ئەڤرۆ نیوز:
ژ نشکەکێ ڤە یانا یوڤانتوس یا ئیتالی حەزا خوە دیارکریە بۆ ئیمزاکرنا ھەڤبەستا یاریزانێ یانا ریال مەدرید یێ پرتوگالی کرستیانو رونالدو.
رۆژناما مارکا یا ئسپانی ئاشکرا کریە یانا یوڤانتوس یا بەرھەڤە کوژمێ ١٢٠ ملیۆن یورویا پێشکێشی یانا مەلەکی بکەت پێخەمەت ئینانا کرستیانوی بۆ یانا ئیتالی ل ھاڤینا ئەڤ سالە، ھەمان ژێدەر ئەو چەندە ژی ئاشکرا کر کو ئەڤ ھەڤبەستا یوڤانتوس دێ بۆ ماوێ چار سالان بیت.
ژلایەکێ دی ڤە رۆژناما توتو سپورت یا ئیتالی وێ ژی ئاماژە ب ڤی پەیامی دایە کو یانا یوڤانتوس دڤێت مفای ژ تێکچونا پەیوەندیێن د ناڤبەرا سەروکێ یانا ریال مەدرید فێلرونتینو پێرێز و کرستیانو رونالدوی دا وەرگریت کو رازی نەبوینە ھەڤبەستا ستێرا پرتوگالی درێژ بکەن بەرامبەر ڤێ چەندێ بریکاردەرێ رونالدوی جورج مێندێز و سەروکێ یانا ریال مەدرید گەھشتینە رێککەفتنێ بەرامبەر کێمکرنا بھایێ مەرجێ شکاندنا ھەڤبەستا رونالدوی ژ ملیارەکێ بۆ ١٢٠ ملیۆن یورویا و د کومبونا ڤان ھەردو کەسان دا دیاربویە پەیوەندیێن رونالدوی و پێرێزی گەلەک تێکچوینە ژ ئەگەرێ حەزا پێرێزی بۆ ئیمزاکرنا ھەڤبەستا یاریزانێ بەرازیلی نیماری.

ئەڤرۆ نیوز:
رۆژنامەیێن ئیتالی ھوسا خویاکریە یانا یوڤانتوس دەست ب لیڤینان کریە بۆ ئینانا یاریزانێ یانا بەرشەلونە و ھەلبژاریێ بەرازیل پاولینھوی.
رۆژناما توتو سپورت زێدەتر پێزانین ل دۆر ڤێ چەندێ ئاشکرا کریە کو یانا یوڤانتوس حەز دکەت پاولینھوی یێ ٢٩ سالی بەتە ناف رێزێن یانا خوە ل وەرزێ بھێت یێ خولا ئیتالی و کوژمێ ٤٠ ملیۆن یورویان بۆ ڤەگوھاستنا وی بەرھەڤ کرینە و چاڤەرێ بەرسڤا یانا کەتەلونی یە ھەتا پشتی ھەڤرکیێن موندیالێ ب دوماھی دھێت.
نوکە پاولینھو ئاستەکێ باش ل گەل وەلاتێ خوە بەرازیل د موندیالا روسیا دا پێشکێش دکەت و گەھشیە قوناغا ھەشتێ یا موندیالێ.

ئەڤرۆ نیوز:
یاریزانێ بەریێ یێ یانا ریال مەدرید گۆتی ھێرناندێز و راھێنەرێ  نوكه تیما لاوێن ریال مەدرید بەر ب وەلاتێ تورکیا چو بۆ وەرگرتنا پوستەکێ نوو.
رۆژناما مارکا ئسپانی ئاشکرا کر کو گۆتی ھەڤبەستا خوە ل گەل یانا مەلەکی تمام نەکر پشتی بۆ ماوێ دو سالێن دی نوو کری و بەر ب وەلاتێ تورکیا چویە بۆ وەرگرتنا ئەرکێ ھاریکارێ راھێنەراتیا یانا بشکتاش یا تورکی و ڤی یاریزانی ئەو بریارە دایە پێخەمەت کارەکێ نوو د ژیانا خوە یا وەرزشی دا ئەنجام بدەت و زێدەتر شارەزایێ د کارێ راھێنەراتیێ دا وەرگریت.

ئەڤرۆ نیوز:
راھێنەرێ ھەلبژارتیێ بەلچیکا دیارکر یاریا ھەمبەر ھەلبژارتیێ بەرازیل وەکی خەونەکێ یە و ئەو پێشبینیێ دکەت بەرازیل سەرکەڤیت د یاریا وان دا ئەوا بریارە ل رۆژا ئەینی بھێتە کرن.
زێدەتر روبێرتو مارتینێز ئەو چەندە ژی دیارکر پێدڤیە یاریا ھەمبەر بەرازیل ژ قوناغا ھەشتێ یا موندیالێ دا ب ھەر یازدە یاریزانێن خوە بەرەفانیێ و ھێرشان بکەین و نابیت یاریەکا ڤەکری ئەنجام بدەین لەورا دزانین ب چ شێوە ڤێ یاریێ ئەنجام بدەین و یا سروشتی یە مە دڤێت سەرکەفتنێ دەستخوە ڤە بینن لێ بەروڤاژی پێشبینیا یە و د ب دیتنا وی بەرازیل دێ شێت بەلچیکا خوسارەت کەت لێ یا گرنگ ئەوە ئەو رێکێ نەدەن بەرازیل کونترولا یاریێ بکەت و شێوازێ خوە لسەر یاریێ ب سەپینت.