ئه‌ڤرۆ نيوز:
سه‌رۆكێ جڤاتا سه‌ركرداتيا ئێكگرتوو ئيسلامى كوردستان راگه‌هاند كو پێدڤيه كورد ب ئێك ليست ڤه‌گه‌رنه به‌غدا و زێده‌تر خوه ژ ئێك دو دوور نه‌كه‌ن.
ده‌رباره‌يى ئێك ليستيا كوردان بۆ پشكداريكرن د كابينا نوو يا عيراقێ دا، سه‌عيد عه‌لى عه‌بۆ، بۆ مالپه‌رێ فه‌رميێ پارتى ديموكراتى كوردستان گۆت: “لايه‌نێن كوردستانى سه‌ره‌رايى بۆچوونێن جودا و كێشێن وان، به‌لێ بۆ ڤه‌گه‌ريان بۆ به‌غدا دڤێت ل گه‌ل ئێك بن، نابيت خوه ژ هه‌ڤدۆ دوور بێخن”.
ئه‌ڤرۆ نيوز:
وه‌زاره‌تا پلاندانانا عيراقى ئه‌ڤرۆ رۆژا پێنجشه‌مبى راگه‌هاند كو رێژا بێكاريێ ل ده‌ف گه‌نجان دگه‌هيته 22.6%ێ و پتريا وان ژنن.
ئالاڤێ ناڤه‌ندى يێ تۆمارێ گرێدايى وه‌زاره‌تێ د به‌ياننامه‌كێ دا راگه‌هاند: “رێژا بێكاريا گه‌نجان يا د ناڤبه‌را 15 هه‌تا 29 ساليێ دا دگه‌هيته 22.6%ێ و ژ وان 56.3% كچن”.
هه‌ر ب گۆره‌يى ڤێ به‌ياننامێ رێژا پشكداريا گه‌نجان د كارێن پيشه‌يى دا وه‌كو كرێكار دگه‌هيته 36.1%ێ.
ئه‌ڤرۆ نيوز:
چه‌ند كه‌سه‌كان كو ب چاڤێن خوه ديتيه، گرته‌يه‌كا ڤيديۆيى يا ترۆمبێله‌كا وه‌كو “ترۆمبێلا باتمان” ل كه‌رتێ ئۆنتاريۆى يێ كه‌ندا تۆماركريه كو ب له‌زاتيه‌كا شێتانه دهاژۆت.
ئه‌ڤ پارچا ڤيديويێ ل سه‌ر ئاسته‌كێ به‌رفره‌هـ ل تۆڕێن جڤاكى ده‌نگ ڤه‌دايه، د وى ديمه‌نى دا نيشان دايه، ده‌مێ ترۆمبێلێن پۆليسان ل دووڤ ترۆمبێله‌كا وه‌كو يا باتمانى كه‌فتين و راوه‌ستاندى، به‌لێ ئه‌وا جهێ سه‌رنجا جه‌ماوه‌رى بوو، ئه‌و بوو كو ده‌ما شوفێر ژ ترۆمبێلێ هاتيه خوار، هه‌مان جلكێن ئه‌وى باتمانى ل به‌ر بوون يێن د چيرۆكا فلمێن ئه‌فسانه‌يى دا هه‌يى.
ئەڤرۆ نیوز:
تەھران ھوشداریێ ددەتە ئەمریکا و ئسرائیل د ئەگەرێ زێدەکرنا فشارێن ئابووری ل سەر وەلاتێ وان، دێ وان دو وەلاتان ب ئارمانج گرن و ھێرشێن مووشەکی کەنە سەر ئسرائیل.
مەزنە زەلامەکێ ئاینی یێ نێزیک ل عەلی خامنەیی، رێبەرێ بلندێ شورەشا ئیسلامی ل ئیرانێ د چارچۆڤێ گۆتارا نڤێژا جەژنێ دا گۆت: “بھایێ شەری ل گەل ئیرانێ گەلەک یێ زێدەیە و ھەکە بێت و بچووکترین زیان بگەھیتە وەلاتی، دێ ئەمریکا و ئسرائیل و ھەڤپەیمانێن وێ بنە ئارمانج ژ لایێ تەھرانێ ڤە و دێ ب دژوارێ لێدەین”.
گەفێن ئیرانێ پشتی گۆتنێن جۆن بۆلتن، شیرەتکارێ ئاسایشا نشتیمانی یا ئەمریکا دھێن کو ئاماژە ب وێ چەندێ دایە کو واشنتۆن فشارەکا مەزن بۆ سەر تەھرانێ زێدە کریە ب رەنگەکی سزایێن ئابووری ب بورینیت.
ئەڤرۆ نیوز ، زنار تۆڤی:
پۆلیسێن سلێمانیێ دیارکریە، کو ل سپێدەهیا ئەڤرۆ پێنجشەمبی ۲۳ تەباخا ۲٠۱۸، گەنجەکێ عەرەب دژیێ 20 سالیێ دا ل بەنداڤا دوكان خەندقی یه.
سەرکەوت ئەحمەد رێڤەبەرێ پەیوەندی و راگەهاندنا پۆلیسێن سلێمانیێ گۆتیە ئەو گەنج ب رەگەز عەرەبە و ب مەبەستا گەشتكرنێ هاتیە بەنداڤا دوكان، بەلێ ل سپێدەهیا ئەڤرۆ خەندقیە، هەروەسا هێزێن پۆلیس و تیمێن نقۆمڤانان ل جهێ روودانێ نە و یێ ل تەرمێ وی گەنجی دگەرن.
ئه‌ڤرۆ نيوز:
ئێكه‌تيا ئورۆپا رازيبوو ب كۆژمێ 18 مليۆن يورۆيان هاريكاريا ئيرانێ بكه‌ت، ئه‌ڤه ژى بۆ رزگاركرنا رێكه‌فتناما ئه‌تۆمى يا سالا 2015ێ يا ته‌هرانێ ل گه‌ل وه‌لاتێن رۆژئاڤا.
ئاژانسا رويته‌رز به‌لاڤكريه كو ئێكه‌تيا ئورۆپا ره‌زامه‌نديا خوه نيشاندايه 18 مليۆن يورۆيان وه‌كو هاريكارى بۆ گه‌شه‌پێدانا كه‌رتێ تايبه‌ت و كێمكرنا كارتێگرنا دوورپێچا ئابوورى يا ئه‌مريكا ل سه‌ر وى وه‌لاتى.
ئه‌ڤ راگه‌هاندنا ئێكه‌تيا ئورۆپا پشكه‌كه ژ پاكێچه‌كا 50 مليۆن يورۆيان بۆ هاريكاريا ئيرانێ د ناڤ بوودجا خوه دا.
گەشتیارەک خەندقی
ئەڤرۆ نیوز ، زنار تۆڤی:
پۆلیسێن سلێمانیێ دیارکریە، کو ل سپێدەهیا ئەڤرۆ پێنجشەمبی ۲۳ تەباخا ۲٠۱۸، گەنجەکێ عەرەب دژیێ 20 سالیێ دا ل بەنداڤا دوكان خەندقی یه.
سەرکەوت ئەحمەد رێڤەبەرێ پەیوەندی و راگەهاندنا پۆلیسێن سلێمانیێ گۆتیە ئەو گەنج ب رەگەز عەرەبە و ب مەبەستا گەشتكرنێ هاتیە بەنداڤا دوكان، بەلێ ل سپێدەهیا ئەڤرۆ خەندقیە، هەروەسا هێزێن پۆلیس و تیمێن نقۆمڤانان ل جهێ روودانێ نە و یێ ل تەرمێ وی گەنجی دگەرن.
ئەڤرۆ نیوز:
خافێر تیباس سەروکێ دەستەیا لیگا ئسپانی ئاشکرا کر کو یاریا کلاسیکویا ناڤبەرا ھەردو یانێن ریال مەدرید و بەرشلونە دا ل وەلاتێ ئەمریکا ناھێتە کرن.
بەری نوکە دەستەیا لیگا ئسپانی گەھشتبوو رێککەفتنێ دگەل گومپانیەکا وەرزشی بۆ ئەنجامدانا یاریێن خولا ئسپانی ل وەلاتێ ئەمریکا، لێ ئەڤ بریارە بویە جھێ نەرازیبونا یانێن ئسپانی و ترسا وێ چەندێ ھەیە یاریا کلاسیکویا ئسپانی ژی ڤەگوھێزنە وەلاتێ ئەمریکا.
رۆژنانا سپورت یا کەتالونی ژ زاردەڤێ سەروکێ لیگایێ دیارکر کو یاریا کلاسیکو ناھێتە ڤەگوھاستن بۆ چو وەلاتان و تنێ دێ ل ئسپانیا ئەڤ یاریە ھێتەکرن.
ئەڤرۆ نیوز ، زنار تۆڤی:
پەیڤدارێ دەستەیا گەشتوگۆزارا هەرێما کوردستانێ بۆ ئەڤرۆ نیوز دا خویاکرن، کو د شەش هەیڤێن بوری یێن ئەڤ سالە دا، ملیۆنەک و 310 ھزار گەشتیاران سەرەدانا ھەرێما کوردستانێ کریە.
نادر روستی پەیڤدارێ دەستەیا گەشت و گوزارا ھەرێما کوردستانێ زێدەتر دیارکر: ئەڤ ساله رێژەکا باش یا گەشتیاران هاتینە هەرێما کوردستانێ و ل ماوێ ڤان شەش هەیڤێن بوری یێن ئەڤ سالە دا ملیۆنەک و 310 ھزار گەشتیار ھاتینە ھەرێما کوردستانێ و 82% ژ وان گەشتیاران ژ ناڤەراست و باشۆرێ عیراقێ هاتینە، هەروەسا 13% ژ وان گەشتیاران ژ ئیرانێ هاتینە و پێنج ژ سەدێ ژ وەلاتێن بیانی ھاتینە.
ناڤهاتی زێدەتر گۆتیە: ژ ئەگەرێ گرتنا فرۆکخانان و داکەفتنا دراڤێ ئیرانی و ھەبوونا رسووماتان ل سەر گەشتیارێن ئیرانێ، د ماوێ ڤان شەش هەیڤێن بوری دا ھاتنا گەشتیارێن ئیرانی و بیانی بۆ ھەرێمێ کێم بوویه، بەلێ ب رەنگەکێ گشتی هەکە بەراورد بکەین ب شەش هەیڤێن سالێن بوری هژمارا گەشتیاران گەلەک زێدە بووینە.
نيشاندان