ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 16ى ته‌باخا 2018ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1211 دينار |
| 1 يۆرۆيێ ئه‌ورۆپى | 1365 دينار |
| 1 ليرێ توركى | 205 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
قەزا سێمێلێ چاڤەرێی بەرسڤا ئەنجوومەنێ وەزیرانە ل سەر رازیبوونا ناحیێن (ئاسھێ، خانکێ) ب کوژمێ 440 ملیار دینارا پرۆژە ل قەزا ناڤبری ھاتینە ئەنجامدان، کار ل سەر 11 ب دووماھی ھاتیە و 23 ماینە برێڤە، پرۆژە ژ بەلێندەری ھاتیە وەرگرتن.
حسێن خالد سەعید قائیمقامێ قەزا سێمێلێ بۆ رۆژناما ئەڤرۆ ئاشکراکر کو ئەرد بۆ بەلاڤەکرنێ ل سنورێ قەزا سێمێلێ ھەیە وەک (حەوشکێ، مسیریکێ، فەیدیێ، خانکێ، شاریا) کێشە ب تنێ دڤێت خودانێن ئەردی بھێنە رازیکرن، چونکو رازیبوون ل سەر بەلاڤەکرنا پتر ژ 11 ھزار پارچێن عەردی ل قەزا سێمێلێ و دەردورێن سەر ب قەزا ناڤبری ڤە ھەیە و ھەتا نوکە نەھاتینە بەلاڤەکرن.
قائیمقامێ قەزا سێمێلێ ئەو ژی گۆت: وەک پرۆژە (خانکێ، ئاسھێ) ب رێیا جڤاتا پارێزگەھێ بۆ کارگێریا پارێزگەھێ ھاتیە رەوانەکرن بۆ وەزارەتا نافخو ھاتیە بلندکرن بۆ ئەنجوومەنێ وەزیران ھاتیە بلندکرن کو ھەر دو دەڤەر ببنە ناحیە و ئاسھێ ناحیا کەڤنا سلێڤانەی بوو، ھەردو دبنە ناحیە، چونکو دەڤەرێن بەرفرەھن و چاڤەرێی بەرسفێ نە و ھەر ھەموو تشت ل سەر ب دووماھی ھاتینە.
قائیمقامێ قەزا سێمێلێ بۆ رۆژناما ئەڤرۆ گۆت: پشتی سالا 2014 و ھاتنا قەیرانا دارایی وەک ھەموو دەڤەرێن کوردستانێ پرۆژێن خزمەت گوزاری قەزا سێمێلێ ھاتبوونە راوستاندن، پرۆژێن سێمێلێ 35 پرۆژە بووینە ل کەرتێن ساخلەمی، پەروەردە، باژێرڤانی، ئاڤ، 23 پرۆژان کار ل سەر راوستایە و 11 پرۆژان کار ل سەر بەردەوامە، پرۆژەک ھاتیە ڤەکێشان ژ بەلێندەری و کوژمێ ئەڤان ھەر 35 پرۆژان 440 ملیار دینار ھاتینە مەزاختن.
قائیمقامێ سێمێلێ ئەو ژی گۆت: کومەلگەھا کواشێ یا پیشەسازی ھندەک رێنمایێن ل سەر ھاتینە سەپاندن وەک فیلتەر و ھەتا رادەکێ باش کێشا کۆمەلگەھا کواشێ ھاتیە چارەسەرکرن.
حسێن گۆت ژی: ژلایێ چاندنێ ڤە ب چاندنا گەنم و جەھی گەلەک یا دەولەمەندە چونکو عەردەکێ بەر فرەە ھەیە، ئەڤ سالە رێژا گەنمی یا باش نەبوو، لێ ھەتا رادەکی بەرھەمەکێ باش بوویە.
ئەو ژی گۆت: جە بۆ دانانا سایلویەکێ ل باوەردێ ل باتێلێ ھاتبوو دەست نیشانکرن و ژ بەر قەیرانا دارایی ئەو پرۆژە ی ھاتبوو راوستاندن، لێ جھێ سایلۆیێ بوویە بنگەھێ کومکرنا گەنمی یە و ھەر دەمێ سایلۆیێ گەنم زێدە دکەت ل وێ گورەپانێ دھێتەدان.
کێشا ئاڤێ ل سێملێ نینە و کومەلگەھا ژی یا باشە و بتنێ ئاریشە ل گوندان ھەیە و ب تنێ ل حەوشکێ و کێڤلا ھێشتا تورا ئاڤێ نەیی، نە گەھشتیێ و ھندەک گوندان ب تانکەران ئاڤ دگەھیتێ.
جھێ ئاماژەکرنێ یە کو قەزا سێمێلێ ل سالا 1954 بوویە ناحیە، ل سالا 1978 بوویە قەزا، ھەردو ناحیێن (فەیدیێ، باتێل) ل گەل پازدە کۆمەلگەە و 157 گوندان بخوەڤە دگریت.
ئەڤرۆ نيوز:
سترانبێژێ کۆچک و دیوانا حەسەن عەلی خەنجەر بۆ بەرپەرێ ھونەری ل ئەڤرۆ دیارکر کو نەخوشیا دلی یا ھەی، نەشتەگەریەک ل وەلاتێ تورکیا ئەنجامدایە، پشتی وێ نێشتەرگەریێ نەشێت بەردەوامیێ بدەتە ستران گۆتنێ،چنکو نۆشداران لێ قەدەغەکر.
ناڤبری گوت ژی: دووماھی ستران من کلیپ کری کوبناڤێ (دەنگی پێشمەرگە) ل سالا 1988 ل زیندانێ ب بیرەوەریا نەوروزێ من گۆت بوو و دوبارە من کلیپکر، سەرخاترا چاڤێن پێشمەرگەی دێ بەردەوامیێ دەمە ستران گۆتنێ.
سترانبێژێ کۆچک و دیوانان، حەسەن عەلی خەنجەر ل سالا 1951 ژ دایک بوویە، ژ زارۆکینیێ دەست بۆ گۆتنا سترانان کریە، ئێکەم سترانا وی (شەرەفیێ ) و دووماھی سترانا وی یا ھاتیە کلیپ کرن بناڤێ (دەنگی پێشمەرگە) .
ئەڤرۆ نيوز:
سترانبێژی کۆچکو دیوانان ھشیارسندوری مژوولی بەرھەمەکێ دەوات و شەھیانایە کو ژ سێ تراکان پێک دھێت ودبتە دەمژمێرەک، ژڤانە ل وەرزێ بوھارێ بەلاڤ بکەت.
سندوری بۆ بەرپەرێ ئەڤرۆ گۆت: چوونا من بۆ دەواتان دێ یا بەردەوام بیت و دێ ب بھایەکێ کێم چم و مەرەمامن ئەوە نێزیکی خەلکێ خوەبم، راستە بۆ دەمەکی یێ بەرزەبووم و ژ کارێن ھونەری دوورکەت بووم، ئەگەر چنکو پێشمەرگە بووم و کارەکی دی ژی کەم.
ھشیار سندوی گۆتژی: دێ سترانێن فولکلۆری و سەردەما نەبێژم دا کو خزمەتا ھونەرێ کوردی بکەم، بەلێ ب مخابنی ڤە فولکلۆرێ مەیێ کوردی یێ بەرزە دبیت و کەس خوە لێ ناکەتە خودان.
ئەڤرۆ نيوز:
بەری چەندە رۆژان دناڤ تورێن جڤاکێن دا، سترانەکا ھونەرمەند شاکر ئاکرەیی ب شێوازەکێ کومێدی ھاتیە گۆتن وبەلاڤەکرن.
پشتی ڤێ بەلاڤکرنێ ھونەرمەند شاکر ئاکرەیی ب رێکا بەرپەرێ ھونەری یێ رۆژناما ئەڤرۆ بێ دەنگی شکاند گۆت: من ئاگەە ژوێ ڤیدیویێ ھەیە و من ب خوە دیتیە ژی و کەربێن من ژی ڤەنە بوون، لێ مرۆڤ نەشێت خەلکی ھەموویێ کونترول بکەت و من چو ئاخفتن بۆ وی کەسی نینن و زەمان وەلێ ھاتیە پێدڤیە مرۆڤ تەحەمولێ بکەت و ل گەل رۆژی بچیت و دان و ستاندنێ نەکەت داکو ئاریشە مەزنتر لێ نەھێت و ئەڤ تشتەژی چەند رۆژەکن بخوە دێ مریت.
ئه‌ڤرۆ نيوز، نيوار:
به‌رپرسێ پشكا راگه‌هاندنێ ل هاتنوچوونا قه‌زا مه‌ركه‌زى يا دهۆكێ راگه‌هاند كو ب ده‌مه‌كێ نێزيك دێ راداره‌كا بنه‌جهـ يا 24 ده‌مژمێرێ ل زاويته هێته دانان.
سالح جه‌ميل، به‌رپرسێ پشكا راگه‌هاندنێ ل هاتنوچوونا قه‌زا مه‌ركه‌زى يا دهۆكێ بۆ ئه‌ڤرۆ نيوز گۆت: “هه‌موو شوفێران ئاگه‌هدار دكه‌ين كو ل ڤان نێزيكان دێ راداره‌كا دى يا جێگر يا 24 ده‌مژمێرى ل سه‌ر جاددا گشتى يا ناحيا زاويته بۆ پارێزگه‌ها دهۆكێ به‌رامبه‌ر گۆندێ بێسرێ ئێخينه كارى و ئه‌ڤه دێ بيته رادارا سيێ يا جێگر ل سنورێ زاويته”.
دا زانين ژى كو دهێته پێشبينيكرن ئه‌ڤ رادارا سيێ ل پشتى جه‌ژنێ بهێته كارا كرن و گۆت: “هيڤيى ژ شوفێران دكه‌ين كو پێگريێ ب رێنمايێن هاتنوچوونێ بكه‌ن دا تووش سزايێن قانوونى نه‌بن”.
به‌رپرسێ پشكا راگه‌هاندنێ ل هاتنوچوونا قه‌زا مه‌ركه‌زى يا دهۆكێ ل دووماهيێ ژى گۆت: “له‌زاتيا ڤێ جاددێ ل جهێ رادار لێ هاتيه دانان 80كم د ده‌مژمێره‌كێ دا”.
ئەڤرۆ نيوز:
بەرپرسێ پشکا پەیوەندی و راگەھاندنێ ل سەرۆکاتیا باژێرڤانیا دھۆکێ بۆ رۆژناما ئەڤرۆ دیار کر کو ل سەر راسپاردا نێچیرڤان بارزانی، سەرۆکێ حوکمەتا ھەرێما کوردستانێ و فەرھاد ئەمین ئەترووشی، پارێزگەرێ دھۆکێ سەرۆکاتیا باژێرڤانیا دھۆکێ دەست ب بەرفرەھکرنا رووبارێ ھشکەرۆ کریە و گۆت: “ئەڤ پرۆژە ب کۆژمێ 216 ملیۆن دیناران ژ داھاتێ باژێرڤانیێ دھێتە بجە ئینان”.
ئیسماعیل مستەفا، بەرپرسێ پشکا پەیوەندی و راگەھاندنێ ل سەرۆکاتیا باژێرڤانیا دھۆکێ ئاشکرا کر کو د دەمێ بارانبارینێ و رابوونا لەھیان دا مەترسی ل سەر ژیانا وەلاتیێن مالێن وان ل نێزیکی رووبارێ ھشکەرۆ پەیدا دبوو، گەلەک جاران ئاڤ د چوو د مالێن وان ڤە، لێ دەمێ ل ھەیاما بۆری نێچیرڤان بارزانی، سەرۆکێ حوکمەتا ھەرێما کوردستانێ و فەرھاد ئەمین ئەترووشی، پارێزگەرێ دھۆکێ سەرەدانا مالێن ڤان وەلاتیان کری، سەرۆکاتیا باژێرڤانیا دھۆکێ راسپارد کو دەست ب چێکرنا پرۆژێ بەرفرەھکرنا رووبارێ ھشکەرۆ بکەن، ژ بەر ڤێ چەندێ نوکە باژێرڤانیێ دەست ب چێکرنا ڤی پرۆژەیی کریە و گۆت: “نوکە ئەڤ پرۆژە ژ قووناغا بەرفرەھکرن و پاقژکرنێ ب دووماھی ھاتیە و د رۆژێن داھاتی دا دێ دیوارەکێ پالپشت ب فرەھیا 2.40 مەتران و بلنداھیا چار مەتران و درێژاھیا 400 مەتران ب ماددێ گابیونی ھێتە دانان”.
ناڤھاتی ئاماژە دا وێ چەندێ کو ئەڤ پرۆژە ب کۆژمێ 216 ملیۆن دیناران ژ داھاتێ باژێرڤانیێ دھێتە بجە ئینان و گۆت: “چێکرنا ڤی پرۆژەی دێ بیتە ئەگەرێ وێ چەندێ کو کارتێکرنا بارانبارینێ و لەھیا ل سەر ژیانا وان وەلاتیێن مالێن وان ل نێزیکی رووبارێ ھشکەرۆی گەلەک کێمتر لێ بھێت”.
ئه‌ڤرۆ نيوز:
سەرۆکێ جڤاتا قەزا شنگالێ دیار کر کو د سالڤەگەرا چارێ یا کارەساتا گۆندێ کۆچو دا یونامی ئەنجامدانا 90 پرۆژێن خزمەتگوزاری ل شنگالێ راگەھاند ئەڤە ژی پێنگاڤەکا باشە بۆ ڤەگەڕیانا ژیانێ ل شنگالێ.
وەیس نایف بەدەل، سەرۆکێ جڤاتا قەزا شنگال بۆ رۆژناما ئەڤرۆ دیار کر کو پلان ھەنە چەندین پرۆژێن خزمەتگوزاری ل شنگالێ بھێنە بجە ئینان وەکو پرۆژێن ئاڤێ و کارەبێ و ئاڤاکرنا نەخۆشخانا و بنگەھێن ساخلەمیێ و چێکرنا جادان و ئاڤاکرنا قوتابخانان و گۆت: “دەمێ جڤاتا شنگال و ئیدارا شەرعی ل شنگالێ دەوام دکر رێکخراوان قەستا دەڤەرێ دکر ل سنوونێ نێزیکی ھزار و 500 خانیێن وەلاتیان ھاتینە نووژەنکرن و پلان ھەبوو چەندین خانیێن دی ژی بھێنە نووژەنکرن و ئاڤاکرن و ژیان وەکو بەرێ ل شنگالێ ڤەگەڕیت، لێ پشتی ئیدارا شەرعیی یا شنگالێ نەمایە ل شنگالێ ئەو رێکخراو ژی نەماینە و نەشێن بچن بێ ئیدارا شەرعی کار بکەن، لێ ھەکە ئیدارا شەرعی ب زڤریت ئەز د وێ باوەرێ دا مە دێ گەلەک رێکخراو قەستا شنگالێ کەن نە بتنێ یونامێ، بەلکو ب دەھان رێکخراوێن دی یێن بیانی پرۆژە بۆ شنگالێ ھەنە، لێ نەشێن بجە بینن ژ بەر نەبوونا ئیدارا شەرعیی ل شنگالێ”.
ناڤھاتی ئاماژە دا وێ چەندێ کو ل رۆژا 15-8-2018 چار سال ب سەر کارەساتا گۆندی کۆچو ڤە چوون د ڤێ کارەساتێ دا ھژمارەکا مەزن یا وەلاتیان بووینە قوربانی ھەتا نوکە ژی تەرمێن مریان د ناڤ گۆرێن ب کۆم دانە و نەھاتینە ڤەکرن و گۆت: “ھەتا گەنکی دێ خەلکێ شنگالێ چاڤەرێ عیراقێ بیت، ئەم داخوازێ دکەین پێشمەرگێ کوردستانێ ڤەگەڕیتە شنگالێ داکو دەست ب ئاڤەدانیێ و ژیانێ ل شنگالێ بھێتە کرن”.
ئەڤرۆ نيوز:
بەرپرسێ پشکا پەیوەندی و راگەھاندنێ ل ل بۆردێ کارۆبارێن مرۆڤایەتی ل پارێزگەھا دھۆکێ بۆ رۆژناما ئەڤرۆ دیار کر کو زانکۆیا ئەمریکی ل دھۆکێ دێ کارەبێ ب رێیا پرۆژێ (پانکێن بایی) بۆ ئاوارێن ل کەمپا شاریا دابین کەت.
سالم سەعید، بەرپرسێ پشکا پەیوەندی و راگەھاندنێ ل ل بۆردێ کارۆبارێن مرۆڤایەتی ل پارێزگەھا دھۆکێ ئاشکرا کر کو جون م.منزیس سەرۆکێ زانکۆیا ئەمریکی ل دھۆکێ دگەل شاندەکی زانکۆیا ناڤھاتی سەرەدانا کەمپا شاریا یا ئاواران کر و د سەردانێ دا سەرۆکێ زانکۆیا ئەمریکی خویا کر کو ئەو دێ بزاڤێ کەن چەندین پرۆژان ل کەمپا ناڤھاتی ئەنجام ب دەن، ئێک ژ وان پرۆژان دێ بزاڤێ بۆ بجە ئینانا پرۆژێ دابینکرنا کارەبێ ب رێیا (پانکێن بایی) بۆ ئاوارێن ل کەمپا شاریا کەن.
ناڤھاتی ئاماژە دا وێ چەندێ کو د ھەمان دەم دا (ئیسماعیل محەمەد) ھاریکارێ پارێزگارێ دھۆکێ ئاماژە دا رەوشا ئاوارە و پەنابەران ل سنوورێ پارێزگەھا دھۆکێ و کێماسیێن وان، ب تایبەت دبوارێ کارەبێ دا و بەحسێ سەرکەفتنا پرۆژێ وزا رۆژێ کر ئەوێ ل کەمپا مام رەشان ھاتیە بجە ئینان، داخواز کر پتر پرۆژە د ڤان بواران دا بھێنە بجە ئینان.
ل دووماھیێ بەرپرسێ پشکا پەیوەندی و راگەھاندنێ ل ل بۆردێ کارۆبارێن مرۆڤایەتی ل پارێزگەھا دھۆکێ خویا کر کو شاندێ زانکۆیا ئەمریکی سەرەدانا خێزانێن کەمپێ و سەنتەرێ باخچێن زارۆیان کر ب ئارمانجا ژ نێزیک ھایداری بوونا رەوشا ئاواران و ھاریکاریان بگەھیننە وان و زانکۆیا ئەمریکا پلانا خوە دانایە بۆ گەھاندنا ھندەک پرۆژێن گرنگ بۆ ئاوارێن کەمپا شاریا.
نيشاندان