NO IORG
نووترين نووچه
Facebook

112

ئه‌ڤرۆ نيوز، فاتما مزوورى:

دادگه‌هه‌كێ ل كوالالا‌مپۆر ئه‌ڤرۆ تومه‌تا گه‌نده‌لیێ ئاراسته‌يى سه‌رۆك وه‌زیرێن به‌رێ یێن مالیزیا كر كو د چارچوڤێ ڤه‌كۆلينا ده‌ربارێ دزینا ملیونێن دۆلاران ژ سه‌ندوقه‌كا‌ حكومی دا‌ دوهی هاتبوو گرتن.

ب گۆره‌ی فرانس پرێس دادگه‌هێ سێ تومه‌تێن گرێدايی ب نه‌ پاراستنا ئه‌مانه‌تێ و تومه‌ته‌ك ژی گرێدايی ب وه‌رگرتنا به‌رتیلان ب رێژه‌یا زێده‌تری 10 ملیون دۆلاران ئاراستهي‌ی نه‌جیب عه‌بدولره‌زاق سه‌رۆك وه‌زیرێن به‌رێ یێن مالیزیا كر و سزایێن ڤان تومه‌تان دگه‌هنه‌ 20 سال زيندانكرنێ.

نه‌جیب عه‌بدولره‌زاق ژ سالا 2009 هه‌تا 2018ێ‌ سه‌رۆك وه‌زیرێن مالیزیا بوو، گۆمان هه‌یه‌ كو وی 640 ملیۆن یۆرۆ دزی ين، به‌لێ ناڤبری وێ یه‌كێ ره‌ت دكه‌ت.

330

ئه‌ڤرۆ نیوز ، نه‌وزاد هلۆرى:

هونه‌رمه‌نده‌كێ كویه‌ ب تێكه‌لكرنا ئاخا ره‌ش و ئاخا سوور كو ده‌ربرین ژ تازى و خوینێ دكر ، ل گه‌ل ره‌نگێ ئاڤێ كو ده‌ربرین ژ ئاشتیێ دكر كربوو ته‌قن و ب سه‌رێ خوه‌ دا كر ، وه‌كو هه‌لویسته‌كێ هونه‌رى به‌رامبه‌ر گرتنا رێیا هه‌ولێر – كه‌ركوك ل خالا پردێ كو د روودانێن 16ێ ئوكتوبه‌را سالا بۆرى هه‌تا نها هاتیه‌ گرتن.
هونه‌ر تاهر، بۆ ئه‌ڤرۆ نیوز گۆت : (نێزیكێ ساله‌كێ یه‌ ژ ئه‌نجامێ روودانێن 16ێ ئوكتوبه‌رێ رێیا سه‌ره‌كى یا دناڤبه‌را هه‌ولێر و كه‌ركوكێ ل خالا پردێ هاتیه‌ گرتن و وه‌لاتى نه‌شێن هاتنوچوونێ بكه‌ن، چ ب مه‌ره‌ما سه‌ره‌دان بیت، یان ژى بارزگانى و ئه‌ڤه‌ ژى بوویه‌ئه‌گه‌ر كو هاتنوچوون ل رێیا كویه‌ زێده‌ بیت و رودانێن مه‌ترسيدار ل په‌ى درۆست ببن، ژبه‌رڤى چه‌ندێ وه‌كو هه‌لویسته‌كێ هونه‌رى من ئاخا سوور كو ره‌نگێ خوينێ یه‌ و ئاخا ره‌ش كو ره‌نگێ تازیێ یه‌ ل گه‌ل ئاڤا سپى كو ره‌نگێ ئاشتیێ یه‌ تێكه‌ل كرن و كره‌ ته‌قن و ب سه‌رێ خوه‌ دا كر، به‌لكو ئه‌ڤ چه‌نده‌ ببیته‌ ئه‌گه‌ر كو دلێن به‌رپرسێن مه‌ نه‌رم ببیت و دوباره‌ رێیا هه‌ولێر و كه‌ركوك بهێته‌ڤه‌كرن).
زێده‌تر گۆت: (ئه‌ڤ جۆرێ هونه‌رى ناڤێ وى هونه‌رێ سه‌ر جادێ يه‌ و ل گه‌له‌ك وه‌لاتێن جیهانێ يێ هه‌ى‌ و من ژى ڤیا ب ڤى شێوه‌ى ده‌ربرینێ ژ قوربانیدانا خه‌لكى بكه‌م كو رۆژانه‌ ژبه‌ر قه‌ره‌بالغێ ل سه‌ر رێیا كویه‌ دبنه‌ قوربانى و پێدڤیه‌ هونه‌رمه‌ند و خه‌لكێ كوردستانێ ب گشتى هه‌مبه‌رى زولم و سته‌مێ بێ ده‌نگ نه‌بن و هه‌ر ئێك ژلایێ خوه‌ڤه‌ ب ره‌نگه‌كێ ببیته‌ هاریكار داكو جاره‌ك دن ژیانه‌ك نوو بۆ خه‌لكى بزڤریت ڤه‌).
هونه‌رمه‌ندێ ناڤبرى كو خه‌لكێ قه‌زا كویه‌ یا سه‌ر ب هه‌ولێرێ یه‌ و د چه‌ندین ڤیسته‌ڤالێن ناڤخوه‌يى و نێڤده‌وله‌تى پكشدارى د كارێن هونه‌رى و هونه‌رێ سه‌رجادێ كریه‌ و په‌رتۆكه‌كا تایبه‌ت ژى دڤى بیاڤى دا نڤیسایه،‌ زێده‌تر گۆت: (هونه‌رێ سه‌ر جادێ ده‌ربرینا خواست و داخوازیێن خه‌لكى یه‌ ب ره‌نگه‌كێ جیاواز و ده‌هان كه‌سایه‌تى و هونه‌رمه‌ند و خه‌لكى ده‌ستخوه‌شى ل من كر ل سه‌ر هه‌لویستێ من و سوپاسیا رێڤه‌به‌ریا هاتنوچوونا كویه‌ دكه‌م كو ئه‌ز پاراستيم ل ده‌ما ب رێڤه‌چوونا هونه‌رێ من ل سه‌ر رێیا گشتى یا كویه‌).

171

ئه‌ڤرۆنيوز:

لژنا بلند يا هه‌لبژارتنان ل توركيا، ئه‌ڤرۆ چارشه‌مبى ئه‌نجامێن دووماهيێ يێن هه‌لبژارتنێن سه‌رۆكاتيێ وپه‌رله‌مانى ل وى وه‌لاتى به‌لاڤكرن، كو ل رۆژا 24/6/2018 هاتبوونه‌ ئه‌نجامدان.

دوان هه‌لبژارتنان دا، پارتيا ديموكراتيا گه‌لان (هه‌ده‌په‌) 11.7% ژ ده‌نگان ب ده‌ستڤه‌ئيناينه‌.

لژنا بلند يا هه‌لبژارتنان ل توركيا راگه‌هاند، ره‌جه‌ب ته‌يب ئه‌ردۆگان به‌ربژارێ سه‌رۆكاتيا كۆمارێ 52.59% ژ ده‌نگان ب ده‌ستڤه‌ئيناينه‌.

ل دووڤ ئه‌نجامێن دووماهيێ يێن هه‌لبژارتنێن توركيا، پارتيا داد وگه‌شه‌پێدان كو پارتا ئه‌ردۆگانى يه‌، ژ سه‌رجه‌مێ 600 كورسيێن په‌رله‌مانى 295 كورسى بده‌ستڤه‌ئيناينه‌ ورێژا كورسيێن وێ پارتێ دبيته‌ 42.56% ژ ده‌نگان.

هه‌روه‌سا پارتيا گه‌لێ كۆمارى ( جه‌هه‌په‌) 146 كورسى، پارتيا ديموكراتيا گه‌لان (هه‌ده‌په‌) 67 كورسى، پارتيا نه‌ته‌وى توركيا (مه‌هه‌په‌) 49 كورسى، ئى پارتى 43 كورسى ل په‌رله‌مانێ توركيا بده‌ستڤه‌ئيناينه‌.

دياركر ژى كو ئه‌ردۆگانى 26 مليۆن و330 هزار و823 ده‌نگ بده‌ستڤه‌ئيناينه‌ كو دبيته‌ 52.59% ژ ده‌نگان و موحه‌ره‌م ئينجه‌ 30.64% ژ ده‌نگان ئيناينه‌ و سه‌لاحه‌دين ده‌ميرتاش 8.40% ژده‌نگان بده‌ستڤه‌ئيناينه‌ ومه‌رال ئاكشنه‌ر 7.29% ئيناينه‌.

205

ئه‌ڤرۆنيوز:

راپۆرتێن رۆژنامه‌ڤانى ژ مونديالا رووسيا ئاماژێ دده‌ن كو لويس سوارێزى خوه‌ ژ راهێنانێن هه‌لبژارتيێ ئوروگواى ڤه‌كێشا پشتى هه‌ست ب ئێشانا پێ خوه‌ كرى.

به‌لاڤكرن ژى كو دبيت هنگافتنا سوارێزى يا ب ساناهى بيت، به‌لێ راهێنه‌رێ ئه‌روگواى هه‌ست ب دلته‌نگيێ دكه‌ت ژبه‌ركو د ياريا ئه‌روگواى دا ل به‌رامبه‌ر پورتۆگال هێرشبه‌رێ ئوروگواى كافانى هه‌ست ب ئێشانێ پێ خوه‌ كربوو وهاته‌ گوهارتن كو شيابوو دوێ ياريێ دا هه‌ردو گولێن ئوروگواى تۆمار بكه‌ت.

دياركرن ژى كو دبيت كافانى د ياريا چارێك دووماهيێ دا ل به‌رامبه‌ر فره‌نسا نه‌كه‌ت وهه‌تا نوكه‌ پشكداريا سوارێزى ژى يا ديار نينه‌.

ل رۆژا ئه‌ينيێ 6/7/2018 دئێكه‌م ياريا قۆناغا چارێك دووماهيێ يا مونديالا رووسيا، هه‌لبژارتيێ ئوروگواى دێ ل گه‌ل هه‌لبژارتيێ فره‌نسا كه‌ت.

72

ئه‌ڤرۆنيوز:

شاره‌زايه‌كێ قانوونى يێ عيراقى دداخۆيانيه‌كێ دا بۆ ئه‌ڤرۆنيوز راگه‌هاند، پشتى ب دووماهى هاتنا ده‌مێ ته‌شريعى يێ په‌رله‌مانێ عيراقێ، ل 30 هه‌يڤا بۆرى، حوكمه‌تا نوكه‌ يا حه‌يده‌ر عه‌بادى، حوكمه‌تا ب رێخستنا كاران نينه‌، به‌لكو هه‌موو ده‌ستهه‌لات يێن هه‌ين.

تارق حه‌رب، شاره‌زايێ قانوونى يێ عيراقى بۆ ئه‌ڤرۆنيوز گۆت” حوكمه‌تا عيراقى يا نوكه‌ پشتى ب دووماهى هاتنا ده‌مێ په‌رله‌مانى، ناهێته‌ هژمارتن حوكمه‌تا ب رێخستنا كاران، ژبه‌ركو حوكمه‌ت وى ده‌مى دبيته‌ يا رێخستنا كاران ده‌مێ باوه‌رى ژێ دهێته‌ ڤه‌كێشان، يان په‌رله‌مان بهێته‌ هه‌لوه‌شاندن به‌رى ب دووماهى هاتنا ده‌مى وى يێ ته‌شريعى”.

زێده‌تر گۆت” رۆژا دوهى  3/7/2018 قۆناغا ئێكێ ژ قۆناغێن دستوورى وقانوونان دياركرين وه‌كو قانوونا كۆمسيۆنا هه‌لبژارتنان يا هژمار 7 ل سالا 2011 بۆ گه‌هشتنێ ب حوكمه‌تا نوو ل شوينا حوكمه‌تا نوكه‌ ئه‌وا هه‌موو ده‌ستهه‌لات هه‌ين”.

ل دووڤ بۆچوونا تارق حه‌رب، حوكمه‌ت دبيته‌ حوكمه‌تا رێخستنا كاران، ده‌مێ باوه‌رى ژێ دهێته‌ ڤه‌كێشان وده‌مێ په‌رله‌مان به‌رى ب دووماهى هاتنا ده‌مێ وى، دهێته‌ هه‌لوه‌شاندن”.

گۆت ژى” كێمكرنا ده‌ستهه‌لاتێن حوكمه‌تا نوكه‌ پێدڤى ب هه‌بوونا برگه‌كا دستوورى يه‌ كو به‌حس ل وێ چه‌ندێ دكه‌ت”.

1169

ئه‌ڤرۆ نیوز:

ده‌مه‌كێ كێم به‌رى نوكه‌ ئاگر به‌ربوو‌ موه‌ليدێ كاره‌با ئۆتێلا هه‌لال ل سه‌نته‌رێ باژێرێ دهۆكێ و د ئه‌نجام دا دو ترومبێل و موه‌لیده‌كێ كاره‌بێ سوتن و چه‌ند زیان گه‌هشتن ئۆتێلێ ژى.

بێوار عه‌بدولعه‌زیز، به‌رپرسێ راگه‌هاندنا به‌ره‌ڤانيا باژێرى ل دهۆكێ بۆ ئه‌ڤرۆ نیوز گۆت: (ژ ئه‌نجامێ ڤالاكرنا گازوایلێ د گه‌رمایێ دا ، ده‌مه‌كێ كێم به‌رى نوكه‌ ئاگر به‌ربوویه‌ موه‌لیدێ كاره‌با ئۆتێلا هه‌لال ل سه‌نته‌رێ باژێرێ دهۆكێ و د ئه‌نجام دا دو ترومبێل و موه‌لیده‌كێ كاره‌بێ سوتن و چه‌ند زیان گه‌هشتنه‌ قاتێ ئێكێ یێ ئۆتێلا ناڤبرى ژى)

 زێده‌تر گۆت: (ئاگرێ روودانێ ژلایێ تیمێن ئاگرڤه‌مراندنێ هاتیه‌ كونترولكرن ، دخوازین كو وه‌لاتى و خودان جهێن ده‌ڤه‌رێ د ده‌ما گه‌رمایێ دا كار ل سه‌ر وان ئامیران نه‌كه‌ن كو دبیته‌ ئه‌گه‌رێ ئاگر به‌ربوونێ، ژ به‌ركو زیانێن مه‌زن ل پشت خوه‌ د هێلیت).

36592291_2041801639185508_1517349934938980352_n 36585490_2041801659185506_4483311224066408448_n 36652549_2041801549185517_1116116005702074368_n 36663292_2041801575852181_5254981401068961792_n 36585522_2041801612518844_6596241834400284672_n

56

ئه‌ڤرۆنيوز:

سه‌رۆك مه‌سعود بارزانى ئه‌ڤرۆ چارشه‌مبى 4/7/2018 پێشوازى ل رائيد فه‌همى سكرتێرێ حزبا شيوعى يا عيراقى كر وشاندێ دگه‌لدا كر.

دديداره‌كێ دا، سكرتێرێ حزبا شيوعى يا عيراقى ديتنا حزبا خوه‌ ل دۆر پرۆسا سياسى ل عيراقێ وقۆناغا پشتى هه‌لبژارتنێن په‌رله‌مانێ عيراقێ بۆ سه‌رۆك بارزانى شرۆڤه‌كر وهيڤى خوسات كو پشتى ده‌ركه‌فتنا ئه‌نجامێن فه‌رمى، هه‌موو لايه‌ن بشێن هه‌ڤپشك بن دپرۆسا سياسى دا ل عيراقێ.

شاندێ مێهڤان دووپاتى ل وێ چه‌ندێ كر كو حزبا شيوعى يا عيراقى دخوازيت هه‌موو لايه‌ن پشكداريا راسته‌قينه‌ د حوكمه‌تا داهاتى يا عيراقێ دا بكه‌ن، هه‌روه‌سا به‌رچاڤكر كو دخوازيت هه‌ڤپه‌يمانيا سائيرون هه‌لويستێ ئه‌رێنى ل سه‌ر داخوازيێن مافێن گه‌لێ كوردستانێ هه‌بيت.

ژلايێ خوه‌ڤه‌ سه‌رۆك بارزانى رێز وپێزانين هه‌بوو بۆ هه‌لويستێ حزبا شيوعى يا عيراقى ودياركر كو پێدڤيه‌ پێكئينانا حوكمه‌تا داهاتى يا عيراقێ ل سه‌ر بنه‌مايێ سێ پره‌نسيبى ( هه‌ڤپشكى وسازان وهه‌ڤسه‌نگى) بيت وهه‌روه‌سا بجهئينانا وان بنه‌مايان پێدڤى ب دياركرنا گره‌نتى وميكانێزمه‌كا رۆهن وئێكلاكرنا هه‌موو هوورده‌كاريانه‌، ئه‌وژى پێدڤيه بهێته‌ ئه‌نجامدان‌ به‌رى دياركرنا كه‌سان بۆ وه‌رگرتنا پۆستان، هه‌روه‌سا ل ده‌ف هه‌رێما كوردسانێ پره‌نسيب وميكانيزما بجهئينانێ وهه‌بوونا گره‌نتيێ ئه‌وله‌ويه‌تا سه‌ره‌كى يه‌، نه‌كو كه‌س وپۆست.

 

103

ئه‌ڤرۆنيوز:

په‌يڤدارێ ده‌سته‌يا گشتى يا گه‌شتوگوزارێ ل هه‌رێما كوردستانێ دداخۆيانيه‌كێ دا بۆ ئه‌ڤرۆنيوز راگه‌هاند، دكۆمبوونه‌كا هه‌موو رێڤه‌به‌رێن ب سه‌ر ده‌سته‌يا گشتى يا گوشتوگوزارێ ڤه‌ ل هه‌رێما كوردستانێ به‌حس ب پێشڤه‌برنا كه‌رتێ گه‌شتيارى وزێده‌كرنا راكێشانا گه‌شتياران بۆ هه‌رێما كوردستانێ هاته‌ كرن.

نادر روستى، په‌يڤدارێ ده‌سته‌يا گشتى يا گوشتوگوزارێ ل هه‌رێما كوردستانێ بۆ ئه‌ڤرۆنيوز گۆت” دكۆمبوونه‌كێ دا ب سه‌رپه‌رشتيا سه‌رۆكێ ده‌سته‌يا گشتى يا گه‌شتوگوزارێ ل هه‌رێما كوردستانێ وهه‌موو رێڤه‌به‌رێن ب سه‌ر ده‌سته‌يا ناڤبرى ڤه ل هباژێر وباژێركێن هه‌رێما كوردستانێ كو ل رێڤه‌به‌ريا گه‌شتوگوزارار شه‌قلاوه‌ هاتيه‌ ئه‌نجامدان، به‌حس ل پێشڤه‌برنا شيانێن كارمه‌ندان ودابينكرنا خزمه‌تگوزاريێن بلند وسه‌رده‌ميانه‌ وزێده‌تر راكێشانا گه‌شتياران وزێده‌تر ناساندنا جهێن گه‌شتيارى هاته‌ كرن”.

روستى گۆت ژى” به‌رهه‌ڤيێن كۆمبوونێ هاتنه‌ راسپاردن كو كارێن جدى بكه‌ن بۆ راكێشانا گه‌شتياران ورازيكرنا وان وچالاكيێن گه‌شتوگوزارى ل ده‌ڤه‌رێن خوه‌ زێده‌تر لێ بكه‌ن”.

391

ئه‌ڤرۆنيوز:

پارێزگه‌ها ميسان ل باشوورێ عيراقێ بريار دا سوباهى پێنجشه‌مبى 4/7/2018 ببيته‌ بێهنڤه‌دانا فه‌رمى ل هه‌موو داموده‌زگه‌هێن حكومى.

حه‌يده‌ر ئه‌لجيزانى، ژ راگه‌هاندنا پارێزگه‌ها ميسان بۆ (ئه‌ڤرۆنيوز) گۆت” جڤاتا پارێزگه‌ها ميسان ئه‌ڤرۆ چار شه‌مبى بريار دا كو سوباهى پێنجشه‌مبى، ژبه‌ر بلندبوونا پلێن گه‌رمێ ل پاريزگه‌هێ، ببيته‌ بێهنڤه‌دانا فه‌رمى ل هه‌موو داموده‌زگه‌هێن حكومى ل پارێزگه‌ها ميسان”,

ئه‌لجيزانى گۆت ژى” ل دووڤ راپۆرتێن كه‌شناسيێ ئه‌وێن بۆ مه‌ هاتينه‌ هنارتن، سوباهى پلا گه‌رمێ ل پارێزگه‌ها ميسان دێ گه‌هێته‌ 50 “.

ئاماژه‌ دا” ل دووڤ رێنمايان، هه‌كه‌ پلێن گه‌رمێ بگه‌هنه‌ 50 پلان، هه‌ر پارێزگه‌هه‌كێ ل عيراقێ ماف يێ هه‌ى بێهنڤه‌دانا فه‌رمى ب راگه‌هينيت”.

نيشاندان1...1,0002,0001,6791,6801,6812,6803,680...4,226زێده‌تر لاپه‌ر 1,680 ژ 4,226
مالپه‌رێ فه‌رمى یێ رۆژناما ئه‌ڤرۆ یه‌ .
ئاگــــــه‌هــــــداری نـــــوویـــــــاتیـــــــان ببــــه‌ .
په‌یوه‌ندی : rojnameyaevro@gmail.com
website security
© Copyright 2021 - Rojnameya Evro - Powered by Kurdo Plus
73 queries in 1.434 seconds.
WP Facebook Auto Publish Powered By : XYZScripts.com