ئەڤرۆ نیوز:
یاریزانێ کولومبی و یانا ئەی سی میلان یا ئیتالی کارلوس باکا ب فەرمی ھەڤبەستا یانا ڤیاریال یا ئسپانی ئیمزا کر.
سایتێ یانا ڤیاریال د راگەھاندنەکێ دا دیارکر کو وان ھەڤبەستا یاریزانێ کولومبی کارلوس باکا ئیمزا کر بۆ ماوێ چار سالان بێ کو بھایێ ڤێ ھەڤبەستێ ئاشکرا بکەن.
ھەژی گۆتنێ یە کارلوس باکا ل وەرزێ بوری یاری بۆ یانا میلان یا ئیتالی دکر و شیابوو ١٨ گۆلان بۆ ڤێ یانێ بکەت.
ئه‌ڤرۆ نیوز:
ب هه‌لكه‌فتا (16) ی ته‌باخێ سال روژا دامه‌زراندنا پارتی دیموكراتی كوردستان و بورینا (72) سالان ل خه‌باتا بێ راوه‌ستیانا پارتی، ل باره‌گایێ لقێ ئێكێ پارتی سه‌ربه‌ست تروانشی به‌رپرسێ لقێ هه‌ڤدیتنه‌ك دگه‌ل (72) خێزانێن شه‌هیدان سازكر و تێدا هاریكاریێن ده‌راڤی ل سه‌ر هژمارا ناڤبری یا خێزانێن شه‌هیدان پارڤه‌كرن.
ل ده‌ستپێكا هه‌ڤدیتنا خو دگه‌ل خێزانێن شه‌هیدان، سه‌ربه‌ست تروانشی ب هه‌لكه‌فتا (16) ی ته‌باخێ سال روژا دامه‌زراندنا پارتی دیموكراتی كوردستان پیروزباهی ل خێزانێن شه‌هیدان كرن و دیاركر ئه‌م سه‌ربلندین ل سالڤه‌گه‌را دامه‌زراندنا پارتی دا، د خزمه‌تا كه‌س و كارێن وان قه‌هره‌مانان دا بیت یێن پارتی گه‌هاندیه ڤێ روژێ.
دیڤدا به‌رپرسێ لقێ دا زانین پارتی وه‌كو پێتڤی یه‌كا نه‌ته‌وه‌یی، سیاسی بو دوزا ره‌وایا ملله‌تێ كورد هاته دامه‌زراندن و ل پێناڤا ئارمانجێن نه‌ته‌وه‌یی و پاراستنا ئاخ و كه‌رامه‌تا عه‌رد و خه‌لكێ كورستانێ پارتی ب هزاران گه‌نجێن ڤی وه‌لاتی ب وی شێوه‌یی په‌روه‌رده كرینه كو ئاماده‌یی هه‌ر جوره قوربانیدانه‌كێ بن و ئه‌ڤرو ژی هین سه‌رفه‌رازن ژبه‌ركو سایه‌ی خوینا زه‌لام و كورێن هه‌وه یێن شه‌هید ئه‌ڤرو هه‌رێما كوردستانێ ئارامه و كوردستان یا پاراستی یه و خودان ده‌ستكه‌فت و دیروكن.
ژلایێ خوڤه خێزان و كه‌س و كارێن شه‌هیدان خوشحالییا خو ده‌ربرین ب هه‌لكه‌فتا (16)ی ته‌باخێ و سوزدان ل سه‌ر رێبازا بارزانیێ نه‌مر و شه‌هیدێن خو به‌رده‌وام بن ل سه‌ر خه‌بات و قوربانیدانێ ژپێخه‌مه‌ت پاراستنا كیانێ هه‌رێما كوردستانێ و ده‌ستكه‌فتێن وێ
ئه‌ڤرۆنيوز:
سكرتێرێ مه‌كته‌با سياسى يا پارتى ديموكراتى كوردستانى راگه‌هاند، پارتى يا به‌رهه‌ڤه ل ده‌رگه‌هێ لايه‌نێن نه‌رازى بده‌ت.
فازل ميرانى، سكرتێرێ مه‌كته‌با سياسى يا پارتى بۆ كوردستان 24 گۆت” پارتى ئه‌و به‌رپرسياره‌تى يا ل سه‌ر بچيت ل هه‌موو ده‌رگه‌هان بده‌ت، بۆ وێ چه‌ندێ پرۆژه‌كێ هه‌ڤپشك بۆ به‌غدا ئاماده بكه‌ين”.
ل دۆر چوونا شاندێ هه‌رێما كوردستانێ به‌غدا، ميرانى گۆت” هه‌تا نوكه به‌غدا يا ئاماده نينه، له‌وما ژڤانێ سه‌ره‌دانا شاندێ كوردستانى بۆ دانوستاندنێ ل گه‌ل لايه‌نان يێ ديار نينه”.
ئەڤرۆ نیوز:
سایتێ فەرمی یێ یانا مانچستەر ستی ب فەرمی ماوێ دوورکەفتنا یاریزانێ خوە یێ بەلچیکی کیڤن دی بروین ئاشکرا کر پشتی توشی ھنگافتنێ بوی د چوکێ خوە یێ راستێ دا.
ھەمان ژێدەر ئەو چەندە ژی دیارکر کو پشتی چەندین پشکنین بۆ یاریزانێ خوە کیڤن دی بروین ئەنجامداین دیاربویە ئەو پێدڤی ب نشتەگەریێ نینە و تنێ دی بۆ ماوێ سێ ھەیڤان ژ یاریگەھان دوورکەڤیت و پشکداریێ د ١٢ یاریێن بھێت یێن یانێ د خولا ئنگلیزی دا پشکداریێ ناکەت و ب ڤێ چەندێ دربەکێ مەزن ب راھێنەرەکێ یانا ستزن پێپ گواردویلا کەفت ژبەرکو دێ کارتێکرنا خوە یا خراب ل سەر ئاستێ یانێ کەت.
ئه‌ڤرۆنيوز:
وه‌زاره‌تا ده‌رڤه يا عيراقى هێرشا ئه‌سمانى يا توركى ل شنگالێ شه‌رمزاركر، دده‌مه‌كى دا ئه‌نقه‌ره ب فه‌رمى راگه‌هاندبوو كو ئه‌و هێرشه ب هه‌ڤكارى بوو ل گه‌ل حوكمه‌تا عيراقێ.
وه‌زاره‌تا ده‌رڤه يا عيراقى دبه‌ياننامه‌كێ دا گۆت” دده‌مه‌كى دا وه‌زاره‌تا ده‌رڤه ڤان جۆره هێرشان ره‌ت دكه‌ت، رادگه‌هينين كو چو هه‌ڤكارى دناڤبه‌را به‌غدا وئه‌نقه‌ره ل دۆر وێ چه‌ندێ نه‌بوو”.
وه‌زاره‌تا ناڤبرى داخواز ژ توركيا كر هێزێن خوه ژ ئاخا عيراقێ ل (به‌عشيقه) ڤه‌كێشيت ژبه‌ركو سه‌رپێچيه ل رێككه‌فتنێن نێڤده‌وله‌تى وپرنسيبێ رێزگرتنێ ل سه‌روه‌ريێ”.
په‌يڤدارێ سه‌رۆكاتيا كۆمارا توركيا ( ئيبراهيم كالين) دوهى پێنجشه‌مبى راگه‌هاندبوو” ئه‌نقه‌ره ل گه‌ل به‌غدا به‌حسێ زێدكرنا پرۆسێن له‌شكرى يێن توركى دژى په‌كه‌كێ ل باكوورێ عيراقێ كريه”.
گۆتبوو ژى”پرۆسێن مه يێن له‌شكرى ل باكوورێ عيراقێ دێ دبه‌رده‌وام بن، ب تايبه‌تى پشتى سه‌ره‌دانا سه‌رۆك وه‌زيرێن عيراقێ (حه‌يده‌ر عه‌بادى) بۆ ئه‌نقه‌ره”.
ئاشكرا ژى كربوو” مه ل گه‌ل عه‌بادى به‌حسێ پرۆسێن له‌شكرى ل باكوورێ عيراقێ كر كو شنگالێ ومه‌خموورێ وقه‌نديلى بخوه‌ڤه بگرن وئه‌و پرۆسا له‌شكرى ئه‌وا مه ل شنگالێ ئه‌نجامداى دچارچۆڤێ وێ چه‌ندێ دا بوو ول رۆژێن داهاتى دێ پرۆسێن خوه يێن له‌شكرى زێده‌تر لێكه‌ين “.
ئه‌ڤرۆنيوز:
كونسۆلخانا كۆمارا ئيسلامى يا ئيرانى ل هه‌ولێرێ، ئه‌ڤرۆ ئه‌ينيێ 17/8/2018 راگه‌هاند، چو گوهۆرين ل سه‌ر ميكانيزما دانا ڤيزێ وئاماژه دا كو د ئيك رۆژ دا چار هزار ڤيزا هاتينه دان.
مورته‌زا عه‌بادى، كونسۆلێ ئيرانى ل هه‌رێما كوردستانێ درۆهنكرنه‌كێ دا به‌لاڤكر” ل ده‌مێن بۆرى پرۆپاگنده‌ك هاته به‌لاڤكرن ل دۆر راوه‌ستاندنا دانا ڤيزێ يان هه‌بوونا گوهۆرينا ل سه‌ر دانا وێ، به‌لێ چو راستى بۆ ڤێ چه‌ندێ نينه وئيران جهه‌كێ گرنگه بۆ گه‌شتيارێن عيراقێ وهه‌رێما كوردستانێ”.
دياركر ژى” كونسۆلخانێ ل ده‌مێ بۆرى ئاسانكاريێن زێده‌تر بۆ وان وه‌لاتيێن كورد به‌رهه‌ڤكرينه يێن دخوازن ڤيزا ئيرانى بده‌ستڤه‌بينن ودده‌مێ چه‌ند ده‌مژمێره‌كان دا دشێن ڤێزێ بده‌ستڤه‌بينن”.
كونسۆلێ ئيرانى ئاماژه دا” ل رۆژا 14 ڤێ هه‌يڤێ نوونه‌راتيا كۆمارا ئيسلامى يا ئيرانى ل هه‌رێما كوردستانێ زێده‌تر ژ چار هزار ڤيزان داينه وه‌لاتيان كو 2510 ڤيزه ل هه‌ولێرێ ب تنێ بوون”.
ئەڤرۆ نیوز:
ھەمی ئێکەتیێن تەنسا ئەردی یێن جیھانێ دەنگدان ل سەر شێوازێ نوو یێ قارەمانیا دێڤێس یا تەنسێ کر و د ڤێ دەنگدانێ دا چەندین شاکسازی تێدا ھاتنە کرن.
سایتێ یورو سپورت یێ جیھانی ئەڤ چەندە بەلاڤ کریە و تێدا ئاماژە دا چەندین گوھورینا کو دێ د قارەمانیێن دیڤێس یا تەنسا ئەردی دا پەیدابن پشتی ئێکەتیێن ھەمی وەلاتێن جیھانێ دەنگدان لەسەر پروژێ چاکسازیا سستەم و شێوازێ وێ ھاتنە کرن و گرنگترین ژ ڤان گوھورینا.
١/ ٧١% دەنگدان ھاتە دان بۆ گوھورینا سستەمێ وێ وەک یێ موندیالا جیھانی کو ل دوماھیا ھەر سالەکێ تنێ ھەژدە وەلات دێ دەربازی قارەمانیێ بن و ھەڤرکیێ کەن.
٢/ ئەو چار تیمێن دگەھنە قوناغا پێش دوماھیا ڤێ قارەمانیێ بۆ قارەمانیا بھێت دی ئێکسەر دەربازبن و پێدڤی ب ڤاڤارتنان ناکەت.
٣/ دو تیم دێ پشکداریێ دکەن ل دیف پلێتا داخوازنامێ
٤/ ١٢ تیم دێ ل ھەیڤا شوباتێ ژی دەربازبنە قارەمانیێ کو دێ ل ھەر سال ل ڤێ ھەیڤێ ھێنە کومکرن تیمێن پشکدار.
دیسان ئێکەتیا نیڤدەولەتی یا تەنسا ئەردی دیارکر ل ماوێ بھێت دێ جھێ قارەمانیا دێڤێس یان دێ ل باژێرێ مەدرید یێ ئسپانی بیت یان ژی ل باژێرێ لیل یێ فرەنسی.
ئه‌ڤرۆنيوز:
به‌نكا رافيده‌ين يا عيراقى ئه‌ڤرۆ ئه‌ينيێ 17/8/2918 راگه‌هاند سولفا سێ مليۆن دينارى يا تايبه‌ت ب خانه‌نشينێن له‌شكرى ومه‌ده‌نى بۆ چار هزار خانه‌نشينان هاته مه‌زاختن .
به‌نكا رافيده‌ين درۆهنكرنه‌كێ دا به‌لاڤكر” گه‌ره‌كا نوو ژ سولفا سێ مليۆن دينارى بۆ 2502 خانه‌نشينێن مه‌ده‌نى و1571 خانه‌نشينێن له‌شكرى هاته مه‌زاختن”.
دياركر ژى” مه‌زاختنا وێ سولفێ ب رێيا ئاگه‌هداركرنا خانه‌نشينێ ب رێيا هنارتنا مه‌سجه‌كا ته‌له‌فونى ئه‌وژى پشتى وى خانه‌نشينى هه‌موو پێرابوونێن قانوونى بۆ وه‌رگرتنا وێ سولفێ ب دووماهى ئيناين وئه‌و سولفه دێ بۆ هێته مه‌زاختن ب رێيا ئاميرێن مه‌زاختنا ئه‌لكترۆنى”.
ئه‌ڤرۆنيوز:
سه‌رۆكێ ئه‌مريكى، دۆنالد ترامپ، ل دووماهى تويتا خوه ل سه‌ر تۆرا جڤاكى يا تويته‌رى ل دۆر كێشا دناڤبه‌را ئه‌مريكا وتوركيا گه‌فێن خه‌ندقينێ ل توركيا دكه‌ت.
دۆنالد ترامب، دتويته‌كێ دا ل به‌رپه‌رێ خوه ل سه‌ر تۆرا جڤاكى يا تويته‌رى دبێژيت” هه‌كه هات وتوركيا بێ مه‌رج قه‌شه ئه‌ندرسۆن ئازاد نه‌كه‌ت، دێ ب توركيا ب فشارا ئابوورى خه‌ندقينين”.
ترامپى دتويتا خوه دا قه‌شێ ئه‌مريكى ب بارمه‌ته‌كێ نيشتمانى هژمارت ودياركر كو ئه‌مركيا يا به‌رهه‌ڤ نينه چو داخوازيه‌كا توركيا ل به‌رامبه‌ر ئازادكرنا وى قه‌شه‌ى بجهبينيت.
ئه‌ڤ هه‌لويستێ ترامپى دده‌مه‌كى دايه كو دوهى مه‌ولود چاووش ئوگلۆ وه‌زيرێ ده‌رڤه‌يێ توركيا راگه‌هاندبوو” ئه‌م دبه‌رهه‌ڤين دانوستاندنێ بێ گه‌ف وفشار ل گه‌ل ئه‌مريكا بكه‌ين دهه‌موو بواران دا”.
هه‌ڤده‌م ل رۆژێن بۆرى دا، په‌يڤدارێ وه‌زاره‌تا ده‌رڤه يا ئه‌مريكى راگه‌هاندبوو” هه‌كه توركيا قه‌شه ئه‌ندرسون ژى ئازاد بكه‌ت، ئه‌مريكا باجێ ل سه‌ر هنده‌ك كه‌لوپه‌لێن توركيا نا راكه‌ت”.
نيشاندان