ئه‌ڤرۆ نيوز:

په‌رله‌مانتاره‌كێ به‌رێ يێ جڤاتا نوونه‌رێن عيراقێ ئاشكه‌را كر كو كو وه‌زاره‌تێن حوكمه‌تا نها يا عيراقێ هاتينه‌ كێمكرن و ب ڤێ چه‌ندێ ژى سه‌رۆك وه‌زير دكه‌ڤيته‌ بن فشارێن كوتلێن سياسى.

جاسم محه‌مه‌د جه‌عفه‌ر، په‌رله‌مانتارێ به‌رێ يێ جڤاتا نوونه‌رێن عيراقێ د داخۆيانيه‌كا رۆژنامه‌ڤانى دا گۆت: “عادل عه‌بدولمه‌هدى، سه‌رۆك وه‌زيرێ راسپاردى يێ عيراقێ بۆ كابينا نوو دخوازيت وه‌زاره‌تان كێم بكه‌ت، ب ڤێ چه‌ندێ ژى كه‌فتيه‌ بن فشارا لايه‌نێن سياسى”.

ئاماژه‌ ب وێ چه‌ندێ ژى كر كو كوتلێن سياسى فشاره‌كا زۆر خستيه‌ سه‌ر سه‌رۆك وه‌زيران بۆ وێ چه‌ندێ به‌ربژارێن وان بۆ پۆستێن سه‌رۆك وه‌زيريێ په‌سه‌ند بكه‌ت.

ئه‌ڤرۆ نيوز:

سه‌رۆك وه‌زيرێن نوو يێ عيراقێ داخوازێ ژ لايه‌نێن سياسى دكه‌ت كو بۆ هه‌ر وه‌زاره‌ته‌كێ چار كه‌سان به‌ربژار كه‌ن.

عادل عه‌بدولمه‌هدى، راسپارديێ كابينا نوو يا حوكمه‌تا عيرقێ داخوازا چار ناڤان ژ پارت و هه‌ڤپه‌يمانيان دكه‌ت بۆ پۆستێن وه‌زيران.

عاليا ئيماره‌، په‌رله‌مانتارا هه‌ڤپه‌يمانيا چاكسازيێ راگه‌هاند كو عادل عه‌بدولمه‌هدى دێ وه‌زيرێن كابينا خوه‌ ل سه‌ر بنه‌مايێ ژێ هاتن و شاره‌زايى و باوه‌رنامان ديار كه‌ت.

گۆتژى: “عه‌بدولمه‌هدى داخواز ژ هه‌موو كوتلان كريه‌ كو چار ناڤان بۆ وه‌زاره‌تان بده‌نێ و ئه‌و دێ ب بڕيارا خوه‌ ناڤه‌كى بۆ هه‌ر وه‌زاره‌ته‌كێ هه‌لبژێريت”.

ئه‌وێ په‌رله‌مانتارێ ته‌كست ل سه‌ر وێ چه‌ندێ كريه‌ كو د ماوێ كێمتر ژ هه‌يڤه‌كێ دا، عادل عه‌بدولمه‌هدى دێ ليستا كابينا خوه‌ يا نوو يا حوكمه‌تێ پێشكێشى په‌رله‌مانى كه‌ت.

ئەڤرۆ نیوز، قائید میرۆ:

مامۆستایەکێ زانکۆیێ ئاشکراکر، پۆستێ سەرۆک کۆمارێ عێراقێ مولکێ چو حزبەکا دیاریکری نینە و ئێکەتیێ شاشیەکا مەزنکر بێی پارتی دکتۆر بەرھەم سالح بەربژێرکری، ژبەرکو مەزنترین حزبا کوردستانیە.

پڕۆفیسۆر خەلیل ئیسماعیل بۆ نیۆز دیارکر” پێدڤیە ھەردو حزبێن سەرەکیێن ھەرێما کوردستانێ دناڤبەرا خوەدا بگەھنە رێکەفتنێ لدۆر بەربژێرەکی بۆ پۆستی سەرۆک کۆمارێ عێراقێ، چونکە پۆستێ سەرۆک کۆماری بەھرا ھەرێما کوردستانێ و ھەر کەسەکێ ئەڤی پۆستی وەر بگریت دێ نوونەرایەتیا عێراقێ و ھەرێما کوردستانێ بکەت، ئەڤەژی بابەتەکێ ھەستیار و گرنگە بۆ کوردان.

پرۆفیسۆر خەلیل ئیسماعیل ئاماژەکر” نابیت ئێکەتی بێی پارتی کەسەکی بکەتە بەربژێر بۆ وەرگرتنا پۆستێ سەرۆک کۆماری، ژبەرکو سەرۆک کۆمارێ مولکێ چو حزبەکا دیاریکری نینە و پارتی ژی زۆرترین کۆرسی ل ھەلبژارتنێن بۆری یێن پەرلەمانێ عێراقێ بدەستڤە ئیناینە و دانانا دکتۆر بەرھەم بێی وەرگرتنا بۆچوونا پارتی شاشیەکا مەزنبو ئێکەتیێ کری.