ئه‌ڤرۆنيوز:

ل دووڤ نڤيساره‌كا وه‌زاره‌تا ساخله‌ميا عيراقێ ب ئيمزا عه‌ديله‌ حمود وه‌زيرا ساخله‌ميێ، پۆستێ رێڤه‌به‌رێ گشتيێ ساخله‌ميێ ل پارێزگه‌ها كه‌ركووكێ ژ كوردان هاته‌ ستاندن وكه‌سه‌كى توركمان ل جهێ وى دهێته‌ دانان.

دوێ نڤيسارا وه‌زاره‌تا ساخله‌ميێ دا هاتيه‌ كو سه‌رۆك وه‌زيرێن عيراقێ رازيبوون ل سه‌ر وێ گوهۆرينێ كريه‌.

به‌رى نوكه‌، سه‌باح زه‌نگه‌نه‌ ژ پشكا ئيكه‌تى نيشتمانى كوردستانێ دپۆستێ رێڤه‌به‌رێ گشتيێ ساخله‌ميا پارێزگه‌ها كه‌ركووكێ دابوو، به‌لێ ل دووڤ فه‌رمانا وه‌زاره‌تا ساخله‌ميا عيراقى، كه‌ريم وه‌لى عه‌زو كو توركمانه‌ ل جهێ وى هاته‌ دانان.

ئه‌ڤرۆنيوز:

كۆمسيۆنا بلند يا سه‌ربخوه‌ يا هه‌لبژارتن وراپرسى ل هه‌رێما كوردستانێ درۆهنكرنه‌كێ دا راگه‌هاند، ده‌مه‌كه‌ چه‌ند مالپه‌ر وپه‌يچ ل تۆرێن جڤاكى ده‌ليڤێن كارى ب ناڤێ كۆمسيۆنێ ڤه‌ رادگه‌هينن، وان مالپه‌ر وپه‌يچان چو په‌يوه‌ندى ب كۆمسيۆنێ ڤه‌ نينه‌، له‌وما داخواز ژ وه‌لاتيان دكه‌ت مامه‌لێ دگه‌لدا نه‌كه‌ن وب مافێ خوه‌ ژى دزانين كو رێيێن قانوونى ل به‌رامبه‌ر هه‌ر كه‌سه‌كى دێ گرينه‌ به‌ر كو ب ناڤێ كۆمسيۆنێ وان جۆره‌ ده‌نگوباسان به‌لاڤ دكه‌ن.

دوێ رۆهنكرنا كۆمسيۆنا هه‌لبژارتن وراپرسى ل هه‌رێما كوردستانێ، وه‌لاتى وده‌زگه‌هێن راگه‌هاندنێ ئاگه‌هدار دكه‌ت كو تاكه‌ مالپه‌رێ كۆمسيۆنێ  ئه‌ڤه‌يه‌ :

(كۆمسيۆنا بلند يا سه‌ربخوه‌ يا هه‌لبژارتن وراپرسى Khec).”

ئه‌ڤرۆنيوز:

سه‌رۆك وه‌زيرێن هه‌رێما كوردستانێ، نێچيرڤان بارزانى، دچارچۆڤێ ڤه‌كرنا سه‌نته‌رێ مه‌شق وپێشڤه‌برنێ ل وه‌زاره‌تا كاره‌بێ ل هه‌رێما كوردستانێ راگه‌هاند، دهه‌موو بوارێن حوكمه‌تێ دا دێ چاكسازيێ كه‌ين وپێنگاڤێن چاكسازيێ دديار وگرنگن.

نێچیرڤان بارزانی گۆت ژى” رۆژێن ب زه‌حمه‌ت نێزيكه‌ دێ ده‌ربازبن وئاسۆيه‌كێ رۆهنتر يێ ل پێش هه‌رێما كوردستانێ”.

دياركر” ئارمانجا مه‌ ب ده‌ستڤه‌ئينانا هه‌ڤپشكيا راسته‌قينه‌يه‌ ل عيراقێ”.

سه‌نته‌رێ مه‌شق وپێشڤه‌برنێ يێ وه‌زاره‌تا كاره‌بێ يێ تايبه‌ته‌ ب گوهۆرينا شێوێ دانا كاره‌بێ بۆ سيسته‌مێ ئه‌لكترۆنى.