ئەڤرۆنیۆز، سالار دۆسكی:
ب بەرهەڤبوونا سەرۆك (مەسعود بارزانی) ژڤانە سوبە رۆژا پێنج شەمبی 27/8/2018 ل دەمژمێر چاری ئێڤاری ل یاریگەها یانا دهۆك یا وەرزشی ئاهەنگەكا جەماوەری یا مەزن وەك پشتەڤانی بۆ لیستا 183 یا پارتی و كاندیدێن پارتی بهێتە سازكرن.
ئەڤین حسێن، سەرۆكا لقا دهۆك یا سەندیكا هونەرمەندێن كوردستانێ بۆ ئەڤرۆ نیۆز دياركر كو ئاهەنگ دێ ببەرهەڤبوونا چەندین سترانبێژێن دەنگ خوەش هێتە برێڤەبرن ژوانا هونەرمەندان(حەسەن شەریف، كاروان كامل) ل گەل هەردو هونەرمەندێن باكورێ كوردستانێ(ملیسا، دیلا).
ئەڤرۆ نیوز ، زنار تۆڤی:
پشتی کۆمبوونا ل گەل د. فوئاد حسێنی، نوری مالکی راگەهاند، هیڤیا سەرکەتنێ بۆ بەربژارێ پارتی بۆ سەرۆک کۆماریێ دخوازین و ئەو دێ شێت هاریکارەکێ باش بیت بۆ چارەسەریا کێشێن هەولێر و بەغدا.
دەقێ ئاخفتنا نوری مالکی:
مە پرسا هەلبژارتنا سەرۆک کۆماری ل گەل برایێن پارتی دیموکراتی کوردستان گفتوگۆکر، مە گوهداریا پێشنیازێن وان یێن باش کر، وان پابەندبوونا خوە بۆ بەربژێرکرنێ بۆ پۆستێ سەرۆک کۆمار دووپاتکریە.
مە پێ باشە کورد ل سە بەربژارەکێ رێکبکەڤن، وەکو دزانین هەڤپەیمانیا کوردستانێ هەموو دەمان ئێۆ هەلویست هەبوویە ل بەغدا، هەکە ئەو رێککەفتنە نەهاتە کرن، مە دو بژاردە ل پێشن، یان نوونەرێن کورد دێ ل پەرلەمانی بەربژارەکێ هەلبژێرن، وەک چاوا د خولا بوریدا دناڤبەرا دکتۆر فوئاد مەعسومی و د. بەرهەمی دا ئێک هەلبژارتی، یان ژی لێک تێگەهشتنەک دروست ببیت ل پەرلەمانی و هەلبژارتن بهێنە کرن.
مە پەیوەندیەکا باش ل گەل هەردو لایەناندا هەیە، بەلێ مە ژێ دیتنا خوە هەیە کانێ کیژ زێدەتر د بەژەوەندا عێراقێدایە، هیڤیدارین برایێ مە فوئاد سەربکەڤیت، هیڤیخوازین پارتی دیموکراتی سەربکەڤیت، هیڤیخوازین کوردستان و هەرێما کوردستانێ بهێزڤە ل بەغدا ئامادەبن.
ب دلنیایی ڤە ئامادەبوونا د. فوئاد حسێنی ل بەغدا یا پێدڤیە، چونکی ل بەغدا ئاخفتن هەیە، کو هەبوونا وی ل بەغدا وان گۆتنان ناهلیت، ب دلنیاییڤە هەکە ئەو سەرۆک کۆمار بیت و بابێ مەسروری ژی (سەرۆک بارزانی) ل پشتا وی بیت دێ رەگەزەکێ بهێز و باش بیت.
ئەڤرۆ نیۆز، سالار دۆسكی:
سترانا (بلا بچن) یاهونەرمەند(نوژدار محەمەد تاهر) ژ سترانێن وی یێن بەرهەمێ سالا 2012 ژلایێ دو هونەرمەندان ڤە دهێتە گۆتن، هەر دو هونەرمەند ئاماژە ب وێ چەندێ دكەن كو ئەو خودانێن سترانێ نە و نوژداری سترانا وان گۆتینە.
هونەرمەند نوشدار محەمەد تاهر، دپەیجێ خوە یێ تایبەتێ ڤەیسبووكێ دا خواستیە ئەڤ بابەتە ل ده‌زگه‌هێن راگەهاندنێ ب گرنگی بهێتە وەرگرتن و بەحسكرن و مافێ وی نەهێتە خوارن ودبێژیت” باشە هەوە سترانا من گۆت بێ دەستیرانا من، مە قەبیلە، بەلێ پەیڤ و ئاوازێن من ب ناڤێ خوە بدانن، یان ژی هندەك پەیڤێن بێ بنەما داننە سەر سترانێ، شەرمەكا مەزنە بۆ هەوە و یا دوورە ژ رەوشتێ هونەر و هونەرمەندان”.
نوژداری ئەو ژی ئاشكراكریە كو سترانا (بلابچن) ل سالا 2012 بەحس كربوو هەتا ئەڤرۆ ژی 2018 هندەك كەس یێ بناڤێ خوە دانن، نوژداری، هەر ل پەيجێ خوە پرسیار دكەت و دبێژیت، باشە هوون ب چ ماف وەدكەن؟ خواست ژی راگەهاندن گرنگیێ ب دەتە بابەتی و مافێن هونەرمەندان ل بەرچاڤ بهێنە وەرگرتن، و كەسەكێ بیانی ناهێت هونەری بۆمە ئاڤا بكەت هەكە ئەم ب خوە ئاڤا نەكەین”.
نوژداری گۆت ژی” بەری چەند رۆژان metin avaŞin ناڤێ وی هونەرمەندێ سترانا من گۆتی و یا گۆتیە هەڤالەكێ من هونەرمەندەكێ عیراقێ سترانا من بریە،
ل دووماهیێ هونەرمەند نوژدار محەمەد تاهر دبێژیت” بلا بتنێ بەرسڤ بۆ هەوەبیت”.
ئەڤرۆنیۆز، سالار دۆسکی:
بەرپرسێ دارایی ل ھەوپەیمانی بۆ دیموکراتی و داد پەروەری ل پارێزگەھا دھۆکێ دەست ژ کاری بەردا و قەستا ناف رێزێن پارتی دیموکراتی کوردستان کر.
عەبدوللا عومەر یێ ناڤدار ب عەبدوۆللا رەشاڤایی، بەرپرسێ دارایی یێ ھەوپەیمانی بۆ دیموکراتی و دادپەروەری ل پارێزگەھا دھۆکێ، ئەڤرۆ 26-9-2018 قەستا ناف رێزێن پارتی یا دیموکراتی یا کوردستانێ کر بۆ ئەڤرۆ نیۆز گۆت: ژ دامەزرێنەرێن ھەوپەیمانیێ بوو ل سەر درشمێن ھەوپەیمانیێ مە قەستا ناف رێزێن وێ کر کو بشێن خزمەتەکێ بکەین ب شێوەکێ دادپەروەرانە و حکمێ رەشید و دووڤ دا ھوسا دەرنەکەفت و د.بەرھەم سالح ئەڤە ھەموو گوری بەرژوەندێن خوەیێن تایبەت کرن.
عەبدوللا رەشەڤایی ئەو ژی گۆت: ھەتا نوکە مە ئامارێن دروست دروست نەکرینە و گەلەک خەلکێ دلسوز ل گەل مەدایە، بگشتی ھەوپەیمانی یا درەوشەکا ئالوز دا دبوریت و ھەموو بەلاڤە بوون و رۆژ بۆ رۆژێ بەر ب نەمانێ یە.
ل دووماھیێ بەحسێ رەوشا دارایی کر و دیارکر کو رەوشا دارایی یا ھەفپەیمانیێ یا لاواز بوو و ھەموو وەک خوبەخش دناف دا کاردکر.
ئه‌ڤرۆ نيوز:
ئه‌ڤرۆ كورده‌كێ ئێزدى وه‌كو سه‌رۆكێ جڤاتا پارێزگه‌ها نه‌ينه‌وا ده‌ست ب كار بوو.
به‌رى نيڤرۆيا ئه‌ڤرۆ رۆژا چارشه‌مبى 26ى ئيلۆنا 2018ێ ل باره‌گايێ جڤاتا پاريزگه‌ها نه‌ينه‌وا ل مووسل د هه‌لبژارتنه‌كا ڤه‌كرى دا، ب پتريا ده‌نگان سه‌يدۆ چه‌تۆ، ئه‌ندامێ جڤاتا پارێزگه‌ها نه‌ينه‌وا و سه‌رۆكێ فراكسيۆنا برايه‌تى و پێكڤه‌ژيانێ ب پتريا ده‌نگان وكو سه‌رۆكێ جڤاتا پارێزگه‌ها نه‌ينه‌وا هاته هه‌لبژارتن.
پشتى هه‌لبژارتنێن جڤاتا نوونه‌رێن عيراقێ، بشار كيكى سه‌رۆكێ به‌رێ يێ جڤاتا پارێزگه‌ها نه‌ينه‌وا بوو ئه‌ندامێ جڤاتا نوونه‌رێن عيراقێ و هه‌ر ژ به‌ر ڤێ چه‌ندێ ژى سه‌يدۆ چه‌تۆ وه‌كو سه‌رۆكێ جڤاتا پارێزگه‌ها نه‌ينه‌وا هاته هه‌لبژارتن و ده‌ست ب كار بوو.
سه‌يدۆ چه‌تۆ، كورده‌كێ ئێزدى يه و خه‌لكێ ناحيا خانه‌سۆرێ يه سه‌ر ب شنگال ڤه و پێشتر وه‌كو ئه‌ندامێ جڤاتا پارێزگه‌ها نه‌ينه‌وا ل سه‌ر ليستا پارتى ديموكراتى كوردستان هاتبوو هه‌لبژارتن و پاشان ژى وه‌كو سه‌رۆكێ ليستا برايه‌تى و پێكڤه ژيان ل جڤاتا پارێزگه‌ها نه‌ينه‌وا ده‌ستنيشانكربوو.
ئەڤرۆ نيوز:
بەربژارێ ھەژمارە (91) ژ لیستا (183) یا پارتی دیموکراتی کوردستان دێ بزاڤا کەین لەشکەرێ کوردستان کو پێشمەرگە ھێما و کەرامەتا خەلکێ کوردستانێ یە و ژ ھەژی ژیانەکا خوەشە و داد پەروەرانەیە و پێدڤی یە ئاریشە و کێشێن ئەڤی لەشکەرێ مەزن ھەموو بھێنە چارەسەکرن وەک ئمتیازات، دیسا کار بھێتەکرن مووچێن ڤی پێشمەرگەی ب قانوون ب شێوەکێ داد پەروەرانە بھێنەدان.
ھەمان بەربژاری گۆت: شەھیدێن کوردستانێ جھێ رێز و تەقدیرەکا مەزن و دڤێت ب مەزنترین ئمتیازات چاڤدێریا خێزان و کەس و کارێن شەھیدان بھێتەکرن و بزاڤێن مەزن دێ کەین سەردەریا ل گەل کەس و کارێن شەھیدان وەک ھەڤ بیت و ب دادپەروەرانە و ب ئێک چاڤ بھێنە دیتن.
مەلا جیھاد ئاشکراکر کو دێ بزاڤان کەت خەلکێ کوردستانێ پتر مفایی ژ عەر دو ئاخا خوە وەربگریت و چاندن رۆلێ خوە بینتە ڤە و کوردستانا بخێر و بێر بیتە کانیەکا پتر داھات و نەبتنێ پەترۆلێ بەلکو ب ھەموو سامانێ خوە و کەرتێ چاندنێ و پێشەسازی خورت بیت و گەنجێن مە و دەرچووێن زانکو و پەیمانگەھا ب بیاڤێن خوە یێن جودا رۆلێ خوە بگێرن و دەرفەتێن کاری بۆ ھەر ھەموویان بھێنە روخساندن.
بەربژێرێ ھەژمارە (91) ژ لیستا (183) یا پارتی ئاماژە کرە وێ چەندێ ژی کو گرنگیا ھەلبژارتنێن ئەڤ جارە دوێ چەندێ دایە گەلەک پرۆژە قانوون ل پەرلەمانی ماینە و پێدڤی ب ھێزێ نە و ژ بەر بەرژوەندێن خوە ئالیێن دیێن سیاسی پشتەڤان نەبووینە ئەڤجا ب ئومێدین ل ڤێ خولێ پارتی وەک ھێزا مەزنا کوردستانێ ب ھێز بچیتە پەرلەمانی و ئەو پرۆژە قانوونێن کو گرێدایی ب خزمەتا خەلکێ کوردستانێ پەسەند بکەت و بکەڤنە خزمەتا خەلکی دا، مینا پرۆژە قانوونا خانەنشینکرنێ و گەلەک پرۆژێن دی گرێدایی ژیانا خەلکێ مە.
مەلا جیھاد دۆسکی، ئەو ژی گۆت: ھەکە خەلکێ مە باوەری دامە و بووینە ئەندامێن پەرلەمانێ کوردستانێ دێ ھەموو بزاڤا کەین ھەموو فەرمانگەە و جھێن خزمەت گوزاری دادپەروەردی تێدا بیت و ھەر تاکە کەسەک بگەھیتە مافێن خوە و د ھەر داھاتەکێ کوردستانێ دا دادپەروەردی تێدا ھەبیت.
ئه‌ڤرۆ نيوز:
د. فوئاد حسێن به‌ربژارێ سه‌رۆك كۆماريا عيراقێ و شاندێ ل گه‌ل دا ل گه‌ل نورى مالكى سه‌رۆكێ هه‌ڤپه‌يمانيا ده‌وله‌تا قانوونێ كۆمبوو.
ب گۆره‌يى پێزانينێن ئه‌ڤرۆ نيوز كۆمبوون ب مه‌ره‌ما دانوستاندنێ يه ل سه‌ر دانانا پۆستێ سه‌رۆك كۆماريا عيراقێ و حوكمه‌تا داهاتى يا عيراقێ.
هه‌ر ب گۆره‌يى پێزانينان شاندێ پارتى دێ ل گه‌ل ئه‌نجامێن جڤاتا نوونه‌ران ژى يێن ڤان ليستان كۆم بيت ژ به‌ر كو ئه‌ندامێن ڤان پارتيان ل جڤاتێن نوونه‌ران ژى هه‌موو ئێك هه‌لويست نينن، ژ به‌ر هندێ ژى دڤێت ره‌زامه‌نديا وان ژى وه‌رگرن ل سه‌ر به‌ربژاركرنا د. فوئاد حسێن ب مه‌ره‌ما ب ده‌ستڤه‌ئينانا پتريا ده‌نگێن جڤاتا نوونه‌ران.
به‌رى ڤێ ديدارێ ژى شاندێ پارتى ديموكراتى كوردستان ل گه‌ل سه‌رۆكێ ليستا فه‌تح، هادى عامرى كۆمبوو و مه‌ره‌ما كۆمبوونێ ژى هه‌مان مه‌ره‌م بوو.
بڕياره شاندێ پارتى ديموكراتى كوردستان هه‌تا 2ى چريا ئێكێ ل به‌غدا بمينن و د ڤى ماوه‌يى دا زێده‌ترين كۆمبوونان ل گه‌ل لايه‌نێن سياسى بكه‌ن.
ئەڤرۆ نيوز:
ژیان تاھر دۆسکی ژی ئێکە ژ ئەوان بەربژارایە یێن ھیڤیێن مەزن ھەی ب رێیا پەرلەمانی بۆ خزمەتکرنا مالێن شەھیدان و ئەنفاکریا و پێشمەرگێن کوردستانێ بکەت.
ژیان تاھر دۆسکی دیارکر، تنێ ئارمانجا من ئەوە ھیڤی ئومێدێن بابێ خو یێ گیانێ خو بەختکری بۆ کوردستانێ بجە بینم، کو بابێ من ھەر د خەباتا کوردایەتیێ دابوویە و 33 سالان بێ راوەستاندن، گەلەک خەلکی د گۆتێ بلا ئافرەت نە چنە قوتابخانێ، لێ بابێ من ئەو ھزر رەتدکر و دگۆت: ئافرەت پەروەدەکرنا نڤشێ نیە، ئەو نڤشێ بھێت ب قەلەم و زانینا خو وەلاتی پارێزن ژ ھەر تشتەکی، ئەو گۆتنێن وی بۆ من بووینە باکراوەندەکێ مەزنێ زانینێ نە، ئەڤ چەندە ھەموو بوویە ئەگەر کو ب رێیا پەرلەمانی گرتیە بەر بۆ خو ھەلبژارتنێ.
ھەروەسا گۆت: ئەو خەونێن بابێ خو ڤەماین ب زانین و قەلەمێ خو بجە بینم، پەرلەمان جھێ دانانا یاسایایە، بۆ ئەڤێ ئاخێ کو ھوسا ب ساناھی و سەروەری بەرقرارکرن نەبوویە، ب خەبات و قوربانی دانا ھەزاران شەھیدان بوویە، دەما ئەز بچمە پەرلەمانی ھندەک یاسایێن تایبەت مەند دا رێژین د پێخەمەتا خزمەتکرنا ئەوان کەسێن ماندیبوون و زەحمەت دیتی بۆ ئەڤێ ئاخێ، قانوون خیانەتا نیشتمانی بۆ پاراستنا ئەڤێ ئاخێ ئەو ژی ئەو کەسێن خوین رێتی و ماندیبوون دیتی ھەست ب پیرۆزی و بھایێ ئەڤێ ئاخێ کەن.
ژیان تاھر دبێژیت، ل دەمێ 27 سالێن ژ دامەزراندنا حوکمەتا ھەرێما کوردستانێ، یاسایا بڤی رەنگی نەبوویە دڤێت ھەبن داکو چ کەس بێ رێزیێ ل ئەڤێ ئاخێ نەکەن، چونکو ل ھەمو وەلاتان و ھەتا ل دیموکراسیترین وەلات ژی بگری قانوونەک ھەیە بۆ پاراستنا ئاخێ و توند ترین سزا بۆ خیانەتا نیشتمانی دانایە. دڤێت قانوونا ئاسایشا نیشتمانی بلند تربیت ژ ھەر قانوونەکێ.
ل دووماھیێ گۆت: دەما دھێمە ھەلبژارتن و چوومە پەرلەمانی دێ کاری ل سەر ئەڤان خالان کەم وەک خەمخورەکا ئاخێ وەلاتی، چونکو ھەر ل گەل ئەڤێ تەخێ ژ یایمە و تاما بێ بابینی من بخو دیتی یە.
نيشاندان