ئه‌ڤرۆنيوز:
په‌يڤدارێ حوكمه‌تا هه‌رێما كوردستانێ، ئه‌ڤرۆ پێنجشه‌مبى 13/9/2018 دكۆنگره‌كێ رۆژنامه‌ڤانى دا ،راگه‌هاند بارێ ئابوورى يێ هه‌رێما كوردستانێ يێ به‌ر ب باشتربوونێ دچيت، ئارمانجا حوكمه‌تێ ئه‌وه پاشكه‌فتا مووچه‌ى نه‌مينيت وپرۆژێن دخزمه‌تا خه‌لكێ كوردستانێ وهه‌رێمێ ده‌ست پێ بكه‌ن.
سه‌فين دزه‌يى، په‌يڤدارێ حوكمه‌تا هه‌رێما كوردستانێ گۆت ژى”پێدڤيه هه‌موو لايه‌ك هاريكارێن مه‌بن ب تايبه‌ت رۆژنامه‌ڤان ل دۆر هۆكارێ دروستبوونا ڤێ قه‌يرانێ وبۆچى گه‌هشتينه وێ قۆناغێ، هۆكار گه‌له‌كن وخه‌ريكه پشكه‌كا مه‌زن ژ وان هۆكاران به‌ر ب نه‌مانێ دچن”.
دياركر ژى” د نوكه دا هه‌ر 30 رۆژان جاره‌كێ مووچه دهێته به‌لاڤكرن بێ گيرۆبوون، پشكه‌ك ژوان كۆمپانيێن پێشتر ده‌ست ژ كارێن خوه به‌ردابوو، ب تايبه‌تى كۆمپانيێن دبوارێ وزێ دا، پشكا هه‌ره مه‌زن ژوان يێن زڤرينه‌ڤه، نه‌كو كارێن خوه يێن پێشتر دكه‌ن، به‌لكو نوكه كارێ زێده‌تر ژى دكه‌ن”.
دزه‌يى خوياكر”كۆمپانيێن ناڤخوه‌يى ژى خه‌ريكه ئه‌و باوه‌ريا ب حوكمه‌تێ ووان پرۆژێن ژلايێ حوكمه‌تێ ڤه دهێنه پشته‌ڤانيكرن، دوباره ده‌ست بكاربن ب تايبه‌تى پرۆژێن خزمه‌تگوزارى، پشكه‌ك ژ وان كۆمپانيێن ناڤخوه‌يى ب شێوازێ قه‌رى پرۆژان ئه‌نجام دده‌ن، ئه‌وژى به‌لگه‌يه كو باوه‌ريا تمام ب حوكمه‌تا خوه يا هه‌ى، كو ل پاشه‌رۆژێ ئه‌و قه‌ره دێ هينه دان”.
نيشاندان
