ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 16ى تيرمه‌ها 2018ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 120 |
| 1 يۆرۆيێ ئه‌ورۆپى | 1400 |
| 1 ليرێ توركى | 255 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
به‌رى ده‌مه‌كێ كێم مه‌كته‌با سياسى يا پارتى ديموكراتى كوردستان و ئێكه‌تى نشتيمانى كوردستان كۆمبوون.
ب گۆره‌ى پێزانينێن ئه‌ڤرۆ نيوز، ته‌وه‌رێ سه‌ره‌كێ يێ كۆمبوونێ چاوانيا گه‌نگه‌شه‌يا پارتى و ئێكه‌تى يه ل گه‌ل لايه‌نێن دێ ل گه‌ل كۆم بن ل به‌غدا.
هه‌ر ديسا ته‌وه‌ره‌كێ دژى ته‌كست كرنه ل سه‌ر هه‌لبژارتنێن په‌رله‌مانێ كوردستانێ و ئاماده‌كاريێن وێ كو د ده‌مێ خوه دا بهێنه كرن.
ئه‌ڤرۆ نيوز:
سەرەرای بۆرینا نێزیکی دو سالان ل سەر ئازادکرنا باژێڕێ مووسل، بەلێ ھێشتا بەغدا رێگرە بزاڤێن بازرگانی دگەل پارێزگەھێن ھەرێما کوردستانێ بھێنە دەستپێکرن و بازرگانیا عیراقێ ژی رێکێ نادەت رێیا سەرەکیا د ناڤبەرا دھۆک و مووسل دا بۆ مەرەمێن بازرگانی بھێتە ڤەکرن.
ھاشم بریفکانی، ئەندامێ جڤاتا پارێزگەھا نەینەوا بۆ رۆژناما ئەڤرۆ دیار کر کو ھێشتا عیراق یا رازی نینە رێیا بازرگانیا د ناڤبەرا دھۆک و مووسل دا بھێتە ڤەکرن و چو ژڤانەک نەھاتیە دیارکرن بۆ ڤەکرنا رێکێ، ئەف بابەتە ژلایێ لایەنێن ئەمنیێن مووسل ب ھەلاویستی مایە و رێگرن بۆ دەستپێکرنا بزاڤێن بازرگانیێن دناڤبەرا دھۆک و مووسل دا، ئەڤە ددەمەکی دایە باژێڕێ مووسل ئەڤە نێزیکی دو سالایە ھاتیە ئازادکرن ژ تیرۆرستێن داعش و پێدڤیە رێک بھێنە ئاسایی کرن، بەلێ مخابن رێگری ھەیە ل ئاسایی کرنا بزاڤێن بازرگانی.
ناڤھاتی خویا کر کو ئەگەرێن نە ڤەکرنا رێکێ بۆ وان نەداینە خویاکرن، بەلێ ل رۆژێن بۆری لیژنەکا چاڤدێریێ ژ وەزارەتا بازرگانیا عیراقێ سەرەدانا دیوانا پارێزگەھا مووسل کربوو، ئەو بوونە ئەگەر رێک نەھێتە ڤەکرن، چونکی بابەتێن گومرکی ھەنە و تنێ لایەنێن ئەمنی خالێن ناڤبەرا پارێزگەھا مووسل و پارێزگەھێن دی ب ریڤەنابەن، بەلکوو گومرک و وەزارەتێن دی ژی ھەڤپشکن، لەوڕا ژی نەشێم بێژم دێ کەنگی رێک ھێتە ڤەکرن، ھندی ئەو رێگری ژی ھەبن دێ ھوسا مینیت.
ئه‌ڤرۆ نيوز:
بەرپرسەکێ وەزارەتا کاروبارێن جڤاکی ئاشکرا کر کو ھەتا نوکە ئەنجامێن ھەموو سەنتەرێن پشکنینان کێم ئەندامان نەگەھشتینە وەزارەتێ و گۆت: “ھەر سەنتەرەکێ ھەتا سوبەھی رۆژا سێشەمبی ئەنجامێن دووماھیێ نەدەتە وەزارەتێ دێ ھێتە سزادان”.
دکتۆر عارف حیتو، رێڤەبەرێ گشتیێ دیوانا وەزارەتا کاروبارێن جڤاکی بۆ رۆژناما ئەڤرۆ دیار کر کو ب مەرەما دووبارە پشکنینا کێم ئەندامانان ل ھەرێما کوردستانێ ھژمارەکا سەنتەرێن پشکنینێ ھاتینە ڤەکرن، بەلێ پشتی بڕێڤەچوونا پڕۆسا پشکنینێ ھێشتا ھژمارەکا سەنتەرێن پشکنینێ ئەنجامێن خوە نەداینە وەزارەتا کار و کاروبارێن جڤاکی، لەوڕا ژی ھەتا ئەنجامێن ھەموو سەنتەران نەگەھنە وەزارەتێ ئەنجام ناھێنە ئاشکراکرن و بەرۆڤاژی ددەمێ گەھشتنا ئەنجامان دێ ژ لایێ وەزیرێ کاروبارێن جڤاکی ڤە ئەنجام ھێنە راگەھاندن، وی دەمی ژی دێ دیاربیت چەند کەسان مافێ وەرگرتنا مینحەیا کێم ئەندامیێ ھەیە.
ناڤھاتی ئاماژە دا وێ چەندێ ل سالێن بۆری ھژمارەکا زۆرا کێم ئەندامان ژ مووچێ ھەیڤانە مفاداربووینە و ژبەر جوداھیا سیستەمێ تۆمارکرنێ جوداھی دناڤبەرێن پارێزگەھێن ھەرێما کوردستانێ دا ھەیە، لەوڕا 10 سەنتەر ھاتینە ڤەکرن و پشتی تەمام بوونا کارێ وان دێ ناڤێن کەسێن نە کێم ئەندام و مری و ئەوێن ژ لیژنێ دەرنەچووین ھێنە لادان، ھەموو سەنتەر ژی ھاتینە ئاگەھدارکرن ھەتا سوبەھی رۆژا سێشەمبی ئەنجامێن خوە بگەھیننە وەزارەتێ بەرۆڤاژی دێ ھێنە سزادان.
ئەڤرۆ نيوز:
پشتی کو رەجەب تەیب ئەردۆگان وەکو سەرۆکێ نوو یێ تورکیا دەست ب کاربوو د ئێکەم پێنگاڤ دا پۆستێ سەرۆک وەزیران ل تورکیا ھاتە راکرن و دوھی ژی سەرۆکاتیا ئەرکانێ لەشکری یێ تورکیا بوو پشکەک ژ وەزارەتا بەرگیریێ و ئێدی دێ سەر ب وێ وەزارەتێ ڤە بیت، جارا ئێکێ یە ل دیرۆکا تورکیا رۆلێ لەشکری بچووک دبیت و بەری نھا سەرۆک ئەرکانێ لەشکری ل تورکیا رۆلەکێ مەزن د سیاسەتا تورکیا دا ھەبوو لێ نھا رۆلێ وان د سیاسەتێ دا نەما و بۆ جارا ئێکێ یە ژی ئێدی دێ سەر ب وەزارەتا بەرگیریێ ڤە بیت.
ل ئالیێ دی سەرۆک کۆمارێ تورکیا دشێت ھەموو گوھۆڕینان د پێکھاتێ لەشکری و گوھۆڕینا سەرۆک ئەرکانی دا بکەت و پێدڤی ب رزامەندیا چو ئالیەکێ دی ژی نینە. ئەڤ بریارە دوھی ب رەنگەکێ فەرمی ل رۆژناما فەرمی یا تورکیا دا ھاتە بەلاڤکرن و دێ ل گۆر سیستەمێ نوو کار ھێتەکرن. ھەروەسا زاڤایێ ئەردۆگانی کو وەزیرێ ئابووری یێ تورکیایە بوو ئەندامێ جڤاتا سەربازی یا تورکیا و دێ پشکداریێ د کۆمبوونێن جڤاتا سەربازی دا کەت.
چاڤدێرێن سیاسی ژی دبێژن کو گوھۆڕینێن نوو ل تورکیا ب تایبەتی ژی کێمکرنا رۆلی لەشکری و گرێدانا سەرۆک ئەرکانێ لەشکرێ تورکیا ب وەزارەتا بەرگیریێ پێنگاڤەکا باشە، لێ رەنگە ئەو یەک ب دلێ گەلەک کەسێن د ناڤ پێکھاتا سەربازی دا نەبیت.
ئه‌ڤرۆ نيوز:
بەرپرسێ ئوپەراسیۆنێن پێشمەرگەھی ل فەرماندەیا شنگال دیارکر، حکومەتا عیراقی وەکو بەرێ ھەڤکاریا وان ئیزدیان یێن چووینە دناڤ حەشداشەعبی دا ناکەت، ھەکە رۆژەکێ دەلیڤە بۆ حەشدا شەعبی دروست بیت دێ گەلەک کەسێن ئێزدی یێن بووینە حەشدا شەعبی رەوانەی دادگەھی کەن.
قاسم دربۆ، بەرپرسێ ئوپەراسیۆنێن پێشمەرگەی ل فەرماندەیا شنگال بۆ ئەڤرۆ گۆت: حەشدا شەعبی وبەغدا وەکو بەرێ نوکە ھەڤکاریا ئێزدیێن چووینە دناڤا حەشدا شەعبی دا ناکەن، دووڤ پێزانینان ژی حەشدا شەعبی ھندەک ئێزدی ژ چەککرینە، نوکە حەشدا شەعبی یا شیعی رێ نادەت حەشدا ئێزدی ب چەک بن ئەم وێ باوەری داینە ھەکە دەلیڤە بۆ حەشدا شەعبی یا شیعی ل شنگال روست بیت دێ گەلەک کەسێن ئێزدی یێن ناڤ حەشدا شەعبی دا رەوانەی دادگەھی کەت، ھەتا نوکە ژی حەشدا شەعبی یا شیعێ یا بەردەوامە ل سەر تێکدانا شنگال وگەڤیێن دانانا چەکێ ژ ئێزدیان دکەت کاردکەت ھەموو ھێزیێن نوکە ل شنگال، چەکی خوە دانن بتنی حەشدا شەعبی یا شیعان بتایبەتی ژی (کتائب ئیمام عەلی) ل شنگال دەستھەلادار بیت.
ئەڤرۆ نيوز:
سەرۆکێ جڤاتا پارێزگەھا کەرکووکێ دیارکر، کو پێشبینی دکەت ل گەل روودانێن نوکە ل بەسرا و پارێزگەھێن ژێریا عیراقێ ل سەر خواستا حوکمەتا بەغدا پێشمەرگە بچیتە کەرکووک، چونکو نەشێـت ھەموو دەڤەران کونترۆل بکەت، ئەڤە مافێ مللەتێ کوردە.
رێبوار تەلەبانی سەرۆکێ جڤاتا پارێزگەھا کەرکووکێ بۆ رۆژناما ئەڤرۆ گۆت: پێشبینی دکەین حوکمەتا عیراقێ ب فەرمی داخواز بکەت پێشمەرگە بچیتە د کەرکووکێ دا، چونکو کاودانێن سیاسی تێک چووینە و تایبەت پشتی خوەنیشاندانێن باژێرێ بەسرا و باشورێ عیراقێ.
ژ ئەنجامێ نەبووونا خزمەت گوزاریان ل پارێزگەھێن ژێری و ناڤەراستا عیراقێ خونیشادان دروست بووینە، گەندەلی گەلەک فەرمانگەھێن میری دا زێدە بوویە.
سەرۆکێ جڤاتا پارێزگەھا کەرکووکێ ئەو ژی دیارکر کو ئاریشا کەرکووکێ یا جودایە ل گەل پارێزگەھێن باشور و ناڤەراستا عیراقێ چونکو کێشا کەرکووکێ و دەڤەرێن مادێ 140 ل گەل ھەرێما کوردستانێ ھەیە.
کورد داخاز ناکەت بچنە کەرکووک، ئەڤە مافێ کوردانە و دڤێت پێشمەرگە بزڤریتە کەرکووک و دەڤەرێن مادێن 140 ورێڤەبەریەکا ھەڤپشک بھێتە برێڤەبرن وەک سالێن 2014 و دووڤ دا ب تنێ نوکە پەترۆلا کەرکووکێ بۆ وەلاتێ ئیرانێ دھێتە رەوانەکرن
پشتی روودانێن 16 ئکتوبەرێ داعش ل کەرکووک زێدەتر بوویە و پتر چالاکیان دکەت و گەلەک زیان ب خەلکێ کەرکووکێ کەڤیتە و ئاریشە زوور بووینە و تەناھی و ئارامی نەمایە و ئاڤەدانکرن و خزمەت گوزاری ھەر نەمایە.
رێبواری ئاشکراکر ژی کو پارێزگەھێ ب وەکالەت بۆ کەرکووکێ ھاتیەدان ھندەک بریارێن نەدەستوری ئەنجام دەت و دھێتە خواندن تەعریب، مەترسیا داعش ل سەر کەرکووکێ ھێشتا ھەیە و کەرکووک چولنەکریە.
تالەبانی ئەو ژی گۆت: کێشا کەرکووک یا سیاسی یە و دەستوری و قانوونی یە دناڤبەرا ھەرێمێ و بەغدا دا و نە کێشا خزمەت گوزاری یا نە وەک بەسرا کو پێشبینی یا سەرھلدانەکێ یا جەماوەری بکەین لێ ھزر کەین کو پێشمەرگە بھێتـە داخازکرن بچیتە د کەرکووکێ دا و ئەڤە ل سەر خواستا حوکمەتا فیدرال بیت چونکو بەغدا نەشێت ئەڤان دەڤەران کونترۆل بکەت و تایبەت پشتی خونیشاندانێن بەسرا.
سەرۆکێ جڤاتا پارێزگەھا کەرکووکێ ب دووری دبینت کو حوکمەتا داھاتی یا عیراقێ کێشا کەرکووکێ چارەسەر بکەت بەلکو ھەر حوکمەتا بھێت بتنێ دەمی دکوژیت و کێشا کەرکووکێ چارەسەرناکەت..
ل دووماھیێ، رێبوار تەلەبانی خواست جارەکا دی فێل ل کوردان نەھێتەکرن و چەند حوکمەت ھاتن و چوون سوز دانە کوردان ل سەر چارەسەرکرنا کێشا کەرکووکێ و چارەسەرنەکرن، ناڤبری پێشنیارکر کو کورد داخازا ماوەکێ دیارکری ل گەل دەست ھەلاتا بەغدا بکەن ل سەر چارەسەرکرنا کێشا کەرکووکێ و ئەگەر چارەسەرنەبوو پێداچوونێ بکەن.
نيشاندان
