ئه‌ڤرۆ نيوز:

گەلەک ڤەکولینان دیارکریە کو رێژەکا میکرۆبان ل سەر جلکێن شووشتی یا ھەی پشتی وەرگرتنا نموونەیان، ب ڤێ چەندێ دیاردبیت کو شووشتنا جلکا رامانا وان پاقژی نینە، دبیت ئەڤ پێزانینە گەلەک بۆ گەلەک کەسان جھێ حێبەتیێ بیت، بەلێ ڤەکولین تەئکیدێ لێ دکەن و زانا دبێژن کو شووشتنا جلکا ل سەر پلا 30ێ ژی نابیتە ئەگەرێ پاقژکرنا وان، بەلکو ئەو دبیتە ئەگەر کو بەکتریا دناڤدا زێدەببن و بۆ جلکێن دیتر ژی بھێنە ڤەگوھاستن، ژبەرکو پلێن گەرماتیا نزم نە ب ھێزن بۆ کوشتنا بەکتریایێن دبنە ئەگەرێ نەخۆشیا، گەلەک ڤەکولینان دیارکریە کو میکرۆب ل سەر جلکێن شووشتی ھەنە و پشتی نموونە ژێ ھاتینە وەرگرتن دیاردبیت ئەو میکرۆب گەشە دکەن.

زانا ھوشداریێ ددەن کو نابیت جلکێن دناڤدا و ژدەرڤە بھێن تێکەلکرن ل دەمێ شووشتنێ ئەوژی ھاریکارن بۆ ڤەگوھاستنا میکرۆبان، ب شێوەیەکێ گشتی پێدڤیە جلک ل پلا گەرماتیێ دسەر 60% بھێنە شووشتن داکو بەکتریا بھێنە کوشتن و ھەیڤانە ب کێماتی جارەکێ ئاڤ بگەھیتە 90 پلەیان داکو جلشووژی تافیل ببیت، ھەروەسا نابیت راستەوخو جلشوو پشتی شووشتنا جلکا بھێتە داخستن، بەلکو یا فەرە بۆ دەمەکی ڤەکری بیمینیت و ھەوا بگەھیتێ داکو میکرۆب گەشە نەکەن، ھەروەسا دڤێت دەست باش بھێنە شووشتن پشتی جلک ژ جلشوویێ دھێنە دەرخستن داکو میکرۆب ب دەستان ڤە نەمینن.

ئه‌ڤرۆ نيوز:

د. نزار بەکر رێڤەبەرێ نەخوشخانا ھیڤی یا زارۆیان دیارکر کو ڤایروسەک ل جەم زارۆیان بەربەلاف بوویە، ئەف ڤایروسە دەست و پێیان و دەڤی و جھێ دەست ئاڤا زراڤ دگریت ئەف ڤایروسە ل جەم زارۆیان د زێدە بوونێ دایە و گۆت: نیشانێن ڤێ ڤایرۆسی ئەوە ھەتا دو سێ رۆژان بۆ زارۆیی پەیدا دبیت، چالاکی و لڤێنێن وی کێم دبن بەردەوام دنڤیت دێ بینی یێ سستە، رۆژا سیێ یان یا چارێ پرسک لێ دیار دبن.

رێڤەبەرێ نەخوشخانا ھیڤی یا زارۆیان دا زانین ژبۆ ھاریکاریا زارۆیی دەما تووشی ڤی ڤایرۆسی دبیت ئەوە تایێت وی سڤک بکەت، ھندەک ملحەما ددەینێ دا کو پرسکێن وی ھشک بن و ئارام بیت و گۆت: یا گرنگ ئەوە ڤی ڤایرۆسی پەیوەندی ب سورکان و ڤاکسینا وان ڤە نینە، دەما ئەف ڤایروسە بۆ زارۆیی پەیدابوو رامان ئەو نینە کو ڤاکسینێ نادانیت، چونکو ھەکە ڤاکسینێ نەدانیت، پتر دەلیڤە یا ھەیی زارۆیێ وان تووشی سورکان بیت، وەکو ئەم دزانینن سورک ئێشەکا کوژەکە ل جەم زارۆیان.

د. نزار بەکر تایبەتمەندێ نەخۆشیێن زارۆیان دووپاتکر کو پێدڤییە ل سەر دایک و بابان ئاگەھدار بن دەما تیمێن ساخلەمیێ بەرەف مالێن وان دچن، ھەر بۆ باشیا زارۆیێن وان دا کو ئەف ھەموو زارۆیە بھێنە ڤاکسین دان، دا کو ل پاشەرۆژێ دا سورک نەھینێ، ھەکە سورک ھاتنێ ژی دێ گەلەک دسڤک بن و نابیتە جھێ مەترسیێ ل سەر ژیانا زارۆیی.