‎ ‎ئەڤرۆ نيوز:‎

ئەندامەکێ‎ ‎خولا‎ ‎بوری‎ ‎یا‎ ‎پەرلەمانێ‎ ‎عیراقێ،‎ ‎ب‎ ‎دووری‎ ‎زانی‎ ‎رەوشا‎ ‎ھەرێمێ‎ ‎بگەھیتە‎ ‎وی‎ ‎ئاستی‎ ‎دو‎ ‎ئیدارەیی‎ ‎دروست‎ ‎بیت،‎ ‎یان‎ ‎پارتی‎ ‎حوکمەتا‎ ‎ھەرێمێ‎ ‎ل‎ ‎گەل‎ ‎کورسیێن‎ ‎کوتا‎ ‎یان‎ ‎لایەنەکێ‎ ‎لاواز‎ ‎دروست‎ ‎بکەت‎ ‎و‎ ‎بتنێ‎ ‎دڤێت‎ ‎ئێکەتی‎ ‎گەلەک‎ ‎پوستا‎ ‎ل‎ ‎ھەرێمێ‎ ‎نەوەرگریت‎.‎

سامی‎ ‎ئەترووشی،‎ ‎چاڤدێرێ‎ ‎سیاسی‎ ‎بۆ‎ ‎رۆژناما‎ ‎ئەڤرۆ‎ ‎گۆت‎: ‎باوەرناکەم‎ ‎پشتی‎ ‎ب‎ ‎دووماھی‎ ‎ھاتنا‎ ‎ھەلبژارتنێن‎ ‎پەرلەمانێ‎ ‎کوردستانێ‎ ‎پارتی‎ ‎دیموکراتی‎ ‎پێنگاڤا‎ ‎دروست‎ ‎بوونا‎ ‎حوکمەتا‎ ‎ئێک‎ ‎لایەنی‎ ‎ل‎ ‎گەل‎ ‎لایەنەکێ‎ ‎لاواز‎ ‎ب‎ ‎ھاڤێژیت‎ ‎و‎ ‎بێی‎ ‎ئێکەتیێ‎ ‎حوکمەتێ‎ ‎دروست‎ ‎بکەت،‎ ‎چنکو‎ ‎د‎ ‎بەرژوەندیا‎ ‎پارتی‎ ‎ب‎ ‎خوە‎ ‎ژی‎ ‎دا‎ ‎نینە‎ ‎ئەڤ‎ ‎چەندە‎ ‎بھێتەکرن‎ ‎و‎ ‎دڤێت‎ ‎ھەڤسەنگیەکا‎ ‎دی‎ ‎بھێتە‎ ‎دروستکرن‎ ‎دناڤبەر‎ ‎پارتی‎ ‎و‎ ‎ئێکەتیێ‎ ‎دا‎ ‎وەک‎ ‎جاران‎.‎

سامی‎ ‎ئەترووشی،‎ ‎ئەندامێ‎ ‎بەرێ‎ ‎یێ‎ ‎پەرلەمانێ‎ ‎عیراقێ‎ ‎ئەو‎ ‎ژی‎ ‎گۆت‎: ‎ناف‎ ‎مالا‎ ‎کوردی‎ ‎رۆژ‎ ‎بۆ‎ ‎رۆژ‎ ‎بەر‎ ‎ب‎ ‎لاوازیێ‎ ‎ڤە‎ ‎دچیت‎ ‎و‎ ‎تایبەت‎ ‎نوکە‎ ‎شەرێ‎ ‎مەزن‎ ‎مە‎ ‎ل‎ ‎گەل‎ ‎عیراقێ‎ ‎ھەیە،‎ ‎ئەو‎ ‎روودای‎ ‎ل‎ ‎پەرلەمانێ‎ ‎عیراقێ‎ ‎وێ‎ ‎چەندێ‎ ‎گەھینت‎ ‎کو‎ ‎رۆژ‎ ‎بۆ‎ ‎رۆژ‎ ‎بەرژەوەندیێن‎ ‎حزبی‎ ‎سەر‎ ‎ب‎ ‎بەرژوەندیێن‎ ‎مللەتی‎ ‎کەڤن‎ ‎و‎ ‎تایبەت‎ ‎ھەر‎ ‎دو‎ ‎حزبێن‎ ‎دەست‎ ‎ھەلادار‎ ‎و‎ ‎ئەڤە‎ ‎جھێ‎ ‎داخێ‎ ‎یە‎ ‎و‎ ‎ھەر‎ ‎جار‎ ‎ناف‎ ‎مالا‎ ‎شیعی‎ ‎و‎ ‎ناف‎ ‎مالا‎ ‎سنی‎ ‎رێکەفتن‎ ‎دھێـتەکرن‎ ‎بۆ‎ ‎ھەر‎ ‎پوستەکێ‎ ‎ھەبیت‎.‎

سامی‎ ‎ئەترۆووشی‎ ‎ئەو‎ ‎ژی‎ ‎ئاشکراکر‎ ‎کو‎ ‎روودانا‎ ‎ل‎ ‎پەرلەمانێ‎ ‎ل‎ ‎عیراقێ‎ ‎درست‎ ‎بووی‎ ‎ل‎ ‎سەر‎ ‎ھەلبژارتنا‎ ‎سەرۆک‎ ‎کومارێ‎ ‎عیراقێ‎ ‎دەلیڤە‎ ‎دا‎ ‎ل‎ ‎ھەرێما‎ ‎کوردستانێ‎ ‎ئالوزی‎ ‎بھێنە‎ ‎دروستکرن‎ ‎و‎ ‎تایبەت‎ ‎دناڤبەرا‎ ‎پارتی‎ ‎و‎ ‎ئێکەتیێ‎ ‎دا‎ ‎و‎ ‎پێشتر‎ ‎چەند‎ ‎رێکەفتن‎ ‎نامە‎ ‎ھەبووینە‎ ‎دبینم‎ ‎ئەو‎ ‎رێکەفتنامە‎ ‎دێ‎ ‎ھێنە‎ ‎ھەلوەشاندن‎.‎

ل‎ ‎دۆر‎ ‎تێکچوونا‎ ‎پەیوەندیێن‎ ‎ھەر‎ ‎دو‎ ‎پارتان‎ ‎کو‎ ‎رەوش‎ ‎بگەھیتە‎ ‎دروست‎ ‎بوونا‎ ‎دو‎ ‎ئیدرایێ،‎ ‎ئەترووشی‎ ‎گۆت‎: ‎دو‎ ‎ئیدارەیی‎ ‎خزمەتا‎ ‎ھەر‎ ‎دو‎ ‎حزبا‎ ‎ناکەت‎ ‎و‎ ‎باوەرناکەم‎ ‎رەوش‎ ‎بگەھیتە‎ ‎وی‎ ‎ئاستی‎ ‎و‎ ‎دبینم‎ ‎پشتی‎ ‎وەرگرتنا‎ ‎پۆستێ‎ ‎سەرۆکاتیا‎ ‎کوماری‎ ‎یا‎ ‎عیراقێ‎ ‎ژلایێ‎ ‎ئێکەتیێ‎ ‎ڤە‎ ‎دێ‎ ‎گەلەک‎ ‎دەستھەلاتێ‎ ‎ل‎ ‎ھەرێما‎ ‎کورستانێ‎ ‎ژ‎ ‎دەست‎ ‎دەت،‎ ‎چەندین‎ ‎دەست‎ ‎ھەلاتێن‎ ‎ئێکەتی‎ ‎ل‎ ‎کوردستانێ‎ ‎چاڤەرێ‎ ‎بووی‎ ‎وەربگریت‎ ‎دێ‎ ‎شدەست‎ ‎دەت‎ ‎و‎ ‎رادەستی‎ ‎پارتی‎ ‎دیموکراتی‎ ‎کوردستان‎ ‎کەت‎.‎

ئه‌ڤرۆ نيوز:

ئەندامەکێ‎ ‎سەرکرداتیا‎ ‎پارتی‎ ‎دیموکراتی‎ ‎کوردستان‎ ‎راگەھاند،‎ ‎ھەلبژارتنا‎ ‎سەرۆک‎ ‎کومارێ‎ ‎عیراقێ‎ ‎پشکا‎ ‎کوردانە‎ ‎مافێ‎ ‎کوردانە‎ ‎بەلێ‎ ‎بریار‎ ‎ل‎ ‎دەستێ‎ ‎کوردان‎ ‎ھاتە‎ ‎دەرخستن‎ ‎و‎ ‎کەفتە‎ ‎دەستێ‎ ‎عەرەبان‎ ‎دا‎ ‎،‎ ‎سەرۆک‎ ‎بارزانی‎ ‎ژی‎ ‎ل‎ ‎سەر‎ ‎ھەلبژارتنا‎ ‎سەرۆک‎ ‎کوماری‎ ‎داخواز‎ ‎کر‎ ‎کو‎ ‎باشترە‎ ‎فراکسیونێن‎ ‎کوردستانێ‎ ‎بەربژارەکێ‎ ‎ئێکلا‎ ‎بکەن،‎ ‎دناڤ‎ ‎خوەدا‎ ‎نەگەھیت‎ ‎ناڤ‎ ‎ھولا‎ ‎پەرلەمانێ‎ ‎عیراقێ،‎ ‎بەلێ‎ ‎ئێکەتی‎ ‎نیشتیمانی‎ ‎کوردستان‎ ‎ئێکلا‎ ‎کرنا‎ ‎پوستێ‎ ‎سەرۆک‎ ‎کومار‎ ‎ژناڤ‎ ‎فراکسیونێن‎ ‎کوردستانی‎ ‎برە‎ ‎ناڤ‎ ‎ھولا‎ ‎پەرلەمانێ‎ ‎عیراقێ‎.‎

عەلی‎ ‎عەونی‎ ‎ئەندامێ‎ ‎سەرکرداتیا‎ ‎پارتی‎ ‎دیموکراتی‎ ‎کوردستان‎ ‎و‎ ‎بەرپرسێ‎ ‎لقێ‎ 10 ‎ل‎ ‎سۆران‎ ‎بۆ‎ ‎روژناما‎ ‎ئەڤرۆ‎ ‎گوت‎: ‎ھەلبژارتنا‎ ‎سەرۆک‎ ‎کومارێ‎ ‎عیراقێ‎ ‎کو‎ ‎پشکا‎ ‎کوردایە‎ ‎ب‎ ‎دەستێ‎ ‎عەرەبا‎ ‎ھاتە‎ ‎ھەلبژارتن‎ ‎دور‎ ‎ل‎ ‎فراکسیونێن‎ ‎کوردستانێ‎ ‎ل‎ ‎بەغدا‎ ‎وێ‎ ‎چەندێ‎ ‎دیار‎ ‎دکەت،‎ ‎ھەردەما‎ ‎عەرەبان‎ ‎کەسەک‎ ‎ڤیا‎ ‎دێ‎ ‎ھەلبژێریت‎ ‎ب‎ ‎کەیفا‎ ‎خوە‎ ‎ب‎ ‎رێکا‎ ‎دەنگدانێ،‎ ‎ئەوا‎ ‎دوھی‎ ‎ل‎ ‎پەرلەمانی‎ ‎عیراقێ‎ ‎ھاتیە‎ ‎دیتن‎ ‎و‎ ‎ئەنجامددان‎ ‎ژ‎ ‎بوی‎ ‎ھەلبژارتنا‎ ‎سەرۆک‎ ‎کومارێ‎ ‎عیراقێ‎ ‎غەدرەکا‎ ‎مەزن‎ ‎بۆ‎ ‎ھاتیە‎ ‎کرن‎.‎

ئەندامێ‎ ‎سەرکرداتیا‎ ‎پارتی‎ ‎دیموکراتی‎ ‎کوردستان‎ ‎ئاشکرکر،‎ ‎عەرەبا‎ ‎دەنگدا‎ ‎ھەڤالێ‎ ‎خوە‎ ‎بۆ‎ ‎پوستێ‎ ‎سەرۆک‎ ‎کومارێ‎ ‎عیراقێ،‎ ‎عەرەبان‎ ‎ئەو‎ ‎کەس‎ ‎دڤێت‎ ‎کو‎ ‎دژی‎ ‎رێفراندومێ‎ ‎و‎ ‎سەربەخویێ‎ ‎بیت‎ ‎دژی‎ ‎مافێن‎ ‎کوردستانیان‎ ‎بیت،‎ ‎چۆ‎ ‎جاران‎ ‎عەرەب‎ ‎پشتا‎ ‎ریفراندومچی‎ ‎و‎ ‎سەربەخو‎ ‎خوازان‎ ‎ناگرن،‎ ‎ئەم‎ ‎وەک‎ ‎پارتی‎ ‎دیموکراتی‎ ‎کوردستان‎ ‎یێ‎ ‎بزاڤان‎ ‎دکەین‎ ‎خوە‎ ‎ل‎ ‎عیراقێ‎ ‎جودا‎ ‎بکەین،‎ ‎چۆ‎ ‎جارا‎ ‎ل‎ ‎ھیڤیا‎ ‎پشت‎ ‎گرتنا‎ ‎پشتەڤانیا‎ ‎عەرەبا‎ ‎نەبین‎ ‎ئەم‎ ‎دزانین‎ ‎عەرەب‎ ‎دەنگی‎ ‎نادەت‎ ‎بەبژارێ‎ ‎پارتی‎ ‎کو‎ ‎رێفراندەوم‎ ‎بۆ‎ ‎جودا‎ ‎بون‎ ‎ل‎ ‎عیراقێ‎ ‎و‎ ‎سەربەخویێ‎ ‎ئەنجامدایە،‎ ‎یا‎ ‎گرنگ‎ ‎پێدڤی‎ ‎بۆ‎ ‎پوستێ‎ ‎سەرۆک‎ ‎کومارێ‎ ‎عیراقێ‎ ‎ل‎ ‎ناڤ‎ ‎کوردان‎ ‎ھاتبا‎ ‎ئێکلا‎ ‎کرن‎ ‎و‎ ‎نەگەھشت‎ ‎با‎ ‎ھولا‎ ‎پەرلەمانێ‎ ‎عیراقێ‎ ‎و‎ ‎ناڤ‎ ‎عەرەبا‎ ‎غەدر‎ ‎ل‎ ‎ھەبۆنا‎ ‎کوردان‎ ‎ھاتە‎ ‎کرن‎ ‎ل‎ ‎ھەلبژارتنا‎ ‎سەرۆک‎ ‎کومارێ‎ ‎عیراقێ‎ ‎د،سەرۆک‎ ‎کومارێ‎ ‎نوو‎ ‎یێ‎ ‎عیراقێ‎ ‎دی‎ ‎بۆ‎ ‎عیراقێ‎ ‎مفا‎ ‎ھەبیت‎ ‎بەلێ‎ ‎ژبۆی‎ ‎مە‎ ‎چۆ‎ ‎مفا‎ ‎نابیت‎ ‎ژبەرکو‎ ‎دژی‎ ‎رێفراندومێ‎ ‎بۆیە‎ ‎لەورا‎ ‎دێ‎ ‎مفای‎ ‎گەھینیت‎ ‎عیراقێ‎.‎

ئه‌ڤرۆنيوز:

مه‌كته‌با سياسى يا پارتى ديموكراتى كوردستان ب سه‌رپه‌رشتيا سه‌رۆك مه‌سعود بارزانى كۆمبوو ول دووماهيا كۆمبوونێ رۆهنكرنه‌ك به‌لاڤكر.

مه‌كته‌با سياسى يا پارتى به‌لاڤكر” ب سه‌رپه‌رشتيا سه‌رۆك بارزانى، ئه‌ڤرۆ چارشه‌مبى 3/10/2018 مه‌كته‌با سياسى يا پارتى كۆمبوو بۆ پێداچوونێ دپرۆسا سياسى يا عيراقێ دا وپێشهاتێن ڤێ دووماهيێ، ئه‌ڤه‌ ژى ژروانگه‌ها بزاڤێن كو هاتينه‌ كرن بۆ چاره‌سه‌ريا كێشان وهه‌روه‌سا ل روانگه‌ها پاراستنا ئێكرێزيا ناڤمالا كوردستانى”.

دياركر ژى” سه‌باره‌ت ب ميكانيزما هه‌لبژارتنا سه‌رۆك كۆمارا عيراقا فيدرال، دووپاتيێ ل وێ چه‌ندێ دكه‌ين كو سه‌رۆك كۆمار ئيستيحقاقێ گه‌لێ كوردستانێ بوو وپشكا لايه‌نه‌كێ سياسى نه‌بوو، به‌رده‌وام ژى دچارچۆڤێ ته‌وافوق وسازانا هێزێن كوردستانێ هاتيه‌ ئێكلاكرن، ئه‌وا ئيكه‌تى نيشتمانى ڤێ جاري كرى تێكدانا ڤێ ته‌وافوقێ بوو، ئه‌ڤه‌ ژى ده‌ستپێكه‌كا خرابه‌ بۆ ئێكلاكرنا پۆستێ سه‌رۆك كۆمارى”.

مه‌كته‌با سياسى يا پارتى خوياكر ژى” له‌وما ئه‌م ڤى پۆستى وشێوازێ دانانێ يا ڤێ جارێ، ب نوونه‌رايه‌تى وئيستيحقاقا گه‌لێ كوردستانێ نزانين وده‌رگه‌هه‌ك ژى ڤه‌كر كو خه‌لكه‌كێ دى بريارێ ل سه‌ر وێ ئيستيحقاقا مه‌ بده‌ن نه‌كو نوونه‌رين گه‌لێ كوردستانێ”.

دياركر ژى” پارتى ب گرنگى ڤه‌ سه‌حكريه‌‌ پێنگاڤێن پێكئينانا حوكمه‌تا عيراقێ يا نوو وپشكدار بوو د گوهۆرينا بيرورايان ب تايبه‌تى ژى كو ب پێدڤى زانيه‌ ل عيراقا نوو دا پێكهات ژ ئيستيحقاقێن بريار ل سه‌ر هاتينه‌ دان به‌هرمه‌ندبن وئه‌و ئيستيحقاقات ژى ژ ئه‌نجامێ قه‌ناعه‌ت وبۆچوونا پێكهاتان بيت ونوونه‌راتيا راسته‌قينه‌يا وان بكه‌ت، نوكه‌ ژى ب هوورى دووڤچوونا پێنگاڤێن پێكئينانا كابينا نوو يا حوكمه‌تێ دكه‌ين و دده‌مێ خوه‌ دا دێ بريارا پێدڤى ده‌ين”.

ئه‌ڤرۆنيوز:

وه‌زاره‌تا خواندنا بلند وڤه‌كۆلينێن زانستى ل هه‌رێما كوردستانێ ئه‌ڤ ساله‌ ناڤێ زانكۆيا ئه‌زهه‌ر يا مسرى ژناڤ ليستا وان زانكۆيان ئينايه‌ده‌ر كو قوتابيێن هه‌رێما كوردستانێ باوه‌رنامێن بلند لێ بده‌ستڤه‌دئينن، به‌رپرسه‌كێ وه‌زاره‌تا ئه‌وقافێ ژى رۆهنكرنه‌كێ دده‌ت.

مه‌ریوان نه‌قشبه‌ندی، رێڤه‌به‌رێ په‌يوه‌نديان وپێكڤه‌ژيانێ ل وه‌زاره‌تا ئه‌وقافێ ل هه‌رێما كوردستانێ ل به‌رپه‌رێ خوه‌ ل سه‌ر تۆرا جڤاكى يا فه‌يسبووكى ئاشكراكر” وه‌زاره‌تا خواندنا بلند ل هه‌رێما كوردستانێ ئه‌ڤ ساله‌ زانكۆيا ئه‌زهه‌ر يا مسرى ژناڤ ليستا وان زانكۆيان ئينايه‌ ده‌ر يێن كو قوتابيێن هه‌رێما كوردستانێ باوه‌رنامێن بلند لێ وه‌ردگرن”.

هه‌روه‌سا دبێژيت” ژنوكه‌ وپێدا هه‌ر كه‌سه‌كێ بڤێت ل زانكۆيا ئه‌زهه‌ر درێژيێ ب خواندنا بلند بده‌ت، ل ده‌مێ تمامكرنا خواندنا خوه‌ ووه‌رگرتنا باوه‌رنامێ ژوێ زانكۆيێ، ل هه‌رێما كوردستانێ دانپێدان ب باه‌رناما وى ناهێته‌ كرن ووه‌زاره‌تا خواندنا بلند بۆ وى په‌سه‌ند (تصديق) ناكه‌ت”.

دياركر” ب سه‌دان كه‌سان ل هه‌رێما كوردستانێ هه‌لگرێن باوه‌رناما زانكۆيا ئه‌زهه‌رن ونوكه‌ ژى زێده‌تر ژ 200 قوتابيان بۆ وه‌رگرتنا باوه‌رناما بلن\ ل كوليژێن وێ زانكۆيێ دخوينن ول هه‌رێما كوردستانێ چه‌ندين ساله‌ په‌يمانگه‌ها ئه‌زهه‌ر هاتيه‌ ڤه‌كرن وپتريا قوتابيێن وێ په‌يمانگه‌هێ ل زانكۆيا ئه‌زهه‌ر به‌كالۆريوسێ دخوينن “.

ئه‌ڤرۆنيوز:

شيره‌تكارێ جڤاتا ئاسايشا هه‌رێما كوردستانێ، مه‌سرور بارزانى،  ئه‌ڤرۆ چارشه‌مبى 3/10/2018 ل گه‌ل جۆن وێلكس باليۆزێ بريتانيا ل عيراقێ وشاندێ دگه‌لدا كۆمبوو.

دوێ كۆمبوونێ دا زێده‌بارى چاوانيا پێشڤه‌برنا په‌يوه‌نديێن هه‌رێما كوردستانێ وبريتانيا، ره‌وشا سياسى يا عيراقێ هاته‌ به‌حسكرن، هه‌ردولايه‌نان ب گرنگى ڤه‌ دانوستاندن ل دۆر سه‌قامگيريێ ل هه‌رێما كوردستانێ كر، ل دۆر وێ چه‌ندێ مه‌سرور بارزانى پێشوازى ل پشته‌ڤانيا بريتانيا بۆ پێنگاڤێن چاكسازيێ دبوارێ ئابوورى وئه‌منى ودادوه‌رى كر.

سه‌باره‌ت پێكئينانا كابينا نوو يا حوكمه‌تا هه‌رێما كوردستانێ، مه‌سرور بارزانى ئاماژه‌ كر كو پێشبينى دهێته‌ كرن ب راگه‌هاندنا ئه‌نجامێن دووماهيێ ژلايێ كۆمسيۆنا بلند يا هه‌لبژارتن وراپرسيێ ل هه‌رێما كوردستانێ، دانوستاندنێن پێكئينانا حوكمه‌تا هه‌رێما كوردستانێ يا نوو ده‌ستپێبكه‌ت.

ئه‌ڤرۆنيوز:

پشتى جوداكرنا هه‌موو ده‌نگێن هه‌لبژارتنێن په‌رله‌مانێ كوردستانێ، سه‌رجه‌مێ گشتى يێ ده‌نگان وهژمارا كورسيێن لايه‌نين سياسى، ل دووڤ كوردستان 24، ب ڤى شێوه‌يه‌:

پارتى 738698 ده‌نگ  (45) كورسى

ئێكه‌تى 343883 ده‌نگ (21) كورسى

گۆران 195553 ده‌نگ   (12) كورسى

نه‌وه‌ى نوێ 120324 ده‌نگ  (8) كورسى

كۆمه‌لا ئيسلامى 113928 ده‌نگ  (7) كورسى

به‌ره‌و ئيسلاح (ئێكگرتوو وبزاڤا ئيسلامى) 83562 ده‌نگ (5) كورسى

سه‌رده‌م (حزبا سوشياليست) 16895 ده‌نگ (1) كورسى

ئازادى (حزبا شيوعى)  8239 ده‌نگ (1) كورسى

كورسيێن كۆتا ژى ب ڤى شێوه‌ى بوون:

هه‌ڤپه‌يمانيا ئێكه‌تيا نه‌ته‌وى (3) كورسى

پارتا گه‌شه‌پێدانا توركمانى   (2) كورسى

پارتا چاكسازى يا توركمانى   (2) كورسى

به‌ره‌يێ توركمانى                (1) كورسى

رافيده‌ين                       (1) كورسى

كلدوئاشوورسريان          (1) كورسى

ئه‌رمه‌ن                        (1) كورسى