ئه‌ڤرۆ نيوز:
كۆمبوونا په‌رله‌مانێ عيراقێ بۆ هه‌لبژارتنا سه‌رۆك كۆمارى بۆ سوبه‌هى هاته پاشخستن.
كۆمبوونا په‌رله‌مانێ عيراقێ بۆ هه‌لبژارتنا سه‌رۆك كۆمارى بۆ سوبه‌هى هاته پاشخستن
نووترين نووچه
- سەرۆك بارزانی دوپاتیێ ل ئێكڕێزییا كوردان ل سووریێ دكەت
- قونسلێ ئیتالیا بۆ نێچیرڤان بارزانی: گرنگییێ ب پەیوەندیێن خوە ل گەل هەرێما كوردستانێ د دەین
- ئارمانجا مە پێشئێخستنا ژێرخانەیا ئابوورییا هەرێما كوردستانێ یە
- دیدار و كۆمبوونێن سەرۆكێ حوكمەتا هەرێما كوردستانێ ل داڤۆس
- چاڤدێرێن سیاسی ژ چاوانیا برێڤەچوونا قۆناغا ئاشتیێ دلگرانن
- سەرۆك بارزانی و مەزلۆم عەبدی دوپاتیێ ل ئێكڕێزی و ئێكگرتنا كوردان دكەن
- نوونەرا حوكمەتا هەرێمێ ل واشنتۆن دێ پشكداریێ د رێوڕەسمێ دەستبكاربوونا ترەمپی دا كەت
- ئاسۆ كەریم: سەرۆك بارزانی فاكتەرێ سەرەكیێ ئێكبوونا گەلێ كوردە
- سەرۆكێ هەرێمێ و شاندەكێ ئەمریكا دوپاتیێ ل چارەسەركرنا كێشەیێن هەولێرێ و بەغدایێ ب گۆرەی دستووری دكەن
- سەرۆكاتییا هەرێما كوردستانێ پێشوازی ل ئاگربەستا غەزە كر
سه‌ره‌كى Facebook
شاندێ پارتى ل گه‌ل نورى مالكى كۆمبوو
ئه‌ڤرۆنيوز:
شاندێ پارتى ديموكراتى كوردستان ب سه‌رۆكاتيا نێچيرڤان بارزانى ئه‌ڤرۆ دوشه‌مبى 1/10/2018 ل به‌غدا ل گه‌ل نورى مالكى سه‌رۆكێ ليستا ده‌وله‌تا قانوونێ كۆمبوو.
دكۆمبوونه‌كێ دا دانوستاندن ل دۆر دووماهى پێشهاتان ول دۆر دانانا كه‌سه‌كێ كورد بۆ پۆستێ سه‌رۆك كۆمارا عيراقێ.
نورى مالكى داخواز ژ هێزێن سياسى يێن هه‌رێما كوردستانێ كر، هه‌لويستێ خوه ئێكبێخن ژبۆ ب له‌زكرنێ دهه‌لبژارتنا سه‌رۆكێ كۆمارا عيراقێ وپێكئينانا حوكمه‌تێ ل دووڤ چارچۆڤێن دستوورى.
هه‌لبژارتنا سه‌رۆكێ كۆمارا عيراقێ بۆ سوباهى هاته پاشخستن
ئه‌ڤرۆنيوز:
ژێده‌ره‌كى ژناڤ ئاڤاهيێ په‌رله‌مانێ عيراقێ بۆ ئه‌ڤرۆنيوز دياركر، بريار بوو ئه‌ڤرۆ ل ده‌مژمێر 8شه‌ڤێ، په‌رله‌مانێ عيراقێ روونشتنه‌كێ بكه‌ت بۆ هه‌لبژارتنا سه‌رۆكێ كۆمارا عيراقێ، به‌لێ كۆمبوون هاته پاشخستن بۆ سوباهى.
ئه‌مجه‌د ته‌ليع، رۆژنامه‌ڤان بۆ ئه‌ڤرۆنيوز گۆت” 158 په‌رله‌مانتار د روونشتنا ئه‌ڤرۆ يا په‌رله‌مانێ عيراقێ به‌رهه‌ڤ بوون، به‌لێ نيسابێ قانوونى يێ روونشتنا په‌رله‌مانى تمام نه‌بوو”.
گۆت ژى” بريار هاته دان ل ده‌ژمێر 1 پشتى نيڤرۆيا سوباهى سێشه‌مبى 2/10/2018 روونشتنا په‌رله‌مانى بۆ هه‌لبژارتنا سه‌رۆكێ كۆمارا عيراقێ بهێته ئه‌نجامدان”.
پارتى: ژ 80% یا دەنگان مە 570 هزار دەنگ ب دەستڤە ئیناینە
ئەڤرۆ نیوز ، زنار تۆڤی:
بەرپرسێ دەزگەهێ هەلبژارتنێن پارتی دیموکراتی کوردستان راگەهاند، کو 80% یا دەنگێن مە هاتینە ئاشكراکرن و پارتی دیموکراتی کوردستان شیایە 570 هزار دەنگان کۆم بکەت، کو ئەو دەنگە دبنە 45%.
خسرۆ گۆران، بەرپرسێ دەزگەهێ هەلبژارتنێن پارتی دیموکراتی کوردستان د کۆنفرانسەکێ رۆژنامەڤانیدا راگەهاند: کو پارتی دیموکراتی کوردستان 80% یا دەنگێن خوە ئاشكراکرینە و 20% یا دەنگان مایە، هەتا نوکە 225 بنگەه ماینە بهێنە ئێکلاکرن و ب ڤێ رێژێ ئەم شیاینە 570 هزار دەنگان کۆم بکەین، کو دگەهنە 45% یا وان دەنگان.
بەرپرسێ دەزگەهێ هەلبژارتنێن پارتی دیموکراتی کوردستان دبێژیت ژی: ئەڤە ئامارێن دووماهیێ نینن و 20% یا دەنگان ژ هەر چار پارێزگەهان ماینە، یا دیارنینە کا ئەو دەنگ یێن کیژ لایەنینە و بێگومان ئەنجام دێ هێنە گوهۆرین و دبێژیت: لدووڤ پێشبینیا مه دێ پارتی دناڤبەرا 41 بۆ 44 کورسیان مسۆگەر کەت.
دەربارەی سکالان خسرۆ گۆران دبێژیت: مە 200 بۆ 300 سکالە تۆمارکرینە و زۆربەیا سکالان جدینە، بێگومان ل پرۆسا دیموکراسی خەلەتی هەر دهێنە کرن، بەلێ گرنگە کۆمیسیۆن رێکارێن تۆند بەرامبەر وان سەرپێچیان بگریتەبەر.
خسرۆ گۆران، دەربارەی هندێ کو پارتی ل پێشیا کێیە د هەلبژارتنان دا و دیارکریە: لدووڤ ئاماران ئەم ئێکەمین و ئێکەتی لدووڤ مە دا ل پلا دویێ دهێت و گۆران ل پلا سییێ، نەوەی نوێ یا چارێ، کۆمەل ل پلا پێنجێ دهێت.
خسرۆ گۆران:داخواز دكه‌ين كۆمسيۆن ب شێوه‌كێ قانوونى مامه‌لێ ل گه‌ل سكالايان بكه‌ت
ئه‌ڤرۆنيوز:
به‌رپرسێ ده‌زگه‌هێ هه‌لبژارتن يێ پارتى ديموكراتى كوردستان راگه‌هاند، مه سكالايا فه‌رمى تۆماركريه ودخوازين كۆمسيۆنا هه‌لبژارتنان يا ب ئينساف بيت دمامه‌له‌كرنێ دا ل گه‌ل سكالايا مه، ل گه‌له‌ك جهان سه‌رپێچى يێن هاتينه كرن وه‌كو كۆيه وسلێمانيێ، لێدان وده‌ركرنا چاڤدێرێن لايه‌نێن سياسى، ئه‌ڤه پێشێلكرنا رێنمايێن كۆمسيۆنێ يه.
خسرۆ گۆران، به‌رپرسێ ده‌زگه‌هێ هه‌لبژارتن يێ پارتى ئه‌ڤرۆ دوشه‌مبى 1/10/2018 دكۆنگره‌كێ رۆژنامه‌ڤانى دا گۆت” دخوازين كۆمسيۆن ب شێوه‌كێ قانوونى مامه‌لێ ل گه‌ل سكالايێن لايه‌نێن سياسى بكه‌ت ونه‌كه‌ڤيته بن كاريگه‌ريا چو ليست وقه‌واره‌كا سياسى”.
گۆت ژى” مه سكالايا فه‌رمى تۆماركريه ودخوازين كۆمسيۆن ب ئينساف مامه‌لێ ل گه‌ل سكالايا مه بكه‌ت، ل گه‌له‌ك جهان سه‌رپێچى هاتينه كرن، بۆ نموونه كۆيه وسلێمانيێ، لێدان وده‌ركرنا چاڤدێرێن لايه‌نێن سياسى، ئه‌ڤه پێشێلكرنا رێنمايێن كۆمسيۆنێ يه”.
ل دۆر سكالايا پارتى، گۆت” سكالايا مه ل وى جهى كو كو سه‌خته‌كارى لێ هاتيه كرن، هه‌روه‌سا ده‌مێ ته‌عدا ل چاڤدێرێن مه هاتبيته كرن، مه سكالا تۆماركريه”.
خوياكر ژى” پێدڤيه پێگيريێ ب وان ئه‌نجامان بكه‌ين يێن كۆمسيۆن رادگه‌هينيت، كۆمسيۆنه ژى دشێت ئه‌نجامێن چ جهه‌كى قه‌بوول نه‌كه‌ت، نه‌كو لايه‌نێن سياسى”.
نێچيرڤان بارزانى ل گه‌ل هادى عامرى كۆمبوو
كۆمسيۆنا هه‌لبژارتنان رۆهنكرنه‌كێ ل دۆر ئه‌نجامێن هه‌لبژارتنان به‌لاڤ دكه‌ت
ئه‌ڤرۆنيوز:
كۆمسيۆنا بلند يا هه‌لبژارتنان وراپرسيێ ل هه‌رێما كوردستانێ ئه‌ڤرۆ دوشه‌مبى 1/10/2018 رۆهنكرنه‌ك ل دۆر به‌لاڤكرنا ئه‌نجامێن هه‌لبژارتنين په‌رله‌مانێ كوردستانێ به‌لاڤكر.
كۆمسيۆنێ درۆهنكرنا خوه دا دياركر” ئه‌و هژمارێن ل كه‌نالێن پارت ولايه‌نين سياسى سه‌باره‌ت ئه‌نجامێن هه‌لبژارتنان دهێنه به‌لاڤكرن دفره‌مى نينن”.
ئاماژه كر ژى” ئه‌نجامێن ده‌ستپێكى دێ ژلايێ جڤاتا كۆميساران ڤه، پشتى ئێكلاكرنا هه‌موو سكالايان هێنه راگه‌هاندن”.
پارتی ل سلێمانيێ رێژا ده‌نگێن خوه بلند دكه‌ت ودبيته هێزا سيێ
ئه‌ڤرۆنيوز:
ل دووڤ وان ئامارێن به‌لاڤبووين يێن ئه‌نجامێن هه‌لبژارتنێن په‌رله‌مانێ كوردستانێ، هه‌تا نوكه رێژا 92% يێن ده‌نگێن سه‌نته‌رێ پارێزگه‌ها سلێمانيێ هاتينه هژمارتن، ل دووڤ وێ رێژه‌يێ ژى هژمارا ده‌نگێن پارتى ديموكراتى كوردستان دبلندبوونێ دانه ول وى سنورى پارتى ل رێزا سيێ دهێت.
ل دووڤ وان ئامارين هاتينه به‌لاڤكرن ژ سه‌رجه‌مێ 92% ژ ده‌نگێن سه‌نته‌رێ سلێمانيێ، ئێكه‌تيێ 88 هزار و548 ده‌نگ بده‌ستڤه‌ئيناينه، بزاڤا گۆران 77 هزار و753 ده‌نگ، پارتى 20 هزار و557 ده‌نگ بده‌ستڤه‌ئيناينه.
مارادونا ميسى دژى هه‌لبژارتيێ ئه‌رجه‌نتين پال دده‌ت
ئه‌ڤرۆنيوز:
جيڤانۆكا ته‌پا پيێ يێ ئه‌رجه‌نتينى مارادونا، شيره‌ته‌كێ ئاراسته‌ى ليونێل ميسى دكه‌ت.
مارادونا بۆ رۆژناما (ليكيب) يا فه‌ره‌نسى گۆت ” شيره‌تێ ل ميسى دكه‌ن جاره‌كادى نه زڤريته هه‌لبژارتيێ ئه‌رجه‌نتين، ژبه‌ركو ئه‌و به‌رپرسياره‌تيا هه‌ر تشته‌كى ل سه‌ر ملى وى يه، هه‌تاكو هه‌كه هه‌لبژارتيێ ئه‌رجه‌نتين يێن دبن 15 ساليێ ژى دا بهێته دوراندن”.
گۆت ژى” هه‌لبژارتيێ ئه‌رجه‌نتين يێ نوكه يێ باش نينه وئ هه‌موو كه‌سه‌ك هه‌ست ب ڤێ چه‌ندێ دكه‌ت”.
ميسى ل گه‌ل هه‌لبژارتيێ ئه‌رجه‌نتين ل سه‌ر ده‌ستێ هه‌لبژارتيێ فه‌ره‌نسا ب ئه‌نجامێ 3-4 ل خۆلا دويێ مالئاڤاهى ل مونديالا رووسيا كربوو.
بیست و پێنج کەسان خوە بۆ پۆستێ سەرۆک کۆمارێ عیراقێ بەربژارکریە
ئه‌ڤرۆنيوز:
وەسا برياره ئه‌ڤرۆ دوشه‌مبى 1/10/2018 لدەمژمێر 8 شەڤ په‌رله‌مانێ عيراقێ کۆم ببیت و سه‌رۆک کۆمارێ نوو هه‌لبژێريت.
دکتۆر دیار تەییب ئەندامێ پەرلەمانێ عیراقێ ل سەر لیستا پارتی دیموکراتی کوردستان بۆ ئەڤرۆ نیوز گۆت: ئەڤرۆ لدەمژمێر 8 شەڤ پەرلەمانێ عیراقێ دێ کۆم بیت و دێ دەنگدان بۆ هەلبژارتنا سەرۆک کۆمارێ عیراقێ هێتە دان، هەروەسا هەتا نوکە فراکسیۆنێن کوردستانی یێن پەرلەمانێ عیراقێ ل گەل ئێک کۆمنەبووینە ل بەغدا، لێ لایەنێن سیاسی ل سەر ئاستێن بلند یێن دانوستاندنێ دکەن، لێ هەلویستێ پارتی ل بەغدا گەلەکێ باشە.
ئەو ژی گۆت: نوکە هەلویستێ پارتی ل عیراقێ د ئاستەکێ باشدایە، هەروەسا ژ وان 25 کاندیدێن خوە بۆ پۆستێ سەرۆک کۆماری هەلبژارتی کەسەکێ عەرەب ژی دناڤدا هەیە، لێ ديارترين كه‌سێن خوە بەربژارکری فوئاد حسێن به‌ربژارێ پارتى ديموكراتى كوردستان وبه‌رهه‌م سالح به‌ربژارێ ئێكه‌تیێ یە.
نيشاندان
WP Facebook Auto Publish Powered By : XYZScripts.com