ئه‌ڤرۆنيوز:
تایبەتمەندەکێ نشتەگەریێن جوانکاریێ ل نەخوه‌شخانا سۆتن و جوانکاریێ ل پارێزگەھا دھۆکێ دیار کر کو رێکخراوەکا یابانی گەھشتیە پارێزگەھا دھۆکێ ل نەخوه‌شخانا سۆتن و جوانکاریێ دێ نشتەگەریان بێ بەرامبەر ب پشتەڤانیا رێڤه‌به‌ريا گشتى يا ساخلەمیا پارێزگەھا دھۆکێ بۆ وەلاتیان ئەنجام دەت.
سالح ئەحمەد، نوشدارێ تایبەتمەندێ نشتەگەریێن جوانکاریێ ل نەخوه‌شخانا سۆتن و جوانکاریێ ل پارێزگەھا دھۆکێ بۆ نوش نيوز دیار کر کو ئەڤە سالا دویێ یە ئەڤ رێکخراوا یابانی دھێتە دھۆکێ.. د سالا بۆری دا 24 نشتەگەریێن زکماکی یێن جوانکاریێ بۆ وەلاتیان ئەنجامدان وەکو نشتەگەریێن دەڤ و لێڤا و سۆتن و ئەو کەسێن گوھێن وان نە دروست و دەستێن وان پێکڤە و گۆت: “ئەڤ سالە ژی ڤێ رێکخراوێ 110 نەخوه‌ش دیتینە ژوان ژی 30 نەخوه‌ش ھاتینە دەستنیشانکرن دێ نشتەرگەری بۆ وان ھێنە ئەنجامدان”.
ناڤھاتی ئاماژە دا وێ چەندێ کو رێکخراوا ئای ھو ئەڤ سالە ژی ل نەخۆشخانا سۆتن و جوانکاریێ ل پارێزگەھا دھۆکێ دەست ب ئەنجامدانا نشتەگەریان کریە بۆ وان کەسێن د زکماکی دا کێماسی ھەین وەکو کێماسی ل دەڤی و دەستان و ئەو مرۆڤێن لڤێن وان پێکڤە و یێن گوھێن وان خەلەت و لێڤا کێڤریشکێ”.
خویا کر کو ئەو ژی دگەل ڤێ رێکخراوێ کار دکەن بۆ وێ چەندێ پتر مفایی ژ سەربورا وان وەربگرن و خزمەتا خەلکێ خوە بکەن و گۆت: “ئەو نۆشدارێ ل گەل رێکخراوا یابانی ھاتیە دھۆکێ ژی خۆدان بسپۆریەکا باشه د وارێ نشتەگەریێن جوانکاریێ دا، ئەم ژی بزاڤان دکەین مفايێ ژ بسپۆریا وی وەربگرین ددەمێ ئەنجامدانا نشتەگەریان دا”.
نيشاندان
