ئه‌ڤرۆنيوز:
ژێده‌ره‌كێ رۆژنامه‌ڤانى ژ پارێزگه‌ها ميسان بۆ ئه‌ڤرۆنيوز دياركر، جڤاتا پارێزگه‌ها ميسان داخواز ژ حوكمه‌تا عيراقى كريه كرێكارێن بيانى ژ كۆمپانيێن وه‌به‌رهێنانێ ده‌ربكه‌ت ول شوينا وان وه‌لاتى وده‌رچوويێن زانكۆ وپه‌يمانگه‌هێن ژخه‌لكێ پاريزگه‌ها ميسان دامه‌زرينيت.
حه‌يده‌ر ئه‌لجيزانى، رۆژنامه‌ڤان ل تۆرا راگه‌هاندنا عيراقێ ل پارێزگه‌ها ميسان بۆ ئه‌ڤرۆنيوز گۆت” ئه‌گه‌رێ سه‌ره‌كيێ ئه‌نجامدانا خوه‌نيشادانێن ڤێ دووماهيێ ل پارێزگه‌ها ميسان دزڤريت بۆ نه دامه‌زراندنا ده‌رچوويێن زانكۆ وپه‌يمانگه‌هان ژ خه‌لكێ ميسان بۆ ده‌مێ چه‌ندين سالان”.
دياركر ژى” حوكمه‌تا عيراقى ب ئه‌نقه‌ست دو هزار پلێن دامه‌زراندنێ ل پارێزگه‌ها ميسان چه‌ند ساله يێن راگرتين”.
دياركر ژى” جڤاتا پارێزگه‌ها ميسان وجێگرێ پارێزگه‌رێ ميسان ب شێوه‌كێ فه‌رمى وب نڤيسار داخواز ژ حوكمه‌تا عيراقێ كر ب هزاران كرێكارێن بيانى ئه‌وێن ل كۆمپانيێن وه‌به‌رهێنانێ ده‌ربكه‌ت ول شوينا وان وه‌لاتى وده‌رچوويێن زانكۆ وپه‌يمانگه‌هان ژ خه‌لكێ ميسان ب دامه‌زرينيت”.
ئه‌ڤرۆنيوز:
ب برياره‌كا وه‌زاره‌تا ناڤخوه يا عيراقێ ول سه‌ر داخوازا پاريزگه‌رێ ب زۆر سه‌پاندى يێ كه‌ركووكێ، ريڤه‌به‌ريا پۆليسێن قه‌زا وناحيێن كه‌ركووكێ هاته هه‌لوه‌شاندن.
پشتى ده‌رچوونا وێ بريارێ، ل دووڤ مالپه‌رێ كوردستان تى ڤى، رێڤه‌به‌ريا پۆليسێن قه‌زا وناحيێن كه‌ركووكێ هاته داخستن وهه‌موو ئه‌فسه‌ر وپۆليسێن وێ رێڤه‌به‌ريێ هاتنه ڤرێكرن بۆ بنگه‌هێن پۆليسان ل كه‌ركووكێ وده‌وروبه‌ران.
رێڤه‌به‌ريا پۆليسێن قه‌زا وناحيێن كه‌ركووكێ به‌رى روودانێن 16 ئوكتۆبه‌را سالا بۆرى، پشكا كوردان بوو وكوردان ئه‌و ريڤه‌به‌رى ب ريڤه دبر، پشتى 16 ئوكتۆبه‌رێ ب برياره‌كا له‌شكرى ئه‌و پۆسته ژ كوردان هاتبوو ستاندن.
ئه‌ڤرۆنيوز:
گولپارێزێ هه‌لبژارتيێ به‌لجيكا ويانا شيلسى يا ئينگليزى نێزيك بوو ژ ڤه‌گۆهاستنێ بۆ يانا ريال مه‌دريد يێ ئيسپانىل ڤێ هاڤێنێ.
رۆژناما (ماركا) با ئيسپانى به‌لاڤكر” يانا ريال مه‌دريد ل چه‌ند رۆژێن داهاتى عن ئيمزاكرنا هه‌ڤبه‌ستا كورتواى به‌رامبه‌ر 35 مليۆن يورۆيان راگه‌هينيت”.
دياركر ژى” ئاستێ باش يێ كورتواى ل گه‌ل هه‌لبژارتيێ به‌لجيكا ل مونديالا رووسيا وبده‌ستڤه‌ئينانا وناسناڤێ باشترين گولپارێزێ مونديالێ، ريال هاندايه وى گولپارێزى ب له‌ز بينيته رێزێن خوه”.
دهێته زانين كورتوا به‌رى نوكه دخۆلا ئيسپانى دا يارى كريه ول گه‌ل يانا ئه‌تله‌تيكۆ مه‌دريد ناسناڤێ خۆلا ئيسپانيا بده‌ستڤه‌ئينابوو.
ئه‌ڤرۆنيوز:
دبەردەوامی دانا گەھاندنا ھاریکاریان و خزمەتان بۆ ئاواران ل سنورێ پارێزگەھا دھۆکێ پرۆسا بەلاڤکرنا گازا سپی ل سەر ئاواران ل کەمپان دەستپێکر، رێڤەبەریا کوچ و کوچبەران ل عیراقێ ب ھەڤکاری دگەل بۆردێ کارو بارێن مرۆڤایەتی BRHA ل رێکەفتی ١٥/٧/٢٠١٨ دەست ب پرۆسا بەلاڤکرنا گازا سپی کر ل سەر ئاواران ل ناڤ کەمپان ل سنورێ پارێزگەھا دھۆکێ
شڤان عیسا، بەرپرسێ لژنا بەلاڤکرنا گاژێ ل بۆردێ کارو بارێن مرۆڤایەتى دیارکر کو پرۆسا بەلاڤکرنا گازێ ژلایێ رێڤەبەریا کوچ و کوچبەران ڤه و ب ھەڤکاری و سەرپەرشتیا بۆردێ کاروبارێن مرۆڤایەتی- کارگیریێن کەمپێن ئاواران دھێتە بەلاڤکرن، دیسان ئاماژە دا کو ھەر سەرۆک خێزانک دێ ٤٠ لێتران وەرگرت و پرۆسە ل کەمپێن (داودیێ، بیرسڤێ١و ٢) ب دۆماھی ھات و یا بەردەوامە ھەتا ل سەر ھەموو کەمپێن ئاواران ل سنورێ پارێزگەھا دھۆکێ بھێته بەلاڤکرن
دياركر ژى، ئارمانجا بەلاڤکرنا گازا سپی ل ڤی وەرزێ سالێ دا تنێ وەک ھاریکاری یە بۆ خێزانێن ئاواران بۆ بکارئینانا گازێ بۆ چێکرنا خوارنێ وپیدڤیێن وان.
ئه‌ڤرۆنيوز:
به‌رپرسێ فيدراسيۆنا په‌نابه‌ران ل هه‌رێما كوردستانێ دداخۆيانيه‌كێ دا بۆ ئه‌ڤرۆنيوز دياركر كو ناڤێ 55 وه‌لاتيێن هه‌رێما كوردستانێ يێن گه‌هشتينه وان كو نوكه دزيندانێن توركيا دانه.
ئارى جه‌لال، به‌رپرسێ فيدراسيۆنا په‌نابه‌ران ل هه‌رێما كوردستانێ بۆ ئه‌ڤرۆنيوز گۆت” ئه‌و 55 وه‌لاتيێن هه‌رێمێ ب شێوه‌كێ ئاسايى يێن چووينه دناڤ توركيا دا وبزاڤ كريه ب رێيێن قاچاغ ژ توركيا ب ده‌ركه‌ڤن، به‌لێ ژلايێ پۆليسێن توركى ڤه هاتينه ده‌سته‌سه‌ركرن”.
گۆت ژى” كارێن پێدڤى يێن دهێنه كرن بۆ ئازادكرنا وان وهه‌ر ده‌مێ بهێنه ئازادكرن، دێ گه‌هينين بۆ سه‌ر سنورێ هه‌رێما كوردستانێ”.
ئه‌ڤرۆنيوز:
پشکا جوگرافی يا سەر ب کولیژا زانستێن مرۆڤایەتی ل زانكۆيا دهۆك ب ھەڤکاری ل گەل سەنتەرێ بێشکچی یێ ڤەکۆلینێن مرۆڤایەتی ل زانکۆیا دھۆك، دێ رابیت ب گێرانا دووەمین کونفرانسێ جوگرافی یێ زانستی ل نيسانا 2019 لژێر ناڤ و نیشانێن ژینگەھا چیایی .
راگه‌هاندنا پشكا ناڤبرى به‌لاڤكر”ھەر کەسەکێ ڤەکۆلین ھەبن، دێ شێت پێشکێشی لژنا بەرھەڤکار کەت و ھەموو پیزانین ل سەر ڤولدەرێ خوارێ دیارکری يێن هه‌ين”.
ئه‌ڤرۆنيوز:
پشتى نيڤرۆيا ئه‌ڤرۆ سێشه‌مبى 17/7/2018، فه‌رهاج پيربال نڤيسه‌ر ومامۆستايێ زانكۆيێ ژ زيندانێ هاته ئازادكرن .
عه‌بدولخالق ته‌لعه‌ت، رێڤه‌به‌رێ پۆليسێن پارێزگه‌ها هه‌ولێرێ دداخۆيانيه‌كا رۆژنامه‌ڤانى دا گۆت” ئه‌ڤرۆ فه‌رهاد پيربال ژلايێ پۆليسان ڤه هاته ئازادكرن ول دووڤ وان راپۆرتێن نوشدارى ئه‌وێن ل به‌رده‌ست، پيربال دێ هێته هنارتن بۆ ده‌رڤه‌ى وه‌لاتى ب مه‌ره‌ما وه‌رگرتنا چاره‌سه‌ريا پێدڤى ژبۆ ساخله‌ميه‌كا باش بۆ وى كو لايه‌نى وى يێ ده‌روونى وجه‌سته‌يى باش بيت”.
فه‌رهاد پيربال ل سه‌ر سكالايا مونا قه‌هوه‌چى په‌رله‌مانتارا توركمان ل په‌رله‌مانێ كوردستانێ هاتبوو ده‌سته‌سه‌ركرن، سكالايا مونا قه‌هوه‌چى ل سه‌ر وێ چه‌ندێ بوو كو فه‌رهاد پيربالى ل بازارێنێزيك كه‌لا هه‌ولێرێ ئاخڤتنێن نه هه‌ژى ئاراسته‌ى وێ وهه‌ڤژێنێ وێ كربوون.
فەرهادل پیرباڵ لەسەر سكاڵای مونا قەهوەچی، پەرلەمانتاری توركمان لە پەرلەمانی كوردستان دەستگیركرا ، داوای پەرلەمانتارەكەی لەسەر ئەوە بوو فه‌رهاد پیرباڵ لەبازاڕ نزیك قەڵای هەولێر قسەی نەشیاوی بەرامبەر خۆی و هاوسەرەكەی كردووه
ئه‌ڤرۆنيوز:
كارێ نوو يێ راهينه‌رێ به‌رێ يێ ريال مه‌دريد هاته ئاشكراكرن ودێ بيته شيره‌تكارێ سه‌رۆكێ يانه‌كا ئيتالى.
رۆژنامێن ئيتالى به‌لاڤكرن كو زێدان دێ هێته يانا يوڤه‌نتوس وه‌كو شيره‌تكارێ سه‌رۆكێ يانێ ودێ ل هه‌يڤا تشرينا ئێكێ 2018 ده‌ست ب كاربيت.
زێدانێ ده‌ست به‌ردارى ژئه‌ركێ راهێنه‌ريا يانا ريال مه‌دريد به‌ردا پشتى ياريا دووماهيا خۆلا قاره‌مانێن ئورۆپا كو شيا ب ئه‌نجامێ 3-1 ل سه‌ر يانا لێڤه‌رپۆل يا ئينگليزى ب سه‌ركه‌ڤيت وبۆ جارا سيێ ل دووڤ ئێك وى ناسناڤى بۆ ريال مه‌دريد ب ده‌ستڤه‌بينيت.
ل چه‌ند رۆژێن بۆرى ژى، ياريكه‌رێ ريال مه‌دريد كريستاينو رونالدۆ ب گۆژمێ 110 مليۆن يورۆيان گه‌هشتبوو رێزێن يانا يوڤه‌نتوس يا ئيتالى.
ئه‌ڤرۆ نيوز، قائید میرۆ:
پشتی دەستپێکرنا خۆنیشاندانێن پارێزگەھێن باشوورێ عێراقێ حوکمەتا عێراقێ پارەیەکێ زۆر ژبۆی بجە ئینانا داخوازیێن خۆنیشاندەران مەزاختیە و ئەندامەکێ لیژنا دارایی لپەرلەمانێ کوردستانێ ژی رەتکر ب ئەگەرێ مەزاختنا ئەڤی پارەی بەغدا بودجێ ھەرێما کوردستانێ ببڕیت.
مەدینە شەرخەنی، ئەنداما لیژنا دارایی و ئابوری لپەرلەمانێ کوردستانێ بۆ رۆژناما ئەڤرۆ گۆت” ھەموو ئەف زانیاریێن ل راگەھاندنێ تێنە بەلافکرن و تێدا بەحسێ بڕینا 317 ملیار دینارێن ھەرێما کوردستانێ دکەن کو بھێتە بڕین دوورە ژ راستیێ و چو بنەمایەک بۆ ڤێ چەندێ نینە، رێکەفتن دناڤبەرا ھەردو حوکمەتێن ھەرێم و بەغدا ھەیە لدۆر ھنارتنا 317 ملیار دیناران کو ھەیڤانە بۆ تەمامکرنا مووچێ فەرمانبەرێن ھەرێما کوردستانێ ژلایێ بەغداڤە دھێتە مەزاختن، ھەیڤانە ددەمێ خوەدا ئەف پارە ل بەغدا دگەھیتە ھەرێما کوردستانێ.
مەدینە شەرنەخی گۆتژی” ھەگەر ئەف پارێ بەغدا ھەیڤانە دەتە ھەرێما کوردستانێ ببڕیت، ئەڤە دێ ھەرێما کوردستانێ بفەرمی ھێتە ئاگەھدارکرن و ھەتا وی دەمێ ئەز داخوانیێ بۆ رۆژنامێ ددەم چو بڕیارێن بڤی شێوەی نەگەھشتینە ھەرێمێ، لەوڕاژی چو بڕیارێن وەھا نەھاتینە دان و وەلاتیان پشتڕاست دکەین ھەر دەمێ بەغدا حەزکر نەشێت پارەی لسەر ھەرێما کوردستانێ ببڕیت.
نيشاندان