ئه‌ڤرۆنيوز:

وه‌زاره‌تا په‌روه‌ردێ ل هه‌رێما كوردستانێ سالناما خواندنێ (2018 – 2019) به‌لاڤكر كو تێدا ئاماژه‌ ب ده‌مێ ئه‌زموونان وبێهنڤه‌دانان دكه‌ت.

دپشكه‌كا وێ سالنامێ دا هاتيه‌:

• ئه‌زموونێن دووماهيا وه‌رزێ ئێكێ

دوشه‌مبى 7/1/2019 ده‌ست پێ دكه‌ن ول رۆژا چارشه‌مبى 16/1/2019 ب دووماهى دهێن.

• بێهنڤه‌دانا ئێكێ يا سالا خواندنێ

ل رۆژا پێنجشه‌مبى 17/1/2019 ده‌ست پێ دكه‌ت وهه‌تا رۆژا سێشه‌مبى 22/1/2019  ول رۆژا چارشه‌مبى 23/1/2019 ده‌واما وه‌رزێ دويێ ده‌ست پێ دكه‌ت.

• بێهنڤه‌دانا بهارێ ل رۆژا دوشه‌مبى 11/3/2019 ده‌ست پێ دكه‌ت ول رۆژا شه‌مبيێ 23/3/2018 ب دووماهى دهێت ول رۆژا ئێكشه‌مبى 24/3/2019 ده‌وام دێ ده‌ست پێ كه‌ت.
• ئه‌زموونێن دووماهيا وه‌رزێ دويێ

رۆژا شه‌مبيێ 11/5/2019 ده‌ست پێ دكه‌ن ول رۆژا دوشه‌مبى 20/5/2019 ب دووماهى دهێن.

ئەڤرۆ نیۆز، قائید میرۆ:

بڕیارە ئێڤاریا ئەڤرۆ ل باژێڕیێ ھەولێرێ پارتی دیموکراتی کوردستان ئاھەنگا سەرکەفتنا لیستا خوە بگێڕیت و بەرپرسەکا پارتی ژی ئاشکراکر، دێ ل سەر ئاستێن بلند پشکداری ھێتەکرن.

سامیا شێروانی، بەرپرسا رێکخراوێن جەماوەریێن لقێ ١٦ بۆ ئەڤرۆ نیۆز دیارکر” درەنگی ئێڤاریا ئەڤرۆ رۆژا ئێک شەمبی ب ھەلکەفتا لیستا ١٨٣ێ یا پارتی دیموکراتی کوردستان دێ ئاھەنگا سەرکەفتێ ژلایێ لقێ ١٦ ھێتە گێڕان ل دەوروبەرێ ھەولێرێ و چەندین چالاکیێن ھونەری تێدا دێ ھێنە نیشاندان.

شێروانی ئاشکراکر” لسەر ئاستێ مەکتەبا سیاسی و جڤاتا سەرکردایەتیا پارتی و بەرپرس و کادر و بەربژێرێن سەرکەفتی دێ پشکداریێ تێدا بکەن، گێڕانا ئاھەنگا سەرکەفتنێ بۆ لیستا ١٨٣ێ ددەمەکیدایە گورەی ئەنجامێن ھەلبژارتنێن ٣٠ی ئیلوونێ پارتی سەرکەفتنەکا مەزن تۆمارکریە، بێگومان بزاڤ و خەباتا کادرو جەماوەرێ پارتیە بۆیە ھێڤێنێ سەرکەفتنێ.

گورەی ئەنجامێن دەستپێکی پارتی دیموکراتی کوردستان ٤٤ کۆرسیێن پەرلەمانێ کوردستانێ مسۆگەر کرینە و پێشبینیا زێدەبوونا کۆرسیێن پارتی ھێشتا بەردەوامە.