ئه‌ڤرۆنيوز:
سه‌فين دزه‌يى په‌يڤدارێ فه‌رمى يێ حوكمه‌تا هه‌رێما كوردستانێ رۆهنكرنه‌ك ل دۆر بێهنڤه‌دانا رۆژا نيشتمانى يا عيراقێ دده‌ت كو دكه‌ڤيته رۆژا چارشه‌مبيا داهاتى.
ل رۆژا چارشه‌مبيا داهاتى 3/10/2018 ب هه‌لكه‌فتا رۆژا نيشتمانى يا عيراقى، بێهنڤه‌دانا فه‌رمى يه ل هه‌موو داموده‌زگه‌هێن حكومى ل عيراقێ وسالانه ب بريارا جڤاتا وه‌زيرێن عيراقێ ئه‌و رۆژه ل هه‌موو پارێزگه‌هێن عيراقێ دبيته بێهنڤه‌دانا فه‌رمى.
سه‌فين دزه‌يى، په‌يڤدارێ فه‌رمى يێ حوكمه‌تا هه‌رێما كوردستانێ راگه‌هاند” چ سالان ئه‌و رۆژه ل هه‌رێما كوردستانێ نه‌بوويه بێهنڤه‌دان وئه‌و بێهنڤه‌دانه ژ هه‌رێما كوردستانێ ناگريت”.
ئه‌ڤرۆنيوز:
به‌ربژارێ پارتى ديموكراتى كوردستان بۆ پۆستێ سه‌رۆكاتيا كۆمارا عيراقێ، فوئاد حسێن راگه‌هاند، ب چ ميكانيزم هه‌لبژارتنێن سه‌رۆكاتيا كۆمارا عيراقێ بهێنه ئه‌نجامدان، ئه‌ز دێ تێدا سه‌ركه‌ڤم.
فوئاد حسێن بۆ ده‌نگێ ئه‌مريكا گۆت” چ ب ميكانيزما ل ناڤ فراكسيۆنێن كوردى بيت يان ژى ميكانيزما دناڤ په‌رله‌مانێ عيراقێ دا بيت، ده‌نگدان ل سه‌ر به‌ربژارێ پۆستێ سه‌رۆكاتيا كۆمارێ بهێته كرن، هه‌ر ئه‌ز دێ پتريا ده‌نگان ب ده‌ستڤه‌ئينم وسه‌ركه‌ڤم ومن باوه‌رى يا ب خوه هه‌ى وژبلى لايه‌نێن عيراقى دانوستاندن ل گه‌ل ئێكگرتوو ئيسلامى وكۆمه‌لا ئيسلامى ژى يا هاتيه كرن”
ل دۆر دانوستاندنێ ل گه‌ل ئێكه‌تيێ، گۆت” ئه‌گه‌را هه‌ى خوه ڤه‌كێشن وهيڤيدارم خوه ڤه‌كێشن، وى ده‌مى دێ گه‌هينه رێككه‌فتنێ ل گه‌ل ئيكه‌تيێ ئه‌و چه‌نده ژى رامانا وێ ئه‌وه دێ ئێكه‌تيێ به‌هرا خوه هه‌بيت دناڤ حوكمه‌تا عيراقێ دا”.
برياره ئه‌ڤرۆ ل ده‌مژمێر 8 شه‌ڤ ل ناڤ په‌رله‌مانێ عيراقێ، ده‌نگ ل سه‌ر به‌ربژارێ پۆستێ سه‌رۆك كۆمارا عيراقێ بهێته دان.
ئه‌ڤرۆنيوز:
شانده‌كێ بلند يێ پارتى ديموكراتى كوردستان ب سه‌رۆكاتيا نێچيرڤان بارزانى جێگرێ سه‌رۆكێ پارتى ئه‌ڤرۆ دوشه‌مبى 1/10/2018 گه‌هشته به‌غدا.
به‌رپرسه‌كێ پارتى بۆ كوردستان تى ڤى گۆت” شاندێ پارتى سه‌ره‌دانا به‌غدا كريه بۆ ئێكلاكرنا پۆستێ سه‌رۆك كۆمارا عيراقێ”.
گۆت ژى” پۆستێ سه‌رۆك كۆمارى به‌هرا كوردايه ودڤێت ب رێيا فراكسيۆنێن كوردى ل به‌غدا ئه‌و پۆسته بهێته ئێكلاكرن”.
دياركر” فوئاد حسێن به‌ربژارێ پارتى يه بۆ ڤى پۆستى، ئێكه‌تيێ ژى به‌رهه‌م سالح به‌ربژار كريه وپێدڤيه ل ناڤ فراكسيۆنێن كوردى ئێك ژ ڤان هه‌ردو به‌ربژاران بهێته هه‌لبژارتن وكێ پتريا ده‌نگان ب ده‌ستڤه‌ئينا دێ بيته به‌ربژارێ كوردان بۆ پۆستێ سه‌رۆك كۆمارا عيراقێ”.
ئەڤرۆ نیوز ، زنار تۆڤی:
زێرەڤان بەرواری دەست ژ کارکێشانا خوە ژ هەڤپەیمانیێ راگەهاند و بۆ رۆژناما ئەڤرۆ دیارکر: کو وی ب شێوەکێ فەرمی دەست ژ کارکێشانا خوە ژ هەڤپەیمانی بۆ دیموکراسی و دادپەروەریێ راگەهاندیە و ئێدی وی چو پەیوەندی ب وێ پارتیێ ڤە نینن، هەروەسا وی ئەڤ هەلویستە وەرگرتیە ژبەر دەستێوەردانێن ئێکەتیێ دناڤا هەڤپەیمانی بۆ دیموکراسی و دادپەروەریێ دا.
زێرەڤانی گۆت ژی: ئەو ئەندامێ مەکتەبا سیاسی و بەرپرسێ پەیوەندیێن گشتی و دبلۆماسی یێن وێ هەڤپەیمانیێ بوویە و دیسا هەتا نوکە وی پەیوەندی ب چو پارت و لایەنێن دیتر نەکریە.
ئه‌ڤرۆ نيوز:
ب گۆره‌يى وان پێزانينێن ب ده‌ست ئه‌ڤرۆ نيوز كه‌فتين ل زاخۆ ڤان 10 كه‌سان پترترين رێژا ده‌نگان ل قه‌زا زاخۆ ب ده‌ست خوه ڤه ئيناينه:
1- هیڤیدار ئەحمه‌د 1219 دەنگ
2- حکمەت محو گەودا 7747 دەنگ
3 – بەختیار شوکری 6080 دەنگ
4- مەلا سه‌عید 6006 دەنگ
5 – ئدریس مه‌جید عه‌بوش 5970 دەنگ
6 – چیا حه‌مید شه‌ریف 5469 دەنگ
7 – روژان ئیبراهیم 4336 دەنگ
8 – گولیزار رەشید 3674 دەنگ
9 – دلین عه‌بدولره‌حمان 1316 ده‌نگ
10 – خدر محه‌مه‌د 662 دەنگ
ئه‌ڤرۆ نيوز:
هژماره‌كا ده‌نگێن تايبه‌ت ل پارێزگه‌ها دهۆكێ ل سنورێ لقا ئێك ب ڤى ره‌نگێ ل خوارێ يه كو هێشتا ب ره‌نگه‌كێ دروست ب دووماهى نه‌هاتيه و ڤاڤارتن يا به‌رده‌وامه:
نيشاندان