ئه‌ڤرۆ نيوز:

سەرۆکێ نوونەراتیا ئەنجوومەنێ نیشتمانیێ کوردی ل سووریێ ل ھەرێما کوردستانێ دیار دکەت کو ‏ئەڤا نھا د ناڤبەرا حوکمەتا سووریێ ل گەل پەیەدێ روو ددەت دانوستاندن نینە، بەلکو رادەستکرنا ‏دۆزا کوردی یە و ھەتا نھا ژی ھێزێن رژێما بەشاری ل رۆژئاڤایێ کوردستانێ ماینە و مووچێن ‏گەلەک دەزگەھان ددەنێ و بەشار ئەسەد و پەیەدە نەشێن پرسا کوردی ل سووریێ چارە بکەن.‏

نۆری بریمۆ سەرۆکێ نوونەراتیا ئەنجوومەنێ نیشتمانیێ کوردی ل سووریێ (‏ENKS‏) ل ھەرێما ‏کوردستانێ د دیدارەکا تایبەت دا ل گەل رۆژناما ئەڤرۆ دیار کر کو من دڤێت دەزگەھێن راگەھاندنێ ‏ل ھەرێما کوردستانێ ئەڤا نھا د ناڤبەرا حوکمەتا سووریێ و پەیەدێ دا روو ددەت وەکو دانوستاندن ‏بناڤ نەکەن، چونکو براستی ژی دانوستاندن نینە، بەلکو رادەستکرنا دۆزا کوردی یە ل سووریێ، ‏بەری نھا چاوا رژێما سووریێ دەڤەرێن رۆژئاڤایێ کوردستانێ رادەستی پەیەدێ کربوون نھا ژی ژ ‏پەیەدێ وەردگریت و ژ بەر ھندێ ژی نابیت ئەم بێژین دانوستاندنان دکەن و گۆت: (ئەم وەکو ‏ENKS‏ ل دژی دانوستاندنان نینن، ھەتا ل گەل رژێما سووریێ ژی، لێ دڤێت چارچۆڤەکا ‏دانوستاندنان ھەبیت و ل سەر مێزەکا نێڤدەولەتی بیت، چونکو بابەتێ دانوستاندنان بابەتێ دۆزا ‏رەوا یا گەلێ کوردە ل سووریێ و ژ بەر ھندێ ژی نابیت پەیەدە ب نھێنی ل گەل رژێما بەشاری ‏ھندەک تشتان بکەت و پاشی ژی بێژیت ئەم دانوستاندنان دکەین).‏

ناڤبری د پشکەکا دی یا ئاخڤتنا خوە دا ژی ئەو یەک دیار کر کو کورد ل سووریێ کارتەک ب ھێزن ‏و ئەم وەکو ئەنجوومەنێ نیشتمانی یێ کوردی ل سووریێ پشکەک ژ ئۆپۆزسیۆنێ نینین ئەم ‏خوەدانێ دۆزا رەوا و نەتەوی یا کوردێن سووریێ نە و ھەتا نھا ژی کار و چالاکیێن مە ب ڤی رەنگی ‏بووینە و دێ وەسا ژی بەردەوام بین و گۆت: (پاشەرۆژا سووریێ د دەستێ بەشاری دا نینە، پرسا ‏سووریێ بوویە پرسەکا نێڤدەولەتی و نھا ئەمریکا، روسیا و ئیسرائیل ل دۆر سووریا گەھشتینە ‏ھندەک رێککەفتنان، ژ بەر ھندێ ژی ئەم دبێژین کو بەشار ئەسەد ب تنێ نەشێت پرسا سووریێ ‏چارە بکەت و ھەروەسا پەیەدە ژی نەشێت بێژیت ئەز خوەدانێ دۆزا کوردی ل سووریێ مە).‏

سەرۆکێ نوونەراتیا ‏ENKS‏ ل ھەرێما کوردستانێ ل دۆر رێککەفتنا ئەمریکا، روسیا و ئیسرائیلێ ‏ژی دیار کر کو بەری نھا بۆ لاوازکرن و ژناڤبرنا ھێزێن ئیسلامی یێن سوننی و ھشکباوەر وان ئیران ‏بکار ئینان و ئیرانێ رۆلەک باش د شەرێ ل دژی ھێزێن سوننی ل سووریێ دا گێرا و نھا وەسا دیارە ‏کو ئێدی رۆلێ ئیرانێ ب دووماھی ھاتیە و نھا ژی رێککەفتن ل دۆر ھندێ ھاتیە کرن کو رۆلێ ‏شیعێن ھشکباوەر ژی نەھێلن و ئەز دشێم بێژم کو پشتی شەرێ ئدلبێ دێ شەرێ ئیرانێ ژی ھێتە ‏کرن و گۆت: (ژ بۆ شەرێ ئدلبێ روسیا و ھێزێن دی پێدڤی ئیرانێ نە و دێ ھێزێن ئیرانێ د شەرێ ‏ئدلبێ دا پشکدار بن، پشتی ب دووماھی ھاتنا شەرێ ئدلبێ ئەز باوەرم دێ شەرەکی دی ل سووریێ ‏دەستپێ کەت کو دێ ئەو شەر ژی ل دژی ئیرانێ بیت ئانکۆ دێ ھێرشی ھێزێن سەر ب ئیرانێ ل ‏سووریێ ھێتە کرن).‏

نۆری بریمۆ ئەو یەک ژی دیار کر کو ئەمریکا، روسیا و ئیسرائیل دخوازن ھێزێن شیعە یێن ‏ھشکباوەر ژی وەکو سوننان لاواز بکەن و ژناڤ ببەن، ژ بەر ھندێ ژی نھا ئەمریکا دەست ب سزادانا ‏ئیرانێ کریە و تشتێ دیارە روسیا ژی دێ پشتی شەرێ ئدلبێ داخواز ژ ئیرانێ کەت کو ھێزێن خوە ژ ‏سووریێ ڤەکێشیت، ئانکۆ دێ روسیا ژ بۆ بەرژەوەندیێن خوە ئیرانێ تەنگاڤ کەت، ئەز باوەرم ‏رێککەفتنەک وەسا ھاتیە کرن و روسیا دشێت باشتر ژ ئەمریکا و ئیسرائیلێ رۆلێ ئیرانێ ل سووریێ ‏لاواز کەت.‏

ناڤھاتی د بەردەوامیا ئاخڤتنا خوە دا ئەو یەک ژی دیار کر کو ئەم وەکو ‏ENKS‏ نھا ل سەر ‏دستوورێ نوو یێ سووریێ کار دکەین، چونکو دستوورێ نوو بۆ مە کوردان گرنگە و ئەم دشێین ب ‏رێیا دستوورێ نوو یێ سووریێ مافێ خوە گەرەنتی بکەین و گۆت: (رژێما سووریێ دخوازیت ل ‏سووریێ و رۆژئاڤایێ کوردستانێ ھەلبژارتنان بکەت دا مەشروعیەتێ بدەتە سیستەمێ خوە و ھەکە ‏پەیەدە رێگریێ ل وان نەکەت دیارە ئەو ژی پشکەکن ژ پیلانا رژێما بەشاری).‏

نۆری بریمۆ د دووماھیا ئاخڤتنا خوە دا ئەو یەک ژی دیار کر کو مە دڤێت پرسا کوردی ل سووریێ ‏بەر ب ناڤەندێن نێڤدەولەتی ڤە ببەین دا ب گەرەنی و پشتەڤانیەکا نێڤدەولەتی پرسا کوردی چارە ‏بکەین، لێ مخابن پەیەدێ بەرێ خوە دایە شامێ و ب نھێنی دخوازیت ھندەک تشتان بکەت و گۆت: ‏‏(ھەکە رێککەفتنا روسیا، ئەمریکا و ئیسرائیلێ ل سووریێ بجە ببیت دێ گەلەک رێکخراوێن ‏چەکداری ل سووریێ ھێنە بێ چەک کرن و ئەم وەکو ‏ENKS‏ دێ کار بۆ چارەکرنا پرسا کوردی و ‏بدەستڤەئینانا مافێ گەلێ خوە ل سووریێ کەین و ژ بەر ھندێ ژی خەباتا مە یا سیاسی و ‏دبلۆماسی ب ھەموو رەنگەکێ بەردەوامە).‏

ئه‌ڤرۆ نیوز، باسم قاسم:

 ئەڤرۆ ل دەمێ  فروكێن نەنیاس ب دژوارى كاروانه‌كێ ترومبێلێن هێزێن YPŞ يێن ب سه‌ر په‌كه‌كێ ڤه‌ بوردومان كرین و ب گۆره‌ى هنده‌ك پێزانينان فرۆكه‌ یێن توركى نه، به‌لێ به‌لێ هاته‌ زانین كو ئه‌و هێزا هاتیه‌ بوردومانكرن  هێزا YPŞ بوو .

ب گۆره‌ى پێزانينێن (ئه‌ڤرۆ نیوز) ل ده‌وروبه‌رێن ده‌مژمێر 5:00 یا ئێڤاریا ئه‌ڤرۆ چارشه‌مبى 15/8/2018 هنده‌ك فرۆكێن نه‌نياس كاروانه‌كێ ترومبێلێن هێزه‌كا چه‌كدار ل سه‌ر رێیا گشتى دناڤبه‌را رۆژهه‌لات و رۆژئاڤا چیایێ شنگالێ و ده‌ڤه‌را (شلو) بوردومانكر و ترۆمبێلێن هێزێن YPŞ کرنە ئارمانج و

 د وێ بوردومانێ دا بەرپرسێ YPŞ ب ناسناڤێ (مام زەکی) هاته‌ كوشتن دگەل چەند هەڤالێن خوە، لێ هەتا نۆکە نەهاتیە زانین چەند هەڤالێن وی دگەل دا بوون.

ئه‌ڤرۆ نیوز، باسم قاسم:

 ده‌مه‌كێ كێم به‌رى نوكه‌ فروكێن نه‌نياس ب دژوارى كاروانه‌كێ ترومبێلێن هێزه‌كا چه‌كدار بوردومان كر و ب گۆره‌ى هنده‌ك پێزانينان فرۆكه‌ یێن توركى نه، به‌لێ هه‌تا نوكه‌ ناهێته‌ زانین ئه‌و هێزا هاتیه‌ بوردومانكرن چ هێزه‌.ب گۆره‌ىپێزانينێن ئه‌ڤرۆ نیوز ده‌وروبه‌رێن ده‌مژمێر 5:00 یا ئێڤاریا ئه‌ڤرۆ چارشه‌مبى 15/8/2018 هنده‌ك فرۆكێن نه‌نياس كاروانه‌كێ ترومبێلێن هێزه‌كا چه‌كدار ل سه‌ر رێیا گشتى دناڤبه‌را رۆژهه‌لات و رۆژئاڤا چیایێ شنگالێ و ده‌ڤه‌را (شلو) بوردومانكر، به‌لێ هه‌تا نوكه‌ ناهێته‌ زانين ئه‌و چو هێزبوو هاتیه‌ بوردومانكرن و قوربانى هه‌نه‌ یان نه‌ ، دیسان بوردومان ژلایێ فروكێن كیش وه‌لاتى بوو.

ئه‌ڤرۆنيوز:

سه‌رۆك مه‌سعود بارزانى ئه‌ڤرۆ چارشه‌مبى 15/8/2018 پێشوازى ل دوگلاس سيليمان باليوزێ ئه‌مريكا ل عيراقێ وستيڤ فاگين كونسۆلێ ئه‌مريكا ل هه‌ولێرێ كر.

دديداره‌كێ دا ره‌وشا سياسى يا عيراقێ وده‌ڤه‌ري وپێشهاتين نوو ل سه‌ر ئاستێ هه‌ريمايه‌تى ونيڤده‌وله‌تى به‌حسكرن وباليۆزێ ئه‌مريكا ل عيراقێ ستراتيژيه‌تا وه‌لاتێ خوه‌ ل دۆر دووماهى ويستگه‌هێن شه‌رێ داعشێ وهاريكاريا ئاواره‌ وپێكهاتين عيراقێ وهه‌روه‌سا گوهۆرينێن هه‌رێمايه‌تى بۆ سه‌رۆك بارزانى به‌رچاڤكرن وئاماژه‌ ب رۆلێ كاريگه‌ري سه‌رۆك بارزانى وحوكمه‌تا هه‌ريمێ ل پاراستنا پێكهاته‌ وئاوارێن عيراقێ ژ شه‌رێ تيرۆرستێن داعشێ كر.

دپشكه‌كا دى يا وێ كۆمبوونێ دا بۆچوون ل دۆر عيراقا پشتى هه‌لبژارتنان وبزاڤێن پێكئينانا حوكمه‌ته‌كا نوو وهه‌ڤكێشێن دناڤ عيراقێ دا هاتنه‌ ئالوگوركرن وسه‌رۆك بارزانى دياركر كو ئه‌وا ل ده‌ف هه‌رێما كوردستانێ گرنگ به‌رنامێ حوكمه‌تا داهاتى يا عيراقێ يه‌ وهه‌روه‌سا پێگيريبوونا لايه‌نان ب سێ پرنسيبێن هه‌ڤپشك دحوكمداريێ وته‌وافوقێ دقانوون دانانێ دا وهه‌ڤسه‌نگى ل ده‌زگه‌هان ئه‌وله‌ويه‌تا سه‌ره‌كى يه‌ ودووپاتى ل وێ چه‌ندێ ژى كر كو ل به‌رچاڤ وه‌رگرتنا وان هه‌رسێ پرنسيبان دێ بيته‌ ئه‌گه‌رێ چاره‌سه‌ركرنا گه‌له‌ك كێشان.