ئه‌ڤرۆنيوز:
ب به‌رهه‌ڤبوونا سه‌رۆك وه‌زيرێن هه‌رێما كوردستانێ نێچيرڤان بارزانى، ئه‌ڤرۆ سێشه‌مبى 25/9/2018 ب فه‌رمى تۆنێلا گه‌ليێ زاخۆ هاته ڤه‌كرن.
د رێ وره‌سمه‌كى دا ب به‌رهه‌ڤبوونا نێچيرڤان بارزانى سه‌رۆك وه‌زيرێن هه‌رێما كوردستانێ وهژماره‌كا به‌رپرسێن حوكمه‌تا هه‌رێمێ وكونسۆلێ توركيا ل هه‌ولێرێ، ب فه‌رمى تۆنێلا گه‌ليێ زاخۆ هاته ڤه‌كرن.
درێژيا تۆنێلا گه‌ليێ زاخۆ 3600 مه‌ترن وژلايێ كۆمپانيه‌كا توركى ڤه هاتيه دروستكرن، حوكمه‌تا هه‌رێما كوردستانێ 170 مليار دينار ل دروستكرنا وێ تمه‌زاختينه.
ئەڤرۆ نیوز ، زنار تۆڤی:
بەرپرسەکێ كۆمسیۆنا بلند یا سەربەخۆیا هەلبژارتن و راپرسیێ دیارکر: لدووڤ قانوونێ كۆمسیۆنێ، دڤێت د ماوێ 72 دەمژمێراندا ئەنجامێن بەراهیێ یێن هەلبژارتنان رابگەهینن.
سەیاح كورەچی، ئەندامێ جڤاتا كۆمسیاران ل كۆمسیۆنا بلند یا سەربەخۆیا هەلبژارتن و راپرسیێ گۆتیه: لدووڤ قانوونا كۆمسیۆنێ، پشتی تەمامبوونا هەلبژارتنێن پەرلەمانێ كوردستانێ دڤێت د ماوێ 72 دەمژمێراندا ئەنجامێن بەراهیێ رابگەهینن، پشتی هنگێ لایەنێن سیاسی دشێن د ماوێ سێ رۆژاندا تانەیان ل ئەنجامان بدەن.
ئەو ژی گۆت: پاشی دادگەها پێداچوونێ د ماوێ حەفت رۆژاندا دێ ئەنجامێن تانەیان ئێكلا کەت و كۆمسیۆن ژی دێ ئەنجامێن دووماهیێ یێن هەلبژارتنان راگەهینیت.
ئەڤرۆ نیۆز، قائید میرۆ
سەرۆكێ پەیمانگەها كوردستان دیار كر، ئێكەتی دخوازیت ئاستەنگان ژبۆی هەلبژارتنێن پەرلەمانێ كوردستانێ چێكەت هەمبەر لێوەرگرتنا پۆستێ سەرۆك كۆمارێ عێراقێ، دێ كاریگەری لسەر حوكمەتا داهاتیا هەرێمێ ژی هەبیت.
نسرەت سۆفی، سەرۆكێ پەیمانگەها كوردستان بۆ پرسێن سیاسی بۆ ئەڤرۆ نیۆز ئاشكراكر” پێشبینی دهێتەكرن پشتی هەلبژارتنێن پەرلەمانێ كوردستانێ پێك ئینانا حوكمەتا نوویا هەرێما كوردستانێ گیروببیت، ژبەركو ئێكەتی دخوازیت ئاستەنگان بۆ هەرێما كوردستانێ چێكەت ژبەر پۆستێ سەرۆك كۆماری، لەوڕا دێ كاریگەری لسەر پڕۆسا پێك ئینانا كابینا حوكمەتێ هەبیت.
نسرەت سۆفی گۆتژی” هەتا زانیاری هەنە ئێكەتی ئاستەنگا بۆ پڕۆسا هەلبژارتنێن پەرلەمانێ كوردستانێ ژی چێكەت و هه‌كه رۆژا 25/9 سەرۆك كۆمار هاتبا هەلبژارتن، پێشبینی دهاتەكرن هەلبژارتنێن پەرلەمانێ كوردستانێ یان رێڤەنەچن یان ژی توشی ئاریشەیێن مەزن ببیت، ئێكەتی نیشتیمانی ژبەر بدەستڤەئینانا پۆستێ سەرۆك كۆماری دخوازیت هەلبژارتنێن هەرێما كوردستانێ رێڤەنەچن”.
ئه‌ڤرۆنيوز:
زۆربه‌یا زارۆیان ده‌مێ هاتنا ددانا تووشى زك چوونێ دبن، ئه‌ڤه ژى بۆ هاتنا ددانا ناڤه‌گه‌ریت، به‌لكو گه‌له‌ك ئه‌گه‌ر هه‌نه ژوانا ژى ئه‌گه‌رێ ڤێ چه‌ندێ گه‌شه‌كرنا به‌كتریا لسه‌ر پدیێن زارۆى ل ده‌مێ قوناغێن هاتنا ددانێت شیری.
بێستون غه‌ریب، نوشدارێ تایبه‌تمه‌ندێ نشته‌رگه‌رى و جوانكاریا ددانان بۆ نوش نيوزگوت: گه‌له‌ك ئه‌گه‌ر هه‌نه ل ده‌مێ هاتنا ددانێت شیرى زك چوون بۆ زارۆ چێ دبیت ژوانا ده‌مێ شیر خوارنێ یان پێدانا خوارنێ هنده‌ك پاشماوه‌یێن خوارنێ ل ده‌ڤێ زارۆى دا دمینن، كو دبیته ئه‌گه‌رێ گه‌شه‌كرنا به‌كتریا دناڤ ده‌ڤێ زارۆى دا، گوت ژى: باشتره ل ده‌مێ شیردانێ یان هه‌ر خوارنه‌كێ ئێكسه‌ر هنده‌ك ئاڤێ بده‌ته زارۆى خوه داكو چ خوارن نه‌مینیت ده‌ڤى زاروى دا.
دیاركرژى: ئه‌گه‌ره‌كێ دى پیسبوونا ده‌ستێت زارۆى ژبه‌ركو زارۆ ل وى ژیى به‌رده‌وام حه‌ز دكه‌ت ده‌ستێت خوه بكه‌ته دناڤ ده‌ڤێ خوه دا.
ئه‌و ژى ئاشكرا كر: گه‌له‌ك جاران ئه‌گه‌ره‌كێ دى هه‌یه كو ده‌یكا زارۆى گه‌له‌ك هزرێ بۆ وێ چه‌ندێ ناكه‌ت ئه‌و ژى كه‌ل و په‌لێن یاریێن زارۆى گه‌له‌كا پێدڤیه گرنگى ب پاقژكرنا وان كه‌ل و په‌لا بده‌ن یان ئه‌و جه یێ پاقژ بیت یێ یاریێ لێ دكه‌ت،ژبه‌ركو ل ده‌مێ یاریكرنێ زارۆ هه‌وڵ دده‌ت ئه‌وان كه‌ل و په‌لێن یاریا بكه‌ته ده‌ڤێ خوه دا دبیته ئه‌گه‌رێ ڤه‌گوهاستنا به‌كتریا دناڤ له‌شێ زارۆى دا.
نوشدارێ تایبه‌تمه‌دێ ددانا گوت ژى: گه‌له‌ك جاران ده‌یكا زارۆى ژبۆ پشت راست بوون ژ هاتنا ددانێت زارۆى ده‌ستێ خوه دكه‌ته ده‌ڤێ زارۆى دا ل پدیێن زارۆى دده‌ت، ئه‌ڤه ژى كریاره‌كا دروست نینه دهێته كرن چێ دبیت ده‌ستێ وێ ده‌یكێ پاقژ نه‌بن و دبیته ئه‌گه‌رێ زكچوونا زارۆى نه‌خوش دكه‌ڤیت.
ئه‌ڤرۆنيوز:
کەلەمیا سوور ھەروەک کەلەمیا کەسکە د شێوێ بازنەی و ھەبوونا بەلگان دا بتنێ جیاوازی د رەنگی دا یە. لێ دووجار ھندی کەلەمیا کەسک ژ ڤیتامین سی پێک دێت و دیسان یا دەولەمەندە ب ریشال و ڤیتامینێن ديتر.
خوارنا پتر یا کەلەمیا سوور دشێت مەترسیا تووشبونا ب نەخوشیا زەھایمەرێ کێم بکەت، ژبەر ھەبوونا دژەئوکسیدا تێدا شیانێن رێگری کرن و چارەسەرکرنا ڤێ نەخوشیێ ھەنە. د نووترین ڤەکۆلین دا کو ھاتبوو ئەنجامدان ژ لایێ تیمەکێ ل زانکو یا ئوسمانیا ل ھندێ، پشتی کو وێ تیمێ کەلەمیا سوور ئینای و ھشک کری و ل دویڤ دا د گەل گەلەک توێنەران دا وەک: ھیکسان، سرکێ ئەسیل، میتانول، دیکلورومیسان و ئاڤێ پوختە کری. ل دوماھیێ دەرەئەنجام دیاربوون کو ھەبوونا دژەئوکسیدێن چالاک د کەلەمیا سوور دا ب گشتی ھاریکارە بۆ رێگری کرن ل تووشبونا ب نەخۆشیا ئەلزەھایمەرێ.
ئەگەرێن زێدەتر یێن خوارنا کەلەمیا سوور:
ئه‌ڤرۆنيوز:
نێچيرڤان بارزانى، جێگرێ سه‌رۆكێ پارتى ديموكراتى كوردستان ئه‌ڤرۆ سێشه‌مبى 25/9/2018 دچارچۆڤێ پشكداريا وى دئاهه‌نگا سه‌رخستنا ليستا 183 يا پارتى ل دهۆكێ، راگه‌هاند،ب پشته‌ڤانيا جه‌ماوه‌رێ پارتى ل هه‌لبژارتنێن په‌رله‌مانێ كوردستانێ دێ سه‌ركه‌فتنه‌كا مه‌زن بده‌ستڤه‌ئينين، پارتى حزبا پێشره‌وه ول هه‌لبژارتنان ژى دێ ب حزبا پێشره‌و مينيت.
نێچيرڤان بارزانى گۆت ژى” ئێك ده‌نگ بۆ پارتى يێ گرنگه، سه‌ركه‌فتن وى ده‌مى بۆمه‌يه كو زۆرترين كورسيێن په‌رله‌مانى بده‌ستڤه‌بينين”.
دياركر ژى” بريارا ريفراندۆمێ برياره‌كا ئاشتيانه بوو، پشتى ريفراندۆمێ نه‌حه‌زێن گه‌لێ كوردستانێ بزاڤا نه‌هێلانا كوردستانێ وپارتى دا، جه‌ماوه‌رێ پارتى ب ده‌نگێن خوه خه‌ونا نه‌حه‌زان ژناڤبر”.
ئاماژه دا” ده‌ستكه‌فتێن ئه‌ڤرۆ به‌رهه‌مێ خوينا شه‌هيدان وقه‌هره‌مانيا هێزا پێشمه‌رگه‌يه”.
خوياكر ژى” پارتى شانازيێ ب جه‌ماوه‌رێ خوه دكه‌ت، ب پشته‌ڤانيا جه‌ماوه‌رێ مه ليستا 183 يا پارتى دێ سه‌ركه‌فتنا مه‌زن بده‌ستڤه‌ئينيت، پێدڤيه جاره‌كا دى بۆ نه‌يارێن خوه بسه‌لمينين كو پارتى حزبا ئێكێ يه”.
ديسا گۆت” مه قۆناغێن ب زه‌حمه‌ت بۆراندن ونوكه قۆناغا ئاڤه‌دانكرنا كوردستانێ مه ده‌ستپێكر، ب سه‌ركه‌فتنا پارتى ره‌وشا ژيانا وه‌لاتيێن كوردستانێ دێ باشتر بيت”.
ئه‌ڤرۆ نيوز:
ئه‌ندامه‌كێ جڤاتا نوونه‌ران ل سه‌ر فراكسيۆنا پارتى ديموكراتى كوردستان راگه‌هاند كو به‌ربژارێ پارتى ب به‌ختتره بۆ وه‌رگرتنا پۆستێ سه‌رۆكاتيا كۆمارا عيراقێ.
به‌يار تاهر دۆسكى د داخۆيانيه‌كێ دا بۆ ئه‌ڤرۆ نيوز گۆت: “مه پشته‌ڤانيه‌كا په‌رله‌مانى ژ ليستێن جودا يا بۆ فوئاد حسێن دابين كرن، هه‌موو ژى دزانن قووناغا بهێت پێدڤى ب به‌ربژاره‌كێ ب هێز و پاقژ هه‌يه و بشێت ئه‌ركێن خوه يێن دستوورى بجهـ بگه‌هينيت”.
گۆتژى: “دانوستاندن يا به‌رده‌وامه ژ بۆ وێ چه‌ندێ كو لايه‌نێن سياسى ب به‌ربژاره‌كى بچنه هه‌لبژارتنا سه‌رۆك كۆماريا عيراقێ ب پشته‌ڤانيا لايه‌نێن كوردستانى و لايه‌نێن دى يێن عيراقى”.
ئه‌ڤى ئه‌ندامێ جڤاتا نوونه‌ران ل سه‌ر فراكسيۆنا پارتى ديموكراتى كوردستان ئاشكه‌را ژى كر كو هه‌لبژارتنا سه‌رۆك كۆماريا عيراقێ دێ به‌رى ب دووماهى هاتنا ژڤانێ وێ يێ قانوونى بيت كو دبيته 3ى چريا ئێكێ”.
ئەڤرۆ نيوز:
بەربژارێ پارتی دیمورکاتی کوردستان، چیا حەمید شەریف یێ ھژمارە (37) تایبەت بۆ رۆژناما ئەڤرۆ گۆت: پشتی بۆ دەمێ 15 سالان وەک کادرێ پارتی دیموکراتی کوردستان ل لقێ ھەشتێ زاخو وەک بەرپرسێ ھەلبژارتنان، ب باوەریا من وەکی گەنجەک دێ پتر شێم بشێوەکێ گشتی خزمەتا مللەتێ خوە کەم، نەک بتنێ د خزمەتا باژێرێ زاخو دا بم، خزمەتکارێ گەنج و لاوان بکەم، و ببمە پرەک بۆ گەھاندنا پەیاما وانا دناڤا دەستھەلاتێ دا.
چیا حەمید ھەروەسا ئاشکراکر، پارتی دیموکراتی کوردستان تاکە حزبە دشێت بەرەڤانیێ ژ نەتەوە و کوردبوونا مە بکەت، لەورا ب دیتنا من پارتی حزبا ئێکێ ب دسلۆزێ و ئەمەکداری بۆ جەماوەرێ خوە بشێت خزمەتان پەیدا بکەت، پارتی تاکە حزبە ھیڤی و ئومێدێن و ئارەزوویان من و ھەوە بجە بینیت.
بەربژارێ ھژمارە (37) گۆت: وەک بەربژارەکێ پارتی من ژی حەز و ڤیانێن تایبەت ھەنە، ل گۆڕ شیان و پڕوگرامێ من ھەی ئێک ژوان دێ کار بۆ ئیدارەکا سەربخوەیا باژێرێ زاخو ل پەرلەامێ کوردستانێ کەم، پارێزگەھەبوونا زاخو خەونا منە، دێ ب ھەموو شیانێن خوە ل سەر ڤێ بادەکێ کار کەم.
چیا حەمید شەریف خوەیاکر، پرۆژێ فرۆکخانا پارێزگەھا دھوکێ ئەوێ ھاتیە راگرتن، بەردەوامی پێدانا وی پرۆژەی دێ ئێک ژکارێن من بیت، ژ بەر کو ھەر پارێزگەھەکا کوردستانێ فرۆخکخانا خوەیا تایبەت ھەیە، بتنێ پارێزگەھا دھوکێ نەبیت، ب جھیئنانا وی پرۆژە ژ ئالیێ ئابووری دی گرنگیەکا تایبەت بۆ دەڤەرێ ھەبیت، لەورا دێ بەردەوزام بزاڤان بۆ بجھئینانا وی پرۆژەی کەم بھێتە بجھئینان، دیسان یا ژ ھەموویێ گرنگتر ئەوە گرنگیەکا تایبەت ب کەرتێ گەشت و گۆزاری ل دەڤەرێ بھێتە دان.
ل دووماھیێ ناڤبری دیارکر، رەوشا کوردستانێ بۆ ھەلبژارتنان گەلەک یا گونجایە، باوەری دا وێ چەندێ پارتی ل قەزا زاخۆ دێ باشترین رێژا دەنگان ب دەست ڤە ئینیت و دێ کورسیێن خوە زێدەکەت، سەرکەفتنا من گرگ نینە، بەلکی سەرکەفتنا لیستا (183) مەزنترین و گرنگترین سەرکەفتنە بۆ مە ھەموویان.
ئه‌ڤرۆ نيوز:
بەربژارا کوردێن ئێزدی بۆ پەرلەمانێ کوردستانێ بۆ رۆژناما ئەڤرۆ دیارکر، گەلەک قانوون نوکە کار پێ دھێتە کرن مافێن ئێزدیان بن پێ دکەن، وەکو یاسا کاروبارێن کەسایەتی کو تێدا غەدرەکا مەزن ھەیە دێ کارکەن بۆ خوشکرنا ژیارا تاجا سەرێ مە پێشمەرگەی و خێزانێن شەھێدین سەربەرز، بۆ گرەنتیکرنا مافێن ئێزدیان ل پەرلەمانێ دێ کارکەم.
ھدیە مراد حیدر علو تاکە بەربژارا کوردێن ئێزدی یا ژمارا ( 85) ل سەر لیستا پارتی دیموکراتی کوردستان لیستا(183)ێ بۆ پەرلەمانێ کوردستانێ دیارکر، پەیاما من بۆ دەنگدەران ئەوە پێکڤە بۆ گرەنتیکرنا مافێن ئێزدیا و ژیانەکە بەختەوەر وئایندەکێ گەش ویەکسانی وپێکڤە ژیان ودادپەروەری وسەروەریا قانوونێ ل خولا ئێکێ یا پەرلەمانێ کوردستانێ ئێزدی بەردەوام ھەبوونا وان ھەبوو وەکو دیرۆک جھێ شانازیێە لێ وەکو دەستڤەئینانا مافان تا نوکە مە گەلەک کێماسیێن ھەین، وەکو کاری پەرلەمانتاری کارێ سەرەکی دارشتن ودەرئێخستنا قانوونان گەلەک قانوون نوکە کار پێ دھێتە کرن مافێن ئێزدیا بن پێ دکەن وەکو یاسا کاروبارێن کەسایەتی کو تێدا غەدرەکا مەزن ھەیە ھەر بو نموونە ژبەر ھندێ دێ ل سەر وان یاسایا کارکەم.
ھەروەسا گۆت: کار دوویێ یێ من دێ ب رێکا چاڤدێریێ بزاڤان کەم، ڤان کاران ئەنجام بدەن ئەوژی ل بەراھیێ مافێن سیاسی بشداریا ئێزدیان ل دام ودەزگەھێن حکومی گەلەک لاوازن تا نوکە مە ئێک رێڤەبەرێ گشتیی یێ ھەی ئەوژی رێڤەبەرێ گشتیی یێ کاروبارێن ئێزدیانە، وەکو دی ئێزدیان ھیچ پشکداریەکا پراکتیکی ب مخابنیڤە دناڤا دامودەزگەھێن حکومی دا نینە، ھەروەسا ژی مافێن ئیداری ناوچەیێن ل سنۆری پارێزگەھا دھۆکێ ھەتا نوکە ئێک ناحیا نینە، ئەڤە چەند سالن بڕیار ھاتیە دان کۆمەلگەھا خانکی ببیتە ناحیە لێ بجە نەھاتیە، ھەروەسا ژی ژی دەرباری خزمەت گوزاریا ژی ناوچەیێن ئێزدیا گەلەک بێ سەروبەرن ل سنۆری دھۆکێ ومافێن ئابووری ژی ھەتا نوکە ناوچەیێن ئێزدیان نەکەڤتینە دناڤ پلانێن ئەستراتیچی دا بۆ گەشەپیدانا ئابۆری وھەردەم بی بەھر بووینە.
بەربژارا ژمارا (85) بۆ پەرلەمانێ کوردستانێ گۆت: دێ بۆ خوشکرنا ژیانا تاجا سەرێ مە پێشمەرگەی سنبولا سەرفرازیێ وخێزانیێن شەھێدێن سەربەرز کارکەم، بۆ بادەکا جینوسایدا یا خەلکێ مە ل شنگالێ دێ ل پەرلەمانێ کوردستانێ بادەکا ھەرا گرنگ بیت، ھەروەسا ژی دابینکرنا کوتا ئێزدیان ژی دێ ئیک بیت ژ کارێن من یێن سەرەکێ ل پەرلەمانێ داھاتی کوردستانێ.
ئه‌ڤرۆ نيوز:
د روونشتنا ئه‌ڤرۆ يا جڤاتا نوونه‌رێن عيراقێ دا، محه‌مه‌د حه‌لبۆسى، سه‌رۆكێ جڤاتا نوونه‌رێن عيراقێ رۆژا 2ى چريا ئێكێ وه‌كو دووماهى ژڤان بۆ سه‌رۆك كۆمارێ عيراقێ هاته دياركرن.
به‌يار تاهر دۆسكى، ئه‌ندامێ فراكسيۆنا پارتى ل جڤاتا نوونه‌رێن عيراقێ بۆ ئه‌ڤرۆ نيوز گۆت: “سه‌رۆكێ جڤاتا نوونه‌ران ئه‌ڤرۆ 2ى چريا ئێكێ وه‌كو ژڤان هه‌لبژارتنا سه‌رۆك كۆمارێ عيراقێ دياركر”.
به‌رى نيڤرۆيا ئه‌ڤرۆ 25ى ئيلۆنا 2018ێ ب ئاماده‌بوونا وه‌زيرێ ساخله‌ميێ و وه‌زيرێ ئاڤه‌دانكرن و وه‌زيرێ ژێده‌رێن ئاڤێ ل عيراقێ روونشتنا جڤاتا نوونه‌رێن عيراقێ ده‌سپێكر.
ب گۆره‌يى كارنامێ روونشتنا جڤاتا نوونه‌ران بۆ پرسيا ره‌وشا پارێزگه‌ها به‌سرا و راپۆرتا ئه‌ندامێن جڤاتێ يێن سه‌ره‌دانا وى باژێرى كرى بوو ل گه‌ل دانوستاندن ل سه‌ر لژنێن هه‌رده‌مى يێن جڤاتا نوونه‌رێن عيراقێ.
نيشاندان