عيراق ژ ليستا چاڤدێريا سپيكرنا پاران و هاريكاريا تيرۆرێ هاته‌ ده‌ر

04/07/2018 10:28

168

ئه‌ڤرۆ نيوز، فاتما مزوورى:

بانکا ناڤەندی یا عیراقێ راگەھاند کو عیراق ب فەرمی ژ لیستا چاڤدێریکرنا نێڤدەولەتی بو سپیکرنا پاران و پشتەڤانیکرنا داراییا تیرۆرێ ھاتیە دەرخستن.
د داخویانیەکێ دا، بانکا ناڤەندی ئاماژە ب وێ یەکێ کر کو دەستەیا، کارێن دارایی یێن نێڤدەولەتی ب فەرمی راگەھاندیە: عیراق ژ لیستا چاڤدێریکرنێن نێڤدەولەتی و سپیکرنا پاران و ھەروەسا پشتەڤانیکرنا داراییا تیرۆرێ ھاتیە دەرخستن. ب سەدەما وێ یەکێ، کو بانکا ناڤەندی نڤیسینگەھا روو ب رووبوونا سپیکرنا پاران و پشتەڤانیکرنا دارییا تیرۆرێ و پێگیری ب رێنمایێن دەستەیێ بووینە.
بانکا ناڤەندیا عیراقێ، ھەروەسا راگەھاندیە کو عیراقێ رێنماییێن دەستەیا نێڤدەولەتیا دارایی بجھئیناینە، ھەروەسا داخوازیێن روو ب رووبونا سپیکرنا دارایی و پشتەڤانیا دارایی ب جھ گەھاندیە.
جھێ ئاماژێ یە، عیراق ل سالا 2012ێ کەفتبوو د ناڤا لیستێن چاڤدێری کرنا پشتەڤانێن دارایی یێن تیرۆر و سپیکرنا پاران.

ئەڤرۆ پارتی و ئێكەتی دێ كۆم بن

04/07/2018 09:44

ئەڤرۆ نیوز ، زنار تۆڤی:

وەسا بریارە نیڤرۆ یا ئەڤرۆ كۆمبوونەک دناڤبەرا مەكتەبا سیاسی یا ئێکەتیێ و پارتی بهێتە ئەنجامدان.

ئەڤرۆ چارشەمبی چاری تەمۆزێ لدووڤ زانیاریێن ئەڤرۆ نیوز، دێ كۆمبوونەک دناڤبەرا ئەندامێن مەكتەبا سیاسیا پارتی دیموكراتی كوردستان و ئێکەتی نیشتمانی كوردستان برێڤەچیت بۆ گفتوگۆکرنێ لسەر كۆمەکا پرسان.

هەروەسا دڤێ كۆمبوونێدا دێ دەربارەی شاندێن هەڤبەش و گفتوگۆکرنێ ل گەل لایەنێن سیاسی یێن عێراقێ هێتە کرن و كۆمەکا پرسێن دیتر یێن تایبەت ب هەرێما كوردستانێ دێ گفتوگۆ لسەر هێتە كرن.

ئەوێن ڤیتامینD کێم د لەشیدا: ئاگەهداری مەترسیێن وێ بن

04/07/2018 09:21

1384

ئەڤرۆ نیوز ، زنار تۆڤی:

ڤیتامین (D) ئێكه‌ژ‌ ڤیتامینێن لەشێ مرۆڤی كو رۆلەکێ گرنگ هه‌یه‌ د‌ پێكئینانا هەستی و چه‌ند ئه‌ركێن گرنگ د لەشیدا.

د‌ رۆژگارا مە یا ئه‌ڤرۆ دا گەلەک ژ خه‌لکێ ب ده‌ست كێمیا ڤێ ڤیتامینا‌ گرنگ د‌نالن و نۆشدار ژی هۆكارێن ڤێ چەندێ بۆ خرابیا سیسته‌مێ خوارنێ و نەچوونا به‌رهەتاڤێ ب رەنگەکێ پێدڤی دگرنەبەر.

لدووڤ شارەزایێن نۆشداریێ، كێمیا ڤیتامینان چه‌ندین كێشێن مه‌ترسیدار دروست دکەن، كو دبیت تە پێشبینی نه‌كربن ژ وان كێشان ژی‌ : -

. زێدەبوونا مه‌ترسیا توشبوونێ ب پەنجەشێرا مه‌مكان.
.زێدەبوونا مه‌ترسیا توشبوونێ ب پەنجەشێرا قۆلۆن و گه‌دێ.
. هەستی خاڤ دبیت.
.خه‌مۆكی و دوودلی.
.زێدەبوونا كێشێ ب ‌شێوه‌کێ نە ساخلەم
. لاوازبوونا سیسته‌مێ به‌رگریا لەشی.
. مه‌ترسیا توشبوونێ ب‌ نه‌خۆشیێن درێژخایەن وه‌ك شه‌كرێ‌ و فشارا خوینی زێدە دکەت.
. خاڤبوونەکا به‌رده‌وام.
. تێكچوونا خه‌وێ و نەرێکوپێکی د‌ خه‌وێدا
. وەریانا پرچی و لاوازبوونا وی.
. زێدەبوونا مه‌ترسیا توشبوونێ ب رەبوویێ.

ئەڤرۆ دێ پارێزگەهێن هەرێمێ گەرمترین پلێ تۆمار کەن

04/07/2018 08:27

1270

ئەڤرۆ نیوز ، زنار تۆڤی:

رێڤەبەریا گشتی یا سەقاناسی و بیڤەلەرزان ل هەرێما کوردستانێ پێشبینیێن سەقایێ ئەڤرۆ چارشەمبی 4 تەمۆزا 2018 بەلاڤکرینە کو ب ڤی شێوێ ل خوارێ یە:

ب تنێ ل هه‌ولێرێ 119 ترۆمبێل سوتى نه‌

04/07/2018 00:17

275

ئه‌ڤرۆ نيوز:

ل دووڤ ئامارێن به‌رگريا شارستانى ل هه‌ولێرێ، ب تنێ د شه‌ش هه‌يڤێن ئه‌ڤ ساله‌دا،ل سنورێ پارێزگه‌ها هه‌ولێرێ، 119 ترۆمبێل سوتى نه‌ و ب گشتى 701 روودانێن ئاگرگه‌تنێ و خه‌ندقاندنێ رووداينه‌.

ئنگلتەرا کولومبیا دەرخست

03/07/2018 23:57

118

ئەڤرۆ نیوز:
ھەلبژارتیێ ئنگلتەرا شیا دەربازی قوناغا ھەشتێ بیت ژ موندیالا روسیا پشتی شیا ب لێدانێن پەنەلیان سەرکەفتنێ لسەر ھەلبژارتیێ کولومبیا بینت پشتی دەمێ دروست یێ یاریێ ب گۆلەکێ بۆ ھەردو ھەلبژارتیان ب دوماھی ھاتی.
د نیڤا ئێکێ یا ڤێ یاریێ دا ھەردو ھەلبژارتی نەشیان چو گۆلان توماربکەن و نیڤا ئێێ بێ گۆل ب دوماھی ھات.
د نیڤا دویێ دا ھەلبژارتیێ ئنگلتەرا شیا ب پەنەلتیێ ب رێکا کاپتنێ خوە ھاری کین گۆلا ئێکێ بۆ وەلاتێ خوە توماربکەت ل خولەکا ٥٧ ژ یاریێ، پشتی ڤێ گۆلێ ھەلبژارتیێ کولومبیا ھەمی بزاڤ کرن بشێت گۆلا وەکھەڤیێ توماربکەت لێ ھەمی ھێرشێن وان بێ مفا بون ژبەر بەرەڤانیا دژوار یا ئنگلتەرا ھەتا دەمێ زێدەکری یێ یاریێ ل خولەکا ٩٣ کولومبیا شیا ب رێکا بەرەڤانێ خوە یاری مینا گۆلا وەکھەڤیێ توماربکەت و یاری بەر ب دەمێ زێدەکری چوو چو ژ وان ھەردو ھەلبژارتیان نەشیان گۆلێ توماربکەن و یاری بەر ب لێدانێن پەنەلتیان چو د ئەنجامدان ئنگلتەرا شیا سەرکەڤیت ٤ ب ٣.
ب ڤێ ئەنجامی ئنگلتەرا شیا دەربازی قوناغا ھەشتێ بیت و دێ یاریا خوە یا بھێت ھەمبەر ھەلبژارتیێ سوید کەت ژلایێ خوە ڤە ھەلبژارتیێ کولومبیاژی خواترا خوە ژ موندیالێ خواست.

رۆنکرنەک ژ وەزارەتا دارایی ل دۆر خشتێ مووچەی

03/07/2018 21:21

1915

ئەڤرۆ نیۆز:
وەزارەتا دارایی و ئابووری یا حکومەتا ھەرێمێ د رۆنکرنەکێ دا دیارکر کو شیان دا نینە مووچەیێ وەزارەتا پێشمەرگەی و ناڤخوە و پەروەردێ ب ئێک لیست بھێت پارڤەکرن.
وەزارەتا دارایی و ئابۆری د رۆنکرن خوە دا کو ئاراستەی رایا گشتی و مامۆستایان کریە ئاماژەکریە سیستەمێ دابەشکرنا مووچە و دیارکریە: مووچە ب دو لیستەیان دھێتە دان یەک ب داھاتێ فرۆشتنا پەترۆلا ھەرێمێ و یەک ژی پارێ بەغدا دھنێریت، دوپات ژی کر دگەل گەھشتنا پارەیێ ژ بەغدا دھێت، ئێکەم وەزارەت دێ پەروەردە بیت مووچەیێ خوە وەربگریت.

وه‌لاتیه‌ك د رووبارێ خابیرى دا خه‌ندقى

03/07/2018 21:13

233

ئه‌ڤرۆ نیوز ، زنار تۆڤى:

ئه‌ڤرۆ سێشه‌مبى 4/7/2018 ب مه‌ره‌ما گه‌ریان و سه‌یرانێ هنده‌ك وه‌لاتیان ل زاخۆ قه‌ستا سه‌ر رووبارێ خابیرى كریه‌ ل نێزیك گوندێ بلێجانێ، ژ ئه‌گه‌رێ گرتنا ماسیان وه‌لاتیه‌كێ ژ وان د رووبارێ خابیرى دا خه‌ندقیه‌.

ئیلهام كه‌سه‌كێ نێزیكى وى وه‌لاتیێ خه‌ندقى یه‌ بۆ ئه‌ڤرۆ نیوز دیاركریه‌: كو ئه‌ڤرۆ هنده‌ك وه‌لاتێن گوندێ زرێزه‌ یێ سه‌ر ب ناحیا باتیفا ڤه‌ ژ زاخۆ هاتینه‌ سه‌ر خابیرى بۆ گرتنا ماسیا و سه‌یرانێ، هه‌روه‌سا پشتى وان وه‌لاتیان پێكڤه‌ فراڤین خوارى و بوویه‌ پشتى نیڤرۆ وه‌لاتیه‌ك ژ وان ب ناڤێ”سالم عه‌لى” كو دژیێ 29 سالیێ دایه‌ دوو زارۆك یێن هه‌ین چوویه‌ د رووبارێ خابیرى دا بۆ گرتنا ماسیا و ل به‌ رچاڤێن هه‌ڤالێن خوه‌ به‌رزه‌بوویه‌ و پشتى هنگێ هه‌ڤالێن وى یێن لێ گه‌ریاین لێ نه‌دیتیه‌ و پاشى تیمه‌كا نقومڤانان ژ زاخۆ هاتیه‌ و لێ گه‌ریاینه‌، لێ وان ژى نه‌دیتیه‌.

ناڤهاتى گوت ژى: لێ پشتى بانگێ ئێڤارێ و پشتى چه‌ندین كه‌س لێ گه‌ریاین شیان ته‌رمێ وى ژ ئاڤێ بیننه‌ ده‌ر و ته‌رمێ هاته‌ ڤه‌گوهاستن بۆ نۆشداریا دا ل زاخۆ و پاشى ل زاخۆ هاته‌ ڤه‌شارتن.

کچەکا 18 سالی خوە کوشت

03/07/2018 20:57

707

ئەڤرۆ نیوز،باسم قاسم شنگالی

ئەڤرۆ کچەکا ئێزدی یا 18 سالی ل کۆمەلگەها دێرەبوونێ خوە کوشت .
پاشا نایڤ کو کەسەکی نێزیکی وێ یە، بۆ ئەڤرۆ نیوز دا زانین، ئەڤرۆ ل دۆرێن دەمژمێر 06:30 ئێڤاری ل کۆمەلگەها دێرەبوونێ ل سنۆرێ قەزا زاخۆ کچەکا 18 سالی خوە کوشت و هەتا نۆکە ئەگەرێ خوە کوشتنا وێ نەهاتیە زانین.

نێچیرڤان بارزانی و شانده‌كێ ئه‌مریكی دانوستاندنێ ل دۆر ره‌وشا ده‌ڤه‌رێ دكه‌ن

03/07/2018 20:11

ئه‌ڤرۆنيوز:

سه‌رۆك وه‌زيرێن هه‌رێما كوردستانێ، نێچيرڤان بارزانى، ئه‌ڤرۆ سێشه‌مبى 3/7/2018 پێشوازى ل ليندسى گراهام سيناتۆرێ ئه‌مريكى ودۆگلاس سيليمان باليۆزێ ئه‌مريكا ل عيراقێ وكين گرۆس كونسۆلێ گشتيێ ئه‌مريكا ل هه‌رێما كوردستانێ وشانده‌كێ دبلۆماسى وله‌شكريێ دگه‌ل وان دا كر.

دديداره‌كێ دا، شاندێ ئه‌مريكى رۆلێ حوكمه‌تێ وخه‌لكێ كوردستانێ دپێشوازيكرنێ ل هژماره‌كا مه‌زن يا ئاواره‌ وپه‌نابه‌رێن ده‌ستێ تيرۆرێ بلند نرخاند، هه‌روه‌سا رۆلێ هێزا پێشمه‌رگه‌ى دنه‌هێلانا مه‌ترسيا تيرۆرێ وگه‌فێن داعشێ بۆ سه‌ر هه‌موو پێكهاتان وپاراستنا مافێن هه‌موو پێكهاتان ب رۆله‌كێ گرنگ هژمارت.

دوێ ديدارێ دا به‌حس ل مافێ پێكهاتێن جودا وره‌خساندنا كه‌شه‌كێ گونجاى بۆ ڤه‌گه‌راندنا ئاواران بۆ سه‌ر جهێن خوه‌ ودڤى بوارى دا، نێچيرڤان بارزانى به‌رهه‌ڤيا حوكمه‌تا هه‌رێما كوردستانێ بۆ هه‌ر هاريكاريه‌كێ وهه‌ماهه‌نگيه‌كێ وئاسانكاريه‌كێ به‌رچاڤكر.

ل دۆر پێكهاتنا كابينا نوو يا حوكمه‌تا عيراقێ ژى، نێچيرڤان بارزانى خواست پرۆسا سياسى ل عيراقێ به‌ر ب پێش بچيت وبه‌رهه‌ڤيا هه‌رێما كوردستانێ ژى بۆ بوون ب پشكه‌ك ژ پرۆسا سياسى وچاره‌سه‌ريێ ل عيراقێدياركر ب جۆره‌كى مافێن گه‌لێ كورد وهه‌مو پێكهاتێن دى ل دووڤ دستوورى دپاراستى بن.

به‌حسكرنا ره‌وشا ده‌ڤه‌رێ ب گشتى وره‌وشا سووريێ وعيراقێ وپێنگاڤێن بۆ كونترۆلكرنا لڤينێن ڤێ دووماهيێ يێن داعشێ ب تايبه‌تى، لايه‌نه‌كێ دى يێ ديدارێ بوو ودڤى بوارى دا رۆلێ ئه‌مريكا ب گرنگ هاته‌ هژمارتن.

نيشاندان 1...1,000 2,000 1,6821,6831,684 2,680 3,680...4,226 زێده‌تر

لاپه‌ر 1,683 ژ 4,226