ئەڤرۆ نیوز ، زنار تۆڤی:
هژمارا یاریزانێن بەربژار د لیستا دەستپێکێ بۆ برنا خەلاتێ باشترین یاریزانێن جیهانێ ژ 23 یاریزانان بۆ 10 یاریزانان دێ هێتە کێم کرن.
هژمارا وان دێ هێتە کێمکرن
نووترين نووچه
- سەرۆكێ حوكمەتێ و قونسلێ فلستینێ دووماهی پێشهاتێن رەوشا غەزە گەنگەشەكرن
- د. خەلیل غازی: داهاتێ دەزگەهێن حوكمەتا ئیراقێ بۆ گەنجینەیا وەلاتی ناچن
- هەكە دۆزێن مللەتان د هندەك ویستگەهاندا تووشی راوەستییانێ ژی ببن، چو جاران ب دووماهی ناهێن
- مەسرور بارزانی و پاتریاركێ كەنیسەیا ئاشۆرییا رۆژهەلاتی دوپاتیێ ل پێشڤەبرنا كەلتوورێ پێکڤەژیانێ دكەن
- پارتی ل گەل ئێك لیستییێ یە ل دەڤەرێن كوردستانی یێن ل دەرڤەی ئیدارەیا هەرێمێ
- لەیلا قاسم نموونەیا قەهرەمانییا كچا كوردە و سیمبۆلا ئازادیخوازیێیە
- نێچیرڤان بارزانی: پێشوازیێ ل خوە هەلوەشاندنێ و چەكدانانا پەكەكێ دكەین
- نێچیرڤان بارزانی و مەسرور بارزانی پیرۆزباهیێ ل بنگەهێ لالشێ دكەن
- مەسرور بارزانی: پشتەڤانییا حوكمەتێ بۆ ب هێزكرنا ژێرخانەیا ئابۆری دێ بەردەوام بیت
- بنگەهێ لالش خزمەتەكا بەرچاڤ یا جڤاكێ ئێزدیاتیێ كریە
سهرهكى Facebook
ویلیان: هازارد هەڤالێ منە، بەلێ من دڤێت ژێ ببەم
ئەڤرۆ نیوز ، زنار تۆڤی:
ویلیان داسیلڤا ستێرا هەلبژارتیل بەرازیل د کۆنگرەکێ رۆژنامەڤانیدا دەربارەی روو ب رووبوونا ئیدین هازارد و تیبوا کۆرتوایێ هەڤالێن خوە ل هەلبژارتیێ بەلجیکا گوتیە، من دڤێت ژێ ببەم.
د کۆنگرەکێ رۆژنامەڤانیدا ویلیانی گوتیە، هازارد ئێکە ژ باشترین یاریزانێن جیهانێ، لێ ڤێ جارێ رکابەرێ منە، من دڤێت بەرگریێ ژ بەرازیل بکەم و هەموو تشتان بۆ سەرکەفتنێ بکەم، ئەز و ئەو هەر هەڤالین، بەلێ د ڤێ روو ب رووبوونێدا من دڤێت ئەم سەرکەفتی بین، ئەو هەڤالێ منە، بەلێ رکابەریا من دکەت.
هەروەسا گوتیە، یاریکرن بەرامبەر کۆرتوا گەلەک یا ب زەحمەتە، چونکی ئەو گۆلپارێزەکێ نایابە و یێ بلندە، دڤێت گەلەک ب هێز روو ب روو ببین و بزاڤێ بکەین تۆرا وی بهەژینین، ئەڤە ئارمانجا مەیە.
هەردوو هەلبژارتیێن بەرازیل و بەلجیکا د قۆناغا هەشتێ یا مۆندیالێدا دێ ل رۆژا ئەینی روو ب روو ئێک بن.
250 هزار دیناران بدە و ئێكسه‌ر پاسپۆرتا خوە وه‌ربگرە
ئەڤرۆ نیوز ، زنار تۆڤی:
دوهی رێڤه‌به‌رێ پاسپۆرتا ل عێراقێ ل گه‌ل شانده‌كێ سه‌ره‌دانا رێڤه‌به‌ریا پاسپۆرتا ل سلێمانیێ كریە و وەسا بریاره سه‌ره‌دانا هه‌ولێر و دهۆك ژى بكه‌ت.
هەروەسا لدووڤ بریاره‌كا نوو ژى وه‌لاتى دشێن ب پێدانا 250 هزار دیناران د ماوێ دوو ده‌مژمێران دا ببنه خودان پاسپورت، رێڤه‌به‌رێ پاسپۆرتا سلێمانیێ ژی د كونگره‌كا رۆژنامه‌ڤانی دا راگه‌هاند هه‌ر وه‌لاتیه‌كێ بڤێت ناڤ و ناسناڤ و ژیێ خوە بگوهۆریت دشێت راسته‌وخو سه‌رەدانا په‌یجێ وه‌زاره‌تا نافخۆ بكه‌ت و پشتى 15 روژان به‌رسڤا وى دێ هێته دان.
ژ ئەگەرێ گه‌رمێ شەش کەسان ل کەنەدا گیانێ خوە ژ دەستدا
ئەڤرۆ نیوز ، زنار تۆڤی:
ژ به‌ر وێ پێلا گه‌رمێ یا ئەڤ سالە ب سه‌ر چەندین ده‌ڤه‌رێن كه‌نه‌دا دا هاتی، شه‌ش كه‌سان ل باژێرێ مۆنتریال ژیانا خوه ژ ده‌ست دا.
كه‌نالێ سی بی سی نیۆز راگه‌هاند: پێلا گه‌رمێ پرانیا ده‌ڤه‌رێن ناڤه‌ند و رۆژهه‌لاتا كه‌نه‌دا ڤه‌گه‌رتینه و به‌رپرسێن باژێرێ مۆنتریال ره‌وشا ئاوارته ل سه‌رانسه‌ری باژێری راگه‌هاندیه. ئاشكرا ژی كر : تا نها ژ به‌ر پێلا گه‌رمێ شه‌ش كه‌سان ل باژێرێ مۆنتریال ژیانا خوه ژ ده‌ست دایه.
ژ ئالیێ خوه‌ڤه نۆشدار میلین دروان، رێڤه‌به‌را گشتی یا ساخله‌میا باژێرێ مۆنتریال بۆ كه‌نالێ ناڤهاتی دیاركر: ئه‌و یێ بزاڤان دكه‌ن سیناریۆیا سالا 2010 دوباره نه‌بیت، چونکو ل وی دەمی 106 كه‌سان ژ به‌ر گه‌رمێ ژیانا خوه ژ ده‌ستدابوو.
پارێزگه‌هه‌كا دى ل عيراقێ ژبه‌ر گه‌رمێ سوباهى بێهنڤه‌دانا فه‌رمى راگه‌هاند
ئه‌ڤرۆنيوز:
پشتى پارێزگه‌ها ميسان ل باشوورێ عيراقێ، ژبه‌ر بلندبوونا پلێن گه‌رمێ بۆ دسه‌ر 50 پلان دا، سوباهى كريه بێهنڤه‌دانا فه‌رمى ل داموده‌زگه‌هێن حكومى، ئه‌ڤرۆ پارێزگه‌هه‌كا دى يا عيراقێ سوباهى بێهنڤه‌دانا فه‌رمى راگه‌هاند.
دوره‌يد ئه‌لبه‌غدادى، رۆژنامه‌ڤان ژ باژێرێ به‌عقووبه سه‌نته‌رێ پارێزگه‌ها ديالا، بۆ ئه‌ڤرۆنيوز گۆت” ژبه‌ر بلندبوونا پلێن گه‌رمى ل پارێزگه‌ها ديالا ئه‌ڤرۆ موسه‌نا ئه‌لتميمى پارێزگه‌رێ ديالا بريار دا سوباهى پێنجشه‌مبى 5/7/2018 ببيته بێهنڤه‌دانا فه‌رمى ل هه‌موو اموده‌زگه‌هێن حكومى ل وێ پارێزگه‌هێ”.
دوره‌يدى گۆت ژى” بێهنڤه‌دان رێڤه‌به‌ريا ساخله‌ميا ديالا ورێڤه‌به‌ريێن ب سه‌ر ڤه ناگريت”.
ل شنگالێ گەنجەکی د روودانەکێ دا گیانێ خوە ژ دەست دا
زاخۆ بۆ جارا 20 هاته دوراندن
ئه‌ڤرۆنيوز:
دچارچۆڤێ گه‌را 25 ژ خۆلا عيراقى يا ناياب بۆ ته‌پا پێ، ئه‌ڤرۆ چارشه‌مبى يانا زاخۆ ل گه‌ل مێهڤاندارا خوه يانا كاره‌با هاته دوراندن ب ئه‌نجامێ 0-1.
گۆلا يانا كاره‌با ل خۆله‌كا 10 ژ ياريێ ژلايێ ياريكه‌رێ وێ ڤه مسته‌فا عه‌لى هاته تۆماركرن.
ب ڤى ئه‌نجامى زاخۆ هه‌ر ل جهێ خوه ما ل رێزا 20 ودووماهيێ درێزبه‌ندا خۆلێ دا ب 18 خالان ويانا كاره‌با خالێن خوه گه‌هاندنه 54 خالان ول رێزا پێنجێ دهێت.
ئه‌ڤ دوراندنه دبيته يا 20كو يانا زاخۆ تووشى دبيت دخۆلا عيراقى يا ئه‌ڤ ساله‌دا كو تنێ سێ سه‌ركه‌فتن ب ده‌ستڤه‌ئيناينه و12 وه‌كهه‌ڤى.
ئيماراتێ ده‌ست ب سه‌ر مولكێ وه‌لاتيێن ئيرانێ دا گرت
ئه‌ڤرۆ نيوز، فاتما مزوورى:
ئيماراتێ ده‌ست ب سه‌ر مولك و مال و وان كۆمپانيێن ئيرانى دا گرت يێن كو ناڤێن خودانێن وان د ليستا تيرۆرێ دا هه‌ين.
ده‌سته‌يا مولك و مالان ل ئيمارات راگه‌هاند كو ئه‌وان ده‌ست ب بلۆككرنا 9 وه‌لاتيان و كۆمپانيه‌كێ كريه.
ڤێ ده‌سته‌يێ بێى كو چو پێزانينان ل سه‌ر وان كه‌سان به‌لاڤ بكه‌ت راگه‌هانديه كو ژبلى وان كه‌سێن كو ناڤێن وان د ليستا تيرۆرێ دا، سامانێن چو وه‌لاتيه‌كى نه‌هاتينه بلۆككرن.
هه‌رديسا به‌حس ل وێ چه‌ندێ ژى كريه كو ئه‌و كه‌سێن سامانێن وان هاتينه بلوككرن، مليۆنێن دۆلاران ژبۆ هێزا قودس هنارتينه و هێزا قودس ژى سه‌ر ب پاسدارێن ئيرانێ ڤه يه و نوكه د ناڤ ليستا تيرۆرێ دايه.
وه‌زيرێ ده‌رڤه يێ رۆسيا و ئوردن ل مۆسكۆ كۆمبوون
ئه‌ڤرۆ نيوز، فاتما مزوورى:
وه‌زیرێ ده‌رڤه یێ روسیا سیرگی لاڤرۆڤ ل موسكو دانوستاندن ل گه‌ل هه‌ڤپيشه‌يێ خوه یێ ئۆردن ئه‌یمه‌ن سه‌فه‌دی ده‌رباری سوریا كرن.
ب سه‌ده‌ما به‌رده‌وامیا شه‌ر و ئالۆزیان ل باشوورێ سوریا و زێده‌بوونا هژمارا په‌نابه‌ران ل سه‌ر سنورێ ئۆردن و ئسرائیل ل گه‌ل سوریا، وه‌زیرێ ده‌رڤه یی ئۆردنێ سه‌ردانا روسیا كریه و دهێته پێشبینی كرن كو ره‌وشا پارێزگه‌ها د‌رعا و باشوورێ سوریا ل گه‌ل هه‌ڤپيشه‌يێ خوه یی روسی گه‌نگه‌شه كربن.
ب گۆری ئاژانسا روسیا توده‌يى، وه‌زاره‌تا ده‌رڤه یا روسیا گۆتیه هه‌ردو وه‌زیر دێ د كۆمبوونا خوه دا مژارێن نێڤده‌وله‌تی و هه‌رێمی و پرسا ده‌ڤه‌را كێمكرنا ئالۆزیان ل سوریا و باشوورێ رۆژئاڤایی سوریا گه‌نگه‌شه بكه‌ن.
ماكرۆن: ئابووره‌كێ باش ل ئه‌فريقيا تيرۆرێ ناهێليت
ئه‌ڤرۆ نيوز، فاتما مزوورى:
سه‌رۆكێ فره‌نسا ئیمانوێل ماكرۆن راگه‌هاند كو هه‌گه‌ر سه‌ركردێن وه‌لاتێن ئه‌فریقیا ئاسایش و ئابووریه‌كێ باش ل ده‌ڤه‌رێ ئاماده بكه‌ن، ئالۆزیێن ئه‌فریقیا دێ چاره بن.
د سه‌ردانا خوه دا بۆ نا‌یژیریا، سه‌رۆكی فره‌نسا ل گه‌ل هه‌ڤشانێ خوه یێ نایژیری محه‌مه‌د بوخاری كۆمبوو و د پشت را د كونفرانسه‌كێ رۆژنامه‌ڤانیێ هه‌ڤپشك دا ماكرۆن راگه‌هاند كو فره‌نسا و نا‌یژیریا د رژدن د واری رووبرووبوونا تیرۆرێ دا و دێ هاریكاریا هه‌ڤدو كه‌ن.
ماكرۆن گۆتژی: “یا گرنگ ئه‌وه هه‌بوونا مه ل ئه‌فریقیا هه‌بيت ب تایبه‌ت ل كه‌ناران، ئه‌م دخوازين كارى ل وێرێ ئه‌نجام بده‌ين و به‌رسينگێ تیرۆرێ بگريت ب تایبه‌ت ل مالی.
ژ لایی خوه ڤه سه‌رۆكێ نا‌یژیریا راگه‌هاند كو وی ل گه‌ل سه‌رۆكێ فره‌نسا پرسێن ئاسایش و ئابووری و په‌یوه‌ندیێن هه‌ردۆ ئالیان گه‌نگه‌شه‌كرن.
نيشاندان
WP Facebook Auto Publish Powered By : XYZScripts.com