ب ئێكه‌تيێ وقوباد تاله‌بانى ناهێته دان”.
هه‌ركى زێده‌تر بۆ باسنيوز گۆت” پارتى ل ده‌مێ بۆرى هاريكاريه‌كا مه‌زن بۆ قوباد تاله‌بانى كريه، به‌لێ قوبادى دپرۆپاگندا هه‌لبژارتنان دا ئه‌و هاريكاريا ب ده‌ليڤه ديت وه‌كو ده‌ستكه‌فتێ خوه ب خه‌لكى فرۆشت.. له‌وما ئه‌و مامه‌لا كو هه‌تا نوكه هه‌بوو، به‌رده‌وام نابيت”.
نيشاندان