ئه‌ڤرۆنيوز:

ياريكه‌رێ عيراقى ئوسامه‌ ره‌شيد شيا بچيته‌ دديرۆكا خۆلا پورتۆغالى يا ناياب دا ب رێيا توماركرنا وى بۆ ئێكه‌مين گۆلا عيراقى د وێ خۆلێ دا.

ئوسامه‌ ره‌شيد، شيا د ياريا يانا وى سانتا كلارا ل گه‌ل يانا بوافيستا ئه‌وا ب دووماهى هاتى ب ئه‌نجامێ 4-2 بۆ سانتا كلارا، شيا گۆلا چارێ تۆمار بكه‌ت ل خۆله‌كا دووماهيێ ژ ياريێ.

يانا سانتا كلارا نوكه‌ ل رێزا 8 دهێته‌ ل رێزبه‌ندا خۆلا پورتۆغالى ب 5 خالان.

ئه‌ڤرۆنيوز:

د ياريا خوه‌ يا ئه‌ڤ شه‌ڤه‌ دا يانا ريال مه‌دريد سه‌ركه‌فتنه‌كا مه‌زن ل سه‌ر يانا ليجانيس توماكر وهاته‌ رێزا ئێكێ درێزبه‌ندا خۆلا ئيسپانى يا ته‌پا پێى دا.

يانا ريال مه‌دريد ل سه‌ر ياريگه‌ها خوه‌ ب ئه‌نجامێ 4-1 ل سه‌ر يانا ليجانيس ب سه‌ركه‌فت وگۆلێن وێ ژلايێ ياريكه‌ران كاريس بيل خۆله‌كا 17 وكه‌ريم بنزيما دو گۆل ل خۆله‌كێن 48 و61 وسيرجيۆ راموس ل خۆله‌كا 66 هاتن تۆماركرن وگۆلا ئێكانه‌ يا ليجانيس ل خۆله‌كا 24 ژلايێ ياريكه‌ري وێ جويدى كاريبۆ هاته‌ تۆماركرن.

ب ڤى ئه‌نجامێ يانا ريال مه‌دريد هاته‌ سه‌رێ رێزبه‌ندا خۆلا ئيسپانى ب كۆمكرنا 9 خالا ژ سێ ياريان ويانا ليجانيس ژى ل رێزا ب خاله‌كێ ل رێزا 19 وبه‌رى دووماهيێ دهێت.

ئه‌ڤرۆنيوز:

د ياريا سيێ ددوڤ ئێك دا يا يانا يوڤه‌نتوس دخۆلا ئيتالى دا، كريستيانۆ رونالدۆ نه‌شيا چو گۆلان تومار بكه‌ت.

يانا يوڤه‌نتوس هه‌لگرا ناسناڤێ خۆلا ئيتاليا د حه‌فت وه‌رزێن بۆرى دا ئه‌ڤرۆ شه‌مبيێ 1/9/2018 ل ده‌رڤه‌ى ياريگه‌ها خوه‌ ل سه‌ر يانا بارما ب سه‌ركه‌فت ب ئه‌نجامێ 2-1.

هه‌ردو گۆلێن يوڤه‌نتوس ژلايێ ياريكه‌ران ماريۆ ماندجوكيتش وبلاز ماتويدى ل خۆله‌كێن 2 و58 هاتنه‌ توماركرن وگۆلا يانا بارما ل خۆله‌كا هاته‌ تۆماركرن.

ب ڤى ئه‌نجامێ يانا يوڤه‌نتوس خالين خوه‌ گه‌هاندنه‌ 9 خالان ژسێ ياريان كو دوان هه‌موويان دا سه‌ركه‌فتن توماركريه‌.

دوان هه‌رسێ سه‌ركه‌فتنان دا، يوڤه‌نتوس حه‌فت گۆل توماركرينه‌ و كريستيانۆ رونالدۆ چو گۆل ژوان  تومار نه‌كرينه‌.