ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 26ى ئيلۆنا 2018ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:3
| 100 دولارێ ئه‌مريكى | 120.800 دينار |
| 100 يۆرۆيێ ئه‌ورۆپى | 140.100 دينار |
| 100 ليرێ توركى | 19.500 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 26ى ئيلۆنا 2018ێ بهايێ زێر و زيڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 گرام زێرێ (ع) 18 | 36000 |
| 1 گرام زێرێ (ع) 21 | 42500 |
| 1 گرام زێرێ (ع) 22 | 44500 |
| 1 گرام زيڤ | 3000 |
ئه‌ڤرۆ نيوز:
نێچيرڤان بارزانى، سه‌رۆك وه‌زيرێن هه‌رێما كوردستانێ د رێوره‌سمێن دانانا به‌رێ بناغێ پرۆژێ جاددا 150 مه‌ترى ل باژێرێ هه‌ولێرێ راگه‌هاند كو پرۆژێ جاددا 150 مه‌ترى يێ هه‌ولێر هه‌موو ستانده‌ردان ب خوه ڤه دگريت و حوكمه‌تا هه‌رێما كوردستانێ ژى د به‌رنامه‌يى دايه، ب ده‌هان پرۆژێن هه‌ڤشێوه‌يێ ڤى پرۆژه‌يى بجهـ بينيت.
زێده‌تر گۆت: “حوكمه‌تێ ب ته‌مامى سيمايێ وه‌لاتى گوهۆڕيه و ب سه‌دان پرۆژێن خزمه‌تگۆزاريێ بجهـ ئيناينه، ل گه‌ل هه‌ر پێنگاڤه‌كێ ژى بۆ باشبوونێ كاودانێن ئابوورى يێن حوكمه‌تێ ده‌ست پێ كه‌ت كو بجهئينانا پلانان”.
سه‌رۆكێ حوكمه‌تا هه‌رێما كوردستانێ دا زانين ژى كو نه‌حه‌زێن گه‌لێ كوردستانێ هه‌موو بزاڤ بۆ راگرتنا رێره‌وا پێشكه‌فتن و خزمه‌تگۆزاريا ل هه‌رێما كوردستانێ، به‌لێ بزاڤێن وان سه‌رنه‌گرتن.
نێچيرڤان بارزانى داخواز ژ وه‌لاتيان ژى كر كو ب ئاشتيانه و هێمنانه بچنه سه‌ر سندوقێن ده‌نگدانێ و نوونه‌رێن خوه ب هه‌لبژێرن.
جاددا 150 مه‌ترى ل هه‌ولێر ب درێژاهيا 70 كيلۆمه‌تران بجهـ بينن و د ماوێ 1250 رۆژان دا ب دووماهى بهێت.
ئه‌ڤرۆ نيوز:
شوره‌ش حه‌سه‌ن، رێڤه‌به‌رێ فه‌رمانگه‌ها په‌يوه‌ندى و راگه‌هاندنێ ل كۆمسيۆنا بلندا سه‌ربه‌خۆيا هه‌لبژارتن و راپرسيێ راگه‌هاند كو هه‌تا نوكه هه‌شت رێكخراوێن نێڤده‌وله‌تى و ناڤێ خوه تۆمار كريه بۆ چاڤدێريا هه‌لبژارتنان كو شه‌ش ژ وان “قونسلخانێن ئه‌مريكا، كه‌نه‌دا، بريتانيا، يابان، فره‌نسا و كۆريا باشوور”ن.
شوره‌ش حه‌سه‌ن دا زانين ژى كو 10 كه‌نالێن تله‌ڤزيۆنى و ئاژانسێن نووچه‌يێن ب ناڤوده‌نگ بۆ رووماكرنا ڤان هه‌لبژارتنان ناڤێ خوه تۆمار كريه: رۆيته‌رز، سكاى نيوز، ئێن بى ئێن، ئێس بى ئى و ئه‌رى بى ئێس ژ وان كه‌نالانن.
ب گۆره‌يى داتايێن كۆمسيۆنا بلندا سه‌ربه‌خۆيا هه‌لبژارتن و راپرسيێ ل هه‌رێما كوردستانێ سێ مليۆن و 85 هزار و 461 كه‌سان مافێ ده‌نگدانێ د هه‌لبژارتنێن په‌رله‌مانێ كوردستانێ دا هه‌يه، ژ وێ ژمارێ ژى دو مليۆن و 911 هزار و 313 كه‌سان مافێ پشكداريكرنێ د ده‌نگدانا گشتى دا هه‌يه.
هه‌ر ب گۆره‌يى ڤان داتايان د ده‌نگدانا تايبه‌ت ژى دا 174 هزار و 148 كه‌سان مافێ پشكداريكرنێ د هه‌لبژارتنێن تايبه‌ت دا هه‌يه.
ب ره‌نگه‌كێ گشتى ل سه‌رانسه‌رى هه‌رێما كوردستانێ نێزيكى 700 كه‌سان خوه به‌ربژار كريه و دێ هه‌ڤركيێ ل سه‌ر 113 كورسيێن په‌رله‌مانێ كوردستانێ كه‌ن.
ئه‌ڤرۆ نيوز:
سپێده‌هيا ئه‌ڤرۆ رۆژا چارشه‌مبى 26ى ئيلۆنا 2018ێ فوئاد حسێن به‌ربژارێ پارتى ديموكراتى كوردستان بۆ پۆستێ سه‌رۆك كۆماريا عيراقێ و هادى عامرى، سه‌رۆكێ هه‌ڤپه‌يمانيا فه‌تح د ده‌ربارێ پۆستێ سه‌رۆك كۆمارێ عيراقێ و چه‌ند پرسێن دى دا كۆم بوون و بڕياره هه‌ر ئه‌ڤرۆ ل گه‌ل چه‌ند به‌رپرسێن دى يێن عيراقى ژى كۆم ببيت.
ئه‌ڤرۆ نيوز:
بڕیارە ئەڤرۆ کەرنەڤالا جەماوەری یا زاخۆ بۆ پشتەڤانیکرنا لیستا 183 یا پارتی دیموکراتی کوردستانێ بھێتە ئەنجامدان، بەرپرسێ لقێ ھەشتێ پارتی ژی دبێژیت: پێشبینی دکەین دەنگێن پارتی زۆر زێدە ببن بەراورد دگەل ھەلبژارتنێن بۆری.
عەلی تەتەر، بەرپرسێ لقێ ھەشتێ پارتی ل زاخۆ راگەھاند، بڕیارە ئەڤرۆ 26-9-2018 ل قەزا زاخۆ مەزنترین کەرنەڤالا جەماوەری بۆ پشتەڤانیکرنا لیستا 183 یا پارتی دیموکراتی کوردستان بھێتە ئەنجامدان و گۆت: “ل سەر ئاستێن بلند پارتی دێ پشکداریێ د کەرنەڤالا جەماوەری یا زاخۆ دا کەت و جەماوەرەکێ بەرچاڤ ل ھەموو تەخ و چینان دێ بەرھەڤی کەرنەڤالا زاخۆ بیت، دێ ئەڤرۆ زاخۆیی پەیاما خوە بۆ خەلکێ کوردستانێ دیارکەن، دێ چاوا پشتەڤانیا لیستا پارتی دیموکراتی کوردستان کەن کو خویایە د ھەلبژارتنێن بۆری دا زاخۆ بانکا پارتی بوویە بۆ دەنگان”.
ل دۆر پێشبینیا پارتی بۆ دەنگێن سنوورێ قەزا زاخۆ عەلی تەتەری گۆت: ”رۆژێن بۆری ھژمارەکا زۆرا ئەندام و لایەنگرێن ھەڤپەیمانی بۆ دیموکراسی و دادپەروەریێ ھاتینە ناڤا رێزێن پارتی کو پتری سێ ھزار کەسانن، ل گورەی پێشبینیا مە دێ دەنگێن پارتی ل دەڤەرا زاخۆ زۆر زێدەتربن ژ ھەلبژارتنێن بۆری، چونکو مە ب شێوەکێ باش خوە بەرھەڤکریە و بۆ خەلکێ کوردستانێ ژی ئاشکرابوویە ب تنێ پارتیە خزمەتا خەلکێ کوردستانێ دکەت و بەڕەڤانیێ ژی ژێ دکەت، لەوڕا ژی وەلاتی دێ دەنگێ خوە دەنە لیستا پارتی، داکو زێدەتر خزمەتا وان بھێتەکرن”.
ئه‌ڤرۆ نيوز:
رێڤەبەرێ کۆمپانیا بازرگانیا دەخل و دانی ل دھۆکێ بۆ ئەڤرۆ دیار کر، کوژمێ 43 ملیار و 192 ملیۆن دینارێن پارێ گەنمێ جۆتیاران یێ ئەڤ سالە گەنمێ خوە رادەستی ھەر سێ سایلۆیێن پارێزگەھێ کری گەھشتە پارێزگەھا دھۆکێ.
نازم محەمەد، رێڤەبەرێ کۆمپانیا بازرگانیا دەخل و دانی ل دھۆکێ خویا کر، پارێ جۆتیارێن پارێزگەھا دھۆکێ یێ سالا 2018ێ گەھشتە بەنکا داسنیا و گۆت: “ل ڤان رۆژان دێ دەست ب بەلاڤکرنا پارەی ل سەر سایلۆیا شێخان و فەیدیێ و زاخۆ ھێتە کرن و ھەموو جۆتیار دێ پارێ خوە وەرگرن، ھەر جۆتیارەک ژی دێ ب رێژا 100% پارێ خوە یێ گەنمی وەرگریت، ب تنێ دێ پارێ جۆتیاران یێ سالا 2014 و 2015 و 2016ێ مینیت”.
ئاشکرا ژی کر، 18 ملیار دینار پارێ جۆتیاران یێ سالا 2014 ل نک بەغدا مایە، 71 ملیار دینارێن پارێ جۆتیاران یێ سالا 2015 ل نک بەغدا مایە و سالا 2016 ژی 88 ملیار دینارێن پارێ جۆتیاران ل نک بەغدا مایە و گۆت: “بابەتێ وەرگرتنا پارێ گەنمێ سالێن بۆری بوویە سکالا ل دادگەھا فیدرالی ل بەغدا و ئەم چاڤەرێینە بڕیارا مەزاختنێ ل سەر بھێتە دان”.
ئه‌ڤرۆ نيوز:
بەرپرسەکێ وەبەرئینانێ دیار کر، بڕیارە ئەڤ سالە ھژمارەکا پڕۆژێن نوو یێن کەرتێ وەبەرئینانێ بکەڤنە د بیاڤێ ب جھئینانێ دا و دبێژیت: وەبەرئینەرێن بیانی دێ چەندین پڕۆژێن پیشەسازی بجە ئینن کو ھەرێما کوردستانێ پێدڤی ب ئەڤان پڕۆژان ھەیە.
سامان عارەب، رێڤەبەرێ گشتیێ وەبەرئینانێ ل پارێزگەھا ھەولێرێ بۆ رۆژناما ئەڤرۆ گۆت: “مخابن ژ ئەگەرێ قەیرانا دارایی و شەڕێ سێ سالێن بۆری یێن تیرۆرستێن داعش پتریا پڕۆژێن وەبەرئینانێ ھاتبوونە راگرتن و چو پڕۆژێن نوو ژی نەدھاتنە ب جھئینان، بەلێ ب خۆشحالیڤە ئەڤ سالە دەست ب تمامکرنا ھژمارەکا زۆرا پڕۆژان ھاتیە کرن و ھژمارەک مۆلەت ژی ھاتینە دان بۆ دەستپێکرنا پڕۆژێن نوو ل ھەرێما کوردستانێ”.
سامان عارەب دیار ژی کر، بڕیارە ھژمارەک پڕۆژەیێن کەرتێ پیشەسازی بھێنە بجە ئینان و بۆڤێ مەرەمێ چەندین کۆمپانیێن وەبەرئینانێ یێن بیانی دێ وەبەر ئینانێ د پڕۆژەیێن پیشەسازیێن ھەرێما کوردستانێ دا بکەن، بڤێ چەندێ ژی دێ ھەم کەرتێ وەبەر ئینانێ بەرەف پێشڤە گەشێ کەت و ھەمژێ دێ دەلیڤێن کاری بۆ وەلاتیان پەیداببن، بێگومان ئەنجامدانا ھەر پڕۆژەیەکی دێ چەندین مفا بۆ خەلکێ کوردستانێ ھەبن، بتایبەتی وەبەرھێنانا بیانی بھێتە کوردستانێ.
ئەڤرۆ نيوز:
جێمس ماتیس جێگرێ سەرۆکێ ئەمریکا دوھی د داخۆیانیەکێ دا راگەھاند کو پشتی ژناڤچوونا داعشێ ژی ھێزێن مە دێ ل سووریێ مینن و جارێ د بەرنامێ مە دا نینە کو ھێزێن خوە ژ سووریێ ڤەکێشین و گۆت: (ئاشکرایە کو قەیرانا سووریێ وەسا زوو چارە نابیت، پشتی داعشێ ژی گەلەک ئاریشێن دی ل سووریێ ھەنە کو دڤێت چارەسەر ببن و ژ بەر ھندێ ژی ھەتا ل سووریێ رەوش ب تەمامی ئارام بیت و حوکمەتەکا نوو و دیموکراتی دەست ب کارێن خوە بکەت ئەم دێ ل سووریێ مینین).
جێگرێ سەرۆکێ ئەمریکا ئەو یەک ژی دیار کر کو مانا ھێزێن مە د بەرژەوەندیا ھەموو پێکھاتێن ل سووریێ دایە و پشتی ژناڤچوونا داعشێ ژی ژ بۆ ئاشتی و ئارامیێ دڤێت ھێزێن مە ل سووریێ بمینن.
ئەو یەک د دەمەکێ دایە کو بەری نھا سەرۆکێ ئەمریکا دیار کربوو ئەو دێ ھێزێن خوە ژ سووریێ ڤەکێشن، لێ پشتی رێککەفتنا تورکیا و روسیا ل دۆر ئدلبێ ئەمریکا بریار دا کو ھێزێن خوە ل سووریێ بھێلیت و چەندین دەزگەھێن راگەھاندنێ ژی دیار کرن کو پشتی رێککەفتنا روسیا و تورکیا ل دۆر ئدلبێ ئەمریکا ھاریکاریێن خوە یێن سەربازی بۆ ھێزێن سووریا دیموکراتیک زێدەتر لێ کرینە.
ئەڤرۆ نيوز:
رۆژنامەڤان رەمەزان دەمیر ژ ئەنقەرە بۆ رۆژناما ئەڤرۆ راگەھاند کو ھەلویستێ ھژمارەکا کۆمێن چەکدار ل ئدلبێ سەرکەڤتنا پەیمانا د ناڤبەرا روسیا و تورکیا دا دئێخیتە مەترسیێ و بۆ ڤێ چەندێ ل تورکیا لیژنەکا تایبەت ھاتیە دروست کرن دا کو ل گەل کۆمێن چەکدار جارەکا دی ھەڤدیتنان بکەن و گۆت: (ل دووڤ زانیاریێن ژ ئدلبێ گەھشتینە مە کۆما چەکدار یا ب ناڤێ تەحریر و موحافزێن دین رەت کریە کو ھێزێن خوە ڤەکێشن و ژ کادر، چەکدار و ئالیگرێن خوە خواستیە کو بەرەیێن شەری دژوارتر بکەن و ئەل نوسرا و کۆمێن چەکدارێن کو ژ ھەرێما غوتا یا رۆژھەلات ھاتینە ژی قەبوول ناکەن کو ڤەکێشن و وەسا باوەر دکەن کو تورکیا ئێدی بوویە ھەڤکار و ئالیگرێ سەرەکی یێ روسیا بۆ ژناڤبرنا گرۆپێن جیھادی).
رەمەزانی راگەھاند ژی کو ئەو وەسا دبینیت تورکیا نەشێت ببیتە رێگر ل ھەمبەر ئۆپەراسیۆنەکا دژوار یا روسیا و سووریێ ل ئدلبێ و گۆت: (نھا ٩٠% ئاخا سووریێ ژ تیرۆرستان ھاتیە پاقژ کرن و ب تنێ ئدلب، عەفرین، جەرابلوس، عەزاز و باب نھا د بن کۆنترۆلا کۆمێن چەکدار و تیرۆرست و سەربازێن تورکیا دانە و نھا ل بەر چاڤێن جیھانێ تورکیا وەکو پەیڤدارێ کۆمێن تیرۆرست بزاڤێ دکەت، روسیا ژی باندۆرا تورکیا ل سەر ڤان کۆمێن تیرۆرست بکار دئینیت و دخوازیت دربا داویێ ب رێیا تورکیا ل کۆمێن چەکدار و تیرۆرست بدەت).
نيشاندان