ئه‌ڤرۆ نيوز:

وه‌زاره‌تا دارايى و ئابوورى ل حوكمه‌تا هه‌رێما كوردستانێ راگه‌هاند كو ئێدى مووچه‌ دێ ل ده‌مێ خوه‌ يێ ده‌ستنيشانكرى هێته‌ به‌لاڤكرن و هه‌موو 5ى هه‌يڤێ دێ ده‌ست ب به‌لاڤكرنا وى هێته‌ كرن و وه‌زاره‌تێن ده‌سپێكێ ژى دێ پێشمه‌رگه‌ و په‌روه‌رده‌ بن.

ب گۆره‌يى ژێده‌ره‌كێ ناڤا وه‌زاره‌تا دارايى و ئابوورى كو ئه‌ڤرۆ نيوز خوه‌ گه‌هانديێ ئاشكه‌را كريه‌ كو وه‌زيرێ دارايى ئه‌و ئاگه‌هدار كرينه‌ كو هه‌موو 5ى هه‌يڤان دێ مووچه‌ هێته‌ به‌لاڤكرن و ل ده‌سپێكێ ژى دێ وه‌زاره‌تێن پێشمه‌رگه‌يى و په‌روه‌ردێ بن.

ب گۆره‌يى ڤێ داخۆيانيا وه‌زيرێ دارايى بيت، ل 5ى هه‌يڤا بهێت دێ مووچێ خزيرانێ يێ وه‌زاره‌تا پێشمه‌رگه‌يى هێته‌ به‌لاڤكرن.

ئەڤرۆ نیوز ، زنار تۆڤی:

پەیڤدارێ دەستەیا گەشتوگۆزارا هەرێما کوردستانێ بۆ ئەڤرۆ نیوز دا خویاکرن، کو د شەش هەیڤێن بوری یێن ئەڤ سالە دا، ملیۆنەک و 310 ھزار گەشتیاران سەرەدانا ھەرێما کوردستانێ کریە.

نادر روستی پەیڤدارێ دەستەیا گەشت و گوزارا ھەرێما کوردستانێ زێدەتر دیارکر: ئەڤ ساله رێژەکا باش یا گەشتیاران هاتینە هەرێما کوردستانێ و ل ماوێ ڤان شەش هەیڤێن بوری یێن ئەڤ سالە دا ملیۆنەک و 310 ھزار گەشتیار ھاتینە ھەرێما کوردستانێ و 82% ژ وان گەشتیاران ژ ناڤەراست و باشۆرێ عیراقێ هاتینە، هەروەسا 13% ژ وان گەشتیاران ژ ئیرانێ هاتینە و پێنج ژ سەدێ ژ وەلاتێن بیانی ھاتینە.

ناڤهاتی زێدەتر گۆتیە: ژ ئەگەرێ گرتنا فرۆکخانان و داکەفتنا دراڤێ ئیرانی و ھەبوونا رسووماتان ل سەر گەشتیارێن ئیرانێ، د ماوێ ڤان شەش هەیڤێن بوری دا ھاتنا گەشتیارێن ئیرانی و بیانی بۆ ھەرێمێ کێم بوویه، بەلێ ب رەنگەکێ گشتی هەکە بەراورد بکەین ب شەش هەیڤێن سالێن بوری هژمارا گەشتیاران گەلەک زێدە بووینە.