ئه‌ڤرۆ نيوز:
په‌رواز حسێن، سوپرايزه‌ك بۆ حه‌زژێكه‌رێن خوه هه‌يه و ده‌مێ ئاشكه‌راكرنا وێ سوپرايزێ ئاشكه‌را دكه‌ت.
په‌رواز د پشكا ستورى هژمارا تايبه‌ت يا خوه ل تۆڕا جڤاكى يا ئينستگرامى، وێنه‌كێ خوه به‌لاڤكريه ل سه‌ر وێنه‌يى ژى دا ئاماژه ب وێ چه‌ندێ كريه كو حه‌ف رۆژێن بهێت دا سوپرايزه‌ك يا هه‌يى.
په‌رواز ژبلى ئاشكه‌راكرنا سوپرازيا خوه كو حه‌فت رۆژێن دى يه، چو پێزانينه‌ك ل سه‌ر سوپرايزا خوه ئاشكه‌ر نه‌كريه.
ئه‌ڤرۆ نيوز:
سينان عه‌زاوى، هۆنه‌رمه‌ندێ عيراقى پشتى ديدارا ل گه‌ل موقته‌دا سه‌در، رێبه‌رێ ته‌ڤگه‌را سه‌در، د فه‌يسبۆكێ خوه دا نڤيسيه كو “سه‌در ئاماژه ب رۆلێ كازم ساهر كريه و پێشنياز خستيه به‌ر ده‌ستى بۆ وێ چه‌ندێ كاره‌كێ نشتيمانى ل مووسل بكه‌ت”.
عه‌زاوى دبێژيت: “ل ده‌مێ دانوستانێ ل گه‌ل موقته‌دا سه‌در به‌حسێ كازم ساهر كريه و سورسورمانا خوه ب سرۆدا (سلام عليك على رافديك عراق القيم) ده‌ربڕيه و ب سرۆده‌كا نشتيمانى دايه هژمارتن”.
هه‌روه‌سان دبێژيت: “سه‌در ئاماده‌يا خوه ده‌ربڕيه كو مێڤانداريا كازم ساهر بكه‌ت ل عيراقێ و چو تشتێ پێدڤيه ل دابينكرنا لوجستيكى و ئه‌منى پێش كێش بكه‌ت، بۆ وێ چه‌ندێ كاره‌كێ نشتيمانى ل سه‌ر ئاخا مووسل بكه‌ت پشتى رزگاركرنێ، ئه‌ز راسپارديمه كو په‌يوه‌نديێ پێ بكه‌م، نها ئه‌ز ژى مژوولى وى كارى مه”.
عه‌زاوى ئێكه ژ وان كه‌سێن داخوازا گوهۆڕينا سرۆدا نشتيمانى يا عيراقێ كرى و داخواز ژى ژ پشته‌ڤانێن خوه كريه كو پشته‌ڤانيێ لێ بكه‌ن.
ئه‌ڤرۆ نيوز:
رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا سێشه‌مبى 9ى چريا ئێكێ 2018ێ دهێته پێشبينيكرن ئه‌سمان ئه‌ورێ ته‌مام بيت و ئه‌گه‌رێ هه‌بوونا باران و بريسا ل هنده‌ك ده‌ڤه‌ران يێ هه‌يى.
پشكا پێشبينيان ل رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ د نڤيساره‌كێ دا راگه‌هانديه كو ژ ئه گه‌رێ نزمبوونا گه‌رما سلانه و كارتێكرنا فشارێن نزمێن ده‌ريا سۆر، دهێته پێشبينيكرن ئه‌سمان ئه‌ورێ ته‌مام بيت و ئه‌گه‌رێ هه‌بوونا باران و بريسا ل هنده‌ك ده‌ڤه‌ران يێ هه‌يى.
پشكا پێشبينيان خۆيا ژى كريه كو نزمترين پلا گه‌رما پێشبينيكرى دێ 21 پله بيت و بلندترين پله ژى دێ 30 پله بيت.
هه‌ر ب گۆره‌ى ڤێ راپۆرتا رێڤه‌به‌ريا ناڤبرى له‌زاتيا باى ژى دێ د ناڤبه‌را 10 بۆ 15كم بيت د ده‌مژمێره‌كێ دا و ماوێ ديتنێ ژى دێ 9 بۆ 10كم بيت د ده‌مژمێره‌كێ دا.
ئەڤرۆ نیوز، نەوزاد ھلۆری:
گوندێ (کانی بووت) کو دکەڤیتە سەر ب ناحیا شێروانی مەزنن ، و ب ئێک ژ مەزنترین گوندێن سەر ب دەڤەرا بارزان دھێتە ھژمارتن ، 52 خێزانێن وی گوندی ژبەر کێمبوونا ئاڤێ مالێن خوە بو دەڤەرێن دن ڤەگوھاستینە.
محەمەد شێروانی ئێکە ژ وەلاتیێن دەڤەرێ دایە دیارکرن کو کێشا ئاڤێ ل گوندێ کانی بووت ئێکە ژ مەزنترین کێشەیان و بۆ ئەڤرۆ نیوز گۆت: (گوندێ کانی بووت ئێکە ژ مەزنترین گوندێن دەڤەرێ و خەلک ب چاندن و خودانکرنا تەرش و کەوالی ڤە دمژولن، بەلێ نەبوونا ئاڤێ یان بێژین کێمبوونا ئاڤێ بویە سەدەم کو نێزیکێ 52 خێزانێن گوندی مالێن خوە بو باژێر و گوند و جھێن دن ڤەگوھێزن، و ئەگەر ئاڤا گوندی بھێتە چارەسەرکرن دێ دووبارە خەلک زڤریتەڤە سەر گوندێن خوە و گرنگیێ ب کەرتێ چاندنێ و خودانکرنا تەرش و کەوالی ژی ھێتەدان وەکو ژێدەرێ سەرەکی بو ژیانا خەلکێ دەڤەرێ).
غەفور ئەحمەد قایمقامێ قەزا مێرگەسوور بۆ ئەڤرۆ نیوز گۆت: (کێشا ئاڤێ نەک ب تنێ ل گوندێ کانی بووت ھەیە ، بەلکو ل گەلەک ژ گوند و دەڤەرێن دن ژی ھەیە، و نوکە حوکمەتا ھەرێما کوردستانێ بزاڤێن خورت دکەت کو پرۆژێن ئاڤێ بو ھەموو دەڤەران درۆست بکەت، وگوندێ کانی بووت ژی دێ ئێک بیت ژ وان گوندێن مفای ژ پرۆژێن ئاڤێ وەربگریت، و بەشەک ژ وان خێزانێن کو مالێن خوە بارگرین تنێ ژ بەر ئاڤێ نینە بەلکو دبیت ژ بەر گەلەک ژ خزمەتگوزاریێن دن بیت ب تایبەتی بو خواندن و دەستکەفتنا خزمەتگوزاریێن باشتر بیت ل باژێرا).
زێدەتر گۆت: (نوکە ب رێیا تانکان ئاڤ بو گوندێ کانی بووت دھێتە دابینکرن، و ھەر چەند کێماسی ھەنە بەێ دێ ھێلەکا ئاڤێ بو ھاتیە راکێشان و دەمەکێ نێزیک دێ کارتێکرنا پرۆژەی دوماھی ھێت و ئاڤ بو خەلکی ھێتە بەردان).
ئەڤرۆ نیوز، عەزیز ھەورامی:
ئەڤرۆ 8ى چريا ئێكێ 2018، ب ئاماده‌بوونا ژماره‌كا به‌رپرسێن حزبى و حكومى و چالاكڤانێن كۆمه‌لگه‌ها مه‌ده‌نى ئازاد ته‌وفيق، پارێزگارێ نوو يێ هه‌له‌بچه ده‌ست ب كار بوو.
زێده‌تر ژ دو سالان بوو عه‌لى عوسمان جێگرێ پارێزگارێ هه‌له‌بچه ب وه‌كاله‌ت كربوو پارێزگارێ هه‌له‌بچه و جێگره‌كێ دى بۆ هاتبوو دانان و كارێن پارێزگه‌هێ برێڤه دبرن.
ئازاد ته‌وفيق، پارێزگارێ نوو يێ هه‌له‌بچه ل ده‌مێ ده‌ست ب كاربوونێ د كۆنگره‌كێ رۆژنامه‌ڤانى دا گۆت: “هه‌موو دنيا قه‌ردارێ هه‌له‌بچه‌يه، كار دكه‌ين بۆ ئاڤه‌دانكرنا ڤى باژێرى”.
ئه‌ڤرۆ نيوز
گەلەک ھەست و خۆشی د پەیوەندیێن ئەڤینی دا ھەنە و ھندەک جاران درەو ژی د کەڤنە ناڤ، چ مرۆڤ درەوا ل لایێ دی بکەت یان ژی ل خوە بکەت، ئەڤ درەوە ئەون یێن دەمێ مرۆڤ ئەڤیندار دبیت ل خوە دکەت:
گوھۆرین:
درەوا ئێکێ مرۆڤ ل خوە دکەت دەمێ ئەڤیندار دبیت ئەوە مرۆڤی باوەری ھەیە بۆ لایەنێ دی خوە بگوھۆریت، یان ژی بۆ خوە خوە بگوھۆریت، ئەو یەک نەراستە، سروشتێ مرۆڤی ب سەر تا و تبعەتی دا دگریت، یا باش ئەوە مرۆڤ بزاڤان بکەت بەلکو سەرکەڤیت، لێ چو گەرەنتی نینن، دبیت گوھۆرین یا بەروەخت بیت و پاشی مرۆڤ ڤەگەریتە سەر تا و تبعەتێ بەرێ، لەورا یا باش ئەوە تو لایەنێ دی بێی راستڤەکرن قەبوول بکەی، ژبەرکو کەس ژ بەر کەسێ ناھێتە گوھۆرین.
درەو:
یا دروست نینە تو خوە ب وێ یەکێ رازی بکەی کو دشێی بۆ دەمەکی درەوان ل لایەنێ دی بکەی، یان بێژی ھەموو درەوان دکەن یان ھەموو درەوان ناکەن، بەلکو درەوین و فێلباز ب تنێ وەدکەن، رازی نەبە ل ژێر چو ناڤان فێلبازی ل تە بھێنە کرن.
شکەستنا دلی:
دیارترین درەوا مرۆڤ ل خوە د کەت ل دۆر پەیوەندیێن دلداری و ئەڤینیێ، ئەوە دەمێ دبێژین ئەم ناھێلین کەس دلێ مە بشکێنیت، ئەو یەک نە یا راستە، ئەڤینی بابەتەکە ب تنێ ھندەک مرۆڤ دشێت کۆنترۆل بکەن، لەورا خەونان نەبینە کو دێ کۆنترۆل کەی.
زانینا پیشبینیێن لایەنێ دی:
ھندەک جاران مرۆڤ ھزر دکەت کو دێ شێت پێشبینیێت لایەنێ دی زانیت، لێ دڤێت بزانی کو دەمێ تو پێشبینیەکا وی بزانی دێ کەڤیە بەر رکمانیەکا نوو.
ئەز نەشێم ب تنێ بژیم:
مەزنترین درەو ئەوە مرۆڤ نەشێت بێی لایەنێ دی بژیت چونکو نەراستە، چو موستەحیل د پەیوەندیان دا نینن، تشتێ راست و دروست ئەوە مرۆڤ گاڤەکێ ژ لایەنێ دی دوور دکەڤیت، دەمێ تو وێ گاڤێ دھاڤێژی ژی دێ ژیانەکا سروشی دەرباز کەی و باشتر.
ئه‌ڤرۆ نيوز:
کولند ئێک ژ جۆرێن زەرزەواتی یە و ل وەرزێ پائیزێ چێدبیت، ب رەنگێ خوە یێ پرتەقالی یێ بەربلەاڤە و گەلەک رەگەزێن خوارنێ یێن گرنگ د ناڤ دا ھەنە.
ژ مفایێن دۆشاڤا کولندی:
یا ھاریکارە بۆ کێمکرنا سەنگی:
گالۆری گەلەک کێم د ناڤ کولندی دا ھەنە لێ زوو مرۆڤی تیرَ دکەت، لەورا یێ باشە مرۆڤ خوە پێ تێر بکەت بێی گەلەک گالۆران وەرگریت، ھەروەسا گەلەک ریشالۆک د ناڤ دا ھەنە و رێژەیەکا مەزن یا ئاڤێ د ناڤ دا ھەیە و زوو عیرکێ مرۆڤی تژی دکەت.
ساخلەمیێ دپارێزیت:
کولند ژێدەرەکێ گرنگە بۆ مەنگنیسۆمی و ڤیتامین C، ژیچدەرەکێ گرنگە بۆ ریشالۆکام کو لەشی دھێلیتە سەر باشترین رەوش، ھەروەسا ڤیتامین A و مەگنیسیۆم، ترشاتیێ فۆلیک، پوتاسیۆم، سفر، فسفۆر و رێژەیەکا باش یا ئۆمێگا سێ و پرۆتین و کۆما ڤیتامین B د ناڤ دا ھەنە و ھەموو ژی بۆ ساخلەمیا مرۆڤی دباشن.
پشتەڤانیێ ل ساخلەمیا زەلامان دکەت:
ڤەکۆلینێن نوو ئاشکرا دکەن کو کولند یێ ھاریکارە بۆ چارەرکرنا نەخۆشیا وەرمینا پرۆستاتان و نیشانێن وێ نەخۆشیێ ژی کێم دکەت.
فشارا خوینێ یا سروشتی دپارێزیت:
ژبەرکو ژێدەرەکێ گرنگێ پوتاسیۆمی یە کو یێ ھاریکارە بۆ رێکخستنا فشارا خوینێ و ناھێلیت فشارا بلند بیت، پوتاسیۆمی د ناڤ کولندی دا کارتێکرنا سودیۆمی د ناڤ خوینێ دا ژ کار دئێخیت یا دبیتە ئەگەرێ گرتنا دەمارێن خوینێ.
زێدەکرنا وزەیا لەشی:
رێژەیەکا باش یا ڤیتامین B د ناڤ دا ھەیە و ئەو یەک دبیتە ئەگەر ھەموو خوارنێن مرۆڤ دخۆت ببنە وزە بۆ لەشی و ھەروەسا ئاکارێن زانستی ب ھێز دئێخیت و گێولی خۆش دکەت.
رێژا شەکرێ د ناڤ خوینێ رێکدئێخیت:
ژبەر ھەبوونا ڤیتامین B د ناڤ دا، کولند شەکرێ د ناڤ خوینێ دا رێکدئێخیت
ئەڤرۆنيوز:
شێوەکار (بەفرین رەشید) ل گەل ھونەرێ شێوەکاری فێری ھونەرێ پەیکەرسازیێ ژی بوویە، پتر دوارێ شێوەکاریێ دا رۆلێ خوە دیتی یە.
بەفرینێ بۆ بەرپەرێ ھونەری گۆت: کوردستانآ چ گرنگی ب کارێ پەیکەرسازیێ و شێوەکاریێ ناھێتەدان، بەلێ نەشێم دەستا ژ کارێ خوە بەردەم، ھندی من شیان ھەبن دێ کەڤال و پەیکەرا دروست کەم، خەلکی پتر کەڤال و پەیکەرێن بیانی دڤێن و یێن خەیالی چ جارا ھونەرمەندەکێ پەیکەرساز ل کوردستانێ نەشێت کەڤال و پەیکەرا بفروشیت، چنکو ھندی کەڤالێن بیانی و خەیالی ھەبن کەس یێن سروشتێ کوردستانێ ناکریت.
بەفرینێ گوتژی : دەست پێکێ من چەندین پەیکەر دروستکرن بۆ چەندین ھونەرمەند و کەسایەتیا نوکە ژی ل گەل شێوەکاریێ پەیکەران ھەردەم دروست دکەم، نەشێم ل چ جھەکێ بەحسێ کارێ خوە بکەم، دێ بێژن تو چەوا پەیکەرا دروست دکەی نابیت و کەلتورێ مە رێک نەدایە ڤێ چەندێ ئافرەت پەیکەرا دروست بکەت، ل کوردستانێ ل دەمێ ڤەکرنا پێشانگەھا ئەگەر خێزانا مروڤی و کەس و کارێن مرۆڤی پشکداری دیتنا پێشانگەھێ نەبن کەس پشکدار نابیت، ئەڤە ژی دبیتە ئەگەرێ کوشتنا ھونەرێ پەیکەر سازیێ و شێوەکاریێ .
ناڤبریێ ئاشکراکر: ئەگەر ئەو کەسێن ل ئەورپا پشتەڤانیا ھونەری دکەن ل کوردستانآ ئەو پشتەڤانی ھەبا دا نوکە ھونەرێ کوردی ل ئاستێ ھونەرێ جیھانی بیت ب تنێ ھونەرمەند خەم ھەلگرێ ھونەرێ خوەیە و ھەمی مەزاختنا لسەر کیستێ خوە دکەت لەورا ھونەرێ مە ب تنێ ل دەف ھونەرمەندا یێ بھایە.
ئه‌ڤرۆ نيوز:
چەند سالەکە ئینانا تڕۆمبێلێن کارپێکری ل وەلاتێن عەرەبی بۆ ھەرێما کوردستانێ بۆیە دیاردە و ل ھەرێما کوردستانێ ژی بازاڕێ تڕۆمبێلێن ئەمریکی یێ گەرمە و پتریا وەلاتیان ب ئەگەرێ ئەرزانیا بھایێ وان بکڕێن ئەڤان تڕۆمبێلێن ئەمریکی نە. ل گورەی ڤەکۆلینێن ھاتن و چوونێ ژی، ھەر دەمێ تووشی روودانەکێ ببن، ئەڤ جۆرێن تڕۆمبێلان وەلاتی بێ زیان دەرناکەڤن، حوکمەتا عێراقێ ژی د نووترین بڕیاردا ئینانا ڤان جۆرێ تڕۆمبێلا قەغەدەکریە.
فازل حاجی، پەیڤدارێ ھاتن وچوونا پارێزگەھا ھەولێرێ بۆ رۆژناما ئەڤرۆ گۆت “ئەڤ تڕۆمبێلێن دبێژنێ ئەمریکی ژ جۆرێ باشن، بەلێ ئەڤ تڕۆمبێلێن ئەمریکی کێمتر دھێنە ھەرێما کوردستانێ کو ل ئەمریکا نەھاتبنە بکارئینان، ئەڤێن ل ئەمریکا تووشی روودانان بووین دھێنە ڤەگوھاستن بۆ دوبەی و بازرگانێن ھەرێما کوردستانێ ژی دچن ڤان تڕۆمبێلێن ئەمریکی دکڕن و پشتی کڕینی دھێنە سەخبێرکرن و ڤەگوھاستن بۆ ھەرێما کوردستانێ. ل دەستپێکێ زۆر جارا وەلاتیان زانیاری داینە دەزگەھێن حوکمەتێ ئەف تڕۆمبێل ب کێری ھاتن و چوونێ ناھێن، بەلێ ئەم ژی پشتڕاست نەبووین، ھەتا ئەڤی دەمێ مە ب خوە بەلگە ل سەر پەیداکرین و گەھشتینە ڤێ باوەریێ تڕۆمبێلێن ئەمریکی یێن ل دوبەی دھێنە ھەرێما کوردستانێ مەترسینە ل سەر وەلاتیان.
محەمەد خەتاب، کڕیارێ ئەڤان جۆرێن تڕۆمبێلایە و بۆ رۆژناما ئەڤرۆ گۆت “راستە ئەڤ تڕۆمبێلە زۆربەیا وان ل وەلاتێ ئەمریکا دھێنە دوبەی ل دوبەی دھێنە سەخبێکرن، بەلێ ناڤەشێرین زۆر جھێ باوەریێ نینن، چونکو زۆربەیا وان ل سینگی تووشی روودانێ بووینە و بەدەنێ وان گرتیە، دەمێ تڕۆمبێل ژی ب ڤی شێوەی تووشی روودانێ بو پەڕەشۆت پەقین و گەھشتە ئاستەکی جارەکا دی راستڤەنابیت، بەلێ بھایێ وان ئەرزانترە ژ تڕۆمبێلێن دی، ھەمان تڕۆمبێل ئەگەر وەلاتی ژ کۆمپانیێ بکڕیت ئەڤە چەندین ھزار دۆلاران بھایێ وان زێدەترە، خەلکێ مە ژی ئەڤێن دکڕن یێن رەوشا وان یا ئابوری باش نینە، نەگەر ھەموو کەس دزانیت تڕۆمبێلەک تووشی پێکدادانێ ببیت وەک یا کۆمپانیێ نینە، نوکە بکڕێن وان گەلەک د زۆرن من ب خوە ھژمارەک ژ وان کڕیە، ب مەرەما بازرگانیێ پشتی مفای فرۆتینە، ئیدی دشێم بێژم بازاڕ نوکە بازاڕێ تڕۆمبێلێن ئەمریکیە.
پەیڤدارێ ھاتن و چوونا پارێزگەھا ھەولێرێ دیار کر “د رۆژێن جەژنێ دا ئێک ژ وان تڕۆمبێلێن دبێژن لێکزز ل جادەیەکا باژێڕێ ھەولێرێ تووشی روودانەک بوو، بەلێ مخابن سیستەمێ وێ تڕۆمبێلا ھوسا یا پێشکەفتی د دەمێ روودانێ کار نەکر و د ئەنجام دا شوفێر و وەلاتیێن ناڤا تڕۆمبێلێ گیانێ خوە ژ دەستدان، پشتی روودانێ ئێکسەر ب نڤیسارا فەرمیی ژلایێ رێڤەبەرایەتیا ھاتن و چوونا ھەولێرێ وەزیرێ نافخۆ ھاتە ئاگەھدارکرن و مە داخوازکریە ئینانا تڕۆمبێلێن ئەمریکی یێن کار پێکری بھێنە قەدەغەکرن، ھەتا وەلاتیێن مە تووشی زیان نەبن و کەرتێ ھاتن و چوونێ ژی کێمتر ئاریشە ھەبن.
دەستەیا دەروازەیێن عێراقێ د نووترین بڕیارا خۆدا ئینانا تڕۆمبێلێن ئەمریکی قەدەغەکریە د بەیاننامەیەکێ دا دیارکریە “ب فەرمانا سەرۆکایەتیا جڤاتا وەزیران ئینانا تڕۆمبێلێن ئەمریکی یێن کار پێکری و یێن کەنداڤی نابیت بھێنە ناڤا خاکا عێراقێ، بۆ ڤێ مەرەمێ ھەموو دەروازەیێن سنووری و بازرگان ھاتینە ئاگەھدارکرن، چونکە دەرکەفتیە تڕۆمبێلێن ئەمریکی و وەلاتێن کەنداڤی دبنە ئەگەرێ زیانێن زۆر بۆ وەلاتیان.
رائید فازل حاجی گۆت ژی “ئەڤ بڕیار دێ ل ھەموو عێراقێ ھێتە بجھئینان وەکی ئێک، ژ بەر کو تڕۆمبێلێن ئەمریکی زێدەتر ل خالێن سنوریێن ھەرێما کوردستانێ دھێنە ناڤا عێراقێ و زۆربەیا وان پەڕەشۆتێ وان پەقیە و دەمێ تووشی ھەر پێکدادانەکێ دبن دێ زیان ھەبن، بەلێ ھەتا بڕیار ب تەمامی دھێتە بجھئینان ھێشتا مایە، چونکە بازرگان دڤێت بھێنە ئاگەھدارکرن و ترۆمبێلێن د رێدابن بڕیارا قەدەغەکرنێ وانا ناگریت، ئەڤە ژی پێخەمەت ڤێ چەندێ زیان بەر وەلاتی و بازرگانان نەکەڤن، بەلێ وەکی بڕیار دجھێ خوەدایە و پێدڤیە زوو رێگری بھێتە کرن ئیدی ئەڤ جۆرێن تڕۆمبێلا نەھێنە ناڤا ھەرێما کوردستانێ.
ئەڤرۆ نيوز:
فلمە فیستیڤالا دھۆکێ یا شەشێ دێ ل 20_27/ 10/ 2018 ل ھۆلا کونگران ھێتە گێران، (70) وەلات دپشکدارن ھەتا 700 فلمان گەھشتینە ڤیستەڤالێ (120) فلمێن کوردی پشکداری ڤیستەڤالێ بووینە.
بەنگین عەلی، جێگرێ سەرۆکێ فلمە ڤیستەڤالا دھۆکێ بۆ بەرپەرێ ھونەری گۆت: وەلاتێ ئەرمینیا دێ مێھڤانێ ڤیستەڤالێ یە، بەرھەڤی تەمام بۆ ڤیستەڤالێ ھاتینەکرن و فلمە ڤیستەڤالێ سپونسەر ھەبووینە پشکا بۆدجا ڤیستەڤالێ سەرۆکێ حوکمەتێ تەرخانکریە، پشک کارگێریا پارێزگەھا دھۆک.
بەنگین عەلی، ئاماژە کرە وێ چەندێ کو جوداھی یا فلمە ڤیستەڤالا دھۆکێ یا ئەڤ جارە ل گەل یا خولێن بوری جوداھی نینە، ئەو فلمێن پشکدار دئاستەکێ بلند دانە و ئاستێ فلمە ڤیستەڤالا دھۆکێَ نزم نەبوویە، فلمە ڤیستەڤالا دھۆک دێ(خەلاتێ رەخنەگرێن جیھانی) ئەڤ سالە ھەبیت، رۆژھەلاتا ناڤین ھەکە فلمە ڤیستەڤالا دھۆکێ بڤی خەلاتی یا ئێکێ نەبیت دێ یا دووێ بیت.
ھێشتا گۆت: ئەڤ سالە ل ھەر چار پارچێن کوردستانێ رێژەکا باش یا فلمێن درێژ ھاتیە بەرھەم ئینان، ژڤانە ل رێکەفتی 14/10 دووماھی کونفرانسێ فلمە ڤیستەڤالا دھۆکێ بھێتەدانان.
محەمەد ئەکتاش سەرپەرشتیارێن فیستەڤالا دھۆک دیارکر کو گەلەک فلمێن باش بۆ فیستیڤالێ ھاتینە و چەندین خەلاتێن جیھانی وەرگرتینە، فیستیڤالێ فوکسەک بۆ سەر ژنێن جیھانی و ژنێن کورد ھەیە.
شەوکەت ئەمین کورکی رێڤەبەرێ ھونەری یێ فیستیڤالێ، پێشتر ل کونگرێ رۆژنامەڤانیێ فلمە ڤیستەڤالا دھۆک گۆت ئاشکراکر بوو کو ئەڤ سالە دێ گرنگیێ ب و رکشۆپ و سمیناران ھێتەدان، و بەرنامەک باش ھەیە، 74 وەلاتان پشکداری فیستیڤالێ نە 120 فلمێن کوردی ژی دێ پشکداریێ تێدا کەن.
نيشاندان