ئه‌ڤرۆ نيوز:

چاڤدێرەکێ سیاسی دخازیت پارتی ل قوناغا داھاتی ‏پێداچوونەکێ ل سیستەمێ حوکمرانیێ بکەت و ئەو ‏مەترسیێن ل سەر دابەش بوون و نەمانا قەوارێ ھەرێمێ ‏ھەین نەھێلیت.‏

رەمەزان کێڤلی چاڤدێرێ سیاسی بۆ رۆژناما ئەڤرۆ گۆت: پشت ‏سالا 1992 کەتوارەک ل ھەرێما کوردستانێ ھەبوویە کو ‏ھەبوونا دو ئیدران بووینە و پێشبینی دھێتەکرن کابینا ‏داھاتی یا حوکمەتێ ھەر پارتی و ئێکەتی دروست بکەن، دوور ‏بینم حوکمەتا بنگەە فراوان بھێتە دروستکرن چنکو ‏کوردستانێ سەربور ل گەل ھەنە و کابیان چوویی حوکمەتا ‏بنگەە فرەە نەشیایە خزمەتا خەلکێ کوردستانێ بکەت.‏

کێڤلی ئەو ژی ئاشکراکر کو پێدڤی یە ژ روویێ قانوونی ڤە ‏دەست ھەلاتێن جێگرێ سەرۆک وەزیران ل قوناغا داھاتی ‏بھێنەکێمکرن و رێکخستن وکار بھێتەکرن پتر خزمەتا خەلکێ ‏کوردستانێ ژ ھەر روویەکی ڤە بھێتەکرن.‏

کێڤلی بگرنگی زانی پێنگاڤا دەسپێکا پارتی کو خودانا ‏مەزنترین کورسیکێن پەرلەمانی، پێداچوونێ ل سیستەمێ ‏حوکمرانیێ ل ھەرێمێ دا بکەت، نڤسینا دەستورێ ھەرێما ‏کوردستانێ یە و ب ئەڤێ پێنگاڤێ مەترسی ل سەر ھەرێما ‏کوردستانێ وەک ژ ناڤچوون و دابەش بوون نەمینت و ھەر ‏دەما دەستور ھاتە پەسەندکرن ئێدی مەترسی یا دابەشبوونا ‏ھەرێمێ ژلایێ پارتەکا سیاسی ڤە نامینت، خالا دووێ دڤێت ‏چاکسازی بھێنە ئەنجامدان، ئێدی ھەلسنگاندنەکا ستراتیجی بۆ ‏ھەموو کەرتێن ژیانێ ل ھەرێما کوردستانێ بھێتەکرن، چنکو ‏ژلایێ گەشەپێدانا جڤاکی ڤە گەلەک کێم و کاسی ھەنە.‏

ھەمان چاڤدێرێ سیاسی ب گرنگی زانی سیستەمەک ‏بھێتەدارێتن و جوداھی دناڤبەرا پارێزگەھا دا نەھێتەکرن و ‏نەبتنێ بۆ خەلکێ پارێزگەھا دھۆکێ و ئەو پرۆژێن پێدڤی ل ‏دھۆک بھێنە ئەنجامدان وەک پرۆژێ فرۆکخانێ، نەخوشخانە و ‏رێک وبان و ئاڤاکرنا نەخوشخانا و قوتابخانا و ل دووڤ ھەمو ‏داتایێن بەر دستێ مە ژ ئەنجامێ ئەو ھەڤرکیا توندا دناڤبەرا ‏پارتی و ئێکەتیێ دا دھۆک بوویە قوربانی لەوما گرنگە چاڤ ‏خشاندنەک ل رەوشا پارێزگەھا دھۆکێ دا بھێتەکرن، گرنگی ب ‏ھەموو کەرتان بھێتەدان بۆ نموو دەستا سلێڤانیا یا ناڤدارە ب ‏کەرتێ چاندنێ ماوێ چەندین سالە ھاتیە پشت گوە ھاڤێتن ‏پێدڤی یە وەک کەرتێ چاندنێ مفا ژ ئەڤی سامانێ مەزن ‏بھێتە وەرگرتن.‏

ئه‌ڤرۆ نيوز:

بەرپرسێ پشکا قانونی ل دەزگەھێ ھەلبژاردنا پارتی دیموکراتی کوردستان ‏ئاشکرا کر: پارتی دیموکراتی کوردستان ھژمارەکا سکالایان تومارکریە ل ‏پروسەیا ھەلبژارتنێن تایبەت و گشتی ، پارتی پتر ژ 300 سکالایا ‏تومارکرینە ل گوری قانونا تومارکرنا سکالایا پێَشکەشی کومیسیونێ ھاتینە ‏کرن ،چاڤەرێ بەرسڤادانا ئەنجامێن سکالایا دکەین ل کومیسیونێ پشتی ھویر ‏بینیێ لسەر دکەت ل دەمەکێ دیارکریدا بەرسڤا مەبدەت ، ئەو سکالایێن پارتی ‏دیموکراتی کوردستان تومارکری ل روژا ھەلبژارتنا تایبەت و گشتی ل سنورێ ‏پارێزگەھا سلێمانیێ و گەرمیان و کویەو ئەو قەزا و ناحیێن سەر ب ‏پارێزگەھاسلێمانیێ ڤە تومارکرینە .‏

ھەوار محەمەد بەرپرسێ پشکا قانونی ل دەزگەھێ ھەلبژاردنێن پارتی ‏دیموکراتی کوردستان بۆ روژناما ئەڤرۆ راگەھاند : پێشبینی دھێت کرن پشتی ‏راگەھاندنا ئەنجامێن سکالایان و دەستنیشانکرنا وان سندوقێن قردێلا سور ‏ھاتیە لێدان ئەنجامێن ھەلبژارتنا گورانکاری بسەر دا بھێن ئەگەر رێژەکا کێم ‏ژی بیت ، مە وەک پارتی باوەری ھەیە دێ سکالایێن مە گەھن جھێ خوەو دێ ‏ئەنجام ھەبیت ژبەرکو بەلگەھێن ب ھێز ل گەلدا ھەنە ،ئەو ئەنجامێن ھەتا ‏نوکە ھاتیە بەلاڤکرن ژلایێ دەزگەھێن ھەلبژارتنێن لایەنێن سیاسی و ‏راگەھاندنێ پشتی ئەنجامێن سکالایا دێ گورانکاری ب سەر دا ھێن .‏

ناڤبری گۆتژی: پارتی دیموکراتی کوردستان ل سنورێ پارێزگەھا دھوک و ‏ھەولێر ژی سکالا تومارکرینە بەلێ ب رێژەکا گەلەک کێم ژبەرکو پتریا ‏سکالایێن پارتی دکەڤن سنورێ پارێزگەھا سلێمانیێ و ئیدارەیا راپەرین و ‏گەرمیان ئەوێن ھاتیە تومارکرن ،ئەو سندوقا سکالا ل سەر ھاتیە تومارکرن ‏قردێلا سور ھاتیە لێدان و ھەتا سکالا نەھێتە راگەھاندن ب ئەنجامڤە دەنگێن ‏ناڤا وێ سندوقێ ناھێنە ھژمارتن بۆ چۆ لایەنەکێ ھەتا کومیسیون بریارێ ‏لسەر نەدەت پشتی دیراسەکرنا سکالایێ ، وەک پارتی دیموکراتی کوردستان ‏چاڤەرێ ئەنجامێن سکالایا دکەین کو ل ھەلبژارتنێن تایبەت و گشتی ھاتیە ‏تۆمارکرن.‏

ئەڤرۆ نيوز:

ئەندامێ سەرکرداتیا پارتی دیموکراتی کوردستان، ئاراس حەسۆ میرخان راگەھاند، ھێشتا ‏گەلەک مایە بۆ پێکئینانا حوکمەتا نوویا ھەرێما کوردستانێ، بەلێ وەک قانوون و ماف ، مافێ ‏پارتی دیموکراتی کوردستانە و دشێت ب تنێ حوکمەتێ پێکبینت، ل گەل وێ چەندێ ژی ‏باوەرناکەم، پارتی ب تنێ حوکمەتێ پێکبینیت، بەلکێ ب پشکداریا ئالیەکی دبیت کو دڤێت ‏پێگیری رێنمای و بنەمایێن حوکمەتی ببیت.‏

سەبارەت پێکئینانا حوکمەت بنکە فرەوان ژی، ئەندامێ سەرکدراتیا پارتی گۆت: جارەکا دیتر ‏حوکمەتا بنکە فرەوان ناھێتە پێکئینان، چونکی حوکمەتا بنکە فرەوان بەری نوکە ئەزموونەکا ‏شکەستن خوار ھەبوو و دووبارە نابیتە ڤە.‏

رۆژا ئێکەمبی رێککەفتی 30 ئەیلولا سالا 2018، ھەلبژاترنێن پەرلەمانێ ھەرێما ‏کوردستانێ ھاتینە کرن، پارتی دیموکراتی کوردستان ب قەبارەکێ سەربخوە پشکداری ‏ھەلبژارتنان کر، ژبلی پارتی (27) قەبارێن سیاسی یێن کوردستانی بۆ ب دەستڤەئینانا 100 ‏کورسیان پشکداری د ھەلبژارتنان دا کرن، 11 کورسیێن دیتر بۆ کتایا پێکھاتێن دیتر یێن ‏ھەرێما کوردستانێ کو ئەوژی دێ ھەڤڕکیێ ل سەر ئەنجام دەن، و ل گۆڕ ئەنجامێن بەراھیێ ‏یێن ھەلبژارتنان پارتی دیموکراتی کوردستان، نیزیکی (45) کورسیێن پەرلەمانی ب ‏دەستخوڤە برینە. ‏

ئه‌ڤرۆ نيوز:

ئه‌ڤرۆ روونشتنا جڤاتا نوونه‌رێن عيراقێ ب ئاماده‌بوونا 302 ئه‌ندامان ده‌سپێكر و تێدا ده‌نگدان ژبۆ هه‌لبژارتنا سه‌رۆك كۆماريا عيراقێ ده‌سپێكر.

ب گۆره‌يى پێزانينێن ئه‌ڤرۆ نيوز پێشتر ئێكه‌تى نشتيمانى كوردستان، پارتى ديموكراتى كوردستان ئاگه‌هداركربوو كو ئه‌وان به‌ربژێرێ خوه‌ د. به‌رهه‌م سالح ڤه‌كێشايه‌ و د رازى نه‌ پۆستێ وه‌زيرێ ژ ده‌رڤه‌ يێ عيراقێ پێ بهێته‌ دان، مه‌ره‌م ژى ب تنێ پێ ئه‌و بوو هه‌موو فراكسيۆنێن ناڤا جڤاتا نوونه‌ران كۆم بكه‌ن و رێژا قانوونى يا ئاماده‌بوويان ل هۆلا جڤاتا نوونه‌ران ئاماده‌ بكه‌ن.

ئه‌وى ژێده‌رێ ژ فراكسيۆنا پارتى بۆ ئه‌ڤرۆ نيوز ئاشكه‌را كرى دا زانين ژى كو پشتى هه‌موو فراكسيۆن هاتى و بڕيار هاتيه‌ دان كو هه‌لبژارتنا سه‌رۆك كۆمارى ده‌ست پێ بكه‌ت، ئێكه‌تى نشتيمانى كوردستان چوونه‌ ده‌ف پارتى و بۆ ئاشكه‌را كر كو ئه‌و ژ رێكه‌فتنا خوه‌ لێڤه‌ بووينه‌ و د. به‌رهه‌م خوه‌ ژ پۆستێ سه‌رۆك كۆماريا عيراقێ ڤه‌ناكێشيت، د ده‌مه‌كى دا كو د پشت پارتى دا كار ژبۆ هه‌لبژارتنا خوه‌ دكر و ژ لايه‌كى ڤه‌ ئێكه‌تيێ و ژ لايێ دژى ڤه‌ قاسم سلێمانى، به‌رپرسێ فه‌يله‌قا قودس يا سۆپايێ پاسدارێن ئيرانێ لايه‌نێن شيعى رازى دكرن دا كو دژى نوونه‌رێ پارتى ده‌نگێ خوه‌ بده‌ن.

ل دۆر ڤێ چه‌ندێ ژى سه‌رۆك بارزانى په‌يامه‌ك به‌لاڤكر و نه‌رازيبوونا خوه‌ ژ شێوازێ برێڤه‌چوونا هه‌لبژارتنا سه‌رۆك كۆماريا عيراقێ دياركر كو ئه‌ڤا ل خوارێ ژى ده‌قێ په‌يامێ يه‌:

ئه‌ڤرۆ نيوز:

پشتى پارتى ديموكراتى كوردستان ناما خوه‌ ڤه‌كێشانا د. فوئاد حسێن به‌ربژارێ خوه‌ راده‌ستى سه‌رۆكێ جڤاتا نوونه‌ران كرى، ژ لايێ خوه‌ ڤه‌ سه‌رۆكێ جڤاتا نوونه‌ران ده‌ست ژ كاركێشانا وى قه‌بوولنه‌كر و ده‌ست ب ده‌نگدانا گه‌را دويێ بێى پشكداريا پارتى و هه‌ڤپه‌يمانێن وێ كر.

پارتى ديموكراتى كوردستان و هه‌ڤپه‌يمانێن وێ رازى نه‌بووينه‌ دووباره‌ بچنه‌ هۆلا جڤاتا نوونه‌رێن كوردستانێ و ب ڤێ چه‌ندێ ژى نوونه‌رێن پارتى ديموكراتى كوردستان دێ سوبه‌هى ڤه‌گه‌رنه‌ هه‌ولێرا پايته‌خت و دێ هه‌لويستێ پارتى ل سه‌ر ڤێ روودانێ راگه‌هينن.