ئەڤرۆ نيوز:‏

ماموستایەکا زانکویێ و چاڤدێرەکا سیاسی ل ھەرێما کوردستانێ دیارکر، ‏عیراقێ ھەر جار مفا ژ ئێکنەگرتنا کوردان دیتیە، ئاریشا کوردان ل گەل ‏عیراقێ ئاریشا مافێن دەستوریە نە چۆ تشتێ دی ھەکە حوکمەت مافێن ‏کوردان بجە بکەت، کوردان ئاریشە ل گەل چۆ تشتا نینە، عیراق چەوا خوە ‏ب رێڤە دبەت نابیتە ئاریشە، مخابن ھەڤڕکیەکا نەساخلەم ھەیە ئێک ‏نەگرتنا کوردان دڤێ قوناغێ دا دبەروژەوەندیا کوردان دا نیە، دەلیڤەکا ‏باشە بۆ نەیارێن کوردستانێ ھەیە کو بڤێت پتر کوردان ژێکڤەبکەن، ‏پێدڤیە ھەمو لایەک د ئێکگرتنا کوردان دا بەرامبەر بەغدا پشکداربن، ‏ژبەر کو مانەڤا کوردان د ئێکگرتنێ دایە دڤێ قوناغێ دا بۆ زێدەتر ‏وەرگرتنا مافێن کوردان ل عێراقێ یە.‏

کوێستان لەتیف ماموستا زانکویێ و چاڤدێرا سیاسی ل ھەرێما کوردستانێ ‏بۆ روژناما ئەڤرۆ گوت: ژبەر تێکنەگەھشتنا لایەنێن عیراقی پێشبینی ‏دھێتە کرن پێکئینانا حوکمەتا نوویا عیراقێ بۆ چەندەکا دی ڤەکێشیت، ‏ژبەر کو رێکنەکەفتنا لایەنێن سیاسی تایبەت شیعەو سونیان ل گەل ‏کاریگەریا ئیرانێ عیراق بەرەڤ ئاقارەکێ خراب بریە، ھەموو ئەمریکا و ‏ئوروپا بزاڤا دکەن بۆ وێ چەندێ کاریگەریا ئیرانێ ل سەر پێکئینانا ‏حوکمەتا نوویا عیراقێ نەمینیت، لەورا بەریا شەری ل گەل ئیرانێ بکەت ‏ئەمریکا دەست ب شەرێ ئابۆری کریە کو دەستپێکەکە بۆ شەرەکێ دی.‏

کوێستان گوتژی: مخابن عیراقێ یێ ل بن فشارێن کومارا ئیسلامیا ئیرانێ ‏دا بۆ پێکئینانا حوکمەتا نویا عیراقێ چۆ گورانکاریێن وەسا دروست نابن ب ‏تنێ ب فشارا نێڤدەولەتی دێ پەیوەندی و ئالوزی بەرەڤ رەوشەکا باش چن ‏ل ئاست پێدڤیا کوردا نابن نوکە.پێشبینی دھێتە کرن فشارێن نێڤدەولەتی ‏بکەڤن سەر عیراقێ بۆ وێ چەندێ پەیوەندیێن خوە ل گەل کوردستانێ ‏دروست بکەتەڤەو بەرەڤ ئاقارەکێ باشتر ببەت ئەگەر کورد ژی مفای ل ڤێ ‏پارچە پارچە بۆنا عیراقێ بینیت دێ گەھیت ھەمی مافێن خوە کو چەند ‏سالە دھێنە بنپێکرن.‏

ئه‌ڤرۆ نيوز:‏

پارتی دسموکراتی کوردستان ژ ئالیێ شاندەکێ بلند چەندین رۆژە بۆ کودەنگیا نیشتیمانی ‏سەردانان دکەت، سەبارەت پرۆژێ ھەڤپشکێ کوردی بۆ حوکمەتا نوویا عیراقێ و دەست ب ‏دانوستاندنێ کریە. ‏

ئالان حمە سەعید بەرپرسێ لقێ 21 یێ پارتی دیموکراتی کوردستان تابەت بۆ رۆژناما ئەڤرو ‏گۆت: شاندێ بلندێ مەکتەبا سیاسی یا پراتی سەرەدانێن ھەر ئێک ژ بزاڤا گۆڕان و ‏ھەڤپەیمانی بۆ دیموکراسی و دادپەروەری و ل گەل مەزن بەرپرسێن وانا کومبوو، ل سەر ‏ناڤخوەیا کوردستانی و دنوستاندنێن ل گەل ئالیێن سیاسی یێن عیراقێ دێ ھاتنە بەحسکرن.‏

سەبارەت ئەجیندایێن سەرەدانێن شاندێ مەکتەبا سیاسی یا پارتی بۆ ھەڤپەیمانی و گۆڕان ‏ئالان حمە سەعدی گۆت: پارتی ب دوو ئارمانجا سەرەدانا خوە دکەت، یا ئێکێ بۆ ھندێ یە ئەو ‏شەلەشژانا پشتی 5/12 ھاتیە روودان دناڤبەرا پارێن سیاسی، بھێتە ئارامکرن و پەیوەندیێن ‏وەک جاران ڤەگەرن.‏

ناڤبری ھەروەسا گۆت: خلا دوێ ئەو نوکە پارتی گرنگیێ ب ئێکگرتن و ئێک گۆتارا ‏سیاسی یا کوردی ددەت، و بەرنامەکێ ھەڤپشک بھێتە گەنگەشەکرن ل گەل ئالیێن ‏سەکرفتی یێن سیاسی یێن عیراقێ. ‏

بەرپرسێ لقێ 21 یێ پارتی ل سلێمانیێ ھەروەسا خوەیاکر، پارتی و ئێکەتی ب ئێک کارتا ‏کوردی ئامادەکریە بۆ دانوستاندنێ ل گەل بەغدا، ل نێزیکترین دەم شاندێ ھەڤپشک دێ ل ‏گەل دەست ب دانو ستاندنێ کەتن، ھەکە رەوشا بەغدا یا سەقامگیر بیت. ‏

حمە سەعید ھەروەسا دیارکر، کارەتا ھەڤپشکا کوردی ل گەل بەغدا ل سەر بنەمایی تەوفق و ‏ھەڤسەنگی و ھەڤپشکی یا راستەقینە ھاتیە دارشتن، و دخوازن ھەموو ئالیێن کوردی ب ‏شاندەکێ ھەڤپشکێ نشتیمانی بچنە بەغدا و ل گەل ئالیێن عیراقێ دانوستاندنێ ل سەر ‏داخوارزیێن کوردان ژ حوکمەتا نوویا عیراقێ بکەن.‏

ئه‌ڤرۆ نيوز:

شرۆڤەکارێ سیاسی و ماموستایێ زانکویێ سامی عەبدولقادر ‏رێکانی بۆ رۆژناما ئەڤرۆ راگەھاند، ژ مێژە ستراتیژیا ئەمریکا ‏ئەوە کو ئیران ل دەڤەرێ دەست بەردایی نەبیت، بتایبەتی لدۆر ‏دیتنا ترامپی، کو دیت کو اتفاقەک نەواوی بۆ دەلیڤە کو ئەو ‏انتدا نفوسێ خوە بکەت ل سەر دەڤەرێ بالا دەستیا ئیرانێ ل ‏سەر دەڤەرێ مەترسی یە دویر ژ رێککەفتنێ جھێ مەترسیێ یە ‏ل سەر بەرژوەندیێن ئەمریکا ل دەڤەرێ دا تایبەت پشتی ئەو ‏سێگوشەیا تورکی و ئێرانی و روسی چێبووی ب ھێزتر لێ ھاتی، ‏ھەروەسا داھاتوویێ سوریێ و عیراقێ کو دەستەکێ بالا یێ ل ‏سەر و کنترولکریە و انتدا وێ بۆ لایێ ئیسرایلێ و سەر بەحرێ ‏و لوبنانێ و یەمەنێ، دڤان ھەمی دەڤەرا دا انتدا نفوسا وێ یا ‏چوی، ئیران دبینیت کو ئەمریکا دوژمنێ وێ یێ سەرەکی یە، ‏ئەمریکی ژی دبینیت ئەڤ بەرفرەھبوونا ئیرانێ دەڤەرێ دا دێ ‏گەلک بەرژەوەندیێن وێ دگەل ھەڤالێن وێ دپاشەروژێ دا ‏ئێخیتە مەترسیێ دا، لاوازبوونا ئیرانێ مەرەم نە ئەوە ئیران دێ ‏پیچ بیت، لێ وێ دڤێت ئیران لاواز بیت ل دەڤەرێ دا، لێ ئەمریکا ‏دڤێت ل بن سترتیژایەتا وێ بیت و نەچارکەت کو دان و ستاندنا ‏دگەل ئەمریکا بکەت و بەرژەندیێن وێ ژ دەست دا بمینن.‏

ل دور وێ ئێکێ ئەگەر ئەمریکا سزایێن خوە ل سەر ئیرانێ ‏جێبەجێ بکەت، تایبەتی سزایێ دووێ کو مەھا یازدەدا دێ ‏دەست پێکەت ئایا دێ ھەڤپشکێن ئیرانێ شێن وێ بوشایێ ‏پرکەنەڤە نەھێلن ئیران لاواز بیت.‏
‏

سامی رێکانی گۆت: بەری نھا سەربوور ھەبوویە کو ل سالا ‏‏2010 کو تحالف ھەموو ل گەل ئەمریکا بۆ ھەڤدژ دگەل ئیرانێ ‏سزا ئێخستە سەر ئیرانێ لێ گەلەک کومپانیێن نیڤ دەولی ‏سەرپێچیا وان سزایا کرو پشتەڤانی لێ کر و شیان انتدا ئیرانێ ‏بکەن، چونکی ئیران جھەکە حەزا گەلەک دەولەت و کومپانیایە ‏و جھێ بەرژەوەندیایە، ل وی دەمی شیان بەرسینگێ وێ ‏دورپێچا ئابوری یا دوەلی بگرن و خوە راگرت، لێ دورپێچا ‏ئەمریکا نھا یا تاک لایەنە و کو تورکیا و ئیران و روسیا ژی ‏بخۆڤە دگریت، ئەڤە ھەموو دێ وەلێ کەت ئیران ھەر یا بھێز ‏بیت ناکەڤیت و کو دێ شێت لڤینەکا باش کەت، لێ تارادەکێ دێ ‏کارتێکرنا خوە ھەبیت، لێ ئەمریکا ئاریشە دگەل تورکیا و ئیران ‏و ئەوروپا ھەمیان یا ھەی و ھەمی کومپانیێن نێڤدەولی ‏پشتەڤانیا ترامپی ناکەن.‏

سەبارەت سزادانێن ئەمریکا ل سەر ئیرانێ کارتێکرنا وێ ل سەر ‏ھەرێما کوردستانێ شروڤەکارێ سیاسی گۆت: کو دبیت پتر ‏گڤاشتن ل سەر ھەرێما کوردستانێ بھێنەکرن ببنە دەرگەە ‏خوشتر بیت بۆ ھەرێما کوردستانێ و دێ بیتە پێگەھەک بۆ ‏ئیران و تورکیایێ، چ وەک شکاندنا وێ دورپێچێ یان کو ‏کارتێکرنەکا سیاسی ل سەر بەغدا بکەتن، راستە دێ ‏شێلیبوونەک دروست لێ کوردستان دشێت دڤێ ھاوکێشێ دا ‏گەلەک دەستکەفتا ب دەستخۆڤەبینیت، لێ دڤێت کوردستان یا ‏ھوشیاربیت و ھەڤسەنگیەکێ دڤێ ھاوکێشێ دا دروست بکەت، دا ‏زەرەرمەند نەبیت.‏

ئاماژە دا وێ چەندێ کو ئەم نە جھێ بریارا مەزنین د ڤێ ‏ھاوکێشێ دا، لێ کا دێ چەوا پێگەھێ خوە ل بەغدا بھێز ئێحین، ‏نابیت ئەم پشتا خوە ب ئیک لایەن گەرم بکەن، دڤێت کورد ‏بشێن ھەڤسەنگیەکی دروست بکەن دڤێ ھاوکێشێ دا، ڤێ دەلیڤێ ‏بخۆ بکاربینین، تنێ ئەڤە دێ د بەرژەوەندیا مە کورداندابیت، ‏نابیت کورد دژایەتیا چو جەمسەرەکێ بکەت نەیێ ئیرانی نەیێ ‏ئەمریکی، دڤێت وەسا یاریێ بکەت کو ئەم خودانێن ‏بەرژەوەندیێن خوینە کی پتر پشتەڤان بیت بۆ داھاتوویێ مە و ‏ل بن رێکەفتنەکا دوەلی رەفتارێ بکەین، نابیت ئەو مە بکاربینن ‏و ئەم بەغدا ئاڤاکەین دووماھیێ چ ب دەست مەنەکەڤیت و ‏خوسارەت بین.‏