ئه‌ڤرۆ نیوز:
لگۆری دوماهی ئامارێن توشبوویێن ڤایرۆسێ كورونایێ ل سه‌ر ئاستێ جیهانێ گه‌هشته 15 ملیۆن و 380 هزار و 140 كه‌سان.
ژ 15 ملیۆن و 380 هزار و 140 كه‌سان شه‌ش سه‌د و 30 هزار و 343 كه‌سان ژی گیانێ خوه ژ ده‌ست دایه.
ل سه‌ر ئاستێ جیهانێ، ئه‌مریكا زۆرترین رێژه‌یا توشبوویێن ڤایرۆسێ كورونایێ تێدا هاتیه توماركرن، كۆ گه‌هشتیه چار ملیۆن و 100 هزار و 875 كه‌سان ژ ئه‌ڤێ ژماره‌یێ ژی 146 هزار و 183 كه‌سان ژی گیانێ خوه ژ ده‌ست دایه.
ڤایرۆسێ كورونایێ نه‌خوشیه‌كا كۆژه‌كه ل هه‌یڤا 12 یا سالا بوری ل باژێرێ ئوهان یێ چینێ سه‌رهلدایه و نوكه ل ته‌ڤایا جیهانی به‌لاڤ بوویه.
ئەڤرۆ نیوز:
ڤەکولین هشیاریێ ددەن دەربارەی مەترسیا گەلەک ب كارئینانا مۆبایلێ ژ ئالیێ زارۆیان ڤە، ب تایبەتی ئەو زارۆیێن هێشتا ژیێ وان نەبوویە دو سال، ڤەکولین ئاشكرا دكەن کو زارۆک توشی كێشا ساخلەمیا مەژی دبن، هەروەسا ب كارئینانا مۆبایلێ بۆ ماوێ دەمژمێرەکێ بەسە بۆ هندێ، کو ئەو زارۆک توشی دودلیێ و دل تەنگیێ ببیت.
هەروەسا گۆتیە، ب كارئینانا مۆبایل و شاشێن زیرەك و تابلێتا، وە ل زارۆیان دکەن کو نەشێن ئەركێن قوتابخانێ ب باشی جێبەجێ بکەن و ژ روویێ سۆزداریێ ڤە هەست ب نەجهگیریێ دكەن و هەستێ توندرەویێ دێ ل دەف وان زۆر بیت، دەمێ مەزن دبن، دیسان سنێلە ژی دێ روو ب روو مەترسیا زێدەتر بن، دەمێ گەلەک مۆبایلێ ب كار دئینن.
ڤەکولەر دبێژن: مۆیابلێ زێدەتر كاریگەری ل سەر زارۆیێن ل ژێر تەمەنێ 10 سالیێ دا هەیە.
ڤەکولەرێن زانكۆیا سان دیێگۆ و زانكۆیا جۆرجیا شرۆڤەکرن بۆ داتایا 40 هزار زارۆیێن ئەمریكی كریە، کو ژئالیێ دایك و بابێن وان زارۆیان ڤە هاتیە پێشكێش كرن، کو ژیێ وان دناڤبەرا دو سال بۆ 17 سالیێ دابوو، بۆ هندێ داکو مەترسیێن ب كارئینانا مۆبایلێ ل سەر زارۆیان بهێتە زانین.
وێ ڤەکولینێ دیار کریە، ئەو سنێلێن زێدەتر ژ 7 دەمژمێران د رۆژەکێدا مۆبایلێ ب كار دئینن، زێدەتر توشی دو دلیێ و دلتەنگیێ دبن، ب بەراورد ل گەل وان كەسێن دەمژمێرەکێ ب كار دئینن.
پەیمانگەها نیشتمانی یا ئەمریكی بۆ ساخلەمیێ ئاشكرا کریە، ئەو زارۆک و سنێلێن كو پێنج دەمژمێران بۆ 7 دەمژمێران ب تەماشەکرنا شاشێ ل دەمێ بەتالیێ دبورینن، دێ توشی كێشا ساخلەمیا عەقلی و مێشكی بن.
ئەڤرۆ نیوز:
درەنگ نڤستن و کێم خەوی چەندین زیانان دگەهیننە ساخلەمیا مرۆڤی، ئەڤ چەندە باندۆرەکا دۆمدرێژ ل سەر لەشێ مرۆڤی دروست دکەت.
مالپەرێ ویب تۆب بەحسێ باندۆرێن خراب و نەرێنی یێن درەنگ نڤستنێ د شەڤێ دا کریە:
. باندۆرێ ل سەر ساخلەمیا دلی دکەت و ئەگەرێ توشبوونێ ب نەخۆشیێن دل و جەلتا مەژی زێدەتر لێ دکەت.
. مەترسیا توشبوون ب پەنجەشێرێ زێدەتر لێ دکەت.
. حەزا سێکسی ل دەف زەلامان کێم دکەت.
. ئەگەرێ توشبوون ب قەلەویێ زێدەتر لێ دکەت.
. تەرکیزێ کێم دکەت و شیانێن فێربوونێ لاواز دکەت.
. ئەگەرێ توشبوون ب خەمۆکیێ زێدەتر لێ دکەت.
. باندۆریا نەرێنی ل سەر پیستی دکەت و کۆلاجین و پرۆتینێ پیستی کێم دکەت.
ئەڤرۆ نیوز:
رێڤەبەریا گشتی یا ساخلەمیا پارێزگەها دهۆکێ راگەهاند: 8 تووشبوویێن دی یێن ڤایرۆسێ کۆرۆنایێ ل دهۆکێ کو د نەخوەشخانێدا بوون، پشتی هەمی پشکنین بۆ ئەوان هاتینەکرن، دیاربوو کو ب تەمامی چارەسەربووینە و ب سلامەتی ژ نەخوەشخانەیێ دەرکەفتن و چوونە د ناڤ کەسوکارێن خوەدا.
هەروەسا گۆت: ب ئه‌ڤێ چەندێ هژمارەیا چارەسەربوویان گەهشتنە 293 کەسان و ب تنێ 64 نەخوەش د نەخوەشخانەیێدا ماینە.
ئەڤرۆ نیوز، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونێ ل پارێزگەها دهۆکێ، بۆ ئەڤرۆ نیوز دیار کر: د دو روودانێن ترافیکێ دا دو کەس بریندار بوون.
ناڤهاتی زێدەتر ئاشکرا کر: ل رۆژا چارشەمبی 2020/7/22 ل ناڤا سەنتەرێ قەزا زاخۆ دو روودانێن جۆدا یێن وەرگەریانێ روودان و د وان روودانان دا دو کەس بریندار بوون.
ئەڤرۆ نیوز:
جێگرێ پارێزگارێ دهۆکێ راگەهاند: ل رۆژێن جەژنا قوربانێ قەدەغەیا هاتنوچوونێ ناهێتە ڕاگەهاندن، لێ وان نەڤێت وەکو رێورەسمێن سالێن بوری یێن جەژنێ برێڤەبچن.
ماجد سەید سالح جێگرێ پارێزگارێ دهۆکێ د کۆنفرانسەکێ رۆژنامەڤانی دا راگەهاند: ل رۆژێن جەژنا قوربانێ قەدەغەیا هاتنوچوونێ ل سنورێ پارێزگەها دهۆکێ ناهێتە راگەهاندن.
هەروەسا گۆت ژی: هاتنوچوونا د ناڤبەرا پارێزگەها دهۆکێ و هەولێرێ دا دێ ب ئۆنلاین بیت، کو مە سێ جۆرێن فۆرما دێ هەبن، ئەو ژی (گشتی، نەخۆش و فەرمانبەران)، دێ سیمپلێن هەرەمەکی بۆ وان کەسان هێتە وەرگرتن ئەوێن دهێنە ناڤ پارێزگەها دهۆکێ.
دەربارەی گەشتکرنێ بۆ تورکیا گوت ژی: ئەو کەسێن کو کارێن گەلەک فەر و پێدڤی هەی دشێن گەشتێ بۆ تورکیا بکەن، دێ ب رێکارێن تایبەت بیت ب رێیا گومرکا ئیبراهیم خەلیل، هەروەسا ئەوێن ل تورکیا دهێنە دهۆکێ دێ رێکارێن ساخلەمیێ و پشکنین ل سەر حسابا وان دێ بۆ هێتە کرن.
هەروەسا دەربارەی نڤێژا جەژنێ دیار کر: هەتا نوکە ئێکلا نەبوویە، کا دێ هێتەکرن یان نە، لێ وەسا دیارە ناهێتە کرن.
ئەڤرۆ نیوز:
ژ ئەگەرێ بەلاڤبوونا ڤایرۆسا كۆرۆنایێ بۆ دەمێ زێدەتر ژ چار هەیڤان گەشتێن ئەسمانی ل هەردو فرۆكخانێن نێڤدەولەتی یێن هەولێر و سلێمانیێ هاتینە راوەستاندن، دیسان ب سەدان كۆمپانیا و نڤێسینگەهێن فرۆكەڤانی و گەشتیاری ماینە بێكار، رۆژانە پتر ژ 645 هزار دۆلاران زیان گەهشتیە ئابوورێ هەرێما كوردستانێ.
ب بریارا دەستهەلاتا فرۆکەڤانیا مەدەنی یا عیراقی ل 17 ئادارا ئەڤ سالە گەشتێن ئەسمانی ل سەرجەم فڕۆکخانێن عیراق و هەرێما کوردستانێ هاتنە راگرتن، ب تنێ رێک ب گەشتێن فرۆکێن كارگۆ، سەربازی، دبلۆماسی، گەشتێن نەچاری یێن هاتنا گەشتیاران ژ دەرەڤەی وەلاتی هاتینە دان، بزاڤا گەشتیاری ل چار هەیڤێن بوری ل فرۆکخانێن کوردستانێ هەمبەری ب سالا بوری ب رێژا 98.7% كێمكریە.
زۆرترین گەشتێن ئەسمانی یێن هەرێما كوردستانێ ب رێیا فڕۆکخانا نێڤدەولەتی یا هەولێرێ بوویە، کو دگەهیتە 75٪ یا گەشتیان.
ئەڤرۆ نیوز:
وەزارەتا ساخلەمیا هەرێما کوردستانێ راگەهاند: د 24 دەمژمێرێن بوری دا دو هزار و 295 پشکنینێن کۆرۆنایێ هاتینە کرن، ئەنجامێن پشکنینێن 210 کەسان د پۆزەتیڤ بووینە، کو 11 ژ وان ل پاێزگەها دهۆنە و یێن دیتر ژی ل پارێزگەهێن دی یێن هەرێمێ؛نە.
هەروەسا 143 تووشبوویێن دیتر چێبووینە و 12 تووشبوویان ژی وەغەر کریە.
ئەڤرۆ نیوز، زنار تۆڤی:
هەر چەندە ئاڤ ژێدەرێ ژیانێ یە بۆ هەموو خودان رحان، مرۆڤ نەشێت بێی ئاڤ بژیت، لێ زەلامەکێ خەلکێ قەزا كويسنجەق ل پارێزگەها هەولێرێ، ئەڤە 30 سالە ئەڤ ڤەنەخواریە.
رەسول ئیبراهيم، ئاکنجیەکێ قەزا کویسنجەقە ل پارێزگەها هەولێرێ، نوکە د ژیێ 68 سالیێ دایە، چو جاران هەست ب تێهناتیێ ناکەت و هەر چەندە کار دکەت ژی، لێ ئاڤێ ڤەناخۆت، ئیبراهیم دیار دکەت ژی، هەر دەمێ تێهنی دبیت، کۆپەکێ چایێ ڤەدخۆت.
هەروەسا دبێژیت: ئەو چ جاران ئاڤێ ڤەناخۆت، دیسان ئەو شەربەتێ و ڤەخوارنێن غازی ژی ڤەناخۆت، ئەو وەسا هزر دکەت کو لەشێ وی پێدڤی ب ئاڤێ نینە، لەوما ئاڤێ ڤەناخۆت.
نيشاندان